Ավտոմեքենայի Գաղտնիության մասին ծանուցում

2.1 Տեղեկատվական-զվարճանքային նպատակներով օգտագործվող տվյալներ

2.1.1 Ուղևորության տվյալների գրանցամատյան

Ուղևորության տվյալների գրանցամատյանն ավտոմատ կերպով գրանցում է Ձեր բոլոր ուղևորությունները։ Դա կարող է օգտակար լինել, օրինակ, եթե Դուք ցանկանում եք կառավարել Ձեր ուղևորությունների ծախսերը։ Ուղևորության տվյալների գրանցամատյանը պետք է ակտիվացվի Ձեր կողմից, հակառակ դեպքում տվյալները չեն հավաքագրվի:

Եթե Դուք ակտիվացնեք Ուղևորության տվյալների գրանցամատյանը, մենք կհավաքագրենք Ձեր նույնացուցիչները, օրինակ՝ անուն, ազգանունը, հեռախոսահամարը, էլ. հասցեն, Ձեր Ավտոմեքենայի նույնականացման համարը (VIN) և ավտոմեքենայի տեղադրությունը, ինչպես նաև ուղևորությանը վերաբերող այլ տեղեկություններ, օրինակ՝ երթուղիները, տևողությունը, տարածությունը, վառելիքի և/կամ էլեկտրականության սպառումը և վազքը։ Ձեր մեքենայի մոդելից կախված՝ գրանցվում են միայն մեկնարկի և ավարտի կետերը կամ ողջ երթուղին։

Մենք այդ տվյալները մշակում ենք Ձեր համաձայնության հիման վրա.

Ուղևորության տվյալների գրանցամատյանի տվյալները, որպես կանոն, պահպանվում են մինչև 400 օր՝ մեքենայի մոդելից կախված։ Դուք կարող եք ցանկացած պահի անջատել Ուղևորության տվյալների գրանցամատյանը, ինչից հետո տվյալների հավաքագրումը կդադարեցվի։ Դրա արդյունքում նախկինում հավաքագրված տեղեկատվությունը չի ջնջվի:

2.1.2 Ծրագրային ապահովման թարմացում անլար ցանցի միջոցով

Անլար ցանցի միջոցով ծրագրային ապահովման թարմացումները թույլ են տալիս թարմացնել և միշտ արդի վիճակում պահել Ձեր մեքենայի ծրագրային ապահովումը՝ առանց արհեստանոց այցելելու անհրաժեշտության։ Ծրագրային ապահովման վերջին տարբերակի օգտագործումը թույլ է տալիս Ձեզ լիարժեք օգտվել մեր արդիացված ծառայություններից։ Ծրագրային ապահովման վերջին տարբերակի օգտագործումը թույլ է տալիս նաև բարելավել կիբերանվտանգության միջադեպերի դեմ պաշտպանվածությունը։

Մեքենայի ծրագրային ապահովումը սպասարկելու և ծրագրային ապահովման անհրաժեշտ թարմացումները տրամադրելու նպատակով մենք մշակում ենք հետևյալ տվյալները.

Վերը նշված տվյալների մեր կողմից մշակման համար իրավական հիմք է հանդիսանում Ձեր համաձայնությունը:

Մենք կպահպանենք ծրագրային ապահովման թարմացումների վերաբերյալ գրառումները մեքենայի շահագործման ողջ ընթացքում:

Դուք կարող եք ցանկացած պահի ընդունել կամ մերժել ծրագրային ապահովման ավտոմատ թարմացումները գաղտնիության կարգավորումներում։ Ընդունելու դեպքում ծրագրային ապահովման թարմացումները կներբեռնվեն ավտոմատ կերպով և Դուք կստանաք ծանուցում, երբ թարմացումը պատրաստ լինի տեղադրելուն։ Մերժելու դեպքում Դուք կստանաք ծանուցում, երբ նոր թարմացումը լինի առկա և ներբեռնելու համար հասանելի։ Եթե չեք ցանկանում օգտվել անլար ցանցի միջոցով ծրագրային ապահովման թարմացումներից, ապա կարող եք տեղադրել թարմացումները արհեստանոցում՝ մեր համակարգերին անհրաժեշտ միացմամբ։

2.1.3 Connected Safety

Մեր մեքենաները ապահովված են Connected Safety-ով՝ մեր կողմից առաջարկվող ծառայություն, որը մեքենան վարելու ընթացքում Ձեզ տեղեկացնում է ճանապարհային երթևեկության ընթացիկ վտանգների մասին։ Այս տեղեկատվությունը հիմնված է այլ մեքենաներից կամ, առկայության դեպքում, հանրային աղբյուրներից ուղարկված տեղեկատվության վրա։ Այս տեղեկատվությունն օգտագործվում է Ձեզ փոփոխվող ճանապարհային պայմանների կամ հնարավոր ճանապարհային վտանգների մասին նախօրոք զգուշացնելու համար՝ ցուցադրելով նախազգուշացումներ, որոնք թույլ են տալիս Ձեզ փոխել վարելու ոճը համապատասխանաբար: Եթե Ձեր մեքենան հայտնաբերի հնարավոր ճանապարհային վտանգներ, օրինակ՝ անվադողերի և ճանապարհի միջև ավելի թույլ շփում, կամ եթե ակտիվանան վտանգների մասին նախազգուշացնող լույսերը, այդ տեղեկատվությունը կուղարկվի Volvo Cars մեքենաներին։ Այդ տեղեկատվությունը միավորվում է և դարձվում անանուն՝ նախքան Ձեր մեքենայի դիրքին մոտեցող այլ մեքենաներին ուղարկելը։

Connected Safety ծառայության աջակցումն ապահովելու նպատակով մենք հավաքում և մշակում ենք հետևյալ տվյալները.

Վերը նշված տվյալների մեր կողմից մշակման համար իրավական հիմք է հանդիսանում պայմանագրի կատարումը։ Կարող եք ցանկացած պահի միացնել կամ անջատել ծառայությունը:

Բացի այդ, վերը նշված տվյալները մշակվում են անանուն կերպով և փոխանցվում երթևեկությունը կարգավորող գործակալություններին և ընկերություններին՝ ճանապարհային երթևեկության արդյունքում առաջացող վտանգներից խուսափելու և դրանք մեղմելու, ինչպես նաև ճանապարհային անվտանգությունը բարձրացնելու, տեխսպասարկման ծախսերը և շրջակա միջավայրի վրա բացասական ազդեցությունը նվազեցնելու համար։ Այս նպատակով համատեղ վերահսկիչներ են հանդիսանում Volvo Cars-ը և Polestar Performance AB-ն (շվեդական ընկերություն, որի գլխամասային գրասենյակը գտնվում է Gothenburg, Assar Gabrielssons Väg 9, SE-405 31, Sweden հասցեով, այսուհետ՝ «Polestar»)։ Volvo Cars և Polestar ընկերությունները, հանդիսանալով այսպես կոչված «համատեղ վերահսկիչներ» Ընդհանուր տվյալների պաշտպանության կանոնակարգի շրջանակներում, համատեղ պատասխանատվություն են կրում նման մշակման համար: Volvo Cars և Polestar ընկերությունները համաձայնել են, որ Volvo Cars-ը պատասխանատվություն է կրում տեղեկատվությունն իր հաճախորդներին տրամադրելու համար, և որ Volvo-ի հաճախորդները Ընդհանուր տվյալների պաշտպանության կանոնակարգով նախատեսված համապատասխան իրավունքները կարող են օգտագործել Volvo Cars-ի նկատմամբ:

Մենք տվյալները կպահենք 1 շաբաթ։

2.1.4 Թվային բանալի

Թվային բանալին կարող է լիարժեք փոխարինել մեքենայի սովորական բանալին և թույլ է տալիս սովորական եղանակով կողպել, ապակողպել կամ գործարկել Ձեր մեքենան սմարթֆոնի կամ սմարթ ժամացույցի օգնությամբ։ Հնարավոր է նաև թվային բանալին փոխանցել այլ օգտատերերի՝ տարբեր թվային կապուղիների միջոցով։

Թվային բանալին պահանջում է ցանցային միացում միայն առաջին մեկանգամյա կարգավորումը կատարելու, բանալիները փոխանցելու կամ հետ կանչելու համար։ Կարգավորելուց հետո բանալին կարող է աշխատել Bluetooth, Near Field Communication (NFC) և Ultra-Wideband Technology-ի (UWB) միջոցով։ Կարգավորման ընթացքում Ձեր բանալին կավելացվի Ձեր սմարթ սարքի դրամապանակի հավելվածին։ Ձեր դրամապանակի հավելվածից կարող եք կիսվել Ձեր բանալիով հաղորդակցության հավելվածների, էլ. փոստի կամ Airdrop^®-ի միջոցով։ Դուք կարող եք նաև հեշտությամբ հետ կանչել բանալիները, որոնցով կիսվել եք՝ դրամապանակի հավելվածի միջոցով կամ մեքենայի infotainment համակարգում։

Թվային բանալի օգտագործելիս մշակվում են հետևյալ տվյալները.

Վերը նշված տվյալների մեր կողմից մշակման համար իրավական հիմք է հանդիսանում պայմանագրի կատարումը։

Մենք կպահպանենք Ձեր տվյալները, քանի դեռ Ձեր պայմանագիրը գտնվում է վավերականության ժամկետում։

2.1.5 Իրական ժամանակում տեղեկատվություն ճանապարհային երթևեկության մասին

Ճանապարհային երթևեկության մասին իրական ժամանակում տեղեկատվության ծառայությունը ճանապարհային երթևեկության մասին տեղեկատվությունը ստանում է երրորդ կողմի ծառայությունների մատակարարներից:

Մենք մշակում ենք մեքենայի հետևյալ տվյալները.

Մեքենաների այն մոդելները, որոնք ապահովված են մեքենան վարելու ընթացքում ճանապարհային նշաններն իրական ժամանակում ճանաչելու սենսորներով, դա անում են միայն տվյալների լոկալ (մեքենայի ներսում) մշակման միջոցով:

Վերը նշված տվյալների մեր կողմից մշակման համար իրավական հիմք է հանդիսանում պայմանագրի կատարումը։ Կարող եք ցանկացած պահի միացնել կամ անջատել ծառայությունը:

Տվյալները կպահպանվեն Volvo Cars-ի կողմից այնքան ժամանակ, քանի դեռ բաժանորդագրությունն ակտիվ է: Բաժանորդագրության ժամկետի ավարտից հետո VIN-ը, արագության և դիրքի տվյալները պահպանվում են առավելագույնը 90 օրվա ընթացքում, բացառությամբ այն դեպքերի, երբ գործող լոկալ օրենսդրությունը պահանջում է դրանք պահպանել ավելի երկար:

2.1.6 Արագության վերահսկողության խելացի համակարգ (Intelligent Speed Assist, ISA)

Արագության վերահսկողության խելացի համակարգը (ISA) որոշ իրավասություններում պարտադիր գործառույթ է, որը ճանապարհային նշանների տվյալների միջոցով մեքենաներին օգնում է պահպանել արագության սահմանափակումը։ Ընթացիկ ճանապարհի արագության սահմանափակման մասին տեղեկություններ ստանալու նպատակով ISA-ն օգտագործում է մեքենային նավիգացիոն համակարգը՝ ճանապարհային նշանների տվյալները կարդալու համար։ Նավիգացիոն համակարգին, իր հերթին, անհրաժեշտ է մեքենայի դիրքը՝ ճիշտ տվյալներ ապահովելու համար։

Բացի այս, Volvo Cars-ն օրենքով պարտավորված է տրամադրել միավորված տվյալներ Ձեր կողմից մեքենայի օգտագործման վերաբերյալ, օրինակ.

ISA-ի և հաշվետվությունների ներկայացման աջակցման նպատակով մշակվում են հետևյալ տվյալները.

Վերը նշված տվյալների մեր կողմից մշակման համար իրավական հիմք է հանդիսանում օրենքով նախատեսված մեր պարտավորությունների իրականացումը:

Մենք պահպանում ենք տեղեկությունները մինչև դրանց միավորումը և համապատասխան մարմիններին ուղարկումը։

2.1.7 Ձայնային հաղորդագրում

Ձայնային հաղորդագրումը հանդիսանում է ձայնային հրամանների ավելի լայն համակարգի մաս, որի միջոցով Դուք կարող եք կառավարել տեղեկատվական-զվարճանքային համակարգի գործառույթները, և որը Ձեզ թույլ է տալիս ստեղծել և ուղարկել SMS հաղորդագրություններ բանավոր հրահանգների միջոցով: Ձայնային հրամանների միջոցով երկխոսություն սկսելու համար նախ անհրաժեշտ է ակտիվացնել այս ֆունկցիոնալ հնարավորությունը: Ձայնային կառավարումը կմնա ակտիվացված այնքան ժամանակ, մինչև Դուք հարկադրաբար ավարտեք դրա աշխատանքը կամ չպատասխանեք համակարգից ստացված երեք հուշումների:

Ձայնային հաղորդագրումն օգտագործելիս մշակվում են հետևյալ տվյալները.

Վերը նշված տվյալների մեր կողմից մշակման համար իրավական հիմք է հանդիսանում պայմանագրի կատարումը։

Մենք կպահպանենք տեղեկությունները մինչև հաղորդագրության ուղարկելը։

2.1.8 Օդի որակի ցուցանիշ

Այս գործառույթը ցույց է տալիս տեղեկատվություն օդի որակի, օրինակ՝ աղտոտվածության և փոշու պարունակության մակարդակի մասին։

Սկզբում ցույց է տրվում մեքենայի սրահում օդի որակի մասին տեղեկատվությունը։

Եթե Դուք նախընտրեք կիսվել մեքենայի գտնվելու վայրի մասին տեղեկատվությամբ, ապա կցուցադրվի նաև արտաքին օդի որակի մասին տեղեկատվությունը։

Վերը նշված տվյալների մեր կողմից մշակման համար իրավական հիմք է հանդիսանում պայմանագրի կատարումը։

Մեքենայում ցուցադրվելուց հետո տվյալները կջնջվեն։

2.1.9 Քարտեզների առաքման համակարգ

Մեր որոշ ավտոմեքենաներ կարող են հայցել քարտեզի տվյալներ մեր Քարտեզների առաքման համակարգից։ Այս ծառայությունը թույլ է տալիս բարելավել ավտոմեքենայի գործառույթների, օրինակ՝ Pilot Assist-ի և Adaptive Cruise Control-ի աշխատանքը՝ Ձեր ընթացիկ տեղադրության համար քարտեզի արդի տվյալներ տրամադրելու միջոցով։

Քարտեզների առաքման համակարգը միացնելու նպատակով մշակվում են հետևյալ տվյալները.

Վերը նշված տվյալների մեր կողմից մշակման համար իրավական հիմք է հանդիսանում պայմանագրի կատարումը։

Մենք կպահպանենք տվյալները մինչև քարտեզի տվյալների ներբեռնումը։

2.2 Անվտանգությանը վերաբերող տվյալների օգտագործում

2.2.1 Ակտիվ անվտանգության տվյալների գրանցիչ (ASDR)

Ակտիվ անվտանգության տվյալների գրանցիչի (ASDR) առաջնային նպատակն է գրանցել ճանապարհա-տրանսպորտային պատահարներին կամ վթարային իրավիճակներին վերաբերող տվյալները: Այս տեղեկատվությունը կմշակվի մեր հետազոտությունների և մշակման դեպարտամենտի կողմից, ինչը կօգնի մեզ ավելի լավ պատկերացում ունենալ ճանապարհա-տրանսպորտային պատահարների, վնասվածքների և վնասների առաջացման հանգամանքների մասին:

Ձեր համաձայնությունը տրամադրելու դեպքում Volvo Cars-ը հավաքագրում և մշակում է հետևյալ տվյալները՝ հետագա մշակման աշխատանքներ իրականացնելու և անվտանգությանը վերաբերող ակտիվ բողոքները դիտարկելու նպատակով.

Վերը նշված տվյալների մեր կողմից մշակման համար իրավական հիմք է հանդիսանում Ձեր համաձայնությունը, և մենք դրանք պահպանում ենք 10 տարի՝ նախքան ջնջելը կամ անանուն դարձնելը։

2.2.2 Իրադարձությունների տվյալների գրանցիչ (EDR)

Վթարային կամ գրեթե վթարային իրավիճակներին վերաբերող անվտանգության տվյալները մեքենան պահպանում է Իրադարձությունների տվյալների գրանցիչում (EDR), որը հայտնի է նաև որպես մեքենայի «սև տուփ»: Անվտանգության տվյալները ներառում են հետևյալը.

Տվյալների գրանցման տևողությունը, որպես կանոն, մինչև 30 վայրկյան է: Տվյալները գրանցում են միայն ոչ ստանդարտ վթարային իրավիճակների առաջացման դեպքում:

Վերը նշված տվյալների մեր կողմից մշակման համար իրավական հիմք է հանդիսանում օրենքով նախատեսված մեր պարտավորությունների իրականացումը:

Մենք կպահպանենք տեղեկությունները մինչև գործարկող նոր իրադարձության կողմից վերագրանցումը։

2.2.3 Վթարային կանչ (eCall)

Վթարային կանչը (eCall) ավտոմատ կերպով գործարկում է վթարային կանչ և տվյալների ուղարկում որոշ տեսակների վթարների դեպքում, որը հայտնաբերվում է մեքենայի մեկ կամ մի քանի սենսորների ակտիվացման միջոցով։ Դա նշանակում է, որ մեքենայի կողմից eCall-ը ավտոմատ կերպով կկատարվի նույնիսկ, եթե մեքենայի բոլոր ուղևորները անգիտակից են, իսկ ստորև նշված տվյալները ավտոմատ կերպով կփոխանցվեն կանչերի սպասարկման կենտրոնին։ eCall-ը կարելի է գործարկել նաև ձեռքով՝ SOS կոճակը սեղմելու և պահելու միջոցով։

eCall կատարելիս մշակվում են հետևյալ տվյալները.

Կիրառելիության դեպքում eCall-ը կանխադրաբար կփոխանցվի երրորդ կողմի ծառայությունների մատակարարին (այն կոչվում է երրորդ կողմի ծառայության eCall կամ ԵԿԾ eCall)։ Այդ մատակարարը ըստ տարածաշրջանի տարբերվում է. Դուք կարող եք ստանալ լրացուցիչ տեղեկատվություն Ձեր տարածաշրջանում գործող մատակարարների վերաբերյալ մեզ հետ կապ հաստատելու միջոցով։ Դուք ցանկացած պահի կարող եք ուղղորդել կանչերը արտակարգ իրավիճակների հանրային ծառայությանը՝ կարգավորումները փոխելու միջոցով:

Տվյալները հավաքագրվում են միայն eCall կանչ կատարելու դեպքում և հասանելի են լինում բացառապես Volvo Cars-ին և ծառայություն մատուցող երրորդ կողմին (կամ, ընտրելու դեպքում, հենց արտակարգ իրավիճակների ծառայությանը): Սակայն նրանք, անհրաժեշտության դեպքում, կարող եք փոխանցել այս տվյալները արտակարգ իրավիճակների մասնագիտացված ծառայություններին (օրինակ՝ շտապ օգնության ծառայությանը):

Վերը նշված տվյալների մեր կողմից մշակման համար իրավական հիմք է հանդիսանում օրենքով նախատեսված մեր պարտավորությունների իրականացումը:

Մենք տվյալները կպահպանենք 200 օր, իսկ դրանց մշակումը կսահմանափակվի վերը նշված վթարային իրավիճակներով։

2.2.4 Զանգերի սպասարկման կենտրոնի ծառայություններ

Զանգերի սպասարկման կենտրոնի ծառայությունների միջոցով մենք Ձեզ տրամադրում ենք «կանչ»/օգնություն կոճակի միջոցով մեքենայից մեր զանգերի սպասարկման կենտրոնի հետ կապ հաստատելու հնարավորություն՝ հավելվածի ներսից զանգ կատարելու կամ անմիջապես զանգերի սպասարկման կենտրոն զանգելու միջոցով։ Զանգերի սպասարկման կենտրոնի կողմից առաջարկվող ծառայությունները նկարագրված են ստորև.

Ճանապարհային օգնություն (RSA)

RSA-ն Ձեզ տրամադրում է օգնություն մեքենայի հետ կապված տեխնիկական խնդիրների առաջացման դեպքում, ինչպիսիք են, օրինակ, անվադողի պատռումը կամ շարժիչի անսարքությունը։ Որոշ դեպքերում զանգերի սպասարկման կենտրոնի մասնագետը կարող է հեռախոսազանգի միջոցով տրամադրել օգնություն՝ խնդիրը լուծելու համար։ Այլ դեպքերում վերանորոգումը կարող է կատարվել ճամփեզրին («վերանորոգում տեղում») կամ, եթե դա հնարավոր չէ, Ձեր մեքենան կարող է քարշակվել դեպի արհեստանոց՝ վերանորոգումն իրականացնելու համար։ Մասնագետը զանգի ընթացքում կարող է գնահատել, թե ինչ գործողություններ են անհրաժեշտ։ Եթե անհրաժեշտ լինի տրամադրել օգնություն ճամփեզրին (օրինակ՝ վերանորոգում տեղում կամ քարշակում), համապատասխան սարքավորումը կարող է տրամադրվել երրորդ կողմի կազմակերպությունների (օրինակ՝ մեքենաների քարշակման կամ վերանորոգման ընկերությունների) կողմից, որոնք կմշակեն համապատասխան տվյալները։

Առևանգված մեքենաների հետագծում (SVT)

SVT-ն օգնում է գտնել Ձեր մեքենան այն առևանգելու դեպքում։ Մեքենայի առևանգման մասին կարող է հաղորդել .

SVT գործընթացը սկսելու համար անհրաժեշտ է ոստիկանությանը ներկայացնել պաշտոնական զեկույց և գործի համարը տրամադրել զանգերի սպասարկման կենտրոնի մասնագետներին։

Մեքենայի հեռահար անշարժունացում/շարժունացում (RVI/RVM)

RVI/RVM-ը կարող է օգտագործվել մեքենայի անշարժունացման համակարգը միացնելու կամ անջատելու համար։ Եթե անշարժունացման համակարգն ակտիվացված է, մեքենան հնարավոր չի լինի գործարկել մինչև դրա ապաակտիվացումը։ Դրանից հետո մեքենան կարելի է շարժունացնել հեռահար եղանակով։ Այս ծառայությունը գործարկվում է զանգերի սպասարկման կենտրոնի մասնագետի կողմից։ 

Վերը նկարագրված ծառայությունը Ձեզ տրամադրելու նպատակով մենք ավտոմատ կերպով կհավաքագրենք հետևյալ տվյալները, երբ Դուք կապ հաստատեք զանգերի սպասարկման կենտրոնի հետ մեքենայում գտնվող «կանչ»/օգնություն կոճակի կամ Volvo Car App հավելվածի միջոցով.

Հայտի բնույթից և շրջանակներից կախված, վերը նշված զանգերի սպասարկման կենտրոններից ցանկացածի համար հնարավոր է, որ մեզ անհրաժեշտ լինի մշակել լրացուցիչ տեղեկատվություն, որը կարող է պահանջվել հայցվող օգնությունը տրամադրելու համար, օրինակ՝

Վերը նշված տվյալների մեր կողմից մշակման համար իրավական հիմք է հանդիսանում պայմանագրի կատարումը։

Մենք տվյալները կպահենք 200 օր։

2.2.5 Ներխուժման հայտնաբերման համակարգ

Ներխուժման հայտնաբերման համակարգի (IDS) նպատակն է հայտնաբերել արտասովոր երևույթներ և խախտումներ, որոնք կարող են պոտենցիալ սպառնալիք ներկայացնել հիմնական տեղեկատվական-զվարճանքային համակարգի համար։ Դա նշանակում է, որ մենք վերահսկելու ենք ծրագրային ապահովման և հավելվածների աշխատանքը՝ համոզվելու, որ դրանք չեն խախտում իրենց տրամադրված թույլտվությունները։ IDS-ը կվերահսկի համակարգը իրական ժամանակում և խախտումների մասին կծանուցի Volvo Cars-ին։

Մենք կմշակենք հետևյալ տվյալները.

Վերը նշված տվյալների մեր կողմից մշակման համար իրավական հիմք է հանդիսանում օրենքով նախատեսված մեր պարտավորությունների իրականացումը:

Մենք տվյալները կպահենք 90 օր։ Այդ ժամանակահատվածի ավարտից հետո մենք կամ կջնջենք տվյալները կամ, դրանք պահպանելու անհրաժեշտության դեպքում, դրանք կդարձնենք անանուն։

2.2.6 Մարտկոցների անվտանգության ապահովում

Մենք պետք է համոզվենք, որ հիբրիդային կամ ամբողջական էլեկտրական շարժաբերով մեր մեքենաները ապահով են՝ մեր վարորդներին, նրանց ընտանիքներին և լայն հանրությանը վտանգներից և ավելորդ անհարմարություններից պաշտպանելու համար։ Դա ապահովելու նպատակով մենք հավաքագրում ենք և օգտագործում մարտկոցներին վերաբերող տեղեկատվություն՝ հնարավոր վտանգները նախապես հայտնաբերելու և անսարքությունների հնարավոր նոր տեսակները նույնականացնելու համար։ Անհրաժեշտության դեպքում մենք նաև կկապվենք Ձեզ հետ և կտեղեկացնենք պոտենցիալ խնդիրների մասին։

Մեր կողմից հավաքագրվող և օգտագործվող տվյալներն են.

Մեր կողմից վերը նշված տվյալների մշակման համար իրավական հիմք են հանդիսանում մեր՝ վերը նշված օրինական շահերը, ինչպես նաև օրենքով նախատեսված մեր պարտավորությունների կատարումը, օրինակ՝ անվտանգության ապահովման նպատակով հետկանչերի իրականացումը։

Մենք վերը նշված տեղեկատվությունը կպահպանենք մեքենայի շահագործման ողջ ժամանակահատվածում։

2.3 Տեխսպասարկմանն ու վերանորոգմանը վերաբերող տվյալների օգտագործում

2.3.1 Տեխսպասարկման պլանավորում

Տեխսպասարկման պլանավորումն օգնում է Ձեր մեքենան պահել լավ վիճակում և ապահովել դրա սարքինությունը։

Մենք Ձեզ կուղարկենք տեխսպասարկմանը վերաբերող հաղորդագրություններ, եթե դա Ձեր երկրում կիրառելի է։

Եթե Ձեր մեքենան ունի ինտերնետ կապ, ապա տեխսպասարկման պլանավորումն աշխատում է Volvo Cars-ին, մանրածախ վաճառողներին և արհեստանոցներին շարունակաբար ախտորոշիչ տվյալներ տրամադրելու միջոցով։ Ախտորոշիչ տվյալները հեռակա կարգով տրամադրելը Ձեր արհեստանոցին թույլ է տալիս նույնիսկ ավելի լավ նախապատրաստվել Ձեր առաջիկա այցին։ Բացի այդ, տվյալները կտրամադրվեն նաև մեր տեղական վաճառքի ընկերությանը և մանրածախ վաճառողներին՝ անհրաժեշտության դեպքում մասերի ամրագրումը և առաքումը կազմակերպելու համար։

Տեխսպասարկման պլանավորում նաև օգնում է մեզ պլանավորել պահեստամասերի արտադրությունը և մատակարարումը, ինչը շատ կարևոր է մեր սահուն գործունեությունն ապահովելու համար՝ պարունակությունը, լոգիստիկան և արհեստանոցների օգտագործումը օպտիմալացնելու միջոցով:

Տեխսպասարկման պլանավորման ծառայությունը Ձեզ մատուցելու համար հավաքագրվում են հետևյալ տվյալները.

Վերը նշված տվյալների մեր կողմից մշակման համար իրավական հիմք է հանդիսանում պայմանագրի կատարումը։ Կարող եք ցանկացած պահի միացնել կամ անջատել ծառայությունը:

Մենք տեղեկատվությունը կպահպանենք 3 տարի, մեքենայի բարձր լարման մարտկոցի տվյալներից բացի, որոնք պահպանվում են 10 տարի։

2.3.2 Ախտորոշման տվյալների ընթերցում վերանորոգման արհեստանոցներում

Եթե Ձեր մեքենայի տեխսպասարկման կամ վերանորոգման աշխատանքներն իրականացվում են տեխսպասարկման կենտրոնում, արհեստանոցում կամ գործընկերների կողմից, մենք կստանաք և կօգտագործենք այդ տեղեկատվությունը՝ անսարքությունները հետագծելու, մեր արտադրողի պարտավորությունները կառավարելու և արտադրանքի հետազոտական և մշակման աշխատանքներ իրականացնելու, օրինակ՝ մեր մեքենաների, դրանք անվտանգության և այլ գործառույթների որակը վերահսկելու և բարելավելու համար։

Մեր կողմից հավաքագրվող և օգտագործվող տվյալներն են.

Մեր կողմից վերը նշված տվյալների մշակման համար իրավական հիմք են հանդիսանում մեր օրինական շահերը, ինչպես նաև օրենքով նախատեսված մեր պարտավորությունների կատարումը, օրինակ՝ անվտանգության ապահովման նպատակով հետկանչերի իրականացումը։

Մենք վերը նշված տեղեկատվությունը կպահպանենք մեքենայի շահագործման ողջ ժամանակահատվածում։

2.3.3 Վրիպակների տվյալների փոխանցում

Վրիպակների տվյալների փոխանցումը գործիք է, որը կարող է ակտիվացվել արհեստանոցների կողմից՝ թույլ տալով մեզ հավաքել տեղեկություններ ծրագրային ապահովման վրիպակների մասին։ Այս գործիքն օգտագործվում է նաև խնդիրներ հայտնաբերելու և դրանք ազդեցությունը որոշելու համար, ինչը մեզ թույլ կտա լուծել ծրագրային ապահովման հետ կապված խնդիրները և ապահովել մեր ծրագրային ապահովման հուսալի աշխատանքը։ Ակտիվացնելով Վրիպակների տվյալների փոխանցումը, մենք Ձեր մեքենայից կհավաքագրենք և կմշակենք հետևյալ տվյալները.

Վերը նշված տվյալների մեր կողմից մշակման համար իրավական հիմք են հանդիսանում մեր օրինական շահերը:

Մենք Ձեր տվյալները կպահպանենք մինչև Ձեր մեքենայի հետ կապված խնդրի լուծումը կամ 90 օրվա ընթացքում, կախված նրանից, թե դրանցից որը կլինի ավելի ուշ։

2.3.4 Մեքենայի տվյալների ընդլայնված վերլուծություն

Ձեր մեքենայի՝ մեր ուշադրությանը ներկայացրած խնդիրները լիարժեք ուսումնասիրելու հնարավորություն ունենալու համար մենք պետք է օգտագործենք Ձեր մեքենայի հետևյալ տվյալները, հաճախորդի մասին հիմնական տեղեկությունների, օրինակ՝ անվան և կոնտակտային տվյալների հետ մեկտեղ.

Տվյալները կօգտագործվեն մեքենայի հնարավոր խնդիրները հայտնաբերելու, հնարավոր երաշխիքային դեպքերը և արտադրանքի անվտանգության հետ կապված պոտենցիալ խնդիրները կառավարելու համար։ Եթե տվյալները հնարավոր չէ հավաքագրել, Volvo Cars-ը չի կարողանա ուսումնասիրել խնդիրները։

Վերը նշված տվյալների մեր կողմից մշակման համար իրավական հիմք են հանդիսանում մեր օրինական շահերը:

Մենք կպահպանենք Ձեր տվյալները մինչև Ձեր մեքենայի հետ կապված խնդրի լուծումը։

2.4 Գիտահետազոտական նպատակներով օգտագործվող տվյալներ

2.4.1 Ճանապարհա-տրանսպորտային պատահարների հետազոտական վերլուծություն

Երբ տեղի է ունենում ճանապարհատրանսպորտային պատահար մեր մեքենաներից մեկի մասնակցությամբ, մենք ուսումնասիրում ենք տեղի ունեցածը՝ մեր մեքենաների, ինչպես նաև ընդհանուր առմամբ երթևեկության անվտանգությունը բարձրացնելու նպատակով։ Մենք Ձեր կուղարկենք հարցում՝ պատահարի մասին լրացուցիչ տեղեկատվություն ստանալու համար, եթե համարենք, որ դա օգտակար կլինի մեր ուսումնասիրության համար։

Ուսումնասիրությունն իրականացնելիս կմշակվեն հետևյալ տվյալները.

Վերը նշված տվյալների մեր կողմից մշակման համար իրավական հիմք են հանդիսանում մեր օրինական շահերը:

Մենք Ձեր տվյալները կպահենք 10 տարի։

2.4.2 Մեքենայի տվյալների վերլուծություն

Մենք հավաքագրում ենք մեքենայի մասին ստորև նշված տեղեկությունները՝ մեր մեքենաների և դրանց օգտագործման եղանակների մասին վիճակագրական տեղեկատվություն ստանալու համար: Մենք այդ տեղեկություններն օգտագործում ենք պրոդուկտի հետազոտության և մշակման նպատակներով, մասնավորապես՝ մեքենաների և դրանց անվտանգության համակարգերի որակը բարելավելու և վերահսկելու համար: Դրանց ծառայում են նաև Volvo Cars-ի երաշխիքային պարտավորությունները կառավարելու և արտանետումների վերահսկողությանը վերաբերող իրավական պահանջները կատարելու համար:

Օգտագործվող տվյալների կատեգորիաները.

Volvo Cars-ը հավաքագրում է նաև մեքենայի բարձր լարման մարտկոցի վերաբերյալ հետևյալ տվյալները (եթե կիրառելի է).

Վերը նշված տվյալների մեր կողմից մշակման համար իրավական հիմք է հանդիսանում Ձեր համաձայնությունը:

Ավտոմեքենայի նույնականացման համարը (VIN), մեքենայի սարքավորման և ծրագրային ապահովման տարբերակների նույնացուցիչները և Ախտորոշման անսարքությունների կոդերը (DTC) պահպանվում են 2 տարի, մինչդեռ մեքենայի բարձր լարման մարտկոցի վերաբերյալ տվյալները պահպանվում են մարտկոցի շահագործման ողջ ընթացքում:

Հիբրիդային կամ էլեկտրական ավտոմեքենաների դեպքում, Volvo Cars-ը և Polestar Performance AB-ն (շվեդական ընկերություն, որի գլխամասային գրասենյակի հասցեն է Gothenburg, Assar Gabrielssons Väg 9, SE-405 31, Gothenburg, Sweden, այսուհետ՝ «Polestar») փոխանակում են իրենց համապատասխան մեքենաների վերլուծական տվյալները: Volvo Cars և Polestar ընկերությունների միջև փոխանակվող վերը նշված վերլուծական տվյալները կրում են բացառապես տեխնիկական բնույթ և չեն ներառում հաճախորդների իրական տվյալները: Volvo Cars-ի և Polestar-ի հարթակների միջոցով հավաքագրված վերլուծական տվյալները փոխանակվում են երկու ընկերությունների միջև՝ մեքենայի որակը, էլեկտրական, հիբրիդային և անվտանգության համակարգերի աշխատանքը բարելավելու և վերահսկելու նպատակով:

Volvo Cars և Polestar ընկերությունները, հանդիսանալով այսպես կոչված «համատեղ վերահսկիչներ» Ընդհանուր տվյալների պաշտպանության կանոնակարգի շրջանակներում, համատեղ պատասխանատվություն են կրում վերլուծական տվյալների նման մշակման համար: Volvo Cars և Polestar ընկերությունները համաձայնել են, որ Volvo Cars-ը պատասխանատվություն է կրում տեղեկատվությունն իր հաճախորդներին տրամադրելու համար, և որ Volvo-ի հաճախորդները Ընդհանուր տվյալների պաշտպանության կանոնակարգով նախատեսված համապատասխան իրավունքները կարող են օգտագործել Volvo Cars-ի նկատմամբ:

2.4.3 Մեքենայի վերլուծություն և բարելավումներ

Եթե տաք Ձեր համաձայնությունը՝ «Մեքենայի վերլուծություն և բարելավումներ» գործառույթը միացնելու միջոցով, մենք կհավաքագրենք և կօգտագործենք ստորև նշված տվյալները՝ Ձեր մեքենայի և դրա օգտագործման եղանակների մասին տեղեկատվություն ստանալու համար։ Մենք այդ տեղեկություններն օգտագործում ենք անսարքությունների հետագծման, պրոդուկտի հետազոտության և մշակման նպատակներով, օրինակ՝ մեր մեքենաների, դրանց անվտանգության համակարգերի և այլ գործառույթների կայունությունը և որակը բարելավելու և վերահսկելու համար: Անհրաժեշտության դեպքում մենք նաև կկապվենք Ձեզ հետ և կտեղեկացնենք պոտենցիալ խնդիրների կամ անսարքությունների մասին։

Մեր կողմից հավաքագրվող և օգտագործվող տվյալներն են.

Վերը նշված տվյալների հավաքագրման և մշակման համար իրավական հիմք է հանդիսանում Ձեր համաձայնությունը:

Մենք տեղեկատվությունը պահպանում ենք հինգ տարի, մեքենայի բարձր լարման մարտկոցի տվյալներից բացի, որոնք պահպանվում են մարտկոցի շահագործման ողջ ժամկետի ընթացքում։ Հինգ տարին լրանալուն պես մենք կջնջենք տվյալները կամ, դրանք պահպանելու անհրաժեշտության դեպքում, կապահովենք դրանց ամբողջական դիմազրկումը։

2.5 Արտանետման տվյալների փոխանցում

Եթե Դուք ունեք ներքին այրման շարժիչով մեքենա և այցելում եք Volvo-ի արտոնագրված արհեստանոց կամ տեխսպասարկման գործընկեր հանդիսացող ընկերություն, նրանք Ձեր մեքենայից կհավաքագրեն տվյալներ, որոնք կուղարկվեն մեզ՝ գործող օրենքների համաձայն զեկուցելու համար։ Տվյալների նման հավաքագրումը տեղի է ունենում ամեն անգամ Ձեր մեքենան սպասարկելիս, բացառությամբ եթե Դուք սպասարկող ընկերությանը տեղեկացնեք Ձեր առարկությունների մասին։

Հավաքագրվում են հետևյալ տեղեկությունները.

Վերը նշված տվյալների մեր կողմից մշակման համար իրավական հիմք է հանդիսանում օրենքով նախատեսված մեր պարտավորությունների իրականացումը:

Վերը նշված տեղեկատվությունը պահպանվում է մինչև տվյալների զեկուցումը։

2.6 Իրավապահ մարմինների հարցումներ

Անձնական տվյալները պետք է տրամադրվեն կամ կարող են տրամադրվել իրավապահ մարմիններին (օրինակ՝ ոստիկանությանը, դատարաններին)՝ իրավական պարտավորությունների կատարման, տվյալների տրամադրման մեր օրինական շահերի ապահովման նպատակով, հանցագործության կասկածի դեպքում, դատական հայց ներկայացնելու կամ դատական հայցից պաշտպանվելու համար։

Մենք իրավապահ մարմիններին անձնական տվյալները տրամադրում են պահանջվող նվազագույն ծավալով։ Մենք կարող ենք, օրինակ, տրամադրել հետևյալ տվյալները. VIN համարին կապակցված մեքենայի մասի սերիական համար կամ IMEI համար։