Volvo S90

Tæknin nær mun lengra en á snertiskjáinn – og þessi auðvelda gagnvirka samskiptaleið, sem nýtist við helstu aðgerðir bílsins, upplýsingar og skemmtun, gerir hverja ökuferð að ánægjulegri reynslu. Til viðbótar við skýran skjá fyrir ökumanninn er sjónlínuskjár sem varpar upplýsingum á framrúðuna þannig að þú þarft ekki að taka augun af veginum. Raddstýring gerir þér kleift að stjórna miðstöðinni, leiðsagnarkerfinu, miðlunar- og símaaðgerðum með því að nota eðlilegt tal – engin þörf er á að festa ákveðin stikkorð eða skipanir í minni.

Bowers & Wilkins hljómtækin gera þér kleift að hlusta á tónlist í gæðum sem eru ólík öðru sem þú hefur áður kynnst. Þetta nýstárlega hljóðkerfi var sérstaklega hannað fyrir S90 og er búið eiginleikum á borð við bassahátalara sem sogar til sín loft utan frá til þess að búa til djúpan og hljómmikinn bassa. Á mælaborðinu er hátíðnihátalari sem dregur úr endurkasti hljóðsins af framrúðunni. Í bílum í Excellence línunni er aukahátalari á milli aftursætanna.

Hægt er að velja á milli þriggja mismunandi hljómstillinga, Studio, Individual Stage og Gothenburg Concert Hall, allt eftir stemningu. Þökk sé hátalaragrind úr ryðfríu stáli og Bowers & Wilkins hátalarakeilum eru líta hljómtækin eins vel út og þau hljóma.

Það er fljótlegt og einfalt að tengja S90 við snjallsíma í gegnum Apple CarPlay eða Android Auto. Þú stingur honum bara í samband og snertiskjárinn breytist í framlengingu á símanum. Þú kemst í tónlistina þína og skilaboð og getur hringt eða notað raddstýringu til að tala við hjálparhelluna í símanum. Þegar síminn er tengdur við USB-tengið hleður hann sig og hægt er að sjá aðrar aðgerðir á snertiskjánum þar sem Apple CarPlay og Android Auto nota aðeins neðri hluta skjásins. 

S90 býður upp á nokkrar akstursstillingar, allt eftir aðstæðum og stemningu hverju sinni. Með snúningshnappi á milli framsætanna er hægt að skipta á milli þriggja stillinga, sem birtast á skjánum. Þessar stillingar breyta eiginleikum vélarinnar, sjálfskiptingarinnar, hemlanna, stöðugleikastýringarinnar og stopp/start-stillingarinnar. Comfort hámarkar þægindi, Dynamic skerpir á viðbrögðum bílsins og Eco stuðlar að sparneytni. Og í Individual-stillingu er hægt að blanda þessum eiginleikum saman og sérsníða bílinn að þörfum þínum.  

Fyrirferðarlitlar og léttar, fjögurra strokka dísil- og bensínvélar halda þyngd framhlutans í lágmarki og stuðla þannig að hámarkssnerpu. Þær sameina snurðulausan kraft og frábæra nýtni sem skilar sér í viðbragðsgóðri hröðun og lítilli eldsneytisnotkun og útblæstri. T6-vélin er bæði túrbóhlaðin og með forþjöppu skilar enn öflugra viðbragði á lágum snúningi.

Fjórar myndavélar búa til loftmynd af umhverfi bílsins sem birtist á snertiskjánum með 360° myndavél. Myndin er í boði á allt að 10 km/klst. og kemur að góðum notum þar sem þröngt er og erfitt er að sjá í kringum sig.