«Volvo For Life» հիմնադրամ
Սատարել մարդկանց և մոլորակի պաշտպանությանն ուղղված գործողություններին
Մենք ընդլայնում ենք «ճանապարհից այն կողմ» անվտանգության մեր պարտավորությունը: «Volvo For Life» հիմնադրամը մեր անվտանգության ոլորտի ժառանգությունն ուղղում է դեպի ապագա՝ հույս արթնացնելու մարդկանց, համայնքների և էկոհամակարգերի համար։
Մեզ ուղղորդող փիլիսոփայությունը պարզ է: Երբ խոսքը վերաբերում է անվտանգությանը, յուրաքանչյուրը կարող է փոխել աշխարհը։
Մեր նպատակային ոլորտները
Մինչ մեր աշխարհը բախվում է խոշոր մարտահրավերներին, մենք ցանկանում ենք պաշտպանել այն, ինչը վտանգի տակ է։ «Volvo For Life» հիմնադրամը կաջակցի այն նախաձեռնություններին, որոնք հոգ են տանում մարդկանց և մոլորակի մասին:
Հասարակություն
«Volvo For Life» հիմնադրամը կաշխատի մարգինալացված համայնքներում երիտասարդների և երեխաների անվտանգությունն ու կենսապայմանները բարելավելու ուղղությամբ, մասնավորապես կրթության միջոցով:
Մոլորակ
«Volvo For Life» հիմնադրամը ներդրումներ կկատարի տեղական և համաշխարհային ծրագրերում, որոնք նպատակաուղղված են բնական էկոհամակարգերի և կենսաբազմազանության վերականգնմանն ու պահպանմանը:
Պաշտպանություն
Բնական աղետների ժամանակ «Volvo For Life» հիմնադրամը կտրամադրի մարդասիրական օգնություն և կապահովի, որ կրթությունը համարվի առաջնահերթություն տուժած երեխաների համար։
Մենք մեր անվտանգության ոլորտի ժառանգությունն ուղղում ենք դեպի ապագա
Հասարակության և մոլորակի անվտանգությունն ու հոգատարությունը միշտ Volvo Cars-ի ԴՆԹ-ի մի մասն են կազմել: Ստորև ծանոթացեք մեր աշխատակիցների նախաձեռնած որոշ ծրագրերին, որոնք աջակցում են «Volvo For Life» հիմնադրամի առաքելությանը:
Պատմություններ «Volvo For Life» հիմնադրամից
«Ինձ համար աներևակայելի պատիվ է հնարավորություն ունենալ ուսուցանել այս երեխաներին»:
2022թ․-ին ես կամավորական աշխատանք եմ կատարել Volvo Cars Չինաստանի առցանց ուսուցման ծրագրում։ Այժմ ես կարող եմ կրթություն տրամադրել գյուղական, անբարենպաստ բնակավայրերի երեխաներին, ովքեր ունեն որակյալ ուսուցման հնարավորությունների սահմանափակ հասանելիություն:– Չժու Վենյու, Գունավոր նյութերի դիզայնի ինժեներ Volvo Cars Չինաստանում
«Մենք վստահ ենք, որ «Save the Children»-ը ինչպես հարկն է կօգտագործի մեր մեքենաները»:
Մենք «Save the Children»-ին տրամադրել ենք ավտոմեքենաներ Ուկրաինայում և նրա սահմաններից դուրս մարդասիրական օգնություն հասցնելու համար, ինչպես նաև՝ ֆինանսական օգնություն նրանց աշխատանքին աջակցելու համար: Մենք մեր շնորհակալությունն ենք հայտնում ողջ անձնակազմին և կամավորներին իրենց կատարած հիանալի աշխատանքի համար: – Դոմինիկ Ադամցիկ, Volvo Cars Լեհաստանի տարածքային բիզնես մենեջեր
«Որպես ուսուցիչ կամավոր աշխատելը ստիպել է ինձ նորից սիրահարվել կյանքին»:
2022թ․-ին ես ներգրավվեցի Volvo Cars Չինաստանի առցանց կամավորական ուսուցման ծրագրում։ Այն ինձ հաղորդել է ոգևորության նոր զգացում։ Հրաշալի է տեսնել, թե ինչպես են երեխաների դեմքերը փայլում հիացմունքից։ – Ջեսսի Սու, Volvo Cars Չինաստանի մարքեթինգի և գնումների թիմի ղեկավար
