ახალი ვოლვო S60

გამორჩეული დეტალები ხაზს უსვამს S60-ის ძლიერ ხასიათს და ახასიათებს მას, როგორც ვოლვოს მანქანების ახალი თაობის ერთ-ერთ წარმომადგენელს. გამორჩეულ წინა ცხაურზე ამაყად არის წარმოდგენილი ვოლვოს ემბლემა, ხოლო გრძელი ძარის ხუფი (კაპოტი) და ღრმა წინა ბამპერი გამოხატავს მის ძალას. სრულად LED ფარები ვოლვო ქარს-ის უნიკალური T-ფორმით ქმნის უზადო ვიზუალს, დღისით თუ ღამით. უკანა მხარეს, საბარგულის აწეული კიდე ანიჭებს მას სპორტულ ვიზუალს და უზრუნველყოფს გაუმჯობესებულ აეროდინამიკას სწრაფად მოძრაობისას.

S60-ს აქვს მართვის რეჟიმები, რომლებიც საშუალებას მოგცემთ, რომ მოარგოთ თქვენი მართვის სტილს. დინამიური, კომფორტული ან ეკო რეჟიმების შერჩევით, თქვენ შეგიძლიათ შეცვალოთ ძრავის რეაგირება. ავტომატური გადაცემათა კოლოფი, საჭე, მუხრუჭები და სტაბილურობის კონტროლის სისტემა. ან თქვენ შეგიძლიათ შექმნათ თქვენი საკუთარი კომბინაცია ინდივიდუალური რეჟიმის საშუალებით. დამუხტვად ჰიბრიდულ მოდელებში ასევე ხელმისაწვდომია AWD რეჟიმი.

S60 მორგებულია ენერგიულ მართვაზე. პრიალა ცენტრალური სენსორული ეკრანი არის თქვენი ინტუიტიური სამართავი ცენტრი, ხოლო უნიკალურ ჰაერის სავენტილაციო ხვრელებს აქვს თხელი, მეტალით გაფორმებული კონტროლერები ბრილიანტის-მაგვარი ზედაპირით. იგივე ზედაპირი გამოყენებულია ჩასართავი ღილაკისთვის, მართვის რეჟიმების კონტროლერისთის და საჭის კონტროლერებისთვის. R-Design-ის კომპლექტაცია ხაზს უსვამს მანქანის ათლეტურ არსს, მეტალის ბადის მქონე ალუმინისფერი დეკორის პანელებით და კონტრასტული ნაკერების მქონე სავარძლებით, წინა სავარძლებს შორის არსებული კონსოლით, კარებითა და გადაცემათა კოლოფის ზედაპირით. ინტერიერის დიზაინი მოიცავს ხის დეკორატიულ პანელებს, ხის უნიკალური დამუშავებით.

პანორამული სახურავი, რომელიც ხელმისაწვდომი S60 სერიაში, თქვენს ინტერიერს აავსებს ბუნებრივი სინათლით. ის საკმარისად დიდია იმისათვის, რომ წინა და უკანა სავარძლები მოიცვას, ხოლო სპეციალური დაბურული შუშა ამცირებს არასასურველ სიცხეს და ულტრაიისფერ რადიაციას. ის მოიცავს ელექტროენერგიაზე მომუშავე მზისგან დამცავ საფარს, რომელიც მარტივად ბლოკავს ძლიერ შუქს საჭიროების შემთხვევაში, ხოლო სახურავის წინა ნაწილი შესაძლოა იყოს აწეული ან ღია, რათა უზრუნველყოს დამატებითი ვენტილაცია.

ცენტრალური დისპლეი სენსორული ეკრანით საშუალებას გაძლევთ, რომ მარტივად დამყაროთ კავშირი თქვენს S60-თან. მას აქვს პორტრეტის ფორმატი, რომელიც ინფორმაციის მარტივად კითხვის საშუალებას იძლევა, "სქროლის" საჭიროების გარეშე, ხოლო 9-ინჩიან ეკრანს აქვს სპეციალური არეკვლის საწინააღმდეგო ზედაპირი და იმდენად მგრძნობიარეა, რომ შეგიძლიათ მისი მართვა ხელთათმანებითაც კი.

შერჩევითი ზედა ეკრანი ახდენს ინფორმაციის პროექციას ფართო ეკრანზე, რაც ამცირებს იმის საჭიროებას, რომ თქვენ თვალი მოაცილოთ გზას. ავტომობილი ასევე აღჭურვილია ხმოვანი კონტროლის ფუნქციით, რომელიც ცნობს ბუნებრივ საუბარს, რაც საშუალებას მოგცემთ, რომ ჩართოთ კლიმატ კონტროლი, ნავიგაცია, მედია და ტელეფონი მხოლოდ საუბრის საშუალებით.

S60-ში გამოყენებული ინოვაციური ძრავები ახდენს მაღალი წარმადობის ბალანსირებას დაბალი გამონაბოლქვითა და საწვავის მოხმარებით, რათა თქვენ დატკბეთ ავტომობილის სიძლიერით და მისი მარტივად დამორჩილებით. თითოეული მათგანი არის ოთხ-ცილინდრიანი ძრავი, რომელიც იყენებს ტურბო-გამაძლიერებლის ტექნოლოგიას, მაქსიმალური რეაგირებისთვის. T6 ძრავი ასევე იყენებს ტურბოგამაძლიერებელს, კიდევ უფრო ძლიერი დაბალი სიხშირის რეაგირებისთვის. ელექტროობა გადაიცემა გადაცემათა რბილი გადართვის საშუალებით - ეს არის 8-სიჩქარიანი Geartronic ავტომატური კოლოფი პედლებით R-Design-ის ვარიანტებში, ან 6-სიჩქარიანი მექანიკური გადაცემათა კოლოფი.

სმარტ ტექნოლოგია და სმარტფონის იდეალური ინტეგრაცია საშუალებას მოგცემთ, რომ მარტივად დატკბეთ თქვენი საყვარელი მუსიკით და აუდიორგოლებით S60-ში. Apple CarPlay მხარდაჭერა ასევე საშუალებას გაძლევთ, რომ დაუკავშიროთ Apple iPhone, ასევე ხელმისაწვდომია Android Auto სისტემაც. ინტეგრირებული Spotify აპლიკაცია სტანდარტულ პაკეტში არის ჩართული, ხოლო Sensus Connect პაკეტი უზრუნველყოფს წვდომას სხვადასხვა დამატებით აპლიკაციაზე.

Harman Kardon Premium Sound არის მაღალი ხარისხის აუდიო სისტემა, რომელიც 600 ვტ-ს 14 დინამიკას გადასცემს 12 – არხიანი გამაძლიერებლის მეშვეობით, ნათელი და ძლიერი ხმისთვის. ეს სისტემა იყენებს ინოვაციურ Dirac Unison tuning პროგრამული უზრუნველყოფას, რომელიც ზუსტად ოპტიმიზირებს თითოეული სპიკერის პასუხს, რათა უზრუნველყოს ძლიერი აუდიო გამოცდილება ყველასთვის მანქანაში. ავტომატური დონის რეგულირება ქმნის მოცულობის და ინტენსივობის თანმიმდევრულ დონეს, ხოლო სპეციალური ალგორითმები გამოსწორებას გამოსცემს გარე ხმაურის კომპენსაციის მიზნით.

"360 გრადუსიანი კამერა, რომელიც ინტეგრირებულია S60-ში, ამარტივებს პარკირებას, თქვენ აკონტროლებთ ავტომობილის ყველა მხარეს და გარემოს დიდ ეკრანზე. ის საშუალებას გაძლევთ, რომ დაინახოთ ობიექტები ან ავტომობილები, რომელთა დანახვაც რთული იქნებოდა მხოლოდ ფანჯრებისა და სარკეების გამოყენებით. აღნიშნული სისტემა განსაკუთრებით გამოსადეგია ვიწრო ადგილებში პარკირებისას. Cross Traffic Alert სისტემა საშუალებას გაძლევთ, რომ გამოხვიდეთ საპარკინგე ადგილიდან იმგვარად, რომ უშუალოდ თქვენ უკან მყოფი გზით მოსარგებლეების შესახებ მიიღოთ ინფორმაცია. რადარები, რომლებიც ავტომობილის უკანა მხარეს არის დამაგრებული, ახდენს ავტომობილის უკანა ნაწილის მარჯვენა და მარცხენა მხარეების სკანირებას და აფიქსირებს, როდესაც უახლოვდებით ავტომობილებს, ველოსიპედისტებს ან ფეხით მოსიარულეებს და გაფრთხილებთ მათი სიახლოვის შესახებ.

City Safety არის ვოლვოს ავტომობილები ინოვაცია, რომელიც გეხმარებათ დაიცვათ ადამიანები S60-ის შიგნით და მის გარეთ, ის აფიქსირებს პოტენციურ საფრთხეს და საშუალებას გაძლევთ, რომ მას თავი აარიდოთ. რადარისა და კამერის ტექნოლოგია აფიქსირებს სხვა ავტომობილებს, ველოსიპედისტებს, ფეხით მოსიარულეებს და დიდი ზომის ცხოველებს თქვენ წინ, დღისით და ღამით. City Safety გაფრთხილებთ, თუკი აფიქსირებს მოსალოდნელ შეჯახებას და თუკი თქვენ დროულად არ ახდენთ რეაგირებას ავტომატურად იყენებს მუხრუჭებს, რათა თავიდან აიცილოს ან შეამსუბუქოს შეჯახება. S60-ში, Citi Safety ასევე მოიცავს საჭის მხარდაჭერის ფუნქციას, რომელიც საშუალებას გაძლევთ, რომ გადაუხვიოთ სახიფათო ადგილიდან მაქსიმალურად ეფექტიანად და უსაფრთხოდ.

მიზანზე უფრო უკეთ მორგებული დიზაინის შექმნის მიზნით, დაამატეთ ექსტერიერის სტილის შექმნის პაკეტი, რომელიც მოიცავს წინა და უკანა სპლიტერებს, წინა და უკანა გვერდით დეფლექტორებს, ფანჯრის კანტების დეტალებს, გვერდით დიფუზორს და ინტეგრირებულ ორმაგ გაყოფილ გამონაბოლქვის მილს, რომლებიც ძლიერ შთაბეჭდილებას ახდენს. შერჩევითი მსუბუქშენადნობის დისკები კიდევ უფრო მეტ ინდივიდუალიზმს მიანიჭებს თქვენს ავტომობილს.