Պատի առջև կանգնած արծաթագույն Volvo XC60:

Ավելի խելացի XC60

Միջին չափի, դինամիկ, քաղաքային ամենագնաց է (SUV), որը թարմացված դիզայնի և ներկառուցված Google գործառույթների շնորհիվ ավելի խելացի է, քան երբևէ։

Ամենագնաց

Տարողունակություն

360°

Տեսախցիկ

95%

Սրահի օդի մաքրում

Google

Ներկառուցված

Կինը նայում է Volvo XC60-ին:
XC60-ի՝ կաշի չպարունակող, բրդյա գործվածքով պատված նստատեղերի խոշոր պլանով պատկեր:
Volvo XC60-ի արտաքին հետևի լուսարձակներից մեկը:

Կառավարեք Ձեր դինամիկ մեքենավարումը ներըմբռնողական տեխնոլոգիաների և ներկառուցված Google համակարգերի միջոցով:

Լավագույն նավիգացիա

Ավտոմեքենայում ամբողջությամբ ինտեգրված Google Maps և Google Assistant ձայնային կառավարման ձեռնազատ ռեժիմները ընձեռում են ճանապարհային երթևեկության մասին իրական ժամանակում տվյալների փոխանցում և երթուղու ավտոմատ փոփոխման գործառույթ, որոնք թույլ են տալիս Ձեզ հասնել նպատակակետին առանց ավելորդ ջանքերի:

Սրահի հարմարավետություն

Volvo ավտոմեքենայում ներկառուցված Google Assistant համակարգի շնորհիվ կարող եք ստանալ երթուղու վերաբերյալ ցուցումներ, զվարճանալ, կապի մեջ մնալ ընկերների, ընտանիքի անդամների և գործընկերների հետ, ինչպես նաև սրահում կատարել կլիմայի ճշգրիտ կարգավորում բազմաֆունկցիոնալ ղեկանիվի միջոցով: Պարզապես ասեք «Hey Google» սկսելու համար:

Ընդլայնեք Ձեր հնարավորությունները ճանապարհին երթևեկելիս

Google-ի միջոցով կարող եք կապակցել Ձեր սիրելի հավելվածները և սարքերը, հեշտությամբ կատարել բոլոր առօրյա գործերը: Ձեր հանգստության և հարմարավետության համար hեշտությամբ կապակցվեք և ավտոմեքենայից կառավարեք համատեղելի խելացի կենցաղային սարքերը:

Սուզվեք մեդիայի և ձայնի հրապուրիչ աշխարհ:

Google-ին տվեք ձայնային հրամաններ Ձեր XC60 քաղաքային ամենագնացում ձեռնազատ կառավարում իրականացնելու միջոցով: Ծանոթ ինտերֆեյսի միջոցով կարող եք զվարճանալ, կապի մեջ մնալ ընկերների, ընտանիքի և գործընկերների հետ՝ պարզապես օգտագործելով ձեր ձայնը: Դուք, Ձեր ավտոմեքենան և Ձեր կյանքը դեռ երբեք միմյանց այսքան մոտ չեք եղել Google Play հավելվածների, ինչպես նաև Bowers & Wilkins բարձրակարգ ձայնային համակարգի հասանելիության շնորհիվ:

Google Assistant

Oգնություն ձեռնազատ ռեժիմում:

Bowers & Wilkins

Վայելեք բարձրորակ ձայնը:

Bowers & Wilkins բարձրախոսներ Volvo XC60 ավտոմեքենայի սրահում:
Google Play

Մնացեք կապակցված Ձեր թվային աշխարհին:

Ինտուիտիվորեն Ձերը Առաջադեմ տեխնոլոգիան օգնում է ավտոմեքենան ապահովել անհատականացված հարմարավետությամբ և շարժունակությամբ:

Վարորդին աջակցող մեր առաջադեմ տեխնոլոգիայով համալրված Volvo XC60:

Օգնության ձեռք

Վարորդին աջակցող մեր առաջադեմ տեխնոլոգիան կարող է օգնել Ձեզ ավտոմեքենան պահել երթևեկության գոտու կենտրոնում, տեղեկացնել Ձեզ երթևեկությունը վերսկսելու անհրաժեշտության մասին և նույնիսկ ամբողջությամբ արգելակել ավտոմեքենան վարորդի կողմից որևէ արձագանքի բացակայության դեպքում:

Volvo XC60-ի օդի արդյունավետ զտիչի շնորհիվ Դուք և Ձեր ուղևորները կարող եք վայելել օդի բարելավված և ավելի առողջարար որակը:

Սրահի ավելի մաքուր օդ

Օդի որակի բարելավման նախադեպը չունեցող համակարգի օդի արդյունավետ զտիչը կանխում է PM 2.5 վտանգավոր մասնիկների մինչև 95%-ի ներթափանցումը սրահ: Դրա շնորհիվ Դուք և Ձեր ուղևորները կարող եք վայելել օդի բարելավված և ավելի առողջարար որակը՝ անկախ շրջակա միջավայրի արտաքին պայմաններից:

Արծաթագույն Volvo XC60-ի հետնամասի արտաքին տեսքը:

Հարմարեցվող շասսի

Բոլոր անիվների համար նախատեսված ինքնակարգավորվող օդային կախոցով ակտիվ շասսին Ձեր XC60 քաղաքային ամենագնացը դարձնում է ավելի դինամիկ և կատարելագործված: Այն ավտոմատ կերպով պահպանում է ճանապարհային գետնահեռությունը և բոլոր ցնցամեղմիչները հարմարեցնում ընթացիկ ճանապարհային և եղանակային պայմաններին ցանկացած արագության դեպքում օպտիմալ հարմարավետություն և կայունություն ապահովելու համար:

Volvo XC60 մեղմ հիբրիդային մոդելի առջևի մասի արտաքին տեսքը:

Սանձահարեք վերականգնված էներգիան:

Մեր մեղմ հիբրիդային մոդելները խնայում են վառելիքը և նվազեցնում բանեցրած գազի արտանետումները՝ արգելակումների ժամանակ էներգիա վերականգնելու և այն 48 Վ մարտկոցում կուտակելու միջոցով:

Ավտոմեքենայի կատարելագործված վարում

Վայելեք սահուն մեկնարկը, կատարելագործված արագացումը և մեկնարկի/կանգի տեխնոլոգիայի օպտիմալացված արդյունավետությունն ու հարմարավետությունը:

Վառելիքի ցածր սպառում

Ինտեգրված մեկնարկիչ-գեներատորը ակտիվորեն աջակցում է շարժիչի աշխատանքին և նվազեցնում վառելիքի ծախսը՝ միաժամանակ ապահովելով հանգիստ և հեշտ կառավարելի վարում:

Աջակցվող անվտանգություն։ Դա մեր ԴՆԹ-ում է։

Աջակցվող անվտանգություն։ Դա մեր ԴՆԹ-ում է։

Կույր գոտիների վերահսկողության համակարգը (blind spot information system, BLIS) ակտիվ աջակցություն է ցուցաբերում երթևեկության գոտիները փոխելիս։ Հարակից երթևեկության գոտիներով երթևեկող ավտոմեքենաների հետ բախման վտանգի առկայության դեպքում BLIS-ը կարող է նրբորեն շտկել երթևեկության կառավարումը՝ ապահովելով Ձեր, Ձեր մեքենայի և մտերիմների անվտանգությունը։

Անվտանգության աջակցման խելացի տեխնոլոգիան կարող է գիշեր ու ցերեկ օգնել Ձեզ նկատելու այլ մեքենաներին, հետիոտներին, հեծանվորդներին և խոշոր կենդանիներին և խուսափել դրանց բախվելուց: Համակարգը նախ զգուշացնում է վարորդին, ապա արգելակում է ավտոմեքենան, եթե վարորդը չի արձագանքում տվյալ իրավիճակին:*

Հետընթաց շարժման ժամանակ կույր գոտիներում բախման կանխարգելման համակարգը ավտոմատ արգելակման գործառույթով աջակցում է վարորդին սահմանափակ տեսադաշտով հետընթաց կատարելիս: Համակարգը կարող է հայտնաբերել Ձեր ավտոմեքենային հետևից մոտեցող այլ ավտոմեքենաները և անհրաժեշտության դեպքում ակտիվացնել ավտոմատ արգելակման գործառույթը:**

* Ավտոմեքենայի հետ նույն ուղղությամբ ընթացող տրանսպորտային միջոցները, հետիոտները և հեծանվորդները կարող են հայտնաբերվել որոշակի արագության դեպքում և որոշակի պայմաններում: Հայտնաբերման համակարգերի աշխատանքը կախված է օբյեկտի լուսավորությունից, օրինակ` օրվա մութ ժամանակ ավտոմեքենայի առջևի և հետևի լուսարձակները պետք է միացված լինեն: Ցանկացած դեպքում անվտանգ երթևեկության համար պատասխանատու է վարորդը:

** Վարորդի աջակցման գործառույթները չեն կարող փոխարինել վարորդի ուշադրությանը և ճիշտ որոշումներ կայացնելու ունակությանը: Ուղղահայաց ուղղությամբ ընթացող ավտոմեքենաների մասին զգուշացման համակարգի գործառույթները որոշ իրավիճակներում կարող են սահմանափակ լինել: Արգելակման համակարգի ազդեցությունն ակտիվ է միայն ցածր արագության սահմաններում:

*** Վարորդի աջակցման գործառույթները չեն կարող փոխարինել վարորդի ուշադրությանը և ճիշտ որոշումներ կայացնելու ունակությանը: Ավտոմեքենայի կառավարմանը աջակցող համակարգը ակտիվ է 60-140 կմ/ժ արագության սահմաններում:

Volvo Թվային ծառայությունների փաթեթը ապահովում է Ձեր կապակցումը շարժման մեջ գտնվելիս:

Թվային ծառայություններ

Մեր Թվային ծառայությունների փաթեթն օգնում է հարմարավետորեն ներդաշնակեցնել Ձեզ, Ձեր Volvo ավտոմեքենան և Ձեր թվային կյանքը՝ ապահովելով կապակցումը նույնիսկ շարժման մեջ գտնվելիս: Չորս տարի վայելեք Google-ի խելացի և Volvo-ի առաջադեմ տեխնոլոգիաները, որոնք ներառում են. - Google Assistant, Google Maps և Google Play - Volvo Cars հավելվածի հեռակառավարման ծառայություններ -Հեռախոսի անլար լիցքավորում Բոլոր տվյալները ներառված են

*XC60-ը մատակարարվում է Թվային ծառայությունների փաթեթի չորս տարվա բաժանորդագրությամբ: Այդ ժամկետի ավարտից հետո կիրառվում են նոր պայմաններ:

Ի՞նչ եք ցանկանում իմանալ XC60-ի մասին:

XC60-ում ներկառուցված են Google Maps, Google Assistant և Google Play հավելվածները:

Այո', ծառայությունների չորս տարվա հասանելիությունը ներառված է: Դրանից հետո կարող եք ձեռք բերել բաժանորդագրության երկարաձգում, եթե ցանկանում եք շարունակել բոլոր ներառված ծառայությունների օգտագործումը:

Բաժանորդագրությունը տևում է չորս տարի: Եթե ավտոմեքենան նոր է, բաժանորդագրության ժամկետը սկսվում է մեքենայի առաքման օրվանից: Բաժանորդագրությունը կապակցված է ավտոմեքենային, ուստի ավտոմեքենայի վաճառքի դեպքում բաժանորդագրության մնացած ժամանակը փոխանցվում է հաջորդ սեփականատիրոջը / օգտատիրոջը:

Այն շուկաներում, որոնցում Volvo-ն կնքել է պայմանագիր բջջային ցանցի օպերատորի հետ, բոլոր անհրաժեշտ տվյալները չորս տարով ներառված են Թվային ծառայությունների փաթեթի մեջ: Դա ներառում է նավիգացիան և ձայնային աջակցումը, ինչպես նաև ցանկացած տեսակի հավելվածների ներբեռնումը և օգտագործումը (օրինակ՝ երաժշտության հոսքային վերարտադրման հավելվածներ): Այն շուկաներում, որոնցում տվյալների օգտագործման պայմանագիր չի կնքվել Դուք ստիպված կլինեք կապակցվել Ձեր անձնական սարքի միջոցով (օրինակ՝ Bluetooth-ի օգնությամբ) և օգտագործել Ձեր անձնական տվյալների պլանը այդ ծառայություններից օգտվելու համար:

Հնարավոր է, որ նկարագրված գործառույթները ստանդարտ կամ բոլոր ոճերի / շարժիչի տեսակների համար հասանելի չլինեն։ Google, Google Play և Google Maps հանդիսանում են Google ՍՊԸ-ի ապրանքանիշերը: