Nýr Volvo S60

Einkennandi smáatriði ýta undir öflugan karakter S60-bílsins og sýna að hér er á ferð ný kynslóð Volvo-bíla. Volvo-merkið er áberandi á framgrillinu, löng vélarhlífin og djúpir stuðarar tjá kraft og styrkleika. LED-framljósin, með einkennandi T-laga ljóshönnun Volvo Cars, gera að verkum að bíllinn vekur eftirtekt hvar sem hann fer, jafnt nótt sem dag. Að aftan lyftist skottkanturinn upp og veitir sportlegt yfirbragð og betri straumlínulögun.

S60 býður upp á nokkrar akstursstillingar, svo hægt er að sníða aksturinn að mismunandi aðstæðum og stemningu. Það eru þrjár sjálfgefnar stillingar fyrir vélina, sjálfskiptinguna, stýrið, bremsurnar og stöðugleikastýringuna sem leggja áherslu á kraftmikinn akstur, þægindi eða eldsneytisnýtingu og útblástur. Einnig getur þú hannað þína eigin samsetningu með Individual-akstursstillingunni. Aldrifsstilling er einnig í boði í tengiltvinnbílum.

S60 er hannaður fyrir einstakan akstur. Snertiskjárinn fyrir miðju er stílhrein stjórnstöð og einstakar miðstöðvarristarnar eru með fyrirferðarlitlum stjórntækum með tígulmynstraðri málmáferð. Sama áferð er notuð á starthnappnum, akstursstýringunni og stjórntökkum á stýrinu. R-Design útfærslan gefur bílnum sportlegt yfirbragð, með Metal Mesh Aluminium-hlífum og andstæðusaumum fyrir sæti, miðjustokk, hurðir og gírstangarhlíf. Inscription útfærslan er með Driftwood-skrauthlífum, sem er einstök viðaráferð.

Snertiskjárinn fyrir miðju gegnir lykilhlutverki í þægilegum samskiptum þínum við S60-bílinn. Skammsnið skjásins gerir lestur upplýsinga sérlega auðveldan og minnkar þörf fyrir að fletta. 9 tommu skjárinn er með sérstaka endurkastsvörn og svo næmur að þú getur notað hann þótt þú sért í hönskum.

T6- og T8-tvinnvélarnar í S60 eru búnar tengiltvinnaflrás sem skilar framúrskarandi krafti, fjölhæfni og skilvirkni, með fjögurra strokka bensínvél sem knýr framhjólin og öflugum rafmótor sem knýr afturhjólin. S60-tengiltvinnvélarnar bjóða upp á akstursstillingar sem henta öllum þörfum þínum. Pure-akstursstillingin keyrir á rafmagni með engum útblæstri og getur séð um flesta daglega keyrslu, Power-stillingin sér um kraftinn. Sjálfgefna Hybrid-stillingin skiptir á milli aflgjafa eða sameinar þá, til að gera aksturinn eins þægilegan og hagkvæman og hægt er.

Snjalltækni og hnökralaus tenging við snjallsíma gerir þér kleift að hlusta á uppáhaldstónlistina þína og hlaðvörp í S60-bílnum. Innbyggt Spotify forrit gerir óþarft að tengja símann þinn. Stuðningur við Apple CarPlay gerir þér kleift að tengja Apple iPhone við kerfið en einnig er stuðningur fyrir Android Auto. Snertiskjár bílsins í miðjunni eða einföld raddstýring er allt sem þú þarft til að fá aðgang að úrvali afþreyingar. Sensus Connect pakkinn færir þér aðgang að breiðu úrvali forrita sem gera þér mögulegt að hlusta á netútvarpsstöðvar og hljóðbækur í S60-bílnum þínum.

Bowers & Wilkins-hljómtækin veita þér mestu hljómgæði í S60-bílnum. Hámarksstyrkur er alls 1100 vött í fimmtán hátalara, þrjár mismunandi hljómstillingar – Studio, Individual Stage og Gothenburg Concert Hall – gera þér kleift að sníða hljóðið að tónlistinni eða stemningunni. Hátalarahlífar úr ryðfríu stáli, Bowers & Wilkins-merki og einkennandi gular hátalarakeilur mynda í sameiningu hágæðaútlit. Loftræstur bassahátalari er innbyggður í bílinn og skilar nákvæmum og kröftugum bassa.

Pilot Assist er aðstoðareiginleiki sem gerir akstur í mikilli umferð minna þreytandi. Þessi hálfsjálfkeyrandi aksturseiginleiki byggir á hraðastillingum og viðheldur tilsettum hraða og fjarlægð að næsta bíl fyrir framan þig, og beitir stýrinu til að halda þér á miðju akreinarinnar. Hægt er að nota Pilot Assist á allt að hraðanum 130 km/klst. og hjálpar það til við að minnka fyrirhöfnina við akstur á erilsömum hraðbrautum.

City Safety er nýjung frá Volvo Cars sem verndar fólk innan og utan S60-bílsins með því að koma auga á mögulegar hættur og hjálpa þér að forðast þær. Notast er við radar- og myndavélatækni til að bera kennsl á ökutæki, hjólreiðamenn, gangandi vegfarendur og stór dýr fram undan, að degi sem nóttu. City Safety varar þig við yfirvofandi árekstri og, bregðist þú ekki við, bregst kerfið við sjálfkrafa og getur nýtt bremsurnar til að reyna að koma í veg fyrir eða milda árekstur. Í S60 inniheldur City Safety svokallað Steering Support sem hjálpar til við að beygja frá hættu á eins skilvirkan og öruggan hátt og kostur er.

Veittu S60 útlit sem hentar þér. Bættu við útlitspakka að utan til að veita bílnum enn meira einkennandi útlit. Pakkinn inniheldur vindkljúfa fyrir fram- og afturstuðara, lista fyrir hliðarslár, ljósdreifara að aftan og innfellt tvöfalt púströr sem veita bílnum kröftugt útlit.

Valfrjálsar álfelgur styrkja heildarútlit bílsins.