Rafbílar

Finndu hvernig er að keyra á rafmagni eingöngu.

Hreinn rafbíll frá Volvo. Innblásnir af plánetunni okkar, hannaðir fyrir lífið þitt.

Hreinir rafmagnsbílar

Sannur Volvo-andi mætir algjöru útblástursleysi – og í anda stefnu okkar um ábyrgan lúxus reynum við eftir megni að auka notkun á endurunnu og lífrænu efni og draga úr úrgangi.

Innbyggt frá Google

Google er innbyggt og Volvo rafbíllinn tengir þig hnökralaust við stafræna tilveru þína. Bíllinn tekur einnig á móti sjálfvirkum, þráðlausum uppfærslum.

Pantaðu á netinu

Það er einfalt að panta Volvo rafbíl. Skoðaðu uppsetningarmöguleikana, hannaðu útfærsluna sem hentar þér og pantaðu á netinu.*

Gengið verður frá pöntuninni hjá söluaðila í samræmi við skilmála hans.

Hliðarsvipur á bláum Volvo C40 Recharge.
C40 Recharge
  • 444 km drægi á rafmagni*
  • 100% leðurlaust innanrými

* Tölurnar eru byggðar á WLTP gögnum sem fengust við sérstakar prófunaraðstæður. Raundrægi og rauneldsneytisnotkun við aðstæður í rauntíma fara eftir aksturslagi og öðrum ytri áhrifaþáttum. Töluirnar eru til bráðabirgða, endanleg vottun ökutækis bíður staðfestingar.

Jökulsilfraður Volvo XC40 Recharge Rafmagnsjeppi í hleðslu í bleikri borg.
Fáanlegur í netsölu
XC40 Recharge
Verð frá 8.090.000 kr. Ráðlagt verð frá framleiðanda
  • Allt að 418 km drægi á rafmagni*
  • Snjallar geymslulausnir

* Tölurnar eru byggðar á WLTP gögnum sem fengust við sérstakar prófunaraðstæður. Raundrægi og rauneldsneytisnotkun við aðstæður í rauntíma fara eftir aksturslagi og öðrum ytri áhrifaþáttum.

Langtímaleigðu eða kauptu beint – og nýttu þér Care tilboðið okkar

Við viljum auðvelda öllum að aka Volvo rafbíl. Care tilboðið okkar, sem inniheldur þjónustu*, tryggingar og ábyrgð, fylgir með hvort sem þú kýst að leigja eða kaupa.

Leiga

Kaupa

* Þjónusta ræðst af skilmálum – takmarkanir gilda um rekstrarvörur – frekari upplýsingar fást hjá söluaðila Volvo.

Hvað get ég ekið langt í XC40 Recharge? Sjáðu hvaða áhrif borgarakstur, þjóðvegaakstur og blandaður akstur hefur á drægni.

Borg 420 km

Borgarakstur og lágur meðalhraði eru gjarnan kjöraðstæður fyrir rafbíla. Í kaldara veðri, þegar líklegra er að miðstöðin sé notuð og að teknu tilliti til annarra þátta, er drægni bílsins um 210 km.

Blandaður 360 km

Þetta er sambland af borgar- og þjóðvegaakstri. Á meðalhraða sem er dæmigerður við þessar aðstæður en við lægri hita og meiri notkun á miðstöð bílsins er drægnin um 200 km.

Þjóðvegir 300 km

Á þjóðvegum, á u.þ.b. 100 km hraða, veldur krafturinn sem þarf til að vinna bug á vindmótstöðunni meira álagi á rafhlöðuna. Í meiri kulda og þegar færðin er ekki sem best er drægni bílsins um 220 km.

*WLTP prófun er stöðluð og fer fram við stýrðar aðstæður. Ofangreindar áætlanir um drægni í borgarakstri, blönduðum akstri og þjóðvegaakstri eru tilraunaniðurstöður og er einungis ætlað að sýna fram á möguleg áhrif aksturslags og hitastigs á drægni. Ofangreind drægni er fengin með prófunum Volvo Cars í tilraunamiðstöð og við raunverulegar aðstæður og ekki er tekin ábyrgð á niðurstöðunum. Raunverulegar niðurstöður kunna að vera frábrugðnar þeim sem greint er frá hér að ofan. Áætluðu tölurnar sem eru feitletraðar hér að ofan miðast við fullhlaðna rafhlöðu og 23 stiga hita á Celsíus. Í gögnunum um akstur í kulda er miðað við 7 stiga frost á Celsíus.

Tími til að endurhlaða? Við gerum það auðveldara og þægilegra, hvort sem er heima eða að heiman.

Ákveddu leiðina með Google Maps

Notaðu Google Maps í Volvo bílnum til að skipuleggja leiðina, finna hleðslustöðvar og slappa af á ferðalaginu.

Volvo Cars appið

Forhitaðu og forkældu innanrýmið með Volvo Cars appinu. Þetta getur aukið drægið og ánægjuna af ferðinni.*

Þægileg heimahleðsla

Þægilega og hentuga Volvo heimahleðslustöðin er lausnin sem mælt er með fyrir heimahleðslu.

* Til að virkja Volvo Cars appið fyrir árgerð 22 þarf XC40 Recharge að vera útbúinn stafræna þjónustupakkanum við afhendingu, sem kemur með fjögurra ára áskrift og veitir fullan aðgang að þeim forritum og gögnum sem í boði eru. Að fjórum árum loknum taka nýir skilmálar gildi.

Lifðu fullkomlega rafmögnuðu lífi.

Hvað viltu vita um rafbíla?

Hleðslutíminn veltur á tegund hleðslubúnaðar og rafmagninu heima hjá þér. Hefðbundin hleðslusnúra með heimilistengi fylgir með bílnum. Ef hlaða á tóma rafhlöðu í 100 prósent með þessari snúru tekur það um það bil 40–72 klukkustundir, allt eftir markaðssvæðum, eða u.þ.b. 7–14 km drægni á klukkustund.

Fyrir reglulega og tiltölulega styttri hleðslu heima við mælum við með þriggja fasa 11 kW hleðslustöð. Með slíkum búnaði geturðu hlaðið á um það bil 8 klukkustundum (úr tómri rafhlöðu í 100 prósent), eða um 50–60 km drægni á klukkustund.

Hafðu í huga: Hleðslutími getur verið mismunandi eftir aðstæðum og getur oltið á þáttum eins og hitastigi utandyra, hitastigi rafhlöðunnar, hleðslubúnaði, ástandi rafhlöðunnar og ástandi bílsins.

Rafmagnskostnaður er breytilegur eftir aðstæðum á staðnum, en kostnaðurinn getur verið lægri miðað við bensín eða dísel. Minni eldsneytiskostnaður er einnig ein af mörgum ástæðum til að skipta yfir í rafbíl. Og fyrir enn lægri kostnað geturðu stillt Volvo rafbílinn til að hlaða á þeim tímum þegar rafmagnsgjaldskrár eru sem lægstar sem er oft á nóttunni.

Rafhlöðuábyrgð Volvo Cars er 8 ár eða 160.000 km, hvort heldur sem gerist fyrst, að því tilskildu að bíllinn og rafhlaðan sé viðhaldið og notuð í samræmi við ráðleggingar Volvo Cars.

Ef skipta þarf um rafhlöðu eða rafhlöðueiningar er hægt að gera það, alveg eins og með hvern annan tæknilegan hlut í bílnum.

Hefðbundin hleðslusnúra með heimilistengi fylgir með bílnum. Fyrir tiltölulega hraðari og þægilegri hleðslu heima fyrir, mælum við með að setja upp þriggja fasa 11kW hleðslustöð.

Vinsamlegast athugið: framboð á hleðslutækjum getur verið mismunandi eftir mörkuðum.

Fljótlegasta hleðslan er í boði á DC hraðhleðslustöðvum með jafnstraumi. Til að hlaða eins hratt og mögulegt er mælum við með því að takmarka hleðslustöðu bílsins við 80 prósent. Þannig helst hleðslutíminn stuttur vegna þess að síðustu 20 prósent hleðslunnar taka lengsta tímann.

Í löndum þar sem Google kort birta upplýsingar um hleðslustöðvar er hægt að finna almenningshleðslustöðvar á korti á miðskjá bílsins eða í snjallsímaforriti. Þar geturðu einnig valið kjörhleðslustöðvar og fengið leiðsögn að þeim.

Rafhlaðan er 500 kg að þyngd sem þarf að taka tillit til við árekstur – bæði fyrir farþega bílsins og aðra bíla. Rafhlaðan þarf einnig sérstaka vernd til að forðast skaðlegan leka eftir árekstur. Með því að nota ýmsar nýjar öryggislausnir hafa verkfræðingar okkar hannað rafbílana okkar með allar þessar áskoranir í huga.

Rafmótorarnir eru innsiglaðir út endingartímann og þurfa ekkert viðhald. Miðað við bensín/dísilbíla þarfnast Volvo rafbílar því mun minna viðhalds, sem getur skilað sér í lægri rekstrarkostnaði.

Á meðalendingartíma bíls er kolefnisspor bíls sem notar eingöngu rafmagn minna en bíls með hefðbundinni vél. Hins vegar veltur sú vegalengd sem þarf að aka rafmagnsbíl til að hann losi minna kolefni en bíll með hefðbundinni vél að miklu leyti á því hvernig rafmagnið sem notað er til að knýja bílinn er framleitt. Ef þú hleður rafmagnsbílinn þinn með endurnýjanlegri orku þarftu að aka minna til að ná þessum punkti en ef þú notar rafmagn sem er framleitt úr jarðefnaeldsneyti. Við hvetjum þig til að knýja rafbílinn þinn með rafmagni úr endurnýjanlegum orkugjöfum þegar þess er kostur.

Við leggjum áherslu á fullkomið gagnsæi að því er varðar kolefnisáhrif rafbílanna okkar. Líftímagreining (LCA) á XC40 er þegar tiltæk og líftímagreining á C40 Recharge verður í boði síðar á árinu 2021.

Volvo Cars leggur áherslu á rekjanleika til að hægt sé að tryggja að eigendur Volvo rafbíla geti ekið um í þeirri vissu að hráefni rafhlöðunnar komi frá ábyrgum uppruna. Innleiðing blockchain tækni eykur rekjanleikann til muna í kóbaltbirgðakeðju okkar. Blockchain tæknin, eftirlit á námasvæðum, GPS rakning, aðgangsstýringar, vottaðir flutningsaðilar, andlitsgreining, notkun persónuskilríkja og tímarakning tryggja saman rekjanleika hráefna frá námu í bílaverksmiðju.

Volvo Cars vinnur náið með birgjum við að auka sjálfbærni vara sinna og þjónustu, þar á meðal með því að tryggja ábyrgar birgðakeðjur og með skilvirkri nýtingu auðlinda. Við leggjum áherslu á ábyrga vinnslu steinefna og málma og fylgjum leiðbeiningum OECD um ábyrgar birgðakeðjur steinefna frá átaka- og áhættusvæðum. Af þeim sökum krefjumst við þess af rafhlöðubirgjum okkar að þeir styðji af heilum hug við gagnsæi kóbaltbirgðakeðju okkar og leggi áherslu á fullan rekjanleika.

Sjálfbærni er lykilatriði við mat og val á birgjum. Við höfum eftirlit með núverandi birgjum og fylgjum því eftirliti eftir með úttektum frá þriðja aðila. Við krefjumst þess einnig af rafhlöðubirgjum okkar að þeir lágmarki losun koltvísýrings við framleiðslu, þar á meðal með notkun endurnýjanlegrar orku. Allir birgjar okkar hafa samþykkt siðareglur Volvo Cars fyrir samstarfsaðila, þar sem áhersla er m.a. lögð á mannréttindi, þar á meðal réttindi launafólks.