EX90

Եղեք կենտրոնացված ճանապարհի վրա 13,2 դյույմանոց բարձր տարլուծմամբ պրոյեկտորի օգնությամբ: Վարման կարևոր տեղեկությունները ցուցադվում են դիմապակու վրա: Կարիք չկա լարել աչքերը՝ շարունակաբար հայացքը գցելով ճանապարհի և էկրանների միջև: Վարելիս դիմապակու պրոյեկտորի պայծառությունն ավտոմատ կերպով հարմարվում է արտաքին լույսի պայմաններին՝ թե ցերեկ, թե գիշեր: Անհատականացրեք դիրքը և պայծառությունը՝ ըստ ձեր նախասիրությունների:

Ղեկին Ձեզ զգացեք ավելի հանգիստ կենտրոնական էկրանի միջոցով, որն արձագանքում է ավտոմեքենայի ներսում և դրսում կատարվող իրադարձություններին՝ ներկայացնելով անհրաժեշտ տեղեկությունները, երբ դրանց կարիքն ունեք: Երբ նստում եք ձեր ամենագնացը, բացվում է ողջույնի էկրանը՝ թույլ տալով կարգավորել առաջիկա երթուղին: Ակտիվացրեք ձեր նախընտրած հսկիչները, օրինակ՝ մեկ ոտնակով շարժիչը կամ վարման լիաքարշ ռեժիմը, և կարգավորեք պայծառությունը: Կարող եք նաև մուտք գործել ձեր հեռախոս, նավիգացիայի տարրեր և մեդիա ֆայլեր՝ առանց մատը սահեցնելու անհրաժեշտության: Պարզապես հպեք բոլոր գործառույթներից օգտվելու համար: Մեծ էկրանը ցուցադրում է քարտեզները և տեսախցիկի ռեժիմները, որոնք կարող եք հեշտությամբ դիտել մեկ հայացքով: Խելացի սարքավորումներն շարժման ընթացքում օգնում են ձեզ կառավարել ավտոմեքենայի գործառույթները: Սա ներառում է համատեքստային վահանակ, որն առաջարկում է գործառույթներ՝ կախված ձեր վարման վարքից:Օրինակ՝ ցածր արագությամբ վարելիս հայտնվում է կայանման տեսախցիկի պատկերակը, որ միգուցե ցանկանաք ակտիվացնել Park Pilot Assist-ը:

Միացեք ձեր թվային աշխարհին կենտրոնական էկրանի միջոցով: Google-ի հավելվածներն ու ծառայությունները ինտեգրված են EX90-ում, ուստի կարող եք օգտագործել տեղեկատվական-ժամանցային համակարգը, ինչպես կանեիք ձեր սմարթֆոնում: Խոսեք Google Assistant-ի հետ՝ տեքստային հաղորդագրություններ ուղարկելու, ավտոմեքենայի կլիման վերահսկելու, ձեր տան համատեղելի խելացի սարքերին միանալու և այլ գործողությունների համար: Պարզապես ասեք «Hey Google» սկսելու համար: Շարժման ընթացքում լսեք ձեր սիրած երաժշտությունը, ձայնահոլովակները և աուդիոգրքերը կամ դիտեք վերջին սերիալները, ֆիլմերը և ընթերցեք գրքերը՝ մինչ սպասում եք երեխաներին վերցնելու համար:* Ձեր երթուղային հավելվածները հասանելի են EX90-ում՝ Google Play-ում: Ճամփորդեք դեպի ձեր նպատակակետը Google Maps-ով՝ կառավարելով ձայնով կամ կենտրոնական էկրանի միջոցով: Իրական ժամանակով երթևեկության մասին տեղեկատվությունը թույլ է տալիս փոխել երթուղին առավել արդյունավետ ճանապարհորդություն ապահովելու համար: Այն նաև օգնում է ձեզ վերահսկել լիցքավորումը՝ գնահատելով մարտկոցի մակարդակը և տեղեկատվություն տրամադրելով ճանապարհին առկա լիցքավորման կայանների մասին:

Ձեր EX90-ի սենսորները և հպազգայուն ղեկը հետևում են ձեր աչքերի և գլխի շարժումներին, վարելու ոճին: Եթե որևէ պատճառով ձեր ուշադրությունը կենտրոնացած չէ ավտոմեքենա վարելուն, սենսորները կարող են միջամտել ձեր անվտանգությունն ապահովելու համար: Կախված իրավիճակից՝ դա արվում է մի քանի տարբեր մակարդակներում: Օրինակ, եթե սենսորները հայտնաբերեն, որ դուք քնկոտ եք, ավտոմեքենան կուղարկի հաղորդագրություն՝ առաջարկելով դադարեցնել վարումը: Իրավիճակի լրջության հետ մեկտեղ նախազգուշացնող ազդանշաններն ուժեղանում են։ Եթե դուք չպատասխանեք, այն կարող է ապահով կերպով կանգնեցնել ավտոմեքենան երթևեկության գոտում և միացնել վտանգի լույսերը: Այն կարող է նաև օգտագործել այդ տեղեկատվությունը ճանապարհին հնարավոր բախումներ հայտնաբերելիս և միջամտել ավելի վաղ փուլում:

Ստացեք հիշեցում, թե ով կա ավտոմեքենայում, որպեսզի հնարավոր լինի կանխել իրավիճակները, երբ ուղևորները պատահաբար մոռացվում են ավտոմեքենայում: Սրահում ճիշտ դիրքավորված ռադարային սենսորների շնորհիվ ուղևորների նոր սենսորային համակարգը կարող է հայտնաբերել ենթամիլիմետրային շարժումները սրահի ներսում։ Եթե EX90-ը զգում է, որ դռները կողպելիս ավտոմեքենայում մնացել է մարդ կամ կենդանի, այն կարող է չկողպվել և ձեզ ազդանշանով ծանուցել, որ ստուգեք սրահը: Կլիմայի կառավարման համակարգը կարող է միացված մնալ, եթե սրահում մարդիկ կամ կենդանիներ հայտնաբերվեն՝ նրանց հարմարավետությունը բարելավելու և հիպոթերմիայի կամ ջերմահարության վտանգը նվազեցնելու համար:

Ավտոմեքենայի դռները բացելիս խուսափեք չնախատեսված վթարներից: Ձեր Volvo-ի հետևի ռադարները կարող են նկատել հետևից մոտեցող հեծանվորդներին, այլ վարորդներին և զգուշացնել սրահում գտնվող այն ուղևորներին, ովքեր պատրաստվում են բացել իրենց դուռը: Ավտոմեքենան ծանուցումներ է ուղարկում երկու փուլով: Նախ լուսավորվում է համապատասխան դռան հայելու նախազգուշական լույսը, եթե բախումն անխուսափելի է լույսը կարող է թարթել նախազգուշացնող ազդանշանով:

Նեղ կայանատեղիներում օգտագործեք կենտրոնական էկրանի 3D պատկերը։ Ավտոմեքենայի առջևի, հետևի, ձախ և աջ կողմերի չորս տեսախցիկները ստեղծում են ձեր շրջակայքի պատկերը: Ավելի մեծ տեսանելիության համար ընտրեք տրոհված էկրանի տարբերակներից մեկը: Եթե կատարում եք հետընթաց կայանում, հետևի տեսախցիկը ցույց է տալիս ուղղորդող գծերը՝ օգնելով հեշտությամբ կայանել կայանատեղիում: Մեկ հպումով խոշորացրեք տեսադաշտը ավելի լավ տեսնելու համար։ Այս գործառույթը հատկապես օգտակար է, երբ հետընթաց շարժվում եք կցորդ կցելու համար:

Մեծացրեք հարմարավետությունը գիշերը վարելիս և նվազեցրեք ճանապարհային երթևեկության այլ մասնակիցներին կուրացնելու հավանականությունը։ Volvo EX90-ում տեղադրված պիքսելային լուսարձակների առաջադեմ տեխնոլոգիան պարունակում է 1,3 միլիոն պիքսել, որոնք կարող են փոխել իրենց արձակած լույսի ձևն ու ինտենսիվությունը: Այս տեխնոլոգիան ավտոմեքենայի առջևի տեսախցիկների հետ միասին կարող է հայտնաբերել մինչև հինգ ավտոմեքենա և երեք այլ առարկաներ և ավտոմատ կերպով կարգավորել դրանց վրա ուղղված լույսը օպտիմալ տեսանելիության համար: Այն օգնում է նվազեցնել կուրացնող լույսը և խուսափել ճանապարհի մյուս վարորդներին կուրացնելուց:

Երբ թվային բանալիով մոտենաք EX90-ին, լուսարձակներն ու հետևի լուսադիոդային լամպերը կողջունեն ձեզ լույսերի հաջորդականությամբ և թարթումով։ Դռների բռնակները դուրս կգան և կբացվեն, կակտիվանա հատակի լուսավորությունը։ Դուռը բացելիս սրահի լույսերի հետ մեկտեղ կմիանան ավտոմեքենայի էկրաններին ցուցադրվող անձնական ողջույնի հաղորդագրությունները :

Երրորդ շարքի նստատեղերն առաջարկում են հարմարավետ ուղևորություն երկու ուղևորի համար՝ նախատեսված գլխակալներով և ոտքերի լայն տարածությամբ: Լրացուցիչ ուղեբեռի տարա՞ծք է անհրաժեշտ: Դուք կարող եք մեկ կոճակի հպումով հեշտությամբ ամբողջովին հարթ դիրքով ծալել դրանցից յուրաքանչյուրը:

Ակտիվ պնևմատիկ կախոցի շնորհիվ սահուն կերպով մեքենավարեք մայրուղիներում, կտրուկ շրջադարձերում և գյուղական ճանապարհներում: Բոլոր չորս անիվների համար նախատեսված երկխցիկ պնևմատիկ կախոցը աշխատում է օդով, այլ ոչ թե զսպանակներով՝ շարունակաբար կարգավորելով շասսին մեքենայի սահուն ընթացքն ապահովելու համար՝ նույնիսկ ծանր ուղեբեռով կամ խորդուբորդ ճանապարհներին վարելիս։ Այն ձեզ տալիս է բարձրակարգ հարմարավետությամբ պրեմիում ուղևորության հնարավորություն: Երբ մեծացնում եք արագությունը, այն ավտոմատ կերպով իջեցնում է ավտոմեքենայի դիրքը բարելավված աերոդինամիկայի և ավելի երկար վազքի համար: Էլեկտրոնային եղանակով կառավարվող ամորտիզացիոն համակարգը վայրկյանում 500 անգամ ստուգում է ձեր վարելու ոճը, արագությունը և ճանապարհի պայմանները, որպեսզի ճշգրտումներ կատարի, որոնք կբարելավեն հարմարավետությունը՝ մեծացնելով անվտանգության զգացումը մեքենայի ներսում: Դուք կարող եք նաև իջեցնել ավտոմեքենայի հետնամասը, եթե բեռնախցիկում տեղադրում եք ծանր իրեր կամ քարշակ եք կցում:

Volvo EX90-ի սրահում հայտնվեք լռության մեջ, որը նախատեսված է շրջապատող աղմուկն ու թրթռոցներն արգելափակելու համար: Աերոդինամիկ պատյանը, բարձրակարգ պնևմատիկ կախոցը, հատուկ անվադողերը և ժամանակակից ձայնամեկուսացումը ապահովում են բարձր մակարդակի լռություն ձեր EX90-ում: Այսպիսով, կարող եք հանգիստ լսել հետևի նստատեղերի ուղևորներին, լիովին օգտվել ձեր Bowers & Wilkins բարձրորակ աուդիո համակարգից կամ վերականգնել ձեր ներքին հանգստությունը:

Կտրվեք արտաքին աշխարհից EX90-ի լամինացված պատուհաններով և համայնապատկերային տանիքով: Սրահում ձեր հարմարավետությունը մեծացնելու համար լամինացիան նպաստում է ուլտրամանուշակագույն ճառագայթներից պաշտպանությանը և լրացուցիչ ձայնամեկուսացմանը: Այն ապակին ավելի ամուր է դարձնում՝ ստեղծելով անվտանգության լրացուցիչ շերտ բախման կամ կոտրման դեպքում:

Apple CarPlay-ի միջոցով կատարեք զանգեր, ուղարկեք հաղորդագրություններ, մուտք գործեք քարտեզներ և վայելեք երաժշտություն՝ առանց հայացքը ճանապարհից կտրելու: Ձեր սիրած հավելվածներն ու գործառույթները կառավարելու համար անմիջապես կենտրոնական էկրանից կարող եք անլար կերպով միացնել ձեր iPhone-ը :* Ձեր iPhone-ի հավելվածները հատուկ հարմարեցված են CarPlay-ով վարելու համար: Siri-ի ձայնային հրամաններով ուղարկեք հաղորդագրություններ, կատարեք զանգեր, ունկնդրեք ձեր սիրած երաժշտությունը և Maps-ի միջոցով ձեր ընկերներին հայտնեք ձեր ժամանման մոտավոր ժամը:

Ստացեք ձեր էներգասպառման ընդհանուր նկարագրությունը և ձեր մեքենայի վազքի տարածությունը բարելավելու ուղիները կենտրոնական էկրանի Range Assistant գործառույթի միջոցով: Արդյոք բավարար էներգիա ունե՞ք ձեր նպատակակետին հասնելու համար։ Range Assistant-ը կարող է ձեզ տրամադրել մոտավոր վազքի տարածություն, որը հիմնված է այնպիսի գործոնների վրա, ինչպիսիք են՝ վարման ոճը, ճանապարհային պայմանները և իրական ժամանակում էներգիայի օգտագործումը: Այն կարող է նաև տրամադրել նվազագույն և առավելագույն վազքի տարածության գնահատում՝ հիմնված ձեր մարտկոցի ընթացիկ մակարդակի վրա: Ակտիվացրեք Range Optimiser գործառույթը հավելվածում, և ձեր ավտոմեքենան կարող է կարգավորել կլիման, վարման ռեժիմը և մարտկոցի նախապես հովացման կամ տաքացման կարգավորումները՝ առավելագույնի հասցնելով այն տարածությունը, որը կարող եք անցնել մեկ լիցքավորման ընթացքում:

Ընտրեք լիցքավորման կայանը, և արագ լիցքավորման համար ձեր Volvo-ն նախապես տաքացնելու կամ հովացնելու միջոցով կսկսի նախապատրաստել մարտկոցը: Այս գործընթացն ավտոմատ է, ուստի կարիք չկա հիշել դրա մասին:

Plug & Charge\-ը հեշտացնում է ձեր էլեկտրական Volvo\-ի լիցքավորումը հանրային կայաններում: Պարզապես միացրեք և լիցքավորեք՝ հավելվածներ, քարտեզներ կամ պիտակներ անհրաժեշտ չեն։ Կայանն ավտոմատ կերպով ճանաչում է ձեր մեքենան և սկսում է լիցքավորվել, իսկ գործընթացը ցուցադրվում է ձեր մեքենայի կենտրոնական էկրանին: Լրացուցիչ հարմարության համար վճարումն ավտոմատ է: Plug & Charge\-ն օգտագործելու համար ակտիվացրեք այն և կցեք ձեր մեքենան համատեղելի լիցքավորման հաշվի հետ: Հեշտությամբ գտեք Plug & Charge կայաններն՝ օգտագործելով Google Maps\-ը ձեր մեքենայի էկրանին կամ Volvo Cars հավելվածում: