Volvo Recharge

Այն ամենը, ինչը հարկավոր է իմանալ Ձեր ավտոմեքենայի լիցքավորման մասին:

Բացահայտեք ամբողջովին էլեկտրական և վերալիցքավորվող հիբրիդային ավտոմեքենաները: Նախագծված է Ձեր ուղևորություններն ավելի կատարելագործելու համար։

Հոգատար շքեղություն

Զգացեք նոր շքեղությունը, որը համատեղում է ակնթարթային հզորությունը և բանեցված գազերի ցածր կամ զրոյական արտանետումները: Volvo Recharge-ն ապահովում է տեխնոլոգիաներ, դիզայն և էկոլոգիապես մաքուր նյութեր, որոնք օգնում են կատարելագործել Ձեր ավտոմեքենայի կառավարումը:

Անվտանգության ապահովման հանձնառություն

1927 թվականից ի վեր անվտանգության ապահովումը եղել է Volvo-ի ուշադրության կենտրոնում: Շուկա հանելով Recharge ավտոմեքենաների մոդելային շարքը՝ մենք ձգտում ենք ստեղծել ճանապարհներին երբևէ երթևեկող ամենաանվտանգ լիցքավորվող ավտոմեքենան մարդկանց և նրանց ապագայի համար:

Իրապես մաքուր

Կարող եք ավտոմեքենան վարել առանց բանեցված գազերի արտանետումների, անկախ նրանից՝ ընտրել եք Recharge ամբողջովին էլեկտրական, թե վերալիցքավորվող հիբրիդային ավտոմեքենա: Ձեր վերալիցքավորվող հիբրիդային ավտոմեքենայում պարզապես ընտրեք Pure electric՝ ամբողջովին էլեկտրական ռեժիմը, Ձեր ամենօրյա ուղևորությունները ավտոմեքենայի՝ միայն էլեկտրական շարժիչով կատարելու համար:

Recharge շարժաբեր համակարգեր

Ամբողջովին էլեկտրական

Երթևեկելու անաղմուկ եղանակը երբեմն ամենահզոր միջոցն է՝ բանեցրած գազերի զրոյական արտանետմամբ և ցածր աղմուկ բոլոր արագություններում: Բարձր լարման մարտկոցը և էլեկտրական երկու շարժիչները ապահովում են մեր XC40 Recharge ամբողջովին էլեկտրական ավտոմեքենայի արագ և սահուն ընթացքը:

Վերալիցքավորվող հիբրիդային ավտոմեքենա

Ավելի քիչ բենզին, ավելի նպատակային օգտագործում։ Recharge վերալիցքավորվող հիբրիդային մոդելներում մենք համատեղել ենք էլեկտրական և ներքին այրման շարժիչները՝ առաջարկելով ամբողջական էլեկտրական, գերհզոր և հիբրիդային ռեժիմներ, որոնք ապահովում են ավտոմեքենայի լիարժեք կառավարում և բանեցրած գազերի ավելի ցածր արտանետումներ։

Ցանկանո՞ւմ եք ստանալ տեղեկատվություն Volvo Recharge ավտոմեքենաների լիցքավորման մասին:

Մոխրագույն Volvo ավտոմեքենայի առջևի ձախ հատվածի խոշոր պլանով պատկեր՝ ավտոմեքենայի լիցքավորման պորտին միացված լիցքավորման սպիտակ մալուխով:

Բացահայտեք լիցքավորման տեսակների, շարժաբեր համակարգերի և ավտոմեքենայի վազքի միջև փոխկապակցվածությունը և պատրաստվեք երթևեկել էլեկտրիֆիկացված եղանակով:

Էլեկտրիֆիկացված ավտոմեքենայի շահագործման ծախսերը կարող են վառելիքով աշխատող համարժեք ավտոմեքենայի շահագործման ծախսերից զգալիորեն ցածր լինել:

Ձեռքբերման արժեք

Շատ երկրներում էլեկտրական ավտոմեքենայի ձեռքբերման արժեքը փոխհատուցվում է հարկային արտոնություններով: Նման արտոնությունները տարբեր երկրներում կարող են տարբեր լինել:

Տեխսպասարկման արժեք

Շարժվող մեխանիկական մասերի և հեղուկների ավելի քիչ քանակի շնորհիվ էլեկտրական ավտոմեքենաների տեխսպասարկման ծախսերը հաճախ լինում են ավելի ցածր:

Ամենօրյա օգտագործման ծախսեր

Շատերը հնարավորություն ունեն մարտկոցի լիցքավորումը կատարել տանը կամ աշխատավայրում: Այդ վայրերում մարտկոցի հաճախակի լիցքավորելու հնարավորությունը թույլ է տալիս զգալիորեն նվազեցնել ավտոմեքենան լիցքավորելու համար պահանջվող էլեկտրաէներգիայի ծախը՝ նույն վազքի համար օգտագործվող վառելիքի ծախսի համեմատ:

Ճանապարհով երթևեկող մոխրագույն Volvo ավտոմեքենա՝ ճանապարհի երկայնքով բարձրացող ժայռերով

Եթե լիցքավորումը հնարավոր չէ

Չունե՞ք ավտոմեքենան լիցքավորելու հնարավորություն: Հոգ չէ: Բացահայտեք շարժաբեր այլ համակարգերով մոդելային շարքը: Ընտրեք մեղմ հիբրիդային մոդելները, որոնք ապահովում են վառելիքի ցածր սպառում և ավտոմեքենայի սահուն ընթացք:

Էկոլոգիապես մաքուր համակարգի մի մաս: Էլեկտրական ավտոմեքենաները մեր ապագայի պատվախնդիր պլանների մի մասն են:

2020 թվականին

Մենք թողարկել ենք վերալիցքավորվող հիբրիդային և ամբողջովին էլեկտրական ավտոմեքենաների մի ամբողջ շարք՝ սկսած մեր առաջին ամբողջովին էլեկտրական քաղաքային ամենագնացից` XC40 Recharge-ից:

Մինչև 2025 թվականը

Մենք ակնկալում ենք, որ մեր կողմից վաճառվող ավտոմեքենաների 50% կլինի ամբողջովին էլեկտրական, իսկ մնացածը՝ հիբրիդային:

Մինչև 2040 թվականը

Մենք ակնկալում ենք, որ արտադրության և իրացման մեր ողջ շղթան կլինի էկոլոգիապես մաքուր՝ համաձայն Փարիզյան համաձայնագրով նախատեսված նպատակների:

Ի՞նչ կցանկանայիք իմանալ Volvo Recharge-ի մասին։

Էլեկտրական շարժաբեր համակարգերի ոլորտում նորարարությամբ մենք զբաղվում ենք 1970-ական թվականներից։ Մեզ համար դա տեխնոլոգիների բնականոն զարգացման ուղի է և էկոլոգիապես մաքուր տրանսպորտային համակարգ ստեղծելու ու արտանետումների ծավալները նվազեցնելու մեր հանձնառության հստակ դրսևորում։ Մեր նպատակն է մինչև 2025 թվականը 40%-ով նվազեցնել ածխածնային գազերի արտանետման ծավալները 2018 թվականի համեմատ։ Իսկ մինչև 2040 թվականը՝ ընդհանրապես բացառել կլիմայական պայմանների վրա բացասական ազդեցությունը։

էլեկտրական շարժաբեր համակարգերն առաջարկում են մի շարք առավելություններ՝ վարելու ընթացքում բանեցրած գազերի արտանետման և շահագործման ծախսերի նվազեցումից մինչև կատարելագործված կառավարում և մեկնարկի ժամանակ ավելի զգայուն արագացում:

Մեղմ հիբրիդային ավտոմեքենան հնարավոր չէ լիցքավորվել մալուխի միջոցով։ Նման ավտոմեքենաների էլեկտրական շարժիչն օգտագործվում է ներքին այրման շարժիչի աշխատանքին օժանդակելու համար։ Լիարժեք հիբրիդային ավտոմեքենաները մեղմ հիբրիդային ավտոմեքենաների համեմատ ունեն ավելի մեծ էլեկտրական շարժիչ և մարտկոց։ Լիարժեք հիբրիդային ավտոմեքենաները կարող են կարճատև ուղևորությունների համար օգտագործել էլեկտրական շարժիչը։ Մարտկոցի վերալիցքավորումն իրականացվում է շարժիչի կամ ռեգեներատիվ արգելակման միջոցով։ Վերալիցքավորվող հիբրիդային ավտոմեքենաները կարող են լիցքավորվել բառացիորեն էլեկտրասնուցման վարդակին կամ հանրային լիցքավորման կայանին միացնելու միջոցով։ Վերալիցքավորվող հիբրիդային ավտոմեքենաները մարտկոցների ավելի մեծ բլոկի և էլեկտրական շարժիչի շնորհիվ ապահովում են ավելի մեծ մաքուր էլեկտրական վազք։ Վերալիցքավորվող հիբրիդային ավտոմեքենաների մեկ լիցքավորումը կբավարարի օգտատերերից շատերի ուղևորությունների օրական պահանջարկը։

2019 թվականից ի վեր մեր բոլոր մոդելները հասանելի են Recharge վերալիցքավորվող հիբրիդային տեխնոլոգիայով:

Էլեկտրական մարտկոցով աշխատող բոլոր ավտոմեքենաները ենթարկվում են նույն փորձարկումների, ինչ բենզինով կամ դիզելային վառելիքով աշխատող ավտոմեքենաները։ Ավտոմեքենաների անվտանգության համար Եվրոպայում արդեն վաղուց չափանիշ է հանդիսանում Նոր ավտոմեքենաների գնահատման եվրոպական ծրագիրը (Euro NCAP)։ Փորձարկման չափանիշները ներկայումս նույնիսկ ավելի խիստ են և ներառում են ավտոմատ արգելակման համակարգի փորձարկման պահանջներ։ Volvo-ի մոդելային շարքի բոլոր ավտոմեքենաները համապատասխան փորձարկումների շրջանակներում ստացել են ամենաբարձր գնահատականները։ Իսկ XC40 Recharge ամբողջական էլեկտրական ավտոմեքենայում օգտագործված անվտանգության առաջադեմ տեխնոլոգիան թույլ է տալիս այն դասել աշխարհի ամենաանվտանգ էլեկտրական ավտոմեքենաների շարքին։