მოსალოდნელი სიახლე. გაიცანით ჩვენი სრულად ელექტრო კროსოვერი ტყავის გამოყენების გარეშე შექმნილი სალონითა და ჩაშენებული Google-ით. დღესვე შეუკვეთეთ ონლაინ.*

* თქვენი შეკვეთა დასრულდება თქვენი სადილეროს მიერ მათი წესებისა და პირობების მიხედვით.

* თქვენი შეკვეთა დასრულდება თქვენი სადილეროს მიერ მათი წესებისა და პირობების მიხედვით.

Fjord Blue Volvo C40 Recharge-ს წინა ექსტერიერი.
Volvo C40 Recharge-ის Fjord blue ფერი დასამუხტი კაბელით.
Volvo C40 Recharge-ის Harman Kardon premium sound.

უნაკლო ძრავა უსაფრთხო ძარაში. გაიცანით ჩვენი ელექტრო კროსოვერი.

549

კმ

ელექტრო დიაპაზონი

4,7

წმ

აჩქარება (0-100 კმ/სთ)

408

ცხ. ძალა

ძალა

27

წთ

სწრაფი დამუხტვა 10-80%

დასამუხტად საჭირო ნაკლები წუთი, მეტი კილომეტრი

ჩვენი შემდეგი თაობის ძრავა ზრდის თქვენი C40 Recharge-ის სიმძლავრეს, რაც მოგცემთ უფრო დიდ გასავლელ მარაგს და მუდმივ დენზე კიდევ უფრო სწრაფ დამუხტვას.

კომპრომისების გარეშე

C40 Recharge არ გაიძულებთ გააკეთოთ არჩევანი სიმძლავრესა და პასუხისმგებლობით მართვას შორის. უბრალოდ, მოკალათდით და ისიამოვნეთ ერთი პედლით ტარების კომფორტითა და გლუვი აჩქარებით – ნულოვანი გამონაბოლქვით.

უკანა ბორბლების მოქნილობა

C40 Recharge ხელმისაწვდომია ერთი ან შეწყვილებული ელექტროძრავით. ახლა უკვე უკანა წამყვანი ერთი ძრავა ზრდის ავტომობილის სიმძლავრესა და მოქნილობას, რაც თქვენს მგზავრობას კიდევ უფრო სასიამოვნოს ხდის.

მონაცემები წინასწარია და ეფუძნება Volvo Cars-ის მიერ C40 Recharge Twin-ისთვის შესრულებულ შეფასებებსა და გამოთვლებს და ეს შედეგები არ არის გარანტირებული. ფაქტიური სასვლო მარაგი და ენერგიის მოხმარება რეალურ პირობებში მართვის მანერისა და სხვა გარე ფაქტორებიდან გამომდინარე შეიძლება განსხვავდებოდეს. დამუხტვის დრო განსხვავდება და დამოკიდებულია ისეთ ფაქტორებზე, როგორიცაა გარემოს ტემპერატურა, აკუმულატორის ამჟამინდელი ტემპერატურა, დამუხტვის მოწყობილობა, აკუმულატორის მდგომარეობა და ავტომობილის მდგომარეობა. მიმდინარეობს ავტომობილის სერტიფიცირება. სრული სპეციფიკაციები სხვა ძრავის ვარიანტების გადახედვისთვის.

გამოხატეთ საკუთარი თავი. თანამედროვე დიზაინი და ტყავის გარეშე სალონი C40 Recharge-ში უნიკალურ ატმოსფეროს ქმნის.

თქვენს მოლოდინებს აჭარბებს. ისარგებლეთ ჭკვიანი ფუნქციებითა და ტექნოლოგიის უახლესი მიღწევებით.

ჩაშენებული Google-ი
ჰაერის გამწმენდი
Harman Kardon Premium Sound
360° კამერა
გადამკვეთი მოძრაობის განგაშის სისტემა
აპი Volvo Cars

სრულად ელექტრო სამყარო

აღმოაჩინეთ Volvo Recharge ავტომობილის მართვის უპირატესობები და გაიგეთ მეტი ელექტრომობილობის შესახებ.

თქვენი Volvo-ს დამუხტვა

რამდენად ხშირად მჭირდება სრულად ელექტრო ავტომობილის დამუხტვა და რა დრო სჭირდება ამას?

ელექტრომობილები

გაინტერესებთ გაიგოთ მეტი სრულად ელექტრო ავტომობილებსა და ჩვენი შეთავაზების შესახებ?

Volvo Recharge

გსურთ გაიგოთ მეტი ჩვენი სუფთა ელექტრო და დანამატი ჰიბრიდული მანქანების ხაზის შესახებ?

შეიტყვეთ უპირატესობების შესახებ.

იხილეთ Care შეთავაზება, რომელიც C40 Recharge-ის კომპლექტს მოყვება.

სერვისი ჩვენზეა

ჩვენ ვფარავთ ტექმომსახურების, ცვეთისა და შეკეთების ხარჯებს, რათა თქვენი ავტომობილი საუკეთესოდ მუშაობდეს.*

სადაზღვევო დაფარვა

თქვენს ახალ Volvo-ს მოყვება სადაზღვევო პაკეტი, რომელიც მოიცავს ყველაფერს რაც თქვენ გჭირდებათ, ასე რომ ახალ თავგადასავალში სრულებით მშვიდად შეგიძლიათ გადაეშვათ.

გზაში დახმარება

მიიღეთ 24/7 გზაზე გადაუდებელი დახმარება ავარიის ან ავტომობილის გაუმართაობის შემთხვევაში, რათა დაგეხმაროთ თქვენ და თქვენს ოჯახს გზაზე უსაფრთხოების შენარჩუნებაში.

* სერვისი ექვემდებარება პირობებს - ამორტიზებული ელემენტები შეზღუდულია და არსებობს გამონაკლისები - დამატებითი ინფორმაციისთვის ჰკითხეთ თქვენს Volvo-ს სადილეროს.

რისი ცოდნა გსურთ სრულად ელექტრო C40 Recharge-ის შესახებ?

როგორ დავიწყოთ C40 Recharge-ის ონლაინ შეკვეთა
რას ნიშნავს, რომ შემიძლია სრულად ელექტრო C40 Recharge-ის შეკვეთის ონლაინ დაწყება?

თქვენ შეძლებთ თქვენი პრეფერენციების მიხედვით ავტომობილის კომპლექტაციის არჩევას, ავტომობილის შეძენის სხვადასხვა დაფინანსების ვარიანტების გადახედვასა და შემდეგ შეკვეთის შესახებ სრული ინფორმაციის გადახედვას. თუ შეკვეთის მიმოხილვით კმაყოფილი ხართ, შეგიძლიათ თქვენი პერსონალური მონაცემები შეავსოთ, თქვენთვის სასურველი საცალო გამყიდველი აირჩიოთ და შეკვეთის მოთხოვნა გაგზავნოთ. თქვენ მიიღებთ დამადასტურებელ ელექტრონულ ფოსტას ყველა დეტალით და სადილერო ცენტრი ერთი სამუშაო დღის განმავლობაში დაგიკავშირდებათ, რათა თქვენი ახალი ავტომობილის შეკვეთის საბოლოო ეტაპი დაასრულოთ.

შესაძლებელია თუ არა, ონლაინ შეკვეთის მოთხოვნის შემდეგ, დამატებითი პაკეტების, ოფციების ან აქსესუარების დამატება?

დიახ. მოთხოვნის ფორმის გაგზავნის შემდეგ, დაგიკავშირდებათ თქვენ მიერ შერჩეული საცალო გამყიდველი/მისასალმებელი ცენტრი. შეკვეთის დასრულებამდე შესაძლებლობა გაქვთ დაამატოთ ხელმისაწვდომი პაკეტები, ვარიანტები და სხვა აქსესუარები. გთხოვთ, გაითვალისწინოთ, რომ ამან შესაძლოა ფასის ზრდა გამოიწვიოს.

დაფინანსების რა არჩევანია ხელმისაწვდომი?

არსებობს პირდაპირი შეძენისა და ლიზინგის ვარიანტი. ჩვენს ვებ-გვერდზე ნაჩვენები ფასები წარმოადგენს რეკომენდებულ ფასებს და საბოლოო ფასი თქვენს ადგილობრივ დილერთან ერთად დაზუსტდება. საავანსო გადახდა ან ინტერნეტით გადახდა არ ხდება. დაფინანსების სასურველი ვარიანტის არჩევის შემდეგ, გადახდის პირობებს თქვენი დილერი დეტალურად აღგიწერთ

შეკვეთის დასასრულებლად და ხელშეკრულების გასაფორმებლად საჭიროა თუ არა დილერის ფიზიკურად მონახულება?

დიახ. ჩვენ ვმუშაობთ ონლაინ გადახდის შესაძლებლობაზე, მაგრამ მოცემულ მომენტში, შეკვეთა საბოლოოდ უნდა გაფორმდეს და თქვენსა და დილერს შორის ფიზიკურად უნდა იყოს ხელმოწერილი.

ფორმის გაგზავნის შემდეგ მაქვს თუ არა აღებული შეძენის ვალდებულება?

არა. თქვენი მონაცემები გამოიყენება მხოლოდ და მხოლოდ თქვენი შეკვეთის მოთხოვნის დასამუშავებლად.

შემიძლია გადავცვალო ჩემს ამჟამინდელ ავტომობილში?

აღნიშნულის განხილვა თქვენს ადგილობრივ დილერთან ერთადაა შესაძლებელი.

შემიძლია სხვა მოდელებისა და ელექტროძრავების ონლაინ შეკვეთის მოთხოვნის განთავსება?

დიახ, თქვენ სრულად ელექტრო XC40 Recharge-სა და C40 Recharge-ს შეკვეთის დაწყება ონლაინ შეგიძლიათ. თუ სხვა მოდელით ხართ დაინტერესებული ან სხვა ძრავის მქონე ავტომობილით, ადგილობრივი დილერი, რა თქმა უნდა, სიამოვნებით შემოგთავაზებთ მიმზიდველ წინადადებას.

შემიძლია ავტომობილის ტესტდრაივის დაჯავშნა?

დიახ, გთხოვთ, დაუკავშირდეთ თქვენს ადგილობრივ დილერს და ის სიამოვნებით მოაწყობს ტესტრდაივს.

მფლობელობის რა ვერსიებია ხელმისაწვდომი?

მოქნილი შესყიდვისა და ლიზინგის ვარიანტების მეშვეობით, სრულად ელექტრო C40 Recharge-ს ფლობა, მეტად ხელმისაწვდომი გავხადეთ. ავტომობილის საფასური შეგიძლიათ სრულად დაფაროთ მისი მიღებისთანავე, ან ისარგებლოთ დაფინანსების ჩვენი შემოთავაზებაებით.

სრულად ელექტრო C40 Recharge ხელმისაწვდომია თუ არა კორპორატიული გაყიდვის ფორმით?

გთხოვთ, დაუკავშირდეთ ჩვენი გაყიდვების გუნდს ტელ: (+995) 32 2 24 42 42 ელ. ფოსტა:info@volvocarstegeta.geჩვენ სიამოვნებით ვუპასუხებთ თქვენს ნებისმიერ შეკითხვას და ვარიანტებს თქვენთან ერთად განვიხილავთ.

აკუმულატორის დამუხტვა და გასავლელი მარაგი
რამდენ ხანს შემიძლია, ვმართო ავტომობილი, სანამ არ მომიწევს სრულად ელექტრო C40 Recharge-ის აკუმულატორის დამუხტვა?

Volvo Cars-ის შეფასებით, სრულად დამუხტულ აკუმულატორს შეუძლია 507 კმ-მდე (ორი ძრავით) ან 476-533 კმ (ერთი ძრავით) გადაადგილება შერეული მართვის დროს.* მოცემული წინასწარი მაჩვენებლები ჯერ კიდევ სერტიფიცირების პროცესშია და განახლდება მაშინ, როდესაც სერტიფიცირებული გასავლელი მარაგის მონაცემები იქნება ხელმისაწვდომი.

რეალურ გასავლელ მარაგზე გავლენას ახდენს თქვენი მართვის სტილი და გარე ფაქტორები, როგორიცაა გარე ტემპერატურა, ამინდი, ქარი, რელიეფი და გზები. გასავლელ მარაგზე ასევე გავლენას ახდენს ელექტროენერგიის ოდენობა, რომელსაც იყენებთ ავტომობილის ფუნქციებისთვის, როგორიცაა გათბობა და გაგრილება. გასავლელი მარაგის მონაცემის გაუმჯობესების ერთ-ერთი გზა დამუხტვის დროს თქვენი მანქანის წინასწარი გათბობა ან გაგრილება, რათა გასვლის დროს სალონში კომფორტული ტემპერატურა დაგხვდეთ.

* მონაცემები წინასწარია და ეფუძნება Volvo Cars-ის მიერ შესრულებულ შეფასებებსა და გამოთვლებს და ეს შედეგები არ არის გარანტირებული. ფაქტიური გასავლელი მარაგი და ენერგიის მოხმარება რეალურ პირობებში მართვის მანერისა და სხვა გარე ფაქტორებიდან გამომდინარე შეიძლება განსხვავდებოდეს. მიმდინარეობს ავტომობილის სერტიფიცირება.

სახლში დამუხტვას რა დრო შეიძლება დასჭირდეს?

დამუხტვის დრო დამოკიდებულია დამტენ მოწყობილობაზე, რომელსაც იყენებთ და თქვენს სახლში ელექტრო ინსტალაციაზე. სტანდარტული სახლის დამტენი საყოფაცხოვრებო მაერთებლით, ძირითადად, დამხმარე სადენია. ცარიელი აკუმულატორის 100 პროცენტამდე დამუხტვას ამ კაბელით სჭირდება დაახლოებით 38–44 საათი (დამოკიდებულია ქვეყანაზე).

სახლში რეგულარული და უფრო სწრაფი დამუხტვისთვის, 3-ფაზიან 11 კვტ-იან კედლის დამტენი მოწყობილობის გამოყენებას გირჩევთ. ეს ინსტალაცია მოგცემთ დაახლოებით 8 საათიან დამუხტვის დროს (ცარიელიდან 100 პროცენტამდე), ან დაახლოებით 50–60 კმ საათში გასავლელ მარაგს.

* დამუხტვის დრო შეიძლება განსხვავებული იყოს და ეს დამოკიდებულია ისეთ ფაქტორებზე, როგორიცაა გარე ტემპერატურა, აკუმულატორის ამჟამინდელი ტემპერატურა, დამუხტვის მოწყობილობა, აკუმულატორის მდგომარეობა და ავტომობილის მდგომარეობა.

რა აღჭურვილობა მჭირდება იმისათვის, რომ ჩემი სრულად ელექტრო C40 Recharge სახლში მარტივად და უსაფრთხოდ დავმუხტო?

სტანდარტულად დამონტაჟებული სახლის დამტენი კაბელი ძირითადად შექმნილია როგორც დამხმარე კაბელი საყოფაცხოვრებო პროგრამებისთვის. სახლში ყველაზე სწრაფი და მოსახერხებელი დამუხტვისთვის გირჩევთ, დააინსტალიროთ 3 ფაზიანი 11 კვ-იანი კედლის ყუთი.

რა ღირს სრულად ელექტრო C40 Recharge-ის აკუმულატორის დამუხტვა?

მდებარეობიდან გამომდინარე, ელექტროენერგიის ღირებულება დამოკიდებულია ადგილობრივ პირობებზე, მაგრამ ეკვივალენტური მანძილის გასავლელად, ის ხშირად შეიძლება საწვავის ღირებულებაზე მცირე იყოს. საწვავის შემცირებული ხარჯები ელექტრომობილებზე გადასვლის მრავალთაგან კიდევ ერთი მიზეზია. თვიღირებულების კიდევ უფრო შესამცირებლად, თქვენი სრულად ელექტრო C40 Recharge შეგიძლიათ დასამუხტად წინასწარ იმ დროს დააყენოთ, როდესაც ტარიფები ყველაზე დაბალია, ხშირად ღამით.

შემიძლია გამოვიყენო სრულად ელექტრო C40 Recharge შორ მანძილზე მგზავრობისას?

სრულად ელექტრო კროსოვერი იდეალურია შორ მანძილზე კომფორტული მგზავრობისთვის. და აკუმულატორის მაღალი ტევადობის გამო, აღარ დარდობთ გასავლელ მარაგზე. მგზავრობის დროს დამუხტვის საჭიროების შემთხვევაში, შეგიძლიათ მიმართოთ ცვლადი დენის დამუხტვის სადგურს ან მუდმივი დენის სწრაფი დამუხტვის სადგურს. 200 კვტ სიმძლავრის მუდმივი დენის სწრაფი დამუხტვის სადგურზე შესაძლებელია აკუმულატორის 10-დან 80 პროცენტამდე, დაახლოებით 27 წუთში, დამუხტვა (ან დაახლოებით 80-100 კმ გასავლელი მარაგი - 10 წუთში). ეს საკმარისი დროა მოგზაურობის დროს დასვენებისთვის ან ჭამისთვის.*

* დამუხტვის დროის მონაცემები წინასწარია და ეფუძნება Volvo Cars-ის მიერ შესრულებულ შეფასებებსა და გამოთვლებს და ეს შედეგები არ არის გარანტირებული. * დამუხტვის დრო შეიძლება განსხვავებული იყოს და ეს დამოკიდებულია ისეთ ფაქტორებზე, როგორიცაა გარე ტემპერატურა, აკუმულატორის ამჟამინდელი ტემპერატურა, დამუხტვის მოწყობილობა, აკუმულატორის მდგომარეობა და ავტომობილის მდგომარეობა. მიმდინარეობს ავტომობილის სერტიფიცირება.

რომელია ჩემი სრულად ელექტრო C40 Recharge-ის დამუხტვის უსწრაფესი გზა ხანგრძლივი მოგზაურობის დროს?

ყველაზე სწრაფად ავტომობილი გზის გასწვრივ განლაგებულ მუდმივი დენით სწრაფი დამუხტვის სადგურზე დაიმუხტება. შეძლებისდაგვარად სწრაფად დასამუხტად, გირჩევთ 80 პროცენტამდე შეამციროთ ავტომობილის დამუხტვის დონე. ეს ხელს უწყობს დამუხტვის დროის შემცირებას, რადგან დამუხტვის პროცესის ბოლო 20 პროცენტს ყველაზე მეტი დრო სჭირდება. შესაბამისად, 200 კვტ-იან მუდმივი დენის სწრაფ დამუხტვის სადგურზე, ელემენტის 10-დან 80 პროცენტამდე დამუხტვას, მხოლოდ დაახლოებით 27 წუთი დასჭირდება.* * მაგრამ თუ დამუხტვა საჭიროა დანიშნულების ადგილამდე ან შემდეგ დამტენ სადგურამდე მისასვლელად, შეგიძლიათ ავტომობილის ცენტრალურ ეკრანზე მოცემულ პარამეტრებში აირჩიოთ აკუმულატორის 100 პროცენტამდე დამუხტვა.

* დამუხტვის დროის მონაცემები წინასწარია და ეფუძნება Volvo Cars-ის მიერ შესრულებულ შეფასებებსა და გამოთვლებს და ეს შედეგები არ არის გარანტირებული. * დამუხტვის დრო შეიძლება განსხვავებული იყოს და ეს დამოკიდებულია ისეთ ფაქტორებზე, როგორიცაა გარე ტემპერატურა, აკუმულატორის ამჟამინდელი ტემპერატურა, დამუხტვის მოწყობილობა, აკუმულატორის მდგომარეობა და ავტომობილის მდგომარეობა. მიმდინარეობს ავტომობილის სერტიფიცირება.

როგორ მეხმარება მანქანა უახლოესი დამტენი სადგურის პოვნაში?

იმ ქვეყნებში, სადაც Google Maps მოიცავს დასამუხტ სადგურებს, თქვენ ნახავთ საზოგადოებრივ დასამუხტ სადგურებს რუკაზე ან სმარტფონის აპლიკაციის მეშვეობით. აქედან ასევე შეგიძლიათ აირჩიოთ სასურველი დამტენი სადგურები და მიიღოთ მითითება.

შესაძლებელია ბატარეის გამოცვლა?

თუ საჭიროა ბატარეის ან ბატარეის მოდულის შეცვლა, ეს შეიძლება მანქანის სხვა ტექნიკური ნაწილის მსგავსად გაკეთდეს.

როგორ მოქმედებს ბატარეა უსაფრთხოებაზე შეჯახებისას?

აკუმულატორი 500 კგ დამატებით წონას წარმოადგენს, რომელიც შეჯახებისას უსაფრთხო უნდა იყოს — როგორც ავტომობილის მგზავრებისთვის, ასევე სხვა სატრანსპორტო საშუალებებისთვის. აკუმულატორს ასევე სჭირდება სპეციალური დაცვა შეჯახების შემდეგ მავნე გაჟონვის თავიდან ასაცილებლად. უსაფრთხოების ინოვაციური გადაწყვეტილებების სპექტრის გამოყენებით, Volvo Cars-ის უსაფრთხოების ინჟინრებმა C40 Recharge შეიმუშავეს ისე, რომ ყველა ეს რთული ამოცანა დააკმაყოფილოს.

კავშირგაბმულობა და საინფორმაციო-გასართობი სისტემა
რომელი Google-ის აპები და სერვისია ჩაშენებული C40 Recharge-ში?

სრულად ელექტრო C40 Recharge-ს აქვს ჩაშენებული Google Maps, Google Assistant და Google Play.

აქვს თუ არა Volvo C40 Recharge-ს Apple CarPlay?

დიახ, Apple CarPlay სრულად ელექტრო C40 Recharge-ის სტანდარტულ კომპლექტაციაში შედის.*

* Apple CarPlay-ის გამოყენება მხოლოდ iPhone 5-თან ან უფრო ახალ მოდელთან კომბინაციაშია შესაძლებელი. Apple CarPlay და iPhone წარმოადგენს Apple Inc-ის სავაჭრო ნიშნებს.

არის თუ არა ციფრული მომსახურებები აბონემენტის ფორმით?

დიახ, გათვალისწინებულია სერვისთან წვდომა ოთხი წლის განმავლობაში. სურვილისამებრ, შემდგომ შეგიძლიათ განაგრძოთ ყველა სერვისის გამოყენება სერვისის გაგრძელების გამოწერის შეძენით.

როდის იწყება ციფრული მომსახურების აბონემენტი და რამდენ ხანს გრძელდება?

გამოწერა გრძელდება მაქსიმუმ ოთხ წლამდე. თუ ავტომობილი ახალია, ეს პერიოდი მისი მიწოდების თარიღიდან იწყება. გამოწერა ავტომობილთანაა დაკავშირებული. ამიტომ, ავტომობილის გაყიდვის შემთხვევაში, გამოწერის დარჩენილი დრო შემდეგ მფლობელს/მომხმარებელს გადაეცემა.

ამაში შედის თუ არა ყველა მონაცემი, რომლებიც აუცილებელია ციფრულ მომსახურებათა პაკეტის გასაშვებად?

არა. ამ სერვისებზე წვდომისთვის მოგიწევთ საკუთარ მოწყობილობის Bluetooth-მოდემის სახით გამოყენება და თქვენი პერსონალური მობილური მონაცემების გადაცემის სატარიფო გეგმის გამოყენება.

ტვირთტევადობა და მაქსიმალური საბუქსირე დატვირთვა
რამდენია სრულად ელექტრო C40 Recharge-ის ტვირთტევადობა?

ჭკვიანი აკუმულატორის დიზაინის წყალობით ყველა მგზავრს იმდენივე სივრცე აქვს, რამდენიც ჩვეულებრივ ავტომობილში. ის ასევე გთავაზობთ უნივერსალურობას და ნივთების შენახვის ინტელექტუალურ გადაწყვეტებს. უკანა სატვირთო განყოფილების მოცულობა, სატვირთო იატაკის ქვეშ მდებარე განყოფილების ჩათვლით, 413 ლიტრს შეადგენს. აკუმულატორი განთავსებულია საბარგულის იატაკის ქვეშ არსებულ სივრცეში, მაგრამ ეს დიდ წილად კომპენსირდება კაპოტის ქვეშ წინა სატვირთო განყოფილებით, რომელიც გთავაზობთ ადგილს დამტენის კაბელების და სხვა ისეთი ნივთებისათვის, რომლებიც ხშირად არ დაგჭირდებათ, მაგრამ მაინც გსურთ გქონდეთ მარტივად ხელმისაწვდომად, თუ სატვირთო განყოფილება სავსეა.

რა წონის ბუქსირება შემიძლია სრულად ელექტრო C40 Recharge-ით?

ჩვენ ვთვლით, რომ ელექტროენერგიის გამოყენებამ ავტომობილის ჩვეულ ფუნქციებს ხელი არ უნდა შეუშალოს. ამიტომ სრულად ელექტრო C40 Recharge Twin-ს 1800 კგ-მდე ბუქსირების უნარი აქვს.

ტექმომსახურება, გარანტია და სერვისი
რა გარანტია აქვს Volvo Cars-ს ბატარეაზე?

Volvo Cars-ის გარანტია სააკუმულატორო ბატარეაზე არის რვა წელი ან 160 000 კმ, იმის მიხედვით, რომელიც მიიღწევა პირველი და იმ პირობით, რომ ავტომობილის და აკუმულატორის ტექმომსახურება და გამოყენება Volvo Cars-ის რეკომენდაციების შესაბამისად სრულდება.

რა ტექმომსახურება და სერვისია საჭირო სრულად ელექტრო C40 Recharge ავტომობილისთვის?

ელექტროძრავები ჰერმეტულადაა დალუქული მთელი ექსპლუატაციის ვადის განმავლობაში და ტექმომსახურებას არ საჭიროებს. ასე რომ, შიგაწვის ძრავით მოძრავ ავტომობილთან შედარებით, C40 Recharge სრულად ელექტრო ავტომობილებს გაცილებით ნაკლები მოვლა ესაჭიროება, რამაც საექსპლუატაციო ხარჯები შეიძლება შეამციროს.

C40 Recharge-ის ეკოლოგიურობა
ნაკლებია თუ არა სრულად ელექტრო C40 Recharge ნახშირბადის კვალი, ტრადიციული შიდა წვის ძრავის ავტომობილთან შედარებით?

სატრანსპორტო საშუალების ექსპლუატაციის საშუალო დროის განმავლობაში, სრულად ელექტრო სატრანსპორტო საშუალების (BEV) ნახშირბადის კვალი, ტრადიციული შიდა წვის ძრავის ავტომობილთან (ICE) შედარებით ნაკლებია. თუმცა, მანძილი, რომელიც BEV-მა უნდა გაიაროს იმისათვის, რომ გახდეს ICE ავტომობილთან შედარებით, ნახშირბადის ნაკლებად ინტენსიური გამომფრქვევი ავტომობილი, დიდ წილად დამოკიდებულია იმაზე, თუ როგორ გამოიმუშავებს ის ელექტროენერგიას, რომელიც ავტომობილს ამუშავებს. თუ თქვენს BEV-ს განახლებადი ელექტრო წყაროთი დამუხტავთ, ამ წერტილის მისაღწევად, მხოლოდ 49 000 კმ-ის გავლა დაგჭირდებათ, 110 000 კმ-თან შედარებით, იმ შემთხვევაში თუ თქვენ გლობალური საშუალო ელექტრომიქსიდან გენერირებულ ელექტროობას გამოიყენებდით. გირჩევთ, რამდენადაც ეს შესაძლებელია, დამუხტოთ ელექტრომობილი ელექტროენერგიით განახლებადი წყაროებიდან .

ჩვენ მზად ვართ სრული გამჭვირვალობისთვის, როდესაც საქმე ეხება ჩვენი ელექტრომობილების ნახშირბადის ზემოქმედებას და C40 Recharge-ის საექსპლუატაციო ციკლის ანალიზი (LCA) შეგიძლიათ იხილოთ აქ.

საიდან უნდა ვიცოდე, რომ ავტომობილის აკუმულატორი წარმოებულია ეკოლოგიური და სოციალური პასუხისმგებლობის დაცვით?

საიდან უნდა ვიცოდე, რომ ავტომობილის აკუმულატორი წარმოებულია ეკოლოგიური და სოციალური პასუხისმგებლობის დაცვით?Volvo Cars პროცესების სრულ გამჭვირვალობას უზრუნველყოფს. გვსურს, ჩვენმა კლიენტებს ელექტრიფიცირებული Volvos-ს მართვისას იცოდნენ, რომ აკუმულატორებისთვის ნედლეული პასუხისმგებლობით იქნა მოპოვებული. ბლოკჩეინ-ტექნოლოგიის დანერგვა მნიშვნელოვნად ზრდის კობალტის მიწოდების ქსელში გამჭვირვალობის შესაძლებლობას. ბლოკჩეინი, სამთო ობიექტების კონტროლთან, GPS-ტრეკინგთან, შესვლისა და გასვლის სკანირებასთან, დამტკიცებული ლოჯისტიკის პროვაიდერებთან, სახის ამოცნობასთან, ID შემოწმებასთან და დროის კონტროლთან ერთად, ხელს უწყობს მაღაროდან ავტომობილების ქარხნამდე მასალის მიკვლევადობის შესაძლებლობას .

Volvo Cars მჭიდროდ თანამშრომლობს ჩვენს მომწოდებლებთან, რათა გაზარდოს ჩვენი პროდუქტებისა და სერვისების ეკოლოგიურობა, მათ შორის პასუხისმგებელი მიწოდების ჯაჭვების უზრუნველყოფისა და რესურსების ეფექტიანი გამოყენების გზით. ჩვენ ვიღებთ მინერალებისა და ლითონების პასუხისმგებლობით მოპოვების ვალდებულებას და სრულად ვუჭერთ მხარს OECD-ის მითითებას, რომელიც ითვალისწინებს მინერალების მომარაგების ქსელებს კონფლიქტით დაზარალებული და მაღალი რისკის მქონე ზონებიდან. ამ თვალსაზრისით, ჩვენ ვთხოვთ ჩვენი აკუმულატორების მომწოდებლებს, მხარი დაუჭირონ ჩვენს ვალდებულებას, გვქონდეს ჩვენი კობალტის მიწოდების ჯაჭვის სრული გამჭვირვალობა და იმუშაონ სრული მიკვლევადობისკენ.

მომწოდებლების შეფასებისა და შერჩევისას, ეკოლოგიურობის მაჩვენებელი ჩვენთვის მთავარ ფაქტორს წარმოადგენს. ჩვენ თვალყურს ვადევნებთ არსებულ მომწოდებლებს და ვატარებთ შემოწმებებს გარე ორგანიზაციების მოწვევით. ასევე დავუწესებთ მოთხოვნებს აკუმულატორების მომწოდებლებს, რათა განახლებადი ენერგიის გამოყენების ხარჯზე წარმოების პროცესის დროს ნახშირბადის გამონაბოლქვი მინიმუმამდე დაიყვანონ. ყველა ჩვენი მომწოდებელი უნდა დაეთანხმოს Volvo Cars-ის ბიზნესპარტნიორების ქცევის კოდექსს, რომელიც მოიცავს ადამიანის უფლებებისა და შრომის კანონმდებლობის დაცვას, შრომითი უფლებების ჩათვლით.

გამოსახული ფუნქციები შესაძლოა არ შედიოდეს სტანდარტულ კომპლექტაციაში და შეიძლება არ იყოს ხელმისაწვდომი აღჭურვის ყველა დონისა და ძალური აგრეგატის ტიპისთვის.

Google, Google Play და Google Maps არის Google LLC-ს სავაჭრო ნიშნები.