Քաղաքային ավտոմեքենաներ

Փոքր մեքենաներ, մեծ արկածներ, քաղաքային անսահման ոգի:

Volvo քաղաքային ավտոմեքենաները հարմարեցված են քաղաքային միջավայրում հեշտ երթևեկելու համար: Դրանք ունեն մանևրողականության, նեղ փողոցների, խցանումների և կայանման հետ կապված խնդիրները կառավարելու գերազանց հատկություններ: Դրանց կոմպակտ չափսերը և կատարելագործված առանձնահատկությունները գործնական ու հարմար լուծումներ են առաջարկում քաղաքային երթևեկության համար:

Փոքր ավտոմեքենաներ, որոնք մեծ տպավորություն են թողնում

Volvo-ի կոմպակտ ամենագնացները առանձնանում և ուշադրություն են գրավում իրենց համարձակ, աչքի ընկնող արտաքին դիզայնով: Այս ամենագնացները համատեղում են ոճն ու արտադրողականությունը՝ շնորհիվ նրբագեղ ուրվագծերի, համապատասխանեցված գունային լուծումներով վահանակների, էլեգանտ անիվների և կողային հայելիների:

Մեր քաղաքային ավտոմեքենաների շարքը

Քաղաքային հարմարավետ վարում

Մեր ավտոմեքենաները քաղաքային մեքենավարման համար ունեն բազմաթիվ գործնական հնարավորություններ, օրինակ՝ վարորդին աջակցող առաջատար տեխնոլոգիան, որն ավելի հանգիստ մեքենավարման հնարավորություն է տալիս: Արագության ճշգրտումների և ղեկի մեղմ աջակցության միջոցով այն օգնում է պահել անվտանգ հեռավորություն դիմացից ընթացող ավտոմեքենաներից։ Բացի այդ, այն գերազանց կերպով կառավարում է տրանսպորտային միջոցների ընդհատական հոսքը՝ ճիշտ ժամանակին տալով ազդանշաններ, երբ երթևեկությունը կանգառից հետո նորից սկսում է շարժվել:

Դռների բացման անվտանգության Խելացի համակարգ

Հրաժեշտ տվեք խիտ երթևեկությամբ քաղաքում դռների բացման հետևանքով առաջացած պատահարներին: Volvo EX30-ում ներառել ենք դռների բացման խելացի ազդանշանային համակարգ: Այս առաջատար համակարգը տեսողական և ձայնային ազդանշաններ է հաղորդում՝ տեղեկացնելով ձեզ, երբ պատրաստվում եք դուռը բացել հեծանվորդի կամ ճանապարհային երթևեկության այլ մասնակիցների ճանապարհին։

Զբաղեցրեք քաղաքային կայանատեղին փոքր ավտոմեքենայով

Քաղաքում կայանելը բավականին բարդ խնդիր է՝ հաշվի առնելով այլ ավտոմեքենաների, հեծանվորդների և հետիոտների առկայությունը: Այս պարագայում կոմպակտ քաղաքային ավտոմեքենաներն իսկապես գերազանցում են: Դրանցով հեշտ է մանևրել նեղ տարածքներում: Հասանելի է նաև Park Pilot Assist գործառույթը, որը ավելի է հեշտացնում ձեր կայանումը՝ օգնելով գտնել կայանատեղիներ և ուղղորդել ձեր Volvo-ին դեպի տվյալ կայանատեղի՝ ապահովելով առանց սթրեսի կայանման հնարավորություն:

360° հայացք քաղաքի վրա

Volvo-ի 360 աստիճան տեսախցիկը փոխում է քաղաքում վարելու խաղի կանոնները առաջարկելով լայն տեսադաշտ իրավիճակի ճիշտ գնահատման համար։ Այն հեշտացնում է զուգահեռ կայանումը, օգնում է խուսափել մայթեզրերից և հեշտացնում է նեղ տարածության մեջ մանևրումը: 360 աստիճան տեսախցիկն օգնում է ապահովել ավելի անվտանգ և առանց սթրեսի քաղաքային մեքենավարում՝ անկախ նրանից, մարդաշատ խաչմերուկում եք, թե նեղ երթևեկության գոտում։

Ճանապարհին եղեք կենտրոնացած

Քաղաքում մեքենավարելիս շատ կարևոր է զգոն լինել հեծանվորդների, հետիոտների, ճանապարհային նշանների նկատմամբ և մնալ երթևեկության գոտում: Volvo-ի դիմապակու պրոյեկտորը հեշտացնում է այդ՝ անմիջապես դիմապակու վրա ցուցադրելով կարևոր տեղեկությունները՝ արագությունը, նավիգացիայի ուղղությունները և ավելին, ուստի ստիպված չեք լինի շեղվել ճանապարհից:

Volvo-ի մանկական ապահով նստատեղին նստած երեխայի նկար։

Քաղաքային անվտանգություն երեխաների համար

Volvo Cars-ի անվտանգության հանձնառությունը վերաբերում է նաև իր ամենափոքր ուղևորներին: Մենք առաջարկում ենք մանրամասն մշակված մանկական նստատեղեր և բարձրացվող բարձիկներ, որոնք ապահովում են ձեր երեխայի անվտանգությունը վաղ մանկությունից մինչև 10 տարեկան: Այս նստատեղերը ձեր երեխաների համար ապահովում են օպտիմալ անվտանգություն և կատարյալ կերպով տեղավորվում են մեր քաղաքային ավտոմեքենաների սրահում:

Լիցքավորման մալուխին միացված ֆյորդ կապույտ Volvo XC40։

Volvo C40

Դիմավորեք մեր առաջին ամբողջովին էլեկտրական քրոսովերը:

Մանրակրկիտ մշակված դիզայն

Քաղաքային ավտոմեքենաները կոմպակտ են, բայց Volvo-ի հնարամիտ դիզայնի շնորհիվ տարածքն օպտիմալացված է թե՛ ուղևորների, թե՛ բեռների համար: Մինիմալիստական դիզայնի բոլոր տարրերը մանրակրկիտ մշակված են՝ սկսած բեռնախցիկի լայն չափսերից մինչև սրահի խելացի պահեստավորում և ոտքերի ընդարձակ տարածք, ինչը չեք ակնկալում փոքր չափսի ավտոմեքենայից:

Ընդարձակ պահեստավորման տարածք

Ավտոմեքենան բեռնելիս, անկախ դրա չափսերից, մեզ մշտապես անհրաժեշտ է լինում հավելյալ տարածք: Սկսած մթերքներից մինչև պայուսակներ և մանկասայլակներ. առաջին անհրաժեշտության պարագաների ցանկը կարող է անվերջ թվալ:  Արտաքինից կոմպակտ Volvo XC40-ը խելացի պահեստավորման հրաշալի հնարավորություն է տալիս: Այն ունի ընդարձակ, հեշտ բեռնվող և բեռնաթափվող բեռնախցիկ, բեռնախցիկի հատակի տակ լրացուցիչ տարածք և պահեստավորման խելացի լուծումներ այնպիսի իրերի համար, ինչպիսիք են ջրի շշերը և հեռախոսները: Ընտրանքների ցանկից կարող եք ավելացնել բեռնախցիկի դուռը բացելու ձեռնազատ տարբերակը՝ պարզապես ոտքը շարժելով հետևի բամպերի տակ:

Նորարարական լուծումներով վերականգնվող նյութեր

Քաղաքային ավտոմեքենա որոնելիս անհրաժեշտ է առաջնահերթություն տալ տարածքին և հարմարավետությանը: Սակայն դա չի նշանակում, որ ոճի հարցում պետք է գնալ փոխզիջումների: Մինչ օրս արտադրված մեր ամենափոքր ամենագնացում՝ Volvo EX30-ում, կարող եք ընտրել ինտերիերի չորս տարբեր ոճերից որևէ մեկը՝ Breeze, Mist, Pine և Indigo: Յուրաքանչյուր ոճ ներշնչված է սկանդինավյան բնության հանդարտ գեղեցկությամբ և համալրված է նորարարական վարպետությամբ՝ օգտագործելով վերականգնվող և վերամշակված նյութեր:

Լուռ և հարմարավետ վարում

Volvo C40-ի համայնապատկերային տանիքն ունի լամինացված և մգեցված ապակի, որն արդյունավետորեն պաշտպանում է արևի շողերից և ուլտրամանուշակագույն ճառագայթներից: Տանիքի այս յուրահատուկ դիզայնը սրահում ստեղծում է բնական լուսավորված միջավայր: Բացի այդ, այն կարևոր դեր է խաղում ջերմաստիճանի կարգավորման, ներսում հաճելի կլիմայի ապահովման և աղմուկի նվազեցման հարցում՝ նպաստելով հանգիստ մեքենավարմանը։

Մեծ բետոնե շենքի մոտ կայանված Volvo EX30-ի կողային տեսք:

Volvo EX30

Դիմավորեք մեր ամբողջովին էլեկտրական կոմպակտ ամենագնացը։

Քաղաքում էլեկտրական ավտոմեքենայի անցնելու առավելությունները

Քաղաքային տարածքները հաճախ բախվում են աղտոտվածության և բնապահպանական մարտահրավերների հետ: Էլեկտրական ավտոմեքենաների անցումը առաջարկում է ավելի կայուն լուծում, որը համապատասխանում է ավելի մաքուր, կանաչ քաղաքների անհրաժեշտությանը: Volvo Cars-ի համար դա մեքենավարման ապագան է, և մենք նախատեսում ենք մինչև 2030թ․ դառնալ լիովին էլեկտրական ավտոմեքենաների ընկերություն:

Էլեկտրական կամ վերալիցքավորվող հիբրիդային քաղաքային ավտոմեքենայի լիցքավորումը

Volvo-ի լիցքավորումը քաղաքում երբեք ավելի հեշտ չի եղել՝ շնորհիվ լիցքավորման կայանների աճող ցանցի։ Դուք կարող եք գտնել դրանք՝ օգտվելով ձեր ավտոմեքենայի խելացի կենտրոնական էկրանից: Volvo Cars app-ը ձեզ տալիս է օգտակար հիշեցումներ և ուղղություններ դեպի լիցքավորման ամենամոտ կայանը: Ուստի, ճանապարհին կարող եք հեշտությամբ լիցքավորել ձեր մարտկոցը թե՛ երկար ճանապարհորդությունների համար, թե՛ լրացուցիչ էներգիայի անհրաժեշտության դեպքում:

Օպտիմալացված մարտկոցը նշանակում է հանգիստ երթևեկություն քաղաքում

Մարտկոցի նախապես հովացում կամ տաքացումը օգտակար գործառույթ է, որը կարելի է գտնել շատ էլեկտրական Volvo ավտոմեքենաներում և նախատեսված է ավտոմեքենայի մարտկոցը օպտիմալ ջերմաստիճանի բերելու համար:Այն մեծացնում է մարտկոցի մեկ լիցքավորման միջակայքը, արագացնում է լիցքավորումը և ապահովում է մարտկոցի ճիշտ աշխատանքը: Դրա միջոցով կստանաք ավելի երկար տարածություն անցնելու հնարավորություն, ավելի արագ լիցքավորում և ավելի օպտիմալ մարտկոց:

Լիցքավորման մալուխին միացված մոխրագույն կանաչ Volvo XC40։

Volvo XC40

Դիմավորեք մեր ամբողջովին էլեկտրական կոմպակտ ամենագնացը։

Խելացի և կապակցված քաղաքային ավտոմեքենաներ

Քաղաքային ավտոմեքենաների արագ զարգացող ոլորտում տեխնոլոգիան և տեղեկատվական-ժամանցային համակարգը առաջնային կարևորություն ունեն և առաջարկում են ոչ միայն կոմպակտ չափսեր, այլև խելացի գործառույթներ և կապակցվածություն: Դա քաղաքաբնակների համար ապահովում է հարմարավետության և ժամանցի իդեալական համադրություն:

Զգայուն սենսորային էկրան

Մեր պլանշետը ծառայում է թե՛ որպես վարորդի ինտերֆեյս, թե՛ կենտրոնական էկրան՝ անթերի կերպով մեկ էկրանում ինտեգրելով մեքենավարման կարևոր տեղեկությունները և ձեր նախընտրած կառավարումները: Սենսորային էկրանը մանրամասն մշակված է տրամադրելու բյուրեղյա մաքուր, բարձր հստակությամբ պատկերներ՝ նվազագույնի հասցնելով խանգարող փայլը կամ արտացոլանքը։ Իսկ դրա զգայուն արձագանքը բացառիկ է, որն ապահովում է հրամանների ակնթարթային կատարում։

Ավտոմոբիլային հավելվածների հասանելիություն

Ձեր Volvo-ում Google-ը ինտեգրված է ձեր մեքենավարման ընթացքի մեջ՝ թույլ տալով ձեզ մուտք գործել Google Play և ավտոմեքենայի համար նախատեսված հավելվածների տեսականի, որպեսզի կարողանաք կապի մեջ մնալ նույնիսկ ճանապարհին:

Առավելագույնը նավիգացիայի մեջ

Google քարտեզները ձեր Volvo-ում ինտեգրելու արդյունքում սմարթֆոնի ձեզ ծանոթ ինտերֆեյսը սահուն կերպով միավորվում է կատարելագործված պրեմիում գործառույթների հետ: Նավիգացիան երբեք ավելի հեշտ չի եղել:

Volvo-ի սրահի Harmon Kardon բարձրախոսի խոշոր պլանով պատկեր

Առաջատար ձայնային համակարգ

Մենք գիտակցում ենք երաժշտության կարևորությունը ձեր քաղաքային մեքենավարման ժամանակ։ Լավ ընտրված ձայնահոլովակը կամ երգացանկը կարող է զգալիորեն թեթևացնել խցանման հետևանքով առաջացած սթրեսը: Bower & Wilkins-ի և Harmon Kardon-ի հետ համագործակցությամբ մենք առաջարկում ենք բացառիկ ձայնային համակարգեր: Այս ապրանքանիշերը պարտավորվել են տրամադրել ձեզ արտասովոր ձայնային առանձնահատկություններ, որոնք գերազանցում են սովորականի սահմանները:

Volvo Cars հավելվածը ցույց է տալիս լիցքավորման մակարդակը սմարթֆոնում:

Մեկ հավելված ձեր բոլոր կարիքների համար

Volvo Cars հավելվածի միջոցով դուք կարող եք առանց ջանքերի հետևել ձեր լիցքավորման ընթացքին և սահմանել ժամաչափ, որպեսզի ձեր ավտոմեքենան նախապես տաքացվի: Դուք կարող եք նաև հեռակա կերպով կողպել և ապակողպել ձեր ավտոմեքենան, ինչպես նաև պլանավորել ձեր առաջիկա տեխսպասարկումները՝ բոլորը մեկ հարմար վայրից:

Հաճախ տրվող հարցեր

Ինչո՞վ է տարբերվում քաղաքային մեքենավարումը գյուղական վայրերում վարելուց:

Քաղաքային մեքենավարումը ներառում է երթևեկության, կայանման և հետիոտների նկատմամբ զգուշության հետ կապված հարցեր, մինչդեռ գյուղական վայրերում վարելը նշանակում է ավելի երկար տարածություններ ավելի մեծ արագությամբ: Քաղաքային մեքենաները նախագծված են քաղաքի մարտահրավերների համար և առաջարկում են մանևրողականություն, կոմպակտ կառուցվածք և առաջատար անվտանգության առանձնահատկություններ:

Ի՞նչ գործառույթներ են տրամադրվում քաղաքային ավտոմեքենայում:

Մեր քաղաքային ավտոմեքենաները զինված են անվտանգության և հարմարավետության մի շարք գործառույթներով, որոնք նախատեսված են բարելավելու ձեր քաղաքային մեքենավարումը։ Այս գործառույթները կարող են տարբեր լինել՝ կախված շուկայից և ավտոմեքենայի մոդելից, բայց կարող են ներառել դռների բացման անվտանգության խելացի համակարգը, Park Pilot Assist-ը, 360 աստիճան տեսախցիկի համակարգը և դիմապակու պրոյեկտորը: Բացի այդ, մեր հեշտ կառավարվող տեղեկատվական-ժամանցային համակարգը առաջարկում է իրական ժամանակում երթևեկության թարմացումներ՝ օգնելու ձեզ ընտրել ամենաճիշտ երթուղիները:

Կա՞ն արդյոք քաղաքային վարման համար նախատեսված ամենագնացներ։

Թեև ամենագնացներն առնչվում են արտաճանապարհային արկածների հետ, Volvo-ն առաջարկում է ավելի փոքր ամենագնացներ, որոնք նախատեսված են քաղաքային կյանքի համար: Սակայն հարկ է նշել, որ քաղաքները և անհատական պահանջները տարբեր են: Հետևաբար, նույնիսկ ավելի մեծ ամենագնացը, ինչպիսին EX90-ն է, կարող է հարմար լինել քաղաքային միջավայրի համար: Բացահայտեք մեր մոդելային շարքը ձեր կարիքներին համապատասխան տարբերակ գտնելու համար:

Վերը նկարագրված առկա և ապագա տեխնոլոգիաները, գործառույթները և հնարավորությունները կարող են տարբեր լինել, հասանելի չլինել բոլոր շուկաներում կամ ստանդարտ չլինել բոլոր շուկաների կամ մոդելների համար: Նկարագրված Google-ի ներկառուցված գործառույթները կարող են ստանդարտ կամ հասանելի չլինել բոլոր մոդելների, ոճերի և շարժիչների համար: Google Assistant-ը հասանելի չէ բոլոր լեզուներով և բոլոր շուկաներում: Google-ը, Google Play-ը, Google Maps-ը և YouTube Music-ը հանդիսանում են Google LLC-ի ապրանքանիշերը: