საქალაქო ავტომობილები

Volvo-ს კომპაქტურ SUV-ებს გააჩნია ეფექტური, თვალისმომჭრელი ექსტერიერის დიზაინი, რომელიც ნებისმიერ სიტუაციაში დიდ ყურადღებას იპყრობს. ამ SUV-ებში გაერთიანებულია სტილი და მუშაობის ეფექტურობა, რაც დახვეწილი დეტალების, ფერებში შეხამებული დამცავი პანელების, ელეგანტური ბორბლების და გვერდითა სარკეების დამსახურებაა.

დაემშვიდობეთ ხმაურიან ქალაქში კარის შემთხვევით გაღებით გამოწვეულ ინციდენტებს. Volvo EX30-ში ინტეგრირებულია კარის გაღების შეტყობინებების ჭკვიანი სისტემა. ეს მაღალი დონის სისტემა მოიცავს აუდიო და ვიზუალურ სიგნალებს, რომელიც შეგატყობინებთ კარის გაღებისას ველოსიპედისტის ან სხვა მძღოლის მოახლოების შესახებ.

ავტომობილების, ველოსიპედისტების და ფეხით მოსიარულეთა სიმრავლის გამო, ქალაქში ავტომობილის პარკინგი შესაძლოა დიდ გამოწვევად იქცეს. სწორედ აქ გამოდის წინა პლანზე ქალაქის კომპაქტური ავტომობილები. ამ ავტომობილებით ბევრად მარტივია ვიწრო ადგილებში სხვადასხვა მანევრის შესრულება. გარდა ამისა, Park Pilot Assist ფუნქციის მეშვეობით, კიდევ უფრო გაგიმარტივდებათ მანქანის სასურველ ადგილას დაყენება. ეს ფუნქცია დაგეხმარებათ გასაჩერებელი ადგილის მოძებნაში და თქვენი Volvo-ს გაჩერებაში. ამასთან, თქვენ გათავისუფლდებით პარკირებასთან დაკავშირებული ყოველგვარი სტრესისგან.

Volvos 360°-იანი კამერის სისტემის მეშვეობით, ქალაქში ავტომობილის მართვა წარმოუდგენლად მარტივი ხდება. ეს სისტემა გაძლევთ შესაძლებლობას, დაინახოთ თქვენი ავტომობილი ზედა ხედით და უკეთ აღიქვათ გარშემო არსებული სიტუაცია. ეს ამარტივებს პარალელურ პარკირებას, გეხმარებათ ბორდიურების დანახვაში და გიადვილებთ ნავიგაციას მჭიდრო სივრცეში. არ აქვს მნიშვნელობა ხალხმრავალ გზაჯვარედინზე იმყოფებით თუ ვიწრო ზოლში, ჩვენი 360°-იანი კამერა უზრუნველყოფს ქალაქში მოძრაობის უსაფრთხო და მშვიდ გამოცდილებას.

ავტომობილის ქალაქში მართვისას, უმნიშვნელოვანესია თვალყური ადევნოთ ველოსიპედისტებს, ქვეითად მოსიარულეებს, საგზაო ნიშნებს და გზას. Volvo-ს პროექციული ეკრანი ამ ყველაფერს ამარტივებს თქვენთვის ისეთი მნიშვნელოვანი ინფორმაციის მოწოდებით, როგორიცაა თქვენი მოძრაობის სიჩქარე, მიმართულებები და სხვა. ეს ინფორმაცია გამოისახება პირდაპირ თქვენს საქარე მინაზე, შესაბამისად, არ არსებობს გზიდან თვალის მოშორების საჭიროება.

ჩვენ ვაცნობიერებთ, რამდენად მნიშვნელოვანია დამატებითი სივრცე ავტომობილში ბარგის მოსათავსებლად, იქნება ეს დიდი თუ მცირე ზომის ავტომობილი. აუცილებლად წასაღები ნივთების სია შესაძლოა უსასრულო იყოს და მოიცავდეს როგორც სურსათს, ისე შაბათ-კვირის დასვენებისთვის განკუთვნილ ბარგს ან ეტლებს.  Volvo XC40, კომპაქტური ზომის მიუხედავად, საკმაოდ ტევადია. ის მოიცავს შესანიშნავ, ბრტყელი ზედაპირის მქონე სატვირთო განყოფილებას, რაც ამარტივებს ბარგის მოთავსებას და გამოღებას, იატაკქვეშა საბარგულს, და კომფორტულ სათავსოებს ისეთი ნივთებისთვის, როგორიცაა წყლის ბოთლები და მობილური ტელეფონები. გარდა ამისა, საჭიროებისამებრ შეგიძლიათ საბარგულის კარის ხელების გარეშე, მხოლოდ უკანა ბამპერის ქვეშ ფეხის მოძრაობით გაღება.

საქალაქო ავტომობილის შერჩევისას მნიშვნელოვანია ყურადღება მიაქციოთ ისეთ დეტალებს, როგორიცაა ავტომობილის ტევადობა და კომფორტი. ეს იმას არ ნიშნავს, რომ ნაკლები ყურადღება უნდა მიექცეს დიზაინს. დღეისათვის ჩვენი ყველაზე მცირე ზომის SUV, EX30, წარმოდგენილია ინტერიერის რამდენიმე განსხვავებული დიზაინით: Breeze, Mist, Pine და Indigo. თითოეული დიზაინი შთაგონებულია სკანდინავიის ბუნების სილამაზით და გვთავაზობს ინოვაციური ოსტატობის პროდუქტებს, რომლებშიც გამოყენებულია განახლებადი და გადამუშავებული მასალები.

Volvo C40-ის სტანდარტული, ფიქსირებული პანორამული ჭერი დამზადებულია ლამინირებული, დაბურული მინისგან, რომელიც ეფექტურად გიცავთ ზედმეტი სინათლისგან და ულტრაიისფერი სხივებისგან. ჭერის ამ უნიკალური დიზაინის მეშვეობით, სალონში შენარჩუნებულია ბუნებრივი განათება. გარდა ამისა, ის გადამწყვეტ როლს თამაშობს ტემპერატურის რეგულირების, კომფორტული შიდა კლიმატის შენარჩუნების და ხმაურის შემცირების მხრივ, რაც თავისთავად უზრუნველყოფს მართვის მაქსიმალურად მშვიდ და კომფორტულ გამოცდილებას.

დამუხტვის სადგურების მზარდი ქსელის წყალობით, Volvo-ს ავტომობილის ქალაქში დამუხტვა ასეთი მარტივი არასდროს ყოფილა. ამ სადგურების პოვნა თქვენი ავტომობილის ცენტრალური ჭკვიანი ეკრანის მეშვეობით შეგიძლიათ. Volvo Cars app გამოგიგზავნით შეხსენებებს და მითითებებს უახლოესი დამუხტვის სადგურისკენ მიმავალი მარშრუტის შესახებ. ასე შეძლებთ მარტივად დამუხტოთ თქვენი ავტომობილი ნებისმიერი მიმართულებით მგზავრობისას, იქნება ეს ხანგრძლივი თუ მოკლე მანძილზე მოგზაურობა.

აკუმულატორის წინასწარი კონდიცირება სასარგებლო ფუნქციაა, რომლითაც Volvo-ს მრავალი ელექტრო ავტომობილია აღჭურვილი. მისი მეშვეობით ხდება ავტომობილის აკუმულატორის ოპტიმალურ ტემპერატურამდე მიყვანა. ეს აუმჯობესებს თქვენი ერთ ჯერზე დამუხტული აკუმულატორის მუშაობის ხანგრძლივობას, ზრდის დამუხტვის სიჩქარეს და ხელს უწყობს აკუმულატორის ექსპლუატაციის პერიოდის გახანგრძლივებას. შესაბამისად, ასე შესაძლებელი ხდება უფრო დიდი მანძილის გავლა, აკუმულატორის უფრო სწრაფად დამუხტვა და გამართულ მდგომარეობაში შენარჩუნება.

ჩვენი პლანშეტი ითავსებს მძღოლის ინტერფეისის, ცენტრალური ეკრანის ფუნქციას და ერთ ეკრანზე გამოსახავს მძღოლისთვის საჭირო ძირითად ინფორმაციას და თქვენი პრეფერენციების შესაბამისად შერჩეულ კონტროლის საშუალებებს. სენსორული ეკრანი გვთავაზობს ზუსტ, მაღალი გარჩევადობის მკვეთრ კადრებს, მინიმალური ანარეკლებით. მისი მგრძნობიარობის დონე თითქმის უკონკურენტოა, რაც უზრუნველყოფს მიღებული ბრძანებების შესრულების მაქსიმალურ სისწრაფეს.

თქვენს Volvo-ში, Google ინტეგრირებულია მართვის გამოცდილებასთან, რაც განიჭებთ წვდომას Google Play-ზე და ავტომობილში ინტეგრირებული აპლიკაციების ასორტიმენტზე, რისი საშუალებითაც შეძლებთ კავშირის შენარჩუნებას გზაზე მოძრაობისას.

Volvo-ს ავტომობილებში Google Maps-ის ინტეგრაციით ხდება ჩვენთვის უკვე კარგად ნაცნობი სმარტფონის ინტერფეისის მაღალი დონის პრემიუმ ფუნქციებთან გაერთიანება. ნავიგაცია ასეთი მარტივი არასდროს ყოფილა.