Article version 2021.186.0
Volvo Cars გთავაზობთ სერვისებს, რომელთა საშუალებითაც თავისუფლად იმოძრავებთ პერსონალური, მდგრადი და უსაფრთხო წესით („სერვისები“).
ჩვენი სერვისების მაგალითებია Volvo Cars აპი, ციფრული სერვისები, დისტანციური საავტომობილო სერვისები, დაკავშირებული უსაფრთხოება ან ქარშერინგი. ზოგიერთი სერვისი განსხვავდება ბაზრის მიხედვით, ზოგი კი წარმოადგენს მანქანის ინტეგრირებულ ფუნქციას, რომელიც განსხვავდება ავტომობილის მოდელისა და გამოშვების წლის მიხედვით. ზოგიერთი სერვისი მიუწვდომელია ზოგიერთ ბაზარზე.
Volvo Cars-ის ორგანიზაცია, რომელიც წარმოადგენს სერვისების მომწოდებელს საქართველოში, არის Volvo Car Corporation Dep 50090, HB3S 405 31 Gothenburg Sweden, რომელიც ამ პირობებში შემდგომში მოხსენიებულია, როგორც „Volvo Cars“, ან „ჩვენ“, „ჩვენს“, ან „ჩვენი“ და მოიცავს Volvo Cars-ის ნებისმიერ აფილირებულ პირს („აფილირებული პირი“).
Volvo Cars-ის ციფრული სერვისებისა და დისტანციური სერვისების გამოწერის, ასევე სხვა დასახელებული სერვისების პროვაიდერს წარმოადგენს Volvo Cars. თუ ავტომობილი უშუალოდ ჩვენგან შეიძინეთ, შესაბამისი გამოწერილი სერვისები წარმოადგენს ჩვენთან დადებული ხელშეკრულების ნაწილს. თუ ავტომობილი საცალო გამყიდველისგან შეიძინეთ, ჩვენ მიერ თქვენთვის შესაბამისი სერვისების გაწევაზე ვრცელდება უშუალოდ თქვენსა და Volvo Cars-ს შორის დადებული ცალკე ხელშეკრულება გამოწერილი სერვისების თაობაზე. გამოწერის შესაბამისი პერიოდის დასრულების შემდეგ დაგჭირდებათ გამოწერის გაგრძელება ან შესაბამისი სერვისების ახალი გამოწერის გაფორმება, თუ კვლავ მოისურვებთ მათ გამოყენებას. თუ არ გააგრძელებთ ან არ განაახლებთ ციფრულ სერვისებს, ისინი გაითიშება, რამაც შეიძლება გავლენა მოახდინოს ასევე ავტომობილის სხვა აპლიკაციებისა და მესამე მხარის სერვისების ფუნქციონალობაზე.
შესაძლოა, ზოგიერთი სერვისის მომწოდებლად დავნიშნოთ რომელიმე აფილირებული პირი. ჩვენ შეგატყობინებთ ასეთი აფილირებული პირის შესახებ მოქმედ სპეციფიკურ პირობებში, შეკვეთის პროცესში, ელფოსტით ან Volvo Cars აპში.
იმ შემთხვევაში, როდესაც Volvo Cars იყენებს მესამე მხარეს ქვეკონტრაქტორის სახით სერვისის ნაწილის უზრუნველსაყოფად, Volvo Cars რჩება პასუხისმგებელი სერვისზე, თუ სხვა რამ არ არის შეთანხმებული თქვენსა და Volvo Cars-ს შორის, ან თუ სხვა რამ არ არის მითითებული ამ პირობებში, მოქმედ სპეციფიკურ პირობებში და/ან მესამე მხარის პირობებში ან დოკუმენტაციაში. Volvo Cars-მა შეიძლება ასევე თქვენთვის ხელმისაწვდომი გახადოს მესამე მხარის სერვისები და მესამე მხარის ასეთი სერვისები ექვემდებარება დამოუკიდებელ ხელშეკრულებას, რომელიც უნდა დადოთ უშუალოდ იმ კონკრეტულ მესამე მხარესთან, რომელიც წარმოადგენს მესამე მხარის სერვისების მომწოდებელს. Volvo Cars არავითარ შემთხვევაში არ იქნება თქვენსა და მესამე მხარის სერვისების მომწოდებელ მესამე მხარეს შორის დადებული ხელშეკრულების მხარე.
ყველა სერვისზე ვრცელდება მოცემული Volvo Cars-ის მესამე მხარის პირობები („პირობები“) და შეიძლება ასევე ვრცელდებოდეს სპეციფიკური პირობები, მესამე მხარის პირობები ან დოკუმენტაცია.
სერვისის გამოსაყენებლად თქვენ უნდა დაეთანხმოთ ამ პირობებს (რომლებიც შესაძლოა მოიცავდეს სპეციფიკური სერვისის, მაგ., დისტანციური საავტომობილო სერვისების, ქვემოთ მოცემულ აღწერილობებს), ზოგიერთ შემთხვევაში ცალკე სპეციფიკურ პირობებს და ნებისმიერ მოქმედ მესამე მხარის პირობებს, დადასტურების ღილაკზე დაჭერით ან დაწკაპუნებით, ან შესაბამისი შეკვეთის განთავსებით სერვისის შეძენის შემთხვევაში და დათანხმების შემდეგ თქვენსა და Volvo Cars-ს შორის გაფორმდება სავალდებულო იურიდიული ძალის მქონე ხელშეკრულება შესაბამისი სერვისის გამოყენების თაობაზე. პირობები ვრცელდება მესამე მხარის სერვისებზე მხოლოდ იმდენად, რამდენადაც ეს საჭიროა შესაბამისი მესამე მხარის სერვისის უზრუნველსაყოფად.
„სპეციფიკური პირობები“ წარმოადგენს ცალკე პირობებს და/ან სერვისის აღწერილობებს, რომლებიც ამ პირობებთან ერთად მოქმედებს კონკრეტული სერვისის მიმართ. სპეციფიკური პირობები განიმარტება ამ პირობების შესაბამისად.
„მესამე მხარის სერვისები“ წარმოადგენს ჩვენი სერვისებისგან ცალკე სერვისებს, რომელთა მომწოდებელია დამოუკიდებელი მესამე მხარე და ჩვენი ძირითადი როლია თქვენთვის ამ სერვისების ხელმისაწვდომობის უზრუნველყოფა. შესაძლოა, მესამე მხარის სერვისის გამოსაყენებლად საჭირო იყოს გარკვეული საფასურის გადახდა და/ან მესამე მხარის პირობებზე დათანხმება.
„მესამე მხარის პირობები“ წარმოადგენს ცალკე წესებს და პირობებს, რომლებიც გაფორმებულია თქვენსა და მესამე მხარეს შორის მესამე მხარის სერვისთან დაკავშირებით.
„დოკუმენტაცია“ ნიშნავს სხვა ინფორმაციას კონკრეტული სერვისების შესახებ, რომელიც ხელმისაწვდომია Volvo Cars-ის ეკოსისტემის სხვადასხვა ადგილას, როგორიცაა მაგალითად მფლობელის სახელმძღვანელო, გვერდზე https://www.volvocars.com/intl/support, გვერდზე https://www.volvocars.com, Volvo Cars აპებში, თქვენს Volvo ავტომობილში და/ან Volvo Cars-ის თქვენს ადგილობრივ საცალო გამყიდველთან. დოკუმენტაცია შეიძლება შეიცავდეს სამართლებრივ წესებს და პირობებს, ასევე შეზღუდვებს იმასთან დაკავშირებით, თუ როგორ შეგიძლიათ გამოიყენოთ კონკრეტული სერვისი და ეს დოკუმენტები წარმოადგენს თქვენსა და Volvo Cars-ს შორის დადებული ხელშეკრულების ნაწილს. დოკუმენტაციასა და ასეთ პირობებს ან რომელიმე სპეციფიკურ პირობებს შორის შეუსაბამობის არსებობისას უპირატესობა ენიჭება სპეციფიკურ პირობებს. დოკუმენტაციაში წარმოდგენილი არცერთი დებულება არ გაძლევთ კონკრეტული სერვისის გამოყენების უფლებას.
სერვისის გამოყენება მხოლოდ იმ შემთხვევაში შეგიძლიათ, თუ: (ა) ხართ შესაბამისი ასაკის, (ბ) ხართ ქმედუნარიანი პირი, რომელსაც შეუძლია ხელშეკრულების დადება და (გ) არ გაქვთ აკრძალული სერვისის გამოყენება მოქმედი კანონის შესაბამისად.
Volvo ავტომობილის „ძირითადი მძღოლია“ პირი, რომელსაც აქვს ავტომობილის განკარგვის უფლება, რომელიც მუდმივად იყენებს მას სატრანსპორტო საშუალებად და/ან რომელიც ეროვნულ ორგანოში (ასეთის არსებობისას) რეგისტრირებულია, როგორც ავტომობილის მფლობელი, მოიჯარე, გამომწერი ან ავტორიზებული მომხმარებელი. არ არის აუცილებელი ძირითადი მძღოლი იყოს ავტომობილის მფლობელი, ის შეიძლება იყოს, მაგალითად, Volvo ავტომობილის მოიჯარე, როცა ავტომობილის მფლობელი მეიჯარე კომპანიაა, ან Care by Volvo სერვისის გამომწერი. თქვენ უნდა იყოთ ძირითადი მძღოლი ან უნდა გქონდეთ ძირითადი მძღოლის ცალსახა და უდავო თანხმობა („ძირითადი მძღოლის თანხმობა“) თქვენ მიერ ისეთი სერვისის გამოყენებაზე, რომელიც დაკავშირებულია Volvo ავტომობილთან, ან Volvo ავტომობილთან დაკავშირებულ სერვისთან, ან ნებისმიერ სხვა სერვისთან. ჩვენ შეიძლება ნებისმიერ დროს გამოვიძიოთ, ხართ თუ არა ძირითადი მძღოლი ან გაქვთ თუ არა ძირითადი მძღოლის თანხმობა.
Volvo ავტომობილსა და სერვისს შორის ან სხვადასხვა სერვისებს შორის დამყარებული ნებისმიერი კავშირი შეიძლება დეაქტივირებული იქნეს, როგორც აღწერილია დოკუმენტაციაში. თქვენ ვალდებული ხართ მოახდინოთ ნებისმიერი კავშირის დეაქტივირება, თუ თქვენ აღარ ხართ ავტომობილის ძირითადი მძღოლი ან აღარ გაქვთ ძირითადი მძღოლის თანხმობა.
სერვისები შეიძლება განსხვავდებოდეს Volvo ავტომობილის მოდელისა და მოდელის გამოშვების წლის მიხედვით, იმ ქვეყნის მიხედვით, სადაც თქვენ ცხოვრობთ და სადაც რეგისტრირებულია, გაიყიდა და გამოიყენება Volvo ავტომობილი, თქვენი ძირითადი ენის, მობილური ქსელის პროვაიდერის, საინფორმაციო-გასართობი სისტემის და აპლიკაციის სერვისების პროვაიდერ(ებ)ის მიხედვით. თუ Volvo ავტომობილი არ არის აღჭურვილი აუცილებელი ტექნიკური ფუნქციებით, ან თუ თქვენ არ შეასრულეთ ამ პირობებში, სპეციფიკურ პირობებში და/ან მესამე მხარის პირობებში აღწერილი მოთხოვნები, ჩვენ არ ვართ ვალდებული მოგაწოდოთ სერვის(ებ)ი. ჩვენ წარმოგიდგენთ ინფორმაციას ჩვენი სერვისებისა და ნებისმიერი მოქმედი მოთხოვნების შესახებ, რომელიც თქვენ უნდა წაიკითხოთ და გაიაზროთ სერვისის შეძენამდე ან გამოწერამდე.
სერვისები შეიძლება ასევე განსხვავდებოდეს გარკვეულ მოწყობილობებზე თქვენი წვდომის მიხედვით (მაგ., მობილურ მოწყობილობებზე ან კომპიუტერებზე კონკრეტული პროგრამული უზრუნველყოფით და ოპერაციული სისტემებით). თუ თქვენი მოწყობილობა არ არის აღჭურვილი აუცილებელი ტექნიკური ფუნქციებით, ან თუ არ აკმაყოფილებს ამ პირობებში და მესამე მხარის პირობებში აღწერილ მოთხოვნებს, ჩვენ არ ვართ ვალდებული მოგაწოდოთ სერვის(ებ)ი. ჩვენ არ ვაგებთ პასუხს იმ შემთხვევაში, თუ სერვისი მიუწვდომელია ან თუ მისი ხელმისაწვდომობა ან მუშაობა შემცირებულია ან შეზღუდულია ჩვენი გონივრული კონტროლის მიღმა არსებული მიზეზების გამო, როგორიცაა კავშირგაბმულობის შეფერხება, გეოგრაფიული ან ტოპოგრაფიული პირობები (როგორიცაა მოშორებული ადგილმდებარეობა, მიწისქვეშა სადგომი, მაღალი შენობები, მაღლობები ან გვირაბები), ავტომობილის ან აღჭურვილობის დაზიანება ან კარგი სამუშაო მდგომარეობის შეუნარჩუნებლობა, მთავრობის მიერ მიღებული კანონები, წესები ან რეგულაციები, უტილიტის ან უსადენო ქსელების გაუმართაობა, გაჭედვა ან გათიშვა, კიბერთავდასხმები, საომარი მოქმედებები, სტიქიური უბედურება, ბუნებრივი კატასტროფა, რთული საამინდო პირობები და მუშაკების გაფიცვები, არაგეგმიური გაცდენა, სერვისის ან პროგრამული უზრუნველყოფის განახლებები ან შეცდომები.
ზოგიერთი სერვისის მუშაობისთვის საჭიროა წვდომა ინტერნეტზე ან მობილურ მონაცემებზე. თქვენი Volvo ავტომობილი შეიძლება მოიცავდეს წვდომის საფასურს გარკვეული პერიოდისთვის, წინააღმდეგ შემთხვევაში უნდა შეიძინოთ წვდომა, თუმცა უმეტეს შემთხვევაში თქვენს წვდომაზე გავრცელდება მესამე მხარის, მაგ. ინტერნეტ სერვისის ან სატელეკომუნიკაციო სერვისის პროვაიდერის პირობები („მონაცემთა სერვისების პროვაიდერი“). Volvo Cars არ არის და არასოდეს იქნება მონაცემთა სერვისების პროვაიდერი.
თქვენი წვდომა სერვისებზე და მათი გამოყენება შესაძლოა ექვემდებარებოდეს შემოწმების პროცესის დამაკმაყოფილებლად გავლას, რაც მოიცავს სავალდებულო შემოწმებას „იცნობდეთ თქვენს მომხმარებელს“. ამ პროცესში Volvo Cars-ს ან მონაცემთა სერვისების პროვაიდერს უნდა წარუდგინოთ გარკვეული დოკუმენტაცია და პერსონალური ინფორმაცია. ზოგიერთ შემთხვევაში შესაძლოა გთხოვოთ დამატებითი დოკუმენტაციის წარმოდგენა იდენტიფიცირების პროცესის წარმატებით გავლისთვის.
სერვისებში წარმოდგენილი ზოგიერთი ფუნქციის გამოყენება შეიძლება მხოლოდ იმ შემთხვევაში, თუ Volvo ავტომობილი თქვენი ხედვის ზონაშია ან თუ სხვაგვარად დარწმუნდებით, რომ მისი გამოყენება უსაფრთხოა და არ ქმნის ქონების ან ადამიანების დაზიანების რისკს, როგორც ეს აღწერილია ამ პირობებში, სპეციფიკურ პირობებში ან დოკუმენტაციაში. ყველა სერვისი უნდა გამოიყენოთ მხოლოდ თქვენ, თქვენს ბაზარზე მოქმედი კანონების შესაბამისად და მხოლოდ კანონიერი მიზნებისთვის. თქვენ უნდა გამოიყენოთ თქვენთვის ხელმისაწვდომი ფუნქციები და სერვისები საგზაო მოძრაობის შესახებ თქვენს იურისდიქციაში მოქმედი ყველა კანონის შესაბამისად. Volvo Car-ის ფუნქციები გეხმარებათ უსაფრთხო მართვის წესების დაცვაში და არ არის განკუთვნილი არამშვიდი, აგრესიული ან სხვაგვარად საშიში ან უკანონო მართვისკენ წასაქეზებლად. საბოლოო ჯამში, ყოველთვის მხოლოდ თქვენ აგებთ პასუხს ავტომობილის უსაფრთხოდ და კანონიერად მართვაზე. ნებისმიერი გარანტია სერვისის გამოყენებისთვის შესაფერისობასთან, უსაფრთხოებასთან ან გამოყენების შესაძლებლობასთან დაკავშირებით ექვემდებარება ჩვენ მიერ გარანტიის უარყოფას.
მრავალი სერვისის გამოსაყენებლად საჭიროა გქონდეთ აქტიური Volvo ID. Volvo ID წარმოადგენს უნიკალურ, პერსონალურ და არაგადაცემად ანგარიშს, რომლის მეშვეობითაც გაძლევთ წვდომას სერვისებზე Volvo Cars ეკოსისტემაში. Volvo ID და მასთან დაკავშირებული ფუნქციონალობა წარმოადგენს სერვისს და რეგულირდება ამ პირობებით. Volvo ID-ის შექმნა და გამოყენება უფასოა.
ზოგიერთი სერვისისთვის შესაძლოა საჭირო გახდეს თქვენი Volvo ID-ს მიბმა ერთ ან რამდენიმე Volvo ავტომობილზე.
Volvo ID-ს დარეგისტრირებით თქვენ ადასტურებთ, რომ თქვენ მიერ ჩვენთვის წარმოდგენილი მონაცემები ზუსტია და დარჩება ზუსტი და Volvo ID იქმნება ამ პირობების შესაბამისად გამოსაყენებლად. თქვენ ასევე ადასტურებთ, რომ ჩვენ შეგვიძლია დაგიკავშირდეთ იმ ელფოსტის მისამართზე, რომელიც მიუთითეთ თქვენი Volvo ID-ს რეგისტრაციისას. ჩვენ არ გამოვიყენებთ ამ ელფოსტის მისამართს პირდაპირი მარკეტინგისთვის ისეთი შემთხვევების გარდა, როდესაც: (ა) პირდაპირი მარკეტინგი ეხება თქვენ მიერ შეძენილი პროდუქტის ან სერვისის მსგავს პროდუქტს ან სერვისს და თქვენ უარი არ განგიცხადებიათ პირდაპირი მარკეტინგის მიღებაზე, ან (ბ) ყველა დანარჩენ შემთხვევაში, როდესაც მივიღებთ ამაზე თქვენს ცალსახა ნებართვას.
Volvo ავტომობილის მფლობელის და/ან ძირითადი მძღოლის (თუ ის არ წარმოადგენს მფლობელს) შეცვლის შემთხვევაში დაუყოვნებლივ უნდა მოახდინოთ შესაბამის Volvo ავტომობილთან დაკავშირებული ყველა სერვისის დეაქტივაცია ქარხნული პარამეტრების აღდგენის ფუნქციის გამოყენებით. Volvo ავტომობილის მოდელისა და მოდელის წლის მიხედვით, ქარხნული პარამეტრების აღსადგენად შესაძლოა დაგჭირდეთ ავტომობილის მიყვანა Volvo-ს ადგილობრივ საცალო გამყიდველთან და მოგიწიოთ ამის საფასურის გადახდა. თქვენ დაუყოვნებლივ უნდა მოახდინოთ თქვენს Volvo ID-სა და გადაცემულ Volvo ავტომობილს, ასევე ყველა სერვისსა და შესაბამის მონაცემებს შორის არსებული კავშირის დეაქტივაცია. დამატებითი ინფორმაცია სერვისების დეაქტივაციის შესახებ იხილეთ დოკუმენტაციაში. ასევე შეგიძლიათ მიმართოთ Volvo Cars-ის საცალო გამყიდველს ან დაგვიკავშირდეთ.
თუ ჩვენთვის ცნობილი გახდება ერთი ან რამდენიმე დაკავშირებული Volvo ID-ს მქონე Volvo ავტომობილის მფლობელის და/ან ძირითადი მძღოლის (თუ ის არ წარმოადგენს მფლობელს) შეცვლის შესახებ, ჩვენ შეგვიძლია დაუყოვნებლივ დავბლოკოთ ეს კავშირები ან მოვახდინოთ მათი დეაქტივაცია ისეთი შემთხვევების გარდა, როდესაც თქვენ დაადასტურებთ, რომ თქვენ ხართ ძირითადი მძღოლი ან გაქვთ ძირითადი მძღოლის თანხმობა, გააგრძელოთ თქვენი Volvo ID-ს გამოყენება Volvo ავტომობილთან დაკავშირებით. თუ მოქმედი კანონმდებლობა სხვა რამეს არ მოითხოვს, Volvo ავტომობილის მფლობელს ან ძირითად მძღოლს არ ექნება უფლება მიიღოს წვდომა ინფორმაციაზე წინა მფლობელების, ძირითადი მძღოლების ან იმ Volvo ID-ების შესახებ, რომლებიც ადრე მიბმული იყო Volvo ავტომობილზე.
შეგიძლიათ მიიღოთ წვდომა ბევრ სერვისზე ჩვენი ძირითადი აპიდან, „Volvo Cars აპიდან“, რომელიც მართავს თქვენს ინტერაქციას Volvo Cars-თან. Volvo Cars აპის გამოსაყენებლად საჭიროა Volvo ID. ზოგიერთი სერვისის ან ფუნქციონალობის გამოყენება უფასოა, ზოგიერთი კი მოითხოვს გამოწერას ან შეძენას.
ზოგიერთი ავტომობილი Volvo იყიდება ან თავსებადია ციფრულ პაკეტთან, რომელიც შეიძლება მოიცავდეს:
ზუსტი პროდუქტები და ფუნქციები, რომლებიც ხელმისაწვდომია და/ან შედის ციფრულ სერვისებში, შესაძლოა განსხვავდებოდეს კონკრეტული ბაზრის მიხედვით.
დისტანციური საავტომობილო სერვისები წარმოადგენს თქვენს Volvo ავტომობილთან დაკავშირებულ უსადენო სერვისს. ამ პროდუქტის ძველი სახელწოდებაა Volvo On Call და შესაძლოა ზოგ შემთხვევაში კვლავ გამოიყენებოდეს ეს დასახელება, მაგ., ტელეფონებში, რომლებშიც გაშვებულია ძველი ოპერაციული სისტემები, VOC ღილაკზე მანქანაში, დოკუმენტაციაში, რომელიც ჯერ არ განახლებულა.
შესაძლოა, გქონდეთ შესაძლებლობა ისარგებლოთ შემდეგი ფუნქციებით თქვენი მობილური ტელეფონიდან:
შესაძლოა, ასევე გქონდეთ შესაძლებლობა ისარგებლოთ ზოგიერთი ფუნქციით უშუალოდ Volvo ავტომობილში:
ფუნქციების უმეტესობისთვის საჭიროა მობილურ ტელეფონში Volvo Cars აპის ჩამოტვირთვა და გამოყენება. ციფრული სერვისებისთვის ჩვენი პროდუქტის აღწერა, რომელიც ასევე აღწერს დისტანციურ საავტომობილო სერვისებს, შეგიძლიათ წაიკითხოთ აქ.
ციფრული სერვისების ან დისტანციური საავტომობილო სერვისების მუშაობისთვის საჭიროა აქტიური გამოწერა.
როგორც წესი, ციფრული სერვისების ან დისტანციური საავტომობილო სერვისების გამოწერა მოჰყვება ახლად შეძენილ Volvo ავტომობილს და მოქმედებს 3-დან 5 წლამდე – ჩვენ უზრუნველვყოფთ ინფორმაციას ადგილობრივ ბაზრებზე, მიმართეთ საცალო გამყიდველს ან ეწვიეთ Volvo Cars-ის ვებსაიტს („საწყისი გამოწერა“).
საწყისი გამოწერის დასრულების შემდეგ შეგიძლიათ გაახანგრძლივოთ გამოწერა. დაწვრილებითი ინფორმაცია გამოწერის შესახებ იხილეთ ნაწილში „გამოწერა და განახლება“.
ციფრული სერვისების ან დისტანციური საავტომობილო სერვისების ყოველგვარი გამოწერა მოჰყვება ავტომობილს და არ გადმოგეცემათ პირადად თქვენ – ამიტომ Volvo ავტომობილის გაყიდვის შემთხვევაში გამოწერა ხელმისაწვდომი იქნება მხოლოდ ახალი მფლობელისთვის. თქვენ უნდა აცნობოთ Volvo-ს, რომ აღარ ფლობთ ავტომობილს და გააუქმოთ ნებისმიერი რეგულარული გამოწერა შემდგომი გადასახადების თავიდან ასაცილებლად. ციფრული სერვისები ან დისტანციური საავტომობილო სერვისები ხელმისაწვდომი დარჩება ავტომობილთან დაკავშირებით შესაბამისი გამოწერის პერიოდის დასრულებამდე.
დისტანციური საავტომობილო სერვისები განკუთვნილია თქვენს და თქვენი მგზავრების დასახმარებლად ავარიის ან ავტომობილის მოპარვის შემთხვევაში, დისტანციური საავტომობილო სერვისების მოქმედების ფარგლებში და ფუნქციების შესაბამისად, თუმცა: (ა) არ წარმოადგენს დაზღვევის ხელშეკრულებას და Volvo Cars არ აგებს პასუხს რომელიმე სადაზღვევო კომპანიის წინაშე თქვენს Volvo ავტომობილთან დაკავშირებით, (ბ) არ არის განკუთვნილი თქვენს Volvo ავტომობილზე დაყენებული მოპარვისგან დამცავი რაიმე სხვა აღჭურვილობის ჩასანაცვლებლად ან შესაცვლელად, (გ) არ ანაცვლებს და არ ცვლის თქვენთვის ხელმისაწვდომ საშტატო ან ეროვნული გადაუდებელი დახმარების სამსახურის მომსახურებას და (დ) უნდა გამოიყენებოდეს ყველა მოქმედი კანონისა და რეგულაციის დაცვით. Volvo Cars არ იძლევა დაპირებებს და გარანტიებს მოპარული ავტომობილის დაბრუნების თაობაზე.
ციფრული დაჯავშნა არის Volvo Cars-ის სერვისი, რომელიც ხელმისაწვდომია Volvo Cars აპში ან ონლაინ და საშუალებას გაძლევთ საცალო გამყიდველთან დაჯავშნოთ Volvo ავტომობილის ტექნიკური სერვისის ან სხვა Valet სერვისების ჩატარების დრო.
ციფრული დაჯავშნისთვის გამოიყენება შემდეგი განმარტებები:
Volvo Cars არ ატარებს მომსახურებას ციფრული დაჯავშნით – ის წარმოადგენს მხოლოდ ტექნიკურ პლატფორმას, რომელიც საშუალებას გაძლევთ დაჯავშნოთ საცალო გამყიდველის მიერ თქვენი Volvo ავტომობილის სერვისის ჩატარების დრო.
Valet ითვალისწინებს საცალო გამყიდველის თანამშრომლის ან კონტრაქტორის მისვლას შეთანხმებულ ადგილზე შეთანხმებულ დღეს და დროს თქვენი Volvo ავტომობილის მანქანის შესაკეთებლად წასაყვანად და შემდეგ დასაბრუნებლად.
თუ საცალო გამყიდველი გთავაზობთ შემცვლელ (უფასო) ავტომობილს, საცალო გამყიდველმა შესაძლოა მოგაწოდოთ ის – ამ შემთხვევაში შემცვლელ ავტომობილთან დაკავშირებით საჭირო იქნება დათანხმება დამატებით წესებსა და პირობებზე.
Valet სერვისის დასრულებისას ციფრული დაჯავშნით დაიგეგმება თქვენი მანქანის შეთანხმებულ ადგილმდებარეობაზე მიყვანის თარიღი და დრო.
ციფრული დაჯავშნების მართვა შეგიძლიათ Volvo Cars აპში. ციფრული დაჯავშნის მართვა მოიცავს შემდეგს:
ციფრული დაჯავშნის გამოყენება უფასოა.
მომსახურება: თუ თქვენ არ შეიძინეთ ან გამოიწერეთ თქვენი Volvo ავტომობილი უშუალოდ Volvo Cars-ისგან:
Valet სერვისები: Volvo Cars თავად არ ახორციელებს ავტომობილების მოწოდებას Valet-ის მეშვეობით. კლიენტის და/ან შემცვლელი ავტომობილების წაყვანაზე, მოყვანაზე და გაზიარებაზე პასუხისმგებლობა ეკისრებათ საცალო გამყიდველებს. შეთანხმება Valet სერვისებისა და ღირებულების თაობაზე ფორმდება მხოლოდ თქვენსა და საცალო გამყიდველს შორის. Volvo Cars არ მონაწილეობს საცალო გამყიდველების მიერ მძღოლების შემოწმების და აყვანის პროცესში. Volvo Cars არ იძლევა გარანტიას, რომ ავტომობილის წაყვანა და მოყვანა Valet-ის მეშვეობით წარმატებით შესრულდება.
ციფრული დაჯავშნიდან, Valet-იდან, მომსახურებიდან ან საცალო გამყიდველის ან მძღოლის მიერ ჩატარებული ან გაწეული სხვა სერვისებიდან წარმოშობილი ან მათთან დაკავშირებული პრეტენზიები უნდა მოგვარდეს მხოლოდ თქვენსა და საცალო გამყიდველს შორის და იმდენად, რამდენადაც დაშვებულია კანონით, Volvo Cars არ აგებს პასუხს რაიმე ზიანზე ან ზარალზე. საცალო გამყიდველები ყოველთვის აგებენ პასუხს საკუთარი თანამშრომლების, წარმომადგენლების და კონტრაქტორების მოქმედებებზე ან უმოქმედობაზე.
ციფრული დაჯავშნა წარმოადგენს მხოლოდ ტექნიკურ პლატფორმას, რომლის საშუალებითაც შესაძლებელია მომსახურების ან Valet სერვისის დაჯავშნა ან მომხმარებლების მიერ Valet-ის მეშვეობით ავტომობილების წაყვანის და მოყვანის ორგანიზება.
შეგიძლიათ გააუქმოთ ციფრული დაჯავშნის გამოყენება შემდეგ ელფოსტის მისამართზე შეტყობინების გამოგზავნით: cld-luxedata@grp.volvocars.com.
იმისათვის, რომ შეძლოთ ფასიანი სერვისით სარგებლობა, საჭიროა შეასრულოთ ონლაინ შეკვეთის პროცესი, დაადასტუროთ შეკვეთა და გადაიხადოთ სერვისის საფასური. გთხოვთ, დაუთმოთ დრო თქვენი შეკვეთის წაკითხვას და შემოწმებას პროცესის ყოველ ეტაპზე. შეკვეთის განთავსებით თქვენ აფორმებთ სავალდებულო იურიდიული ძალის მქონე ხელშეკრულებას Volvo Cars-თან შესაბამისი სერვისით სარგებლობაზე, თუ ჩვენ არ უარვყოფთ თქვენს შეკვეთას („ხელშეკრულება“).
შეკვეთის გაფორმების დასრულებისთანავე ეკრანზე გამოჩნდება შეკვეთის დადასტურება და ჩვენ ელფოსტით გამოგიგზავნით ქვითარს/ინვოისს, რომელიც შეიცავს თქვენი შეკვეთის შესაბამის დეტალებს და შეკვეთის უნიკალურ საიდენტიფიკაციო ნომერს, რომელიც მიეთითება შემდგომ მოთხოვნებში ან კორესპონდენციაში თქვენს შეკვეთასთან დაკავშირებით. ალტერნატიულად, შესაძლოა დაგიკავშირდეთ იმის დასადასტურებლად, რომ თქვენი შეკვეთა მიღებულია. ჩვეულებრივ, ამის მიზეზია: (ა) ის, რომ ჩვენ ვერ ვახდენთ თქვენი გადახდის ავტორიზაციას, ან (ბ) თქვენ არ გაქვთ სერვისის შეძენის უფლება.
ჩვეულებრივ, სერვისის შეკვეთა და საფასურის გადახდა ხდება Volvo Cars აპიდან ან ონლაინ, გავრცელებული საკრედიტო ან სადებეტო ბარათების გამოყენებით, ონლაინ გადახდების დაცული სისტემის მეშვეობით.
ჩვენ ვიყენებთ მესამე მხარის გადახდის სერვისებს და, თქვენი საკრედიტო ან სადებეტო ბარათის შესახებ ინფორმაციის წარმოდგენით, თქვენ უფლებამოსილებას ანიჭებთ ჩვენს გადახდის პროვაიდერს, გადახდის ამ საშუალებიდან ჩამოჭრას შესაბამისი საფასური, ასევე გადასახადები და სხვა დარიცხული თანხები და თქვენ თანხმობას აცხადებთ გადახდის ტრანზაქციის, თქვენი ბარათის დეტალების და შესაბამისი მესამე მხარის მიერ გადახდის ტრანზაქციის შესასრულებლად საჭირო სხვა ინფორმაციის დამუშავებაზე (მათ შორის, თუმცა არა მხოლოდ, თაღლითობის თავიდან აცილების მიზნით). ჩვენ ვიყენებთ მესამე მხარის მხოლოდ ისეთ გადახდის სერვისებს, რომლებიც სერტიფიცირებულია ბანკების და ბარათის ექვაიერების მიერ გადახდის ტრანზაქციების უსაფრთხოდ სამართავად. მთელი კომუნიკაცია ჩვენს ვებსაიტსა და თქვენს ბანკს შორის მუშავდება მესამე მხარის გადახდის სერვისების მეშვეობით.
შეგიძლიათ ყოველგვარი მიზეზის გარეშე გააუქმოთ თქვენი ხელშეკრულება მისი გაფორმებიდან 14 დღის განმავლობაში.
ხელშეკრულების გაუქმების უფლების განსახორციელებლად უნდა შეგვატყობინოთ ხელშეკრულების გაუქმების გადაწყვეტილების შესახებ ცალსახა განცხადებით. ამისათვის შეგიძლიათ გამოგვიგზავნოთ ინფორმაცია გაუქმების გადაწყვეტილების შესახებ ჩვენს მისამართზე, რომელიც მითითებულია ზემოთ, ან დაგვიკავშირდეთ. გაუქმებისთვის შეგიძლიათ გამოიყენოთ ეს ფორმა, თუმცა სავალდებულო არ არის.
თუ თქვენ გადაწყვეტთ გააუქმოთ ხელშეკრულება, ჩვენ უსაფუძვლო დაყოვნების გარეშე დაგიბრუნებთ ყველა გადახდილ თანხას, რომელიც თქვენგან მივიღეთ ხელშეკრულებასთან დაკავშირებით. თუ თქვენ გამოიყენეთ სერვისი გაუქმების უფლების განხორციელებამდე, ჩვენ შეიძლება დასაბრუნებელი თანხიდან გამოვქვითოთ გონივრული ოდენობის თანხა, თქვენ მიერ სერვისის გამოყენების პროპორციულად.
თანხას დაგიბრუნებთ იმავე გადახდის მეთოდით, რომელიც გამოიყენეთ საწყისი ტრანზაქციისთვის. თანხის დაბრუნებისას ჩვენ არანაირ გადასახადს არ ჩამოგაჭრით.
ამ პირობების არცერთი დებულება გავლენას არ ახდენს თქვენს კანონიერ უფლებებზე, გაუქმების და სხვა უფლებების ჩათვლით.
ზოგიერთ ბაზარზე შესაძლებელია სერვისის გამოწერა რეგულარული პერიოდულობით, როდესაც გამოწერა ავტომატურად ახლდება, მაგალითად თვეში ერთხელ, ზოგ ბაზარზე კი შესაძლებელია მხოლოდ ფიქსირებული პერიოდით გამოწერა, მაგალითად, კვარტალურად ან წლიურად.
ფიქსირებული გამოწერის შემთხვევაში საფასური წინასწარ ჩამოგეჭრებათ და გამოწერა ავტომატურად არ განახლდება. თუ გაფორმებული გაქვთ ფიქსირებული გამოწერა, შეგიძლიათ ისარგებლოთ გაუქმების უფლებით და ასეთ შემთხვევაში თანხა დაგიბრუნდებათ.
თუ გაფორმებული გაქვთ რეგულარული გამოწერა (ყოველწლიური რეგულარული გამოწერის გარდა), გამოწერის პერიოდის ღირებულებას წინასწარ გადაიხდით. თქვენ შეგიძლიათ ნებისმიერ დროს შეგვატყობინოთ გამოწერის გაუქმების შესახებ და თქვენი გამოწერა დასრულდება გამოწერის შემდეგი პერიოდის დაწყებისას, თქვენი გაუქმების უფლების შესაბამისად (გამოწერის პირველად დაწყებიდან 14 დღის განმავლობაში) და ასეთ შემთხვევაში თქვენ დაგიბრუნდებათ თანხა.
თუ გაფორმებული გაქვთ რეგულარული ყოველწლიური გამოწერა, თქვენ წინასწარ ჩამოგეჭრებათ გამოწერის საფასური და შეგიძლიათ ისარგებლოთ გაუქმების უფლებით განახლებული გამოწერის პერიოდის დაწყებიდან 14 დღის განმავლობაში და ასეთ შემთხვევაში თქვენ დაგიბრუნდებათ თანხა.
თქვენ არ გაქვთ უფლება გამოიყენოთ სერვისები:
თქვენ არ უნდა დააზიანოთ, გამორთოთ სერვისები ან სხვა სახის უარყოფითი გავლენა მოახდინოთ მათზე და არ უნდა შეიტანოთ სერვისებში ვირუსები, „ჭიები“, საზიანო პროგრამები, ჯაშუშური პროგრამები, „ტროის ცხენები“ ან სხვა მავნე კოდი ან პროგრამები, რომლებმაც შეიძლება ზიანი მიაყენოს სერვისების მუშაობას. თუ სხვა პირებს მისცემთ სერვისების გამოყენების საშუალებას, თქვენ ადასტურებთ და ეთანხმებით იმას, რომ თქვენ გეკისრებათ სრული პასუხისმგებლობა ასეთ გამოყენებაზე. ეს ნიშნავს იმას, რომ მომხმარებლის მიერ ამ პირობების, მოქმედი სპეციფიკური პირობების, მესამე მხარის პირობების და/ან დოკუმენტაციის ნებისმიერი დარღვევა ჩაითვლება თქვენ მიერ ჩადენილ დარღვევად.
სერვისებისთვის საჭირო ანგარიშის გამოყენება და/ან შექმნა ყალბი იდენტობის ან არასწორი ინფორმაციის გამოყენებით აკრძალულია და შეიძლება წარმოადგენდეს სისხლის სამართლის დანაშაულს.
ზოგიერთი სერვისისთვის შეიძლება საჭირო იყოს პაროლის გამოყენება და ასეთ შემთხვევაში თქვენ უნდა აირჩიოთ რთული ამოსაცნობი პაროლი. ჩვენ შეიძლება განვსაზღვროთ მოთხოვნები იმასთან დაკავშირებით, თუ როგორი პაროლი ითვლება საკმარისად საიმედო პაროლად. მხოლოდ თქვენ აგებთ პასუხს თქვენი პაროლის საიდუმლოდ შენახვაზე და არ უნდა გაუმხილოთ ის მესამე პირებს. თუ ეჭვი გაქვთ, რომ მესამე პირმა მიიღო არაავტორიზებული წვდომა თქვენს პაროლზე, დაუყოვნებლივ უნდა შეცვალოთ პაროლი. თუ ეჭვი გაქვთ, რომ მესამე პირმა მიიღო არაავტორიზებული წვდომა სერვისებზე თქვენი Volvo ID-ს გამოყენებით, გთხოვთ, დაუყოვნებლივ დაგვიკავშირდეთ.
თქვენ აცხადებთ და გარანტიას იძლევით, რომ თქვენ არ გაყიდით, მიაწოდებთ, გაასხვისებთ, სუბლიცენზიით გადასცემთ სერვისებს და არ მოახდენთ მათ ექსპორტირებას, მთლიანად ან ნაწილობრივ (მათ შორის, თუმცა არა მხოლოდ, პროგრამულ უზრუნველყოფას), „სიაში შეტანილი პირის“ სასარგებლოდ, რაც ნიშნავს ნებისმიერ პირს, კომპანიას, ობიექტს თუ ორგანიზაციას, რომელიც შეტანილია სანქცირებულთა სიაში ან სხვაგვარად დაბლოკილია ან ექვემდებარება ეკონომიკურ სანქციებს, რომლებიც დაწესებულია ევროკავშირის, აშშ-ის ან გაეროს მიერ, ან რომელიმე სხვა უფლებამოსილი სამთავრობო ორგანოს მიერ, სიტუაციიდან გამომდინარე, ან ნებისმიერ პირს, რომელიც იმყოფება სიაში შეტანილი პირის მფლობელობაში ან კონტროლის ქვეშ, ან მოქმედებს სიაში შეტანილი პირის სახელით ან მის სასარგებლოდ. გარდა ამისა, თქვენ აცხადებთ და გარანტიას იძლევით, რომ თქვენ არ მოქმედებთ ისეთი პირის სახელით ან სასარგებლოდ, რომელიც მდებარეობს ან ორგანიზებულია კუბაში, ირანში, ჩრდილოეთ კორეაში, სირიაში ან უკრაინის ყირიმის რეგიონში და სხვაგვარად არ გაყიდით, მიაწოდებთ, გაასხვისებთ ან სუბლიცენზიით გადასცემთ სერვისებს, მთლიანად ან ნაწილობრივ (მათ შორის, თუმცა არა მხოლოდ, პროგრამულ უზრუნველყოფას), ასეთი პირის სასარგებლოდ. სერვისების გამოყენებით თქვენ ასევე აცხადებთ და გარანტიას იძლევით, რომ თქვენი ადგილსამყოფელი არ არის რომელიმე ასეთ ქვეყანაში და თქვენ არ ხართ შეტანილი რომელიმე ასეთ სიაში.
ინტელექტუალური საკუთრების უფლება სერვისზე და მის შიგთავსზე (მათ შორის, მაგრამ არა მხოლოდ პროგრამულ უზრუნველყოფაზე) წარმოადგენს ჩვენი, ჩვენი აფილირებული პირების და/ან ლიცენზიარების ექსკლუზიურ საკუთრებას. თუ სხვა რამ არ არის დაშვებული ამ პირობებით, მოქმედი სპეციფიკური პირობებით და/ან დოკუმენტაციით, თქვენ არ გადმოგეცემათ ინტელექტუალური საკუთრების უფლებები.
ჩვენ გადმოგცემთ ლიცენზიას სერვისების შიგთავსის და მასთან დაკავშირებული პროგრამული უზრუნველყოფის პირადი მიზნით გამოყენებაზე. ეს ლიცენზია, რომელიც შეიძლება მოიცავდეს ინტელექტუალური საკუთრების უფლებებს, არ არის ექსკლუზიური და, თუ სხვა რამ არ არის გათვალისწინებული მოცემული პირობებით, მისი სხვა პირისთვის გადაცემა დაუშვებელია. ლიცენზიის გამოყენება შესაძლებელია მხოლოდ ამ პირობებში ან მოქმედ სპეციფიკურ პირობებში მითითებული მიზნებისთვის და გამოყენების შეზღუდვების შესაბამისად.
თუ სხვა რამ არ არის დაშვებული კანონით, თქვენ არ გაქვთ უფლება განახორციელოთ სერვისების ან მათი შიგთავსის დეკომპილირება, უკუპროექტირება, საწყისი კოდის მიღების მცდელობა, სერვისებთან ან მათ შიგთავსთან დაკავშირებული პროგრამული უზრუნველყოფის შეცვლა ან მათ საფუძველზე ნაწარმოები ნამუშევრების შექმნა. ამ შეზღუდვის დარღვევამ ან ამ ლიცენზიის რომელიმე პირობის შეუსრულებლობამ შეიძლება გამოიწვიოს სერვისების უზრუნველყოფის შეჩერება ან შეწყვეტა.
თუ სხვა რამ არ არის მითითებული, ნიშნები, კორპორატიული ლოგოები, დომენური სახელები და ემბლემები ექვემდებარება ჩვენს ან ჩვენი ლიცენზიარების უფლებებს სავაჭრო ნიშნებზე და, ზოგ შემთხვევაში, მესამე მხარის უფლებებს სავაჭრო ნიშნებზე.
მოცემული ლიცენზია მოქმედებს ხელშეკრულების, ამ პირობების ან სპეციფიკური პირობების შეწყვეტამდე ან თქვენ მიერ შესაბამისი სერვისის ან ყველა სერვისის გამოყენების შეწყვეტამდე.
სერვისები შეიძლება მოიცავდეს მესამე მხარის აპლიკაციებისა და ვებსაიტების ბმულებს. ეს ბმულები წარმოდგენილია მხოლოდ მოხერხებულობისთვის და ჩვენ არ ვაგებთ პასუხს შესაბამის ვებსაიტებზე არსებულ ან მათ მეშვეობით ხელმისაწვდომ შიგთავსზე, პროდუქტებსა თუ სერვისებზე. რომელიმე ბმულის ჩართვა არ ნიშნავს ჩვენ მიერ შესაბამისი საიტის მხარდაჭერას.
ზემოთ აღნიშნული დებულება ვრცელდება ასევე სერვისებზე დაყრდნობით თქვენ მიერ მიღებულ ნებისმიერ გადაწყვეტილებაზე ან შესრულებულ მოქმედებაზე. ჩვენ ვიღებთ გონივრულ ზომებს თქვენი მოწყობილობებისა და სისტემების დასაცავად ვირუსებისგან, „ჭიებისგან“, საზიანო პროგრამებისგან, ჯაშუშური პროგრამებისგან, „ტროის ცხენებისგან“ და სხვა მავნე კოდებისგან ან პროგრამებისგან სერვისების უზრუნველყოფისას, თუმცა ჩვენ არ ვიძლევით გარანტიას, რომ ასეთი ელემენტები არ იარსებებს ან გავლენას არ მოახდენს თქვენს მოწყობილობებზე ან სისტემებზე.
თუ თქვენ აპის საშუალებით („Volvo Cars-ის მიერ მოწოდებული აპი“) ჩამოტვირთეთ Volvo Cars სერვისები ან მიიღეთ წვდომა მათზე აპების მაღაზიიდან ან გავრცელების პლატფორმიდან (როგორიცაა Apple Store, Google Play ან Amazon Appstore) (თითოეული – „აპის მომწოდებელი“"), თქვენ ადასტურებთ და ეთანხმებით შემდეგს:
ჩვენ შეიძლება პერიოდულად შევცვალოთ ეს პირობები ან სპეციფიკური პირობები. ჩვენ წინასწარ, სულ მცირე 30 დღით ადრე გაცნობებთ, თუ ასეთი ცვლილება არსებითია ან მნიშვნელოვნად ცვლის თქვენს ან ჩვენს ვალდებულებებს. შესაძლოა, სერვისის გამოყენების გაგრძელებამდე საჭირო იყოს შეცვლილ პირობებზე დათანხმება, ან თქვენ მიერ სერვისების გამოყენების გაგრძელება ჩაითვლება თქვენს თანხმობად შესაბამის ცვლილებებზე.
ჩვენ შეიძლება დავამატოთ ან გავაუქმოთ სერვისები და ფუნქციონალობები ან ფუნქციები სერვისებიდან, მთლიანად ან ნაწილობრივ შევწყვიტოთ კონკრეტული სერვისების მოწოდება ან მათზე წვდომა, ასევე ზოგადად შევცვალოთ სერვისები ან მათზე წვდომა, რათა სერვისები სასარგებლო და აქტუალური დარჩეს.
თქვენ ყოველთვის შეგიძლიათ შეწყვიტოთ სერვისებით სარგებლობა და ამ პირობების და სპეციფიკური პირობების მოქმედება ქვემოთ მოცემული მოთხოვნების დაცვით, თუ არ ეთანხმებით ამ პირობების, სპეციფიკური პირობების და/ან სერვისების ცვლილებებს.
თუ სხვა რამ არ არის აღნიშნული ამ პირობებში და იმდენად, რამდენადაც ნებადართულია კანონმდებლობით, არც ჩვენ და არც ჩვენს აფილირებულ პირებს არ გვეკისრება პასუხისმგებლობა თქვენ ან რომელიმე მესამე მხარის წინაშე, რომელიც გამოწვეულია ან დაკავშირებულია სერვისების მოწოდებასთან, ან დავაზე, სასამართლო პროცესზე თუ პრეტენზიაზე, რომელიც გამოწვეულია ან დაკავშირებულია თქვენს მოქმედებებთან ან უმოქმედობასთან ან სერვისების მოწოდებასთან. მესამე მხარის სერვისიდან წარმოშობილი ან მასთან დაკავშირებული პრეტენზიები უნდა მოგვარდეს მხოლოდ თქვენსა და მესამე მხარეს შორის და იმდენად, რამდენადაც დაშვებულია კანონით, Volvo Cars არ აგებს პასუხს რაიმე ზიანზე ან ზარალზე.
სერვისების და შიგთავსის მოწოდება ხდება „როგორც არის“ პრინციპის საფუძველზე, ყოველგვარი გარანტიისა და დაპირების გარეშე, მათ შორის იმის გარანტიის გარეშე, რომ სერვისები ან შიგთავსი თქვენს მოთხოვნებს დააკმაყოფილებს ან უწყვეტად ხელმისაწვდომი, დაცული ან უშეცდომო იქნება, ასევე სერვისების ან შიგთავსის ხარისხთან, სიზუსტესთან, დროულობასთან, სისწორესთან, სისრულესთან ან საიმედობასთან დაკავშირებული გარანტიების გარეშე. ზემოთქმულის შეუზღუდავად, ჩვენ და ჩვენი აფილირებული პირები ცალსახად უარვყოფთ ყველა გარანტიას გაყიდვისთვის ან კონკრეტული მიზნისთვის ვარგისიანობასთან, ხარვეზების უქონლობასთან ან შეჭრის შეუძლებლობასთან, ან გაყიდვასთან და კომერციული მიზნით გამოყენებასთან დაკავშირებით.
ამ პირობების არცერთი დებულება არ გამორიცხავს, არ ზღუდავს და არ ცვლის მოქმედი კანონმდებლობით პირდაპირ თუ არაპირდაპირ გათვალისწინებულ განცხადებას, გარანტიას, პირობას ან დაპირებას, უფლებას ან სამართლებრივი დაცვის საშუალებას, რომლის გამორიცხვა ან შეცვლა სამართლებრივად შეუძლებელია.
თუ ამ პირობებში სხვა რამ არ არის აღნიშნული და კანონით ნებადართულ ფარგლებში, არც ჩვენ და არც ჩვენს აფილირებულ პირებს არ გვეკისრება პასუხისმგებლობა:
ეს პირობები მოქმედებს მათი მოქმედების შეწყვეტამდე ან თქვენ მიერ ყველა სერვისის გამოყენების შეწყვეტამდე.
თქვენ შეგიძლიათ ნებისმიერ დროს შეწყვიტოთ რომელიმე ან ყველა სერვისის გამოყენება და ასეთ შემთხვევაში ეს პირობები, სპეციფიკური პირობები ან მესამე მხარის პირობები აღარ იმოქმედებს და თქვენ აღარ გექნებათ რაიმე ვალდებულება ამ პირობების, სპეციფიკური პირობების ან მესამე მხარის პირობების შესაბამისად.
თუ შეწყვეტთ კონკრეტული სერვისის გამოყენებას, ეს პირობები, სპეციფიკური პირობები ან მესამე მხარის პირობები კვლავ იმოქმედებს ყველა იმ სერვისის მიმართ, რომლის გამოყენებასაც გააგრძელებთ.
ჩვენ ვიტოვებთ უფლებას სამუდამოდ ან დროებით შევწყვიტოთ სერვისების უზრუნველყოფა და შევწყვიტოთ ან შევაჩეროთ ამ პირობების და/ან სპეციფიკური პირობების მოქმედება იმ შემთხვევაში, თუ: (ა) ფაქტობრივად დაარღვევთ ამ პირობებს და/ან სპეციფიკურ პირობებს ან თუ არსებობს ასეთი დარღვევის გონივრული ეჭვი, (ბ) გადავწყვეტთ არსებული ფორმატით სერვისების მოწოდების შეწყვეტას, მთელ მსოფლიოში ან კონკრეტულ გეოგრაფიულ რეგიონში, ან (გ) არსებობს ნებისმიერი სხვა კომერციული მიზეზი, რომელიც საკუთარი შეხედულებისამებრ მიგვაჩნია გონივრულ მიზეზად სერვისების უზრუნველყოფის შესაწყვეტად. თუ Volvo Cars გადაწყვეტთ სერვისის უზრუნველყოფის შეწყვეტას, სერვისის შეწყვეტამდე გონივრულ ვადაში მიიღებთ შესაბამის შეტყობინებას ამის შესახებ.
ამ პირობების მოქმედების შეწყვეტისას სერვისებით სარგებლობა თქვენთვის შეუძლებელი ხდება.
მოქმედების შეწყვეტა გავლენას არ მოახდენს ამ პირობების, სპეციფიკური პირობების ან მესამე მხარის პირობების ისეთ დებულებებზე, რომლებიც საკუთარი ხასიათიდან გამომდინარე ძალაში რჩება მოქმედების შეწყვეტის შემდეგაც, მათ შორის, თუმცა არა მხოლოდ, პირობებზე, რომლებიც ეხება: (ა) გარანტიების უარყოფას, (ბ) პასუხისმგებლობის შეზღუდვას, (გ) უფლებების გადაცემას და (დ) მოქმედ კანონმდებლობას და იურისდიქციას.
არცერთ მხარეს არ შეუძლია ამ პირობებით ან სპეციფიკური პირობებით გათვალისწინებული საკუთარი უფლებების ან ვალდებულებების გადაცემა სხვა პირზე მეორე მხარის წერილობითი თანხმობის გარეშე. თუმცა ჩვენ შეგვიძლია აფილირებულ პირს გადავცეთ ამ პირობებით და/ან სპეციფიკური პირობებით გათვალისწინებული ჩვენი უფლებები და ვალდებულებები.
თუ კანონით სხვა რამ არ მოითხოვება, ეს პირობები, სპეციფიკური პირობები და სერვისების გამოყენება განიმარტება და რეგულირდება ადგილობრივი კანონმდებლობის შესაბამისად, საქონლის საერთაშორისო ნასყიდობის ხელშეკრულებათა შესახებ გაეროს კონვენციის გამოკლებით, მისი კოლიზიური ნორმების გაუთვალისწინებლად. თუ კანონით სხვა რამ არ მოითხოვება, ამ პირობებიდან და/ან სპეციფიკური პირობებიდან წარმოშობილი ყველა პრეტენზიის განსახილველად ექსკლუზიურ იურისდიქციას წარმოადგენს იმ რეგიონის სასამართლოები, სადაც მდებარეობს ჩვენი რეგისტრირებული ოფისი.
თუ გსურთ მოგვმართოთ რაიმე საკითხის თაობაზე, გთხოვთ, დაგვიკავშირდეთ.