Volvo Car UX უკვე ხელმისაწვდომია ვოლვოს მილიონობით მომხმარებლისთვის.

ჩვენი მიზანია, შევქმნათ ავტომობილები, რომლებიც თქვენს ცხოვრებას უფრო მარტივს, სასიამოვნოსა და კომფორტულს გახდის. მომხმარებლის გამოცდილების (UX) მუდმივი განახლება კი სწორედ ამ მიზნის მიღწევის საუკეთესო გზაა.

სწორედ ამიტომ ჩვენ ცოტა ხნის წინ გამოვუშვით ჩვენი უდიდესი საეთერო პროგრამული უზრუნველყოფის განახლება, რაც მილიონობით მომხმარებელს სთავაზობს ახალ გამოცდილებას

მომხმარებლის ახალი გამოცდილება, სახელწოდებით Volvo Car UX, მსოფლიოს 85 ქვეყანაში, დაახლოებით 2.5 მილიონ ავტომობილში დაინერგა. მომხმარებლებმა, რომელთა ავტომობილებიც აღჭურვილია Google-ის ჩაშენებული სისტემით, განახლება სრულიად უფასოდ მიიღეს (მათ შორის 2020 წლიდან გამოშვებულ მოდელებზეც). აღნიშნული ინიციატივა სრულად შეესაბამება ჩვენს სტრატეგიას — სისტემური განახლებების მეშვეობით, დროთა განმავლობაში კიდევ უფრო გავაუმჯობესოთ ჩვენი ავტომობილები.

Volvo Car UX ორიენტირებულია მანქანის ცენტრალური ეკრანის უფრო მოსახერხებელ ახალ განლაგებაზე, რაც საშუალებას გაძლევთ ისიამოვნოთ თქვენს მანქანასთან უფრო სწრაფი, მარტივი და ინტუიციური ურთიერთქმედებით. ის ამცირებს ყველაზე ხშირად გამოყენებულ ფუნქციებზე წვდომისთვის საჭირო შეხებების ან დაწკაპუნებების რაოდენობას, რაც უფრო სწრაფად მიგიყვანთ სასურველ ადგილას.

"ეს არის ერთ-ერთი ყველაზე მასშტაბური დისტანციური განახლება (OTA) ავტოინდუსტრიის ისტორიაში. ჩვენი ტექნოლოგიური პლატფორმის განვითარებაში წლების განმავლობაში ჩადებული ინვესტიცია მილიონობით ადამიანს ავტომობილთან ურთიერთობასა და ყოველდღიურობას უმარტივებს“, — ამბობს ანდერს ბელი, ტექნოლოგიებისა და საინჟინრო მიმართულების ხელმძღვანელი. „მომხმარებლის ახალი გამოცდილება მნიშვნელოვან სიახლეებს სთავაზობს მძღოლებს სწორედ იმ ფუნქციებში, რომლებსაც ისინი ყველაზე ხშირად იყენებენ, და პირდაპირ პასუხობს ჩვენი მომხმარებლების მოთხოვნებსა და სურვილებს."

Android Automotive-ის ოპერაციულ სისტემაზე დაფუძნებული Volvo Car UX, რომელიც სტანდარტულად მოიცავს Google-ის მრავალფეროვან სერვისებს, მიზნად ისახავს მართვის პროცესის მაქსიმალურ გამარტივებას. ახალი ინტერფეისი გამოირჩევა უფრო დახვეწილი ნავიგაციითა და განახლებული, თანამედროვე დიზაინით. მისი მრავალი ფუნქცია რეალურ კვლევებსა და მომხმარებელთა უკუკავშირს ეყრდნობა.

ერთიანი კონცეფცია ყველა მოდელისთვის

როგორც დღემდე ნებისმიერი ავტომწარმოებლის მიერ შემუშავებული ერთ-ერთი ყველაზე ყოვლისმომცველი საინფორმაციო-გასართობი განახლება, Volvo Car UX ქმნის თანამედროვე და თანმიმდევრულ დიზაინის ფილოსოფიას ჩვენს ყველა მოდელში. მაგალითად, სამი წლის XC40-ის მძღოლი ახლა იმავე მიდგომით სარგებლობს, რასაც EX90-ის მფლობელი.

ეკრანზე არსებული შინაარსი წარმოადგენს ყველაზე დიდ ცვლილებას — ძირითადი აპლიკაციები და მართვის ღილაკები, როგორებიცაა ნავიგაცია, მედია და ტელეფონი, ახლა მთავარ გვერდზეა გამოტანილი. ეს ნიშნავს, რომ თუ, მაგალითად, ნავიგაციით სარგებლობთ და მუსიკის შეცვლა გსურთ, მედია ფუნქციაზე წვდომისთვის Google Maps-იდან გამოსვლა აღარ მოგიწევთ.

შემდეგია, კონტექსტური პანელი, რომელიც სიტუაციის მიხედვით იცვლება და ბოლოს გამოყენებულ აპლიკაციებს გამოსახავს. მაგალითად, დაბალი სიჩქარით მოძრაობისას, ეკრანზე ავტომატურად ჩნდება გარეთა კამერების სიმბოლო, რაც ვიწრო სივრცეებში მანევრირებას მნიშვნელოვნად ამარტივებს.

plug-in hybrid მძღოლებისთვის, Volvo Car UX აადვილებს ელექტროძრავის მაქსიმალურად გამოყენებას. მთავარ ეკრანზე „Drive Regions“-ის საშუალებით, თქვენ შეგიძლიათ მარტივად გამოიყენოთ „Pure“ რეჟიმი სხვა ვარიანტებთან ერთად. ეს ნიშნავს, რომ ჰიბრიდიდან მხოლოდ ელექტროენერგიაზე გადასვლა ახლა მხოლოდ ერთი შეხებით არის შესაძლებელი, რაც მეტ კონტროლს გაძლევთ.

დამატებითი ინფორმაციისთვის იმის შესახებ, თუ რა შეიცვალა, ეწვიეთ www.volvocars.com/ge/cars/volvo-car-ux.

ტექსტი წვრილი შრიფტით

• * ან მისი ექვივალენტი ჩინეთსა და სამხრეთ კორეაში.

   

• მოდელები,რომლებიც აღჭურვილია Android-ის ოპერაციული სისტემით: C40, XC40, EX40, EC40, S60, V60, V60 Cross Country, XC60, S90, V90, V90 Cross Country და XC90. პროგრამული უზრუნველყოფის რეგულარული დისტანციური განახლება (OTA) უფასოა იმ შემთხვევაში, თუ თქვენს ავტომობილს განახლებები სისტემატურად უტარდება და გაქვთ აქტიური ინტერნეტკავშირი. სხვა შემთხვევაში, პროგრამული განახლების მისაღებად შესაძლოა დაგჭირდეთ Volvo Cars-ის ავტორიზებული სერვისცენტრში ვიზიტი, რაც შეიძლება ფასიანი იყოს. დამატებითი ინფორმაციისთვის მიმართეთ Volvo-ს ოფიციალურ წარმომადგენელს.

   

• საჰაერო განახლებების ხელმისაწვდომობა განსხვავდება ბაზრისა და მოდელის

   

• Google, Google Play, Google Gemini და Google Maps Google LLC-ის სავაჭრო ნიშნებია.