Rafdrifni C40 Recharge-bíllinn okkar hefur fengið hæstu eikunn í Euro NCAP-prófunum árið 2022, sem þýðir að hann er, líkt og systkini hans, opinberlega einn af öruggustu bílunum sem nú aka um göturnar.

Euro NCAP er evrópskt einkunnakerfi sem hjálpar neytendum að velja öruggustu bílana á markaðnum. Kerfið mælir öryggi bíla með ýmsum prófunum sem miða að því að líkja eftir raunverulegum árekstrum.
„Við stefnum alltaf á að skara fram úr í öryggismálum,“ segir Malin Ekholm, yfirmaður öryggismiðstöðvarinnar okkar. „Þannig fylgjum við ströngustu öryggisstöðlum í öllum bílunum okkar, og mörgum þessara staðla tókum við þátt í að koma á fót.“
Sérhver bíll sem við búum til ætti að vera öruggari en sá á undan, og næsta kynslóð okkar af rafbílum er þar engin undantekning. Þeir verða búnir nýjustu LiDAR-skynjurunum frá Luminar sem greina veginn fram undan (sem og í kring og fyrir aftan) og tryggja að bíllinn geti „séð“ og brugðist við hindrunum af enn meiri nákvæmni.

Þetta kemur til viðbótar við sjálfvirku neyðarhemlunina, árekstrarviðvörunina og greiningarkerfanna fyrir gangandi vegfarendur og hjólreiðafólk, sem er nú þegar staðalbúnaður og allur prófaður við raunverulegar aðstæður og í sýndarveruleika í öryggismiðstöðinni okkar.
<a href="https://www.volvocars.com/intl/v/cars/recharge">Nánari upplýsingar um Recharge-gerðirnar okkar eru hér</a>

Euro NCAP veitir C40 fimm stjörnu einkunn

Fyrsta daginn í starfi sem forstjóri Volvo Cars deilir Jim Rowan hugleiðingum sínum um nýja hlutverkið, fyrirtækismenninguna og framtíð bílaiðnaðarins.

Hej öll!
Nýr kafli hefst í lífi mínu í dag. Og ég er ótrúlega spenntur yfir því. Að geta gengið til liðs við Volvo á þessum tímapunkti, þegar stórtækar umbreytingar eiga sér stað, er mjög hvetjandi.
Þegar fólk spyr mig: „Hvers vegna gekkstu til liðs við Volvo?“ svara ég þessu. Ég er bara mjög spenntur fyrir tækifærinu. Að vera hluti af sameiginlegri vegferð okkar á komandi árum, að vinna með ykkur öllum og skapa fyrirtæki sem er í forystu nýrrar kynslóðar í samgöngum og fara með fyrirtækið á áður óþekktar slóðir er nokkuð sem ég hlakka mikið til.
Þó að ég sé mikill áhugamaður um verkfræði og tækni er ég ekki hefðbundinn bílakall. Ég held að það komi sér vel. Hjá Volvo starfar fullt af fólki sem þekkir bílaiðnaðinn út og inn og býr yfir allri þeirri hæfni sem skiptir máli. Það er ekki þörf á mér á því sviði!
Það sem ég vona að ég geti fært með mér er innsýn og reynsla úr hátæknigeiranum í framleiðslu neytendavarnings þegar við skiptum yfir í samgöngur fyrir næstu kynslóð. Ef við blöndum þessu saman við hæfileikana og þekkinguna sem við höfum byggt upp innan Volvo síðustu 95 árin og setjum það rétt saman held ég að sú samsetning verði afar kröftug.
Saga okkar og arfleifð verður alltaf til staðar. Fólk treystir Volvo-vörumerkinu og veit að það stendur fyrir áreiðanleika og heiðarleika. Enginn getur líkt eftir því. En orðfæri og væntingar til næstu bílakynslóðar eru að breytast. Áður snerist allt um hestöfl og strokka. Nú er allt farið að snúast meira um innbyggða tækni sem auðveldar viðskiptavinum okkar lífið og eykur þægindi. Orðfærið höfðar núna til allra og ber vitni um framsækna hugsun, sem er gott.

Markmið okkar lýsir þessu mjög vel: Við ætlum að bjóða fólki upp á frelsi til að ferðast um á öruggan, sjálfbæran og persónulegan hátt. Kolefnislausar samgöngur og ábyrgð á að þær verði að veruleika er einkar hvetjandi. Það er ekki bara það sem er rétt fyrir Volvo, heldur, og það sem meiru skiptir, það sem er rétt fyrir samfélagið.
Þetta er tækifæri okkar til að sýna að við tökum öryggi fólks jafnalvarlega og við tökum öryggi plánetunnar. Þetta tvennt hefur aldrei skipt meira máli en nú og við munum leitast við að gera enn betur í þessum efnum. Nálgun okkar við að ná 100% rafvæðingu og leita öruggra leiða til að innleiða sjálfvirkan akstur hefur náð til alls fyrirtækisins og saman munum við ná þessum markmiðum. En í næstu kynslóð bíla held ég einnig að persónulegi þátturinn muni skipa stærri sess en nokkru sinni fyrr. Bein tenging við viðskiptavini okkar verður afar mikilvæg til að ná sjálfbærum og arðbærum vexti og auka virði vörumerkisins okkar.
Þegar þú kaupir eða færð þér áskrift að Volvo færðu enn sem fyrr öflugan, áreiðanlegan og öruggan hágæðabíl. Það breytist aldrei: Við ætlum stöðugt að fjárfesta í og skapa nýjungar á öllum lykilsviðunum sem við höfum byggt upp áratugum saman. Ef við aftur á móti bætum við þetta fordómalausri og hnökralausri Volvo-upplifun fyrir viðskiptavini okkar getum við gert vörumerkið að fyrsta vali þeirra alla ævi. Ferðamáti sem ekki bara verndar þig, ástvini þína og umhverfið, heldur veitir líka ánægju, þægindi og algjöra hugarró.Að endingu langar mig að segja nokkur orð um fyrirtækjamenninguna okkar. Traust skiptir mig miklu máli. Mig langar til að þetta sé fyrirtæki sem treystir starfsfólki sínu fyrir vinnunni, þar sem allir eiga jöfn tækifæri, þar sem starfsfólkið er hvatt til að nota eigin dómgreind og færni til að ná lykilmarkmiðum okkar.
Það þýðir einnig að við erum fyrirtæki sem hefur áunnið sér traust starfsfólksins. Fyrirtæki sem er til staðar þegar þið þurfið á stuðningi að halda, hver sem ástæðan er. Og ef eitthvað fer úrskeiðis vil ég að öllum finnist þau örugg til að láta vita og leita aðstoðar og leiðsagnar til að leysa vandamálið. Við vinnum öll sem eitt: Enginn bendir á annan, enginn kennir öðrum um, við einbeitum okkur bara öll að sama markmiði.
Jæja, ég er búinn að tala nóg. Þið þurfið kannski að sýna mér örlitla þolinmæði á næstu vikum á meðan ég er að setja mig inn í hlutina, en ég stefni á að heimsækja allar starfsstöðvar okkar og komast fljótt inn í starfið. Ég hlakka til að hitta ykkur og hefja þetta ævintýri með ykkur.
Jim

Bréf frá nýja forstjóranum, Jim Rowan: Við vinnum öll sem eitt

Góður söluárangur okkar á árinu 2021 hefur skilað sér í enn betri rekstrarafkomu.

Það er ekkert launungarmál að árið 2021 var erfitt að mörgu leyti. Heimsfaraldur sem enn virðist erfitt að vinna bug á, vandamál í alþjóðlegu aðfangakeðjunni sem rekja má til óstöðugs viðskiptaumhverfis, skortur á hálfleiðurum – það má með sanni segja að við höfum séð auðveldari ár í bílaiðnaðinum og hjá fyrirtækinu.
Þrátt fyrir þetta náðum við góðum árangri við þessar erfiðu aðstæður. Við náðum öruggri söluaukningu yfir allt árið og afhentum viðskiptavinum rétt tæplega 700.000 nýja Volvo-bíla auk þess sem við jukum markaðshlutdeildina.
Í dag tilkynnum við að við höfum einnig staðið okkur mjög vel fjárhagslega. Raunar höfum við slegið nýtt met bæði hvað varðar tekjur og arðsemi yfir allt almanaksárið.
Heildartekjur okkar námu 282 milljörðum SEK, sem er aukning úr 262,8 milljörðum árið 2020, auk þess sem við skiluðum hagnaði upp á 20,3 milljarða SEK fyrir árið 2021, en hann var 8,5 milljarðar SEK árið 2020. Framlegðin er því 7,2 prósent, sem er nálægt því markmiði okkar fyrir mitt tímabilið að ná stöðugt 8 til 10 prósenta framlegð.

„Ég vil nota þetta tækifæri til að þakka öllu starfsfólki fyrir sína miklu og góðu vinnu og fyrir þann árangur sem við höfum náð í sameiningu,“ segir Håkan Samuelsson framkvæmdastjóri. „Með samstarfi og staðfestu höfum við náð gríðarlegum árangri á liðnum áratug. Við höfum komið Volvo Cars rækilega á kortið sem vörumerki í fararbroddi til framtíðar á öruggan, sjálfbæran og persónulegan máta, og sýnt fram á að það er hægt að vera bæði arðbær og sjálfbærari í senn.“
Auðvitað hefur svona góð rekstrarafkoma einnig jákvæð áhrif á bónuskerfi Volvo, eins og Hanna Fager, yfirmaður rekstrarsviðs, og Björn Annwall, framkvæmdastjóri fjármála, sýna í myndinni hér að ofan. Allt starfsfólk Volvo Cars fær bónus í ár og verður greiðslan 200 prósent af árlega bónusmarkmiðinu, sem er nýtt met.
Þetta er verðskulduð umbun fyrir allt starfsfólkið eftir mikla vinnu á liðnu ári.
<a href="https://www.media.volvocars.com/global/en-gb" target="_blank">Smelltu hér</a> til að lesa fréttatilkynninguna

Rekstrarafkoma 2021: miklar tekjur og arðsemi

C40-líftímamatsskýrslan okkar er komin út – hvaða áhrif hefur aðgangur að hreinni orku á ávinning af rafbíl?

Við stefnum að því að framleiða eingöngu rafbíla árið 2030. Auk þess stefnum við að því að vera loftslagshlutlaust fyrirtæki árið 2040. Þetta eru hvetjandi markmið en staðreyndin er þó sú að kolefnislosun er gegnumgangandi í rekstri okkar.
Við horfum þó á hlutina þannig að lausn vandamálanna liggi í því að viðurkenna að þau séu til staðar og reyna ekki að fela það. Ein leiðin að því markmiði er að taka sama og birta líftímagreiningarskýrslu fyrir allar nýjar gerðir rafbíla sem við setjum á markað. Við hófum þessa gagnsæju og forvirku skýrslugerð þegar XC40 Recharge kom á markað og í dag birtum við líftímagreiningu fyrir C40 Recharge.
Líftímagreiningarnar eru fyrst og fremst leiðarvísir fyrir viðskiptavini okkar, til að þeir geti tekið upplýsta ákvörðun um kaup á nýjum Volvo. Skýrslan sýnir í gegnum nokkrar sviðsmyndir hversu mikinn koltvísýring áætlað er að bíllinn losi yfir líftíma sinn, bæði við framleiðslu og í notkunarfasa.
Þessi nýja líftímagreining sýnir m.a. fram á hversu máli það skiptir að hafa aðgang að hreinum orkugjöfum fyrir hleðslu C40 Recharge. Þetta eru ekki nýjar fréttir. Í mörg ár höfum við bent á að skiptum yfir í rafbíla þurfi að fylgja veruleg fjárfesting í hreinni orku og hleðsluinnviðum fyrir almenning. Líftímagreiningin sýnir þetta hins vegar svart á hvítu með raunverulegum gögnum.

Skýrslan sýnir að þegar C40 Recharge er hlaðinn með rafmagni frá hreinum orkugjöfum er heildarlosun bílsins yfir líftíma hans um 27 tonn af koltvísýringi, samanborið við 59 tonn frá XC40 sem knúinn er með eldsneytisvél.
Ef bíllinn er aftur á móti hlaðinn með þeirri meðaltalsorkublöndu sem er að finna í heiminum í dag (sem inniheldur um 60 prósent orku frá jarðefnaeldsneyti) kann líftímalosun koltvísýrings frá bílnum að vera allt að 50 tonn, sem dregur verulega úr umhverfisávinningi bílsins í samanburði við bíl með eldsneytisvél.
Þetta sýnir fram á að almenningur í heiminum þarf stuðning frá stjórnvöldum og orkugeiranum til að draga úr kolefnislosun sinni. Um leið og höldum áfram að hamra á þessum staðreyndum og kalla eftir fjárfestingu í hreinni orku og hleðsluinnviðum, svo sem á COP26-loftslagsráðstefnunni í Glasgow, vinnum við einnig hörðum höndum að því að draga úr okkar eigin kolefnisfótspori.
Svo dæmi sé tekið er markmið okkar að minnka líftímakolefnisfótspor meðalbílsins um 40 prósent á milli 2018 og 2025, þar á meðal með því að draga úr losun í birgðakeðjunni um 25 prósent árið 2025. Við miðum einnig að því að vera búin að gera framleiðslu okkar loftslagshlutlausa árið 2025. Nú þegar eru allar verksmiðjur okkar í Evrópu knúnar að öllu leyti með hreinni orku.
<a href="https://www.volvocars.com/images/v/-/media/Market-Assets/INTL/Applications/DotCom/PDF/C40/Volvo-C40-Recharge-LCA-report.pdf">Smelltu hér til að lesa líftímagreiningarskýrslu fyrir C40 Recharge í heild sinni.</a>

Eftirlýst: hrein orka til hámarka loftslagsávinninginn

Í dag skráum við fyrirtækið okkar í Nasdaq-kauphöllinni í Stokkhólmi – sem er söguleg stund fyrir Volvo Cars.

Þessi nýi kafli í sögu okkar hefst með bjölluhringingunni og í kjölfarið ræða Håkan Samuelsson og aðrir stjórnendur við ýmsa fjölmiðla. Í þessum viðtölum útskýra þeir nánar hvernig við hyggjumst nota ágóðann af skráningunni til að gera okkur betur í stakk búin til að hrinda metnaðarfullum áætlunum okkar í framkvæmd.

Ef þið viljið fylgjast með skráningunni okkar getið þið skoðað fjárfestaupplýsingarnar á vefsvæðinu okkar. 
<a href="https://investors.volvocars.com/en">Skoða fjárfestaupplýsingar</a>

Frumútboð hlutabréfa: í dag brjótum við blað!

Brátt sendum við frá okkur nýja þráðlausa hugbúnaðaruppfærslu fyrir rafbílana okkar. Hugbúnaðarpakkinn kemur einnig til með að innihalda nýtt bílaforrit sem þróað var innanhúss hjá okkur: Range Assistant.

Þráðlausar uppfærslur láta ekki mikið yfir sér en með þeim opnast nýjar víddir í vöruþróun. Einu sinni vorum við bundin við að uppfæra bílana okkar á tilteknum tímasetningum. Oft var þetta takmarkað við tvö skipti á ári: einu sinni á vorin og einu sinni á haustin. En nú gera sítenging og þráðlausar uppfærslur okkur kleift að vinna að stöðugum endurbótum og uppfærslum fyrir bílana okkar.
Með næstu þráðlausu uppfærslu fylgir nýr eiginleiki: bílaforritið Range Assistant. Í næstu þráðlausu uppfærslu verður boðið upp á forritið í betaútgáfu og endurbótum verður bætt við með stöðugum hætti.
Range Assistant er hannað fyrir rafbíla og veitir ökumönnum tvenns konar aðstoð: Það veitir innsýn inn í hvaða þættir hafa áhrif á drægni og að hve miklu leyti; og það veitir endurgjöf sem getur gagnast við að auka drægni Volvo-bílsins.
Range Assistant var þróað innanhúss hjá okkur, af þverfaglegu teymi notendaviðmótshönnuða, sérfræðinga okkar í orkusparnaði úr SVA-teyminu (e. Safe Vehicle Automation), hönnuða afþreyingarhugbúnaðar og loftslagssérfræðinga. Sparakstur rafbíla krefst annarrar nálgunar en sparakstur bíla með bensín- eða dísilvél og forritinu Range Assistant er ætlað að auðvelda þá yfirfærslu. Þetta var ein af grunnforsendunum þegar hafist var handa við hönnun forritsins.
„Hraði hefur gríðarleg áhrif á drægi rafbíls,“ segir Anna Arasa Gspar, notendaviðmótshönnuður í hönnunardeildinni okkar. „Af þeim sökum sáum við fram á þörf á forriti sem gæti veitt ökumanni upplýsingar um hvert drægnin væri hverju sinni, hversu breytilegt hún væri og hversu mikil áhrif breytt aksturslag gæti haft. Við tókum meðvitaða ákvörðun um að taka eingöngu með þá þætti sem hafa mest áhrif á drægni og sem notandinn gæti haft áhrif á. Veðrið skiptir einnig miklu máli og kuldi hefur áhrif á rafhlöðuna. Fólk getur þó ekki haft áhrif á veðrið, en það getur stjórnað miðstöðinni.“
Svo dæmi sé tekið gerir Range Assistant-forritið ökumönnun kleift að draga niður í miðstöðinni með drægnifínstillingu. Minni orkunotkun sem þessi hefur mikil áhrif til aukningar á drægni.Forritið sýnir einnig hvernig hraði hverju sinni og notkun ökumanns á inngjöfinni hefur áhrif á drægnina. Ökumenn geta beitt inngjöfinni á annan hátt og stillt af hraðann og fylgst með hvaða áhrif það hefur á drægnina.

Annar spennandi þáttur tengdur Range Assistant er að það var hannað innanhúss. Þetta er hluti af metnaðarfullur markmiði okkar um að þróa 50 prósent alls hugbúnaðar í bílana okkar innanhúss. „Þetta er mikil breyting frá fyrri tíð,“ segir Fredrik Hulth, vörustjóri upplýsinga- og afþreyingakerfisins í Connected Experience:
„Þetta er töluverð tilfærsla. Í eldra kerfinu sá birgir um alla vinnuna fyrir okkur. Við sáum um að skilgreina það sem okkur vantaði og keyptum það svo. Okkar fólk sá aðallega um að halda utan um aðgerðir og kerfi og sjá um prófanir. Nú erum við aðallega í hugbúnaðarþróun. Á sex til átta vikna fresti gefum við út nýja uppfærslu og sendum hana út til allra bíla sem við höfum framleitt. Þannig geta eigendur eldri bíla einnig notið ávinningsins af uppfærslunum.“
Við þróum búnað og forrit mun hraða með því að gera það innanhúss í stað þess að nota birgja. Meðganga Range Assistant tók um sex mánuði, allt frá fyrstu hugmynd til innleiðingar.
„Það er mjög spennandi að geta haft áhrif og sjá merki þess strax,“ segir Fredrik.
„Prófun er það sem skiptir máli,“ bætir Fredrik við, „enda er eitt mottóum okkar og „mistakast hratt“. Við getum prófað hugmyndir án tafar og og ef hún virkar ekki gerum við viðeigandi breytingar. Að sjálfsögðu erum við búin að setja saman heildstæða áætlun en ef eitthvað virkar ekki eins og það á að gera erum við fljót að breyta henni. Við höfum mun meira frelsi til athafna. Auk þess sem við getum sent út nýja eiginleika og fengið tafarlausa endurgjöf frá fólkinu sem notar þá.“
Anna er jafnánægð með áhersluna á hugbúnaðarþróun innanhúss og þráðlausar uppfærslur. „Þetta veitir okkur tækifæri til að þróa hlutina og fá endurgjöf beint frá notendum,“ segir hún, og bætir við að þannig sé einnig auðveldara að takast á við sumar þeirra áskoranna sem fylgdu fyrstu innleiðingu upplýsinga- og afþreyingakerfis okkar sem keyrt er á Android.
„Við höfðum sett okkur markmið um hvernig bíllinn ætti að vera en Android-verkefnið var unnið frá grunni og það var ekki alveg hundrað prósent tilbúið þegar sendum fyrstu útgáfu úr húsi. Þráðlausu uppfærslurnar gerðu okkur hins vegar kleift að bjóða upp á nýja eiginleika sem ekki gafst tími til að hafa með í fyrstu útgáfunni fljótt og örugglega.“
Fredrik sér annan kost við þetta nýja verklag. „Mér finnst vinnustaðurinn miklu skemmtilegri núna,“ segir hann hlæjandi. „Mér finnst mjög spennandi að geta unnið stöðugt að þróun varanna okkar fyrir nýja jafnt sem eldri viðskiptavini.“
Hann bætir við að hann sé ekki einn um þá skoðun. „Við höfum ráðið til okkar mikið af nýju fólki undanfarin ár. Áður fyrr höfðu forritarar ekki mjög áhugasamir um að vinna hjá Volvo. Þetta er breytt í dag því hér geta þeir svo sannarlega nýtt færni sína.“

Hugbúnaður framleiddur innanhúss: Range Assistant, nýtt drægniaðstoðarforrit fyrir rafbíla

Við höfum náð samkomulagi við Geely um að taka yfir eignahlut þess í verksmiðjunni okkar í Luqiao í Kína, sem þýðir að innan nokkurra ára munum við eiga allar verksmiðjur sem framleiða bílana okkar.

Allt frá því að Luqiao-verksmiðjan í Kína var vígð árið 2017 hefur hún verið í eigu Geely en við séð um reksturinn. Nú höfum við aftur á móti náð samkomulagi við móðurfélagið um að við tökum verksmiðjuna yfir og framleiðslugeta hennar verði að öllu leyti nýtt af Volvo Car Group.
Flest verður óbreytt að samkomulaginu loknu: Verksmiðjan heldur áfram að framleiða XC40, XC40-rafbílinn og Polestar 2-gerðirnar; auk þess sem engar breytingar verða á rekstrinum. Breytingar sem munu eiga sér stað eru þær að starfsfólk verksmiðjunnar, 2600 talsins, þar á meðal í framleiðslu- og stoðdeildum, verður flutt frá Geely Holding til Volvo Cars, auk þess sem heiti verksmiðjunnar verður breytt.Í samræmi við nafngiftir annarra verksmiðja okkar Kína verður Luqiao-verksmiðjan hér eftir nefnd Taizhou-verksmiðjan, til að endurspegla nafn borgarinnar sem verksmiðjan er í, ekki héraðsins. Þetta mun ekki eingöngu skýra eignarhald innan bæði okkar samstæðu og Geely heldur kemur þetta til með að styrkja stöðu okkar í Kína, sem er okkar stærsti markaður.
„Tilfærsla Taizhou-verksmiðjunnar er skynsamlegt og rökrænt skref fyrir báða aðila, þar sem verksmiðjan er nú eingöngu notuð til að framleiða bíla frá Volvo Car Group,“ segir Javier Varela, stjórnandi þróunar- og framleiðslusviðs okkar. „Það er táknrænt að verksmiðjan sem framleiddi fyrsta eintakið af fyrsta rafbílnum sem við settum á markað, Polestar 2, muni koma til með að stuðla að vexti okkar í þá átt að verða leiðandi aðili í framleiðslu fyrsta flokks rafbíla.“
Í samvinnu við Geely leitum við stöðugt leiða til að bæta samstarf fyrirtækjanna og rekstrarlíkanið innan stórsamstæðunnar og þetta samkomulag fylgir í kjölfar svipaðs samkomulags síðasta sumar.

Oskar Falk, yfirmaður verksmiðjunnar í Taizhou segir: „Eftir velgengni síðustu fjögurra ára við framleiðslu Volvo, Polestar og Lynk &amp; Co horfi ég björtum augum fram á veginn við undirbúning Taizhou-verksmiðjunnar fyrir áætlanir og áskoranir framtíðarinnar undir merkjum Volvo Car Group. Við erum þegar vel á veg komin við að skipta alfarið yfir í rafbíla og styðjum þannig við langtímamarkmið Volvo Cars.“
Í júlí náðum við samkomulagi við Geely um að yfirtaka hlut þess í sameiginlegum fyrirtækjum okkar í Kína, þar á meðal í verksmiðjunum í Chengdu og Daqing. Áætlað er að þessar tilfærslur verði að fullu gengnar í gegn árið 2023.
Nú þegar Taihzou hefur bæst í hóp verksmiðja í okkar eigu, með verksmiðjunum í Charleston í Bandaríkjunum, Torslanda í Svíþjóð og Ghent í Belgíu, verður niðurstaðan sú að við eigum allar þær verksmiðjur sem framleiða bílana okkar þegar yfirtöku verksmiðjanna í Chengdu og Daqing er lokið.

Við erum nýir eigendur Luqiao-verksmiðjunnar

Hér er á ferð fallegur rafbíll sem ekkert leður er notað í ... og það sem meira er ... fyrsti bíllinn í sölu rennur tilbúinn af framleiðslulínunni í dag.

Frá og með deginum í dag fer nýr C40 Recharge að hafa áhrif þar sem við byrjum að taka við pöntunum og hefjum framleiðslu á annarri gerðinni sem er eingöngu framleidd sem rafbíll. Þetta átti sér stað í verksmiðju okkar í Gent, sem er ein stærsta verksmiðjan okkar og í fararbroddi í sókn okkar að rafvæddri framtíð. Samstarfsfólk okkar þar framleiðir einnig fyrsta bílinn okkar sem eingöngu er í boði sem rafbíll, XC40 Recharge.Þess utan er nú lögð áhersla á auka rafbílaframleiðslugetu verksmiðjunnar í Gent. Þetta þýðir að innan árs á verksmiðjan að geta framleitt 135.000 Volvo-rafbíla á ári, sem er rúmlega helmingur framleiðslugetu verksmiðjunnar í dag.„C40 Recharge er táknmynd framtíðar okkar,“ segir Javier Varela, stjórnandi þróunar- og framleiðslusviðs okkar. „Framleiðsla okkar og náið samstarf við birgja eru lykillinn að því að við náum markmiðum í tengslum við rafvæðingu og kolefnishlutleysi. Verksmiðjan okkar í Gent er reiðubúin til að takast á við rafvædda framtíð og mun gegna mikilvægu hlutverki í starfsemi okkar á heimsvísu um ókomin ár.“

Sérstaktur gestur kom einnig við í verksmiðju okkar í Gent í tilefni dagsins. Forsætisráðherra Belgíu, Alexander De Croo, tók þátt í hátíðahöldunum og ók fyrsta C40 Recharge-bílnum af framleiðslulínunni undir vökulu auga stórs hóps innlends fjölmiðlafólks.
„Rafbílar eru framtíðin,“ sagði De Croo. „Framleiðsla þessarar nýjug gerðar og samsetning rafhlaða í Volvo Car Ghent mun koma loftslaginu til góða og sýna að Belgía er í fararbroddi í þróun nýrra tæknilausna. Þetta eru einnig góðar fréttir fyrir vinnumarkaðinn. Nýrri gerð fylgir fjöldinn allur af störfum. Þetta sýnir að því fylgir mikill ávinningur að breyta yfir í grænt og sjálfbært samfélag. “
C40 Recharge er sá nýjasti í röð rafbíla sem við munum setja á markað á næstu árum. Frá og með 2030 er það ætlun okkar að selja eingöngu rafbíla. Þetta er ein metnaðarfyllsta rafvæðingaráætlun sem fyrirfinnst í bílaiðnaðinum. Við stefnum einnig á að hafa náð kolefnishlutleysi fyrir árið 2040.

C40 Recharge er kominn á götuna

Við erum eitt þeirra 150 fyrirtækja sem hvetja stjórnvöld til að grípa til aðgerða sem miða skulu að því að útrýma losun kolefnis frá flutningum á milli landa fyrir árið 2050. Þetta er hluti af markmiði okkar um að ná kolefnishlutleysi fyrir árið 2040.

Flutningar á sjó tryggja að við komum bílunum okkar til viðskiptavina um heim allan, auk þess sem þeir gegna lykilhlutverki í birgðakeðju okkar.
„Við getum ekki orðið raunverulega kolefnishlutlaus án aðgangs að flutningum á sjó sem losa ekkert. Það mun koma okkur langt fram veginn að útrýma útblæstri frá bílum okkar og framleiðslustarfsemi, en stóra áskorunin liggur í því að útiloka kolefnislosun frá flutningum,“ sagði Martin Corner, yfirmaður birgðastjórnunardeildar.
„Sem stór kaupandi skipaflutninga er það rökrétt skref til að leiða þróunina í rétta átt að taka þátt í þessu ákalli til aðgerða,“ sagði Martin.

Ákall um að útrýma losun kolefnis frá flutningum verður afhent stjórnvöldum heimsins fyrir loftslagssamningaviðræðurnar á COP26 í Glasgow, Skotlandi, í nóvember 2021.
Framtakið, sem er afrakstur samvinnu starfshóps á vegum allra aðila sem nálægt sjóflutningum koma, bæði flutningafyrirtækja, skipaleiga, fjármögnunarfyrirtækja, hafna og eldsneytisframleiðenda, er byggt á þeirri skoðun að alger útrýming kolefnislosunar frá flutningum á milli landa sé nauðsynleg og framkvæmanleg.
Staffan Johannesson, framkvæmdastjóri sjálfbærniþróunar innan birgðastjórnunardeildarinnar segir: &quot;Sem undirskriftaraðili ákallsins erum við í samfloti með nokkrum af stærstu fyrirtækjum heims í alþjóðaviðskiptum. Við viljum samvinnu á milli stjórnvalda heimsins og iðnaðarins við þá stefnumörkun og fjárfestingu sem þörf er á til að ná þeim stað þar sem hægt er að taka kolefnislosun út úr alþjóðlegum birgðakeðjum.“

Við tökum þátt í ákalli um að útrýma losun kolefnis frá flutningum

Við erum að færa okkur úr leðri í innanrými og notum í staðinn önnur sjálfbær efni. Þetta er í takti við þróun annars staðar í efnislegri hönnun.

C40 Recharge gegnir mikilvægu hlutverk í tengslum við rafvæðingu og rekstur okkar í framtíðinni, eins og hægt var að lesa um <a href="https://www.volvocars.com/intl/news/articles/our-brand-new-pure-electric-C40-recharge">fyrr á þessu ári</a>. En nýji rafbíllinn okkar boðar fleiri breytingar hjá okkur til framtíðar því hann er fyrsti Volvo-bíllinn sem er algerlega án leður í innanrými. Þannig er C40 táknmynd framtíðaráherslu okkar á að ekki verði notað leður í rafbíla frá Volvo.
Húðirnar sem Volvo kaupir í dag eru vissulega keyptar með áherslu á ábyrga birgðaöflun sem hjáafurðir frá sláturgripum en við viljum leggja áherslu á dýravelferð með því að draga úr eftirspurn eftir leðri.
Skref okkar í átt að leðurlausu innanrými er einnig tekið með tilliti til neikvæðra umhverfisáhrifa nautgriparæktunar, þar á meðal losunar gróðuhúsalofttegunda og eyðingar skóga.
Fyrir utan að taka leður úr umferð ætlum við að halda áfram að draga úr notkun á tilteknum efnum sem innihalda dýraafurðir í bílum okkar. Þarna er átt við tilteknar gerðir plasts, gúmmís, smurefna og límefna, sem oft innihalda einhverjar afurðir úr húsdýrum.
„Öflun vara og hráefna með dýravelferð að leiðarljósi kemur til með að vera áskorun en það er þó engin afsökun fyrir því að gera ekkert í því,“ segir Sturart Templar, einn af sjálfbærnisérfræðingum okkar. „Þetta er vegferð sem er þess virði að leggja í. Einlægt hugarfar byggt á framsýni og sjálfbærni leggur þá ábyrgð á herðar okkar að við spyrjum okkur erfiðra spurninga og reynum eftir okkar bestu getu að finna svörin.“
Við munum að sjálfsögðu áfram bjóða viðskiptavinum okkar upp á fyrsta flokks innanrými. Af þeim sökum vinnum við að því að finna birgja sem geta útvegað okkur fyrsta flokks hráefni af sjálfbærum uppruna. Með nýju Volvo-rafbílunum verður boðið upp á fjölbreytta valkosti í hágæða innanrými þar sem árhersla er lífræn og endurunnin hráefni, sem og fyrsta flokks ofið efni og ullarblöndur frá ábyrgri framleiðslu.

Málið er að skilgreining á fyrsta flokks og lúxus er að breytast. Hönnunarheimurinn er í heild sinni að stefna í átt að því sem gæti kallast meðvituð hönnun (e. Conscious Design) þar sem sjálfbærni og ábyrg öflun hráefna spilar sífellt stærri rullu í framleiðslu efna og vara. Markaðsrannsóknir sýna einnig fram á að viðskiptavinir hugsa sífellt meir út í sjálfbærni við val á vörum.
Niðurstöður nýrrar <a href="https://www.media.volvocars.com/global/en-gb/media/documentfile/285907/the-rise-of-conscious-design-full-report">þróunarskýrslu</a> frá Volvo Cars og The Future Laboratory sýnir að hönnuðir um heim allan leita sérstaklega eftir gæðaefnum sem bæði eru sjálfbær og frá ábyrgri framleiðslu við hönnun lúxusvara framtíðarinnar. Þetta smellpassar við áherslu okkar á hringrásarhagkerfið og þróun fleiri sjálfbærra vara.
Gott dæmi um þetta er nýtt efni frá Volvo í innanrými sem kallað er Nordico og sem notað verður í næstu kynslóð rafbíla frá okkur. Efnið er úr textílefnum úr endurunnu efni, svo sem plastflöskum, efni af lífrænum uppruna úr sjálfbærum skógum í Svíþjóð og Finnlandi og endurunnum korki sem fellur til við vínframleiðslu. Þetta er gæðavara sem er svo sannarlega sjálfbær. Árið 2025 stefnum við á að vera komin á þann stað að 25 prósent allra efna í nýjum Volvo-bílum verði úr endurunnu eða lífrænu efni. Þetta er skref í átt að því að hafa náð fullum hringrásarrekstri árið 2040. Við stefnum einnig að því að allir beinir birgjar okkar, þar á meðal hráefnisbirgjar, noti aðeins 100 prósent endurnýjanlega orku fyrir árið 2025.
Eins og allt annað er þróun efna framtíðarinnar verk í vinnslu. En við hughreyst okkur með þeirri staðreynd að við erum í fararbroddi í þessari þróunarvinnu og höfum fullan metnað til þess að verða fyrirtæki sem leggur jafnmikla áherslu á sjálfbærni og það leggur á öryggi.

Náttúrulegt, sjálfbært og ábyrgt eru lykilorð í tengslum við lúxusefni framtíðarinnar

Olivia Ross-Wilson mun taka við stjórnartaumunum í deild alþjóðasamskipta í desember.

Olivia Ross-Wilson tekur við sem stjórnandi alþjóðasamskipta hjá Volvo eftir 10 ára veru hjá öðrum sænskum risa, IKEA. Þar hóf hún störf sem stjórnandi sjálfbærnisamskiptasviðs árið 2011. Hún tók síðan við sem stjórnandi samskiptadeildar Ingka Group (stærstan sérleyfishafanna tólf sem reka IKEA-verslanirnar) árið 2016. Sem stjórnandi samskiptadeildar Ingka Group var Olivia meðlimur stjórnendateymisins og leiddi teymi 300 manns í 30 löndum. Á meðal þess hún bar ábyrgð á var langtímaáætlanagerð fyrir IKEA, sem og að leiða samskipti yfir fjölbreytt svið, þar á meðal markaðssetningu lykilvörumerkja, almannatengsl, innri samskipti, samskipti við opinberar stofnanir, innanhússframleiðslu og rekstrartengd samskipti.
„Ég hef lengi dáðst að Volvo, auk þess að vera viðskiptavinur fyrirtækisins, og er því afar spennt yfir að hefja störf þar,“ sagði Olivia. „Heimurinn þarfnast vörumerkja á borð við Volvo til að takast á við framtíðina og ég hlakka til að leggja mitt af mörkum á þeirri vegferð fyrirtækisins og til að tryggja að rafvæðingaráætlunin gangi eftir.“
Áður en Olivia gekk til liðs við IKEA hafði hún unnið ýmis störf tengd almannatengslum og markaðssetningu í London frá árinu 1998 til ársins 2009, þar á meðal fyrir Marks &amp; Spencer og hjá fyrirtækjum sem þjónustuðu vörumerki á borð við Starbucks, Delta Airlines og Carlsberg. Á þessum tíma stofnaði hún einnig sitt eigið samskiptaráðgjafafyrirtæki og vann m.a. fyrir fyrirtæki á borð við Coca-Cola og Mulberry.
Árið 2009 flutti hún til New York og hóf störf hjá Clinton Foundation og Bloomberg Philanthropies, samtökum undir stjórn Bill Clinton, fyrrverandi Bandaríkjaforseta, og Mike Bloomberg, sem stjórnandi alþjóðasamskipta fyrir Clinton Climate Initiative. Í því hlutverki hafði Olivia yfirumsjón með alþjóðlegum samskiptum, þar á meðal vegna vörumerkjaþróunar, almannatengsla, kynninga fyrir mögulega styrktaraðila og viðburða.
„Við tökum fagnandi á móti Oliviu,“ sagði Hanna Fager, stjórnandi rekstrardeildar Volvo. „Hún er nútímalegur stjórnandi með mikla og víðtæka þekkingu á stefnumarkandi samskiptum, auk þess sem hún leggur til verðmæta reynslu sem kemur til með að gagnast okkur á þeirri vegferð að verða leiðandi framleiðandi rafbíla. Ofan á þetta bætist svo að hún þekkir vel hvernig er að vinna með vörumerki áþekku okkur, vörumerki með ríka sænska sögu sem framleiðir vörur sem eru hluti af hversdagslífi fólks um allan heim.“
Olivia tekur við af Nikki Rooke, sem sagði skilið við fyrirtækið síðastliðið sumar til að takast á við nýjar áskoranir í Bretlandi, eftir að hafa stýrt alþjóðasamskiptadeild okkar frá árinu 2019.
„Við þökkum Nikki fyrir hennar framlag í áframhaldandi velgengni okkar og ég óska henni velfarnaðar í því sem hún kemur til með að taka sér fyrir hendur,“ sagði Hanna Fager.

Við kynnum nýjan stjórnanda samskiptadeildar

Hráefnisskortur heldur áfram að plaga bílaiðnaðinn og þar erum við engin undantekning. En hvað sem öllum vandamálum líður erum við með tilynningu um nýtt met – í tengslum við Recharge-bílana okkar!

Við vorum sjálfsagt meira en tilbúin til að leggja til hliðar frasann „óvenjulegt ár“ eftir að árið 2020 hafði liðið í aldanna skaut, en hann virðist ætla að doka við ögn lengur. Fyrr á þessu ári gengu hlutirnir eins og í sögu. Við sáum aukningu í sölu og slógum met, nánast í hverjum einasta mánuði. Þennan mánuðinn hafa heildartölurnar þó ekki verið eins jákvæðar og á fyrri helmingi ársins, en þrátt fyrir það náðum við að slá met. Það tengist sölutölum fyrir Recharge-bílana.
Þeir hafa verið á góðu skriði allt þetta ár og halda því og gott betur en það: í ágúst töldu þeir 24,3 prósent allra seldra bíla þann mánuðinn. Í Evrópu náði Recharge-línan þeim ótrúlega árangri að telja 47 prósent af öllum seldum bílum, sem hæsta hlutfall sem við höfum séð hingað til. Rafbílarnir okkar reyndust sérstaklega vinsælir í Hollandi, Bretlandi og Belgíu í þessum mánuði, þar sem þessi lönd leiddu söluaukningu Recharge-bílanna í Evrópu.
Í ágúst seldum við 45.786 bíla á heimsvísu, sem er 10,6 prósenta samdráttur miðað við sama tíma á síðasta ári. Þar er þó ekki um að kenna minni áhuga þar sem við greinum enn mikla undirliggjandi eftirspurn, bæði innan bílaiðnaðarins sem og eftir bílum frá okkur.
Meginástæðan samdráttsins er hráefnisskortur: frá miðjum júlí hafa lokanir vegna Covid-19 hjá birgjum í Suðaustur-Asíu, og þá sérstaklega í Malasíu, valdið enn frekara álagi á birgðakeðjuna. Þessi hráefnisskortur hefur leitt til tímabundinnar framleiðslustöðvana í verksmiðjum okkar í Svíþjóð, Belgíu, Kína og Bandaríkjunum sem aftur hefur leitt til þess að framleiðsla hefur dregist saman.

Mat okkar er að erfitt verði að ná sömu framleiðslutölum á seinni helmingi ársins 2021 miðað við sama tíma 2020. Þetta mun að sjálfsögðu hafa áhrif á tekjur okkar og hagnað en <a href="https://investors.volvocars.com/~/media/Files/V/Volvo-Cars-IR/results-center/2021/volvofirsthalfyear2021report.pdf#page=14">spá okkar fyrir allt árið 2021</a> er enn óbreytt.
Af öllum þremur lykilsvæðum okkar sýndu Bandaríkin ein aukningu í síðasta mánuði. Hér höfuðu viðskiptavinir mestan áhuga á XC90, sem leiddi sölutölur þessa mánaðar, og XC60 kom þar á eftir. Þrátt fyrir mikla undirliggjandi eftirspurn og mikinn fjölda pantana var samdrátturinn í Kína í tveggja stafa tölu í ágúst, sem og í Evrópu. Meginástæða þess er, eins og áður var bent á, mikil útbreiðsla Covid-19 smita í Suðaustur-Asíu, hráefnisskortur og samdráttur í framleiðslu.
Niðurstaða þessa er sú að fyrstu átta mánuði ársins seldum við 483.426 bíla á heimsvísu, sem er 26,1 prósents aukning samanborið við sama tímabil á síðasta ári.
Sundurliðaðar sölutölur eftir svæðum má sjá hér að neðan:
<table>
<col style="width:13.51%" />
<col style="width:13.51%" />
<col style="width:13.51%" />
<col style="width:13.51%" />
<col style="width:16.22%" />
<col style="width:16.22%" />
<col style="width:13.51%" />
<tbody>
<tr>
<td></td>
<td colspan="6">Ágúst | | |Janúar- | | |</td>
</tr>
<tr>
<td></td>
<td></td>
<td></td>
<td></td>
<td colspan="3">Ágúst | | |</td>
</tr>
<tr>
<td></td>
<td>2020</td>
<td>2021</td>
<td colspan="4">Breyting | 2020 | 2021 | Breyting |</td>
</tr>
<tr>
<td>Evrópa</td>
<td>17.493</td>
<td>13.052</td>
<td>-25,4%</td>
<td>169.427</td>
<td>202.282</td>
<td>19,4%</td>
</tr>
<tr>
<td colspan="7">Kína | 15.835 | 13.112 | -17,2% | 95.986 | 122.914 | 28,1% |</td>
</tr>
<tr>
<td colspan="7">Bandaríkin | 10.378 | 10.686 | 3,0% | 63.330 | 86.015 | 35,8% |</td>
</tr>
<tr>
<td colspan="7">Önnur svæði | 7.533 | 8.936 | 18,6% | 54.749 | 72.215 | 31,9% |</td>
</tr>
<tr>
<td colspan="7">Samtals | 51.239 | 45.786 | -10,6% | 383.492 | 483.426 | 26,1% |</td>
</tr>
</tbody>
</table>

Sölutölur í ágúst: metsala á Recharge-bílunum okkar!

Sölutölur í ágúst: aldrei meira selt af Recharge-bílunum okkar

Við stefnum hraðbyri að því að verða fyrirtæki sem framleiðir eingöngu rafbíla og af þeim sökum ætlum við að flytja bæði þróun og framleiðslu rafhlaða nær okkur.

Á leið okkar til fullrar rafvæðingar leggjum við áherslu á að samþætta öll stig aðfangakeðju rafhlaða við eigin rekstur til að gera hana eins hugvitsamlega og skilvirka og hægt er. Þetta felur í sér hönnunarvinnu og þróun og framleiðslu rafhlaða, rafmótara og viðeigandi hugbúnaðar innanhúss og samstarf við viðeigandi samstarfsaðila þegar það á við.
Við höfum sett okkur metnaðarfull markmið í framleiðslu næstu kynslóðar rafbíla okkar og viljum að rafhlöður okkar séu sérsniðnar að þörfum viðskiptavina okkar með lengra drægi og hraðari hleðslu.
Fyrsta skrefið í þá átt er að bæta Li-ion rafhlöðutæknina í næstu kynslóð rafbíla okkar og byrja þá á fyrsta SUV-bílnum okkar sem hannaður er frá grunni sem rafbíll.Í júni kynntum við væntanlegt samstarf okkar við sænska rafhlöðuframleiðandann Northvolt, leiðandi fyrirtæki á sínu sviði, í þróun og framleiðslu sjálfbærra rafhlaða. Í náinni framtíð ætlum við, í samvinnu við Northvolt, að auka orkuþéttleika (það er það magn orku sem rafhlaða geymir í hlutfalli við umfang/þyngd) um 50 prósent.
Í kringum 2025 gerum við ráð fyrir að kynna til sögunnar þriðju kynslóð rafbíla frá okkur sem ætlunin er að bjóði upp á aukið drægi, auk þess sem rafhlaðan verður felld inn í gólfið. Síðarnefnda atriðið mun ekki aðeins spara pláss heldu einnig auka sparneytni.
Um svipað leyti má búast við að hleðslutími verði orðinn næstum helmingi styttri, þökk sé bættri rafhlöðutækni og stöðugum endurbótum á hugbúnaði og hraðhleðslutækni. Punkturinn yfir i-ið fyrir þennan áratuginn er svo markmið okkar um að geta boðið upp á 1000 kílómetra raundrægi á seinni hluta hans.
„Okkar áhersla er á að auka ávinning viðskiptavinarins af því að aka rafbíl frá Volvo,“ segir Henrik Green, yfirmaður tæknideildar. „Með því að einfalda hönnun og samþættingu rafhlaðanna okkar getum við dregið úr þyngd og hámarkað pláss um leið og við náum fram verulegri aukningu í afkastagetu, drægi og hleðslutímum.“

Um leið og við orkurýmd rafhlaða fyrir rafbílana okkar á þessum áratug munum við einnig vinna að því að draga úr kolefnisspori rafhlaðanna. Með samstarfinu við Northvolt er það stefna okkar að framleiða rafhlöður 100 prósent endurnýjanlegri orku og við vinnum einnig með öðrum rafhlöðubirgjum okkar að því að ná sama markmiði fyrir árið 2025.
Samdráttur í kolefnisfótspori rafhlaða nær einnig til að nýta betur þau verðmætu efni sem þær innihalda. Þegar því verður viðkomið munum við endurframleiða eða endurnýta rafhlöður, auk þess sem við erum að skoða mögulega endurnýtingu í annars konar tilgangi, t.d. fyrir orkugeymslu.
Þar sem það er í boði munu rafhlöður sem ekki er hægt að nýta frekar verða endurunnar hjá vottuðum endurvinnsluaðilum sem geta boðið upp á lokaða endurvinnsluhringrás mikilvægra efna til endurnýtingar í framleiðslu rafhlaða. Við munum auk þess leggja áframhaldandi áherslu ábyrga aðfangakeðju fyrir rafhlöður með því að vinna náið með samstarfsaðilum okkar og birgjum, sem og með umfangsmeiri notkun blockchain-tækni.

Frá og með arftaka XC90 munum við bjóða upp á tvíátta hleðslu og gera þannig viðskiptavinum okkar kleift að veita umfram rafmagni á rafhlöðu bílsins aftur inn á veitukerfið. Þannig geta ökumenn Volvo-rafbíla veitt rafmagni inn á kerfið þegar verð og koltvísýringslosun frá rafmagnsframleiðslu eru í hámarki yfir daginn og hlaðið bílinn utan þess tíma.„Við viljum bjóða viðskiptavinum okkar upp á sjálfbæra rafbíla sem auðvelda þeim lífið og veita þeim ánægju,“ segir Henrik Green, yfirmaður tæknideildar. „Hugvitsamlegar tækninýjungar og samstarf við lykilsamstarfsaðila gera okkur kleift að veita viðskiptavinum okkar það sem þeir sækjast eftir, sem er meira drægi og lægri kostnaður. Þannig ýtum við einnig enn hraðari rafbílavæðingu í samgöngum.“
Athugið: Sá búnaður sem hér er lýst kann að vera aukabúnaður og framboð kann að vera ólíkt á milli landa, eða þá að búnaður er ekki (enn) í boði á öllum mörkuðum. Frekari upplýsingar fást hjá næsta söluaðila.

Meiri drægni og betri hleðsla fyrir næstu kynslóð rafbíla frá Volvo

Við erum að stækka XC40 Recharge-rafbílalínuna okkar með nýrri útfærslu með einum rafmótor.

Markmið okkar er að bjóða eingöngu upp á rafbíla árið 2030 og af þeim sökum leggjum við sérstaka áherslu á að auðvelda fleira fólki að skipta yfir í rafbíl. Við erum að leitast eftir ruðningsáhrifum: því fleira fólk sem venst því að aka (og hefur efni á) rafbíl því hraðar mun markaðshlutdeild slíkra bíla aukast. Þetta skilar sér í fjölgun hleðslustöðva og aukinni sölu rafbíla. Þetta er í rauninni sáraeinfalt.
Hluti af þessu markmiði er að stækka XC40 Recharge-línuna. XC40 Recharge Twin með aldrifi hefur slegið í gegn. Nú er því komið að því að bæta nýrri útfærslu við, með einum rafmótor og framdrifi.
Og hvað hefur framdrifinn XC40 Recharge upp á að bjóða? Aflrásin er viðbraðgsfljót og kraftmikil og skilar 231 hestafli frá 69 kWh rafhlöðu. Áætlað drægi er um 400 km á einni hleðslu samkvæmt WLTP-prófunum (óstaðfestar tölur). Hægt er að hlaða rafhlöðuna úr 10 prósent hleðslu í 80 prósent á um 32 mínútum á hraðhleðslustöð.
„Með nýjum eins mótors XC40 Recharge stækkum við hóp mögulegra kaupenda rafbíla frá okkur,“ segir Henrik Green, stjórnandi tæknideildar Volvo. „Viðskiptavinir geta nú valið á milli tveggja útfærslna af XC40 Recharge, auk Volvo C40 Recharge, sem nýlega kom á markað.“

Við búumst við góðum viðbrögðum. Sérstaklega á markaðssvæðinu sem nær yfir Evrópu, Mið-Austurlönd og Afríku. Þar telja Recharge-bílar allt að helming allra seldra bíla frá okkur og nýr eins mótors XC40 Recharge á sannarlega eftir að hafa áhrif.
„Okkar markmið er að vera leiðandi aðili á markaði fyrir gæðarafbíla,“ segir Arek Nowinski, stjórnandi markaðsdeildar fyrir Evrópu, Mið-Austurlönd og Afríku. „Á markaðssvæðinu sem nær yfir Evrópu, Mið-Austurlönd og Afríku höfum við sett okkur það markmið að árið 2025 verði tveir þriðju allra seldra bíla rafbílar. Þar spilar nýr eins mótors XC40 Recharge lykilhlutverk með því að gera okkur kleift að sækja inn í nýjan flokk bíla á hagstæðum verðum.“
Um leið og við kynnum eins mótors XC40 Recharge til sögunnar gerum við einnig breytingar á og uppfærum XC40 Recharge Twin. Í báðum útfærslum XC40 Recharge hafa verið gerðar breytingar á hugbúnaði og aflrás frá því að þær komu á markað á síðasta ári, með það að augnamiði að auka sparneytni og drægi. Þessar breytingar verða einnig í boði fyrir eigendur eldri gerða XC40 Recharge í gegnum þráðlausar uppfærslur.
Nýr eins mótors XC40 Recharge fer í sölu á næstu vikum og þá fyrst í Hollandi, Noregi, Bretlandi, Svíþjóð og Þýskalandi.

Care-tilboðið okkar fylgir báðum XC40 Recharge-útfærslunum og á sumum markaðssvæðum eru þær afhentar með Recharge-hjólbörðum. Care-tilboðið innifelur m.a. þjónustu, ábyrgð og vegaaðstoð, auk trygginga og heimahleðslubúnaðar, þar sem slíkt er í boði. Þetta gerir rafbílinn að vænlegri fjárfestingu og býður upp á hægindi, óháð því hvort bíll er í áskrift, leigður eða keyptur. Viðskiptavinir geta nálgast upplýsingar um framboð hjá næsta söluaðila.
Recharge-hjólbarðar eru staðalbúnaður á mörkuðum í Norður- og Mið-Evrópu. Eitt hjólbarðasett kemur í veg fyrir að skipta þurfi um hjólbarða tvisvar á ári og dregur úr losun koltvísýrings samanborið við notkun vetrarhjólbarða. Recharge-hjólbarðar bjóða upp á öruggari stjórn við fjölbreyttari veðurskilyrði og akstursaðstæður en sumar- eða vetrarhjólbarðar.

Meira rafhlöðuafl til fólksins

Í dag fögnum við besta hálfsársárangri okkar þegar litið er til sölu og hagnaðar í allri 94 ára sögu okkar.

Við slógum nýtt met á fyrstu sex mánuðum ársins hvað varðar sölu, sem var knúin af mikilli eftirspurn eftir jeppum og Recharge-rafbílunum okkar. Í dag tilkynnum við með ánægju að góður árangur okkar hefur einnig skilað sér í góðri rekstrarafkomu.
Í stuttu máli var salan á fyrri hluta ársins þessi: Við seldum 380.757 bíla um allan heim. Þetta er besti árangur á hálfu ári í sögu fyrirtækisins. Þetta er 41 prósent aukning frá árinu 2020, sem heimsfaraldurinn setti mark sitt á – og einnig náði fyrirtækið 12 prósenta vexti frá fyrstu sex mánuðum ársins 2019 – sem er meira viðeigandi samanburður þar sem heimsfaraldur setti ekki strik í reikninginn. Sala okkar á 12 mánuðum er um það bil 775.000 bílar, rétt undir 800.000 bíla markmiðinu sem við settum fyrir 10 árum.
Salan á öllum þessum nýju bílum skilaði tekjum upp á 141 milljarð SEK, sem er 26,3 prósenta aukning. Þessi góða sala og tekjur skiluðu sér einnig í meiri hagnaði, sem jókst enn frekar vegna hagræðingar og jákvæðra niðurstaðna hjá tengdum fyrirtækjum okkar. Hagnaður upp á 13,2 milljarða SEK er sá besti sem við höfum nokkru sinni náð fyrir hálft fjárhagsár. Framlegð af rekstri var 9,4 prósent.
Ekki gekk þó allt að óskum: Skortur á hálfleiðurum í heiminum var mikil áskorun á fyrri helmingi ársins. En við aðlöguðum framleiðsluna og breyttum forgangsröðuninni í samræmi við kröfur viðskiptavina í öllum verksmiðjum, sem þýddi að við gátum dregið úr áhrifum þessa á afhendingar til viðskiptavina.
„Fyrirtækið hélt áfram að vaxa og dafna þrátt fyrir skortinn á hálfleiðurum sem hafði áhrif á allan bílaiðnaðinn í heild sinni, en það sem meira máli skiptir er að við náðum að sýna fram á að við erum í fararbroddi þeirra umbreytinga sem nú eiga sér stað í bílaiðnaðinum,“ sagði Håkan Samuelsson, framkvæmdastjóri Volvo Cars.

Allan fyrri hluta ársins tókum við líka fleiri skref í átt að rafmagnaðri framtíð okkar. Recharge-bílar eru nú fjórðungur allra bílanna okkar, sem þýðir að við erum í forystu meðal framleiðenda hefðbundinna lúxusbíla þegar kemur að hlutdeild rafbíla í sölu.
Sem hluta af umbreytingunni yfir í rafvæðingu settum við annan rafbílinn okkar á markað, Volvo C40 Recharge. Á sama tíma styrktum við netsöluáætlun okkar til að koma til móts við breytta hegðun neytenda. Héðan í frá verða allir rafbílar eingöngu í boði á volvocars.com, og viðskiptavinir geta pantað þar sem þeim hentar, til dæmis heima hjá sér, í Volvo-stúdíói eða hjá söluaðila. Við erum með netsölu á nokkrum markaðssvæðum þar sem boðið er upp á gagnsæ og sveigjanleg tilboð fyrir neytendur, þar á meðal pakka fyrir þjónustu, viðhald og tryggingar. Aðsókn að áskriftartilboði Volvo Cars, Care by Volvo, hefur fimmfaldast á fyrstu sex mánuðum ársins í fleiri en 10.000 samninga.
Lykilatriði í umbreytingum fyrirtækisins er að tryggja sjálfbærar rafhlöður. Því hefur Volvo Cars í hyggju að ganga til liðs við Northvolt við þróun og framleiðslu nýrrar kynslóðar rafhlöðueininga.
Til að tryggja að áhersla verði lögð á rafvæðingu erum við einnig að færa brunahreyflastarfsemi okkar í nýja deild, Aurobay, sem Geely Holding verður aðalhluthafi í. Í gegnum Aurobay mun Volvo Cars ná samlegð og tryggja framboð á samkeppnishæfum brunahreyflum fyrir hybrid-aflrásirnar okkar þangað til fyrirtækið verður orðið rafvætt að fullu.
Í maí tilkynnti stjórnin að verið væri að meta hugsanlegt opinbert frumútboð á Nasdaq í Stokkhólmi. Matsferlið heldur áfram.
Håkan Samuelsson sagði: „Volvo Cars á áratugarlangan feril að baki í vel heppnaðri umbreytingu. Bílaiðnaðurinn tekur nú meiri breytingum en nokkru sinni fyrr og við erum staðráðin í að vera fljótust að breytast í samræmi við það.“

Rekstrarafkoma fyrri hluta ársins 2021 – metárangur

Volvo Cars kaupir nú stærri hlut í sameiginlegu fyrirtækjunum Daqing Volvo Car Manufacturing og Shanghai Volvo Car Research and Development.

Volvo Cars hefur undirritað samkomulag um að kaupa hlut móðurfélags okkar, Geely Holding, í sameiginlegum fyrirtækjum okkar í Kína, með það að markmiði að taka að fullu yfir rekstur bílaverksmiðja og sölustarfsemi fyrirtækisins í landinu.
„Með samkomulagi þessu mun Volvo Cars verða fyrsti stóri bílaframleiðandinn utan Kína sem stjórnar eigin umsvifum í Kína að fullu leyti,“ segir Håkan Samuelsson, framkvæmdastjóri Volvo Cars.Með kaupum á hinum 50 prósentum hlutabréfa í sameiginlegum fyrirtækjum okkar (Daqing Volvo Car Manufacturing og Shanghai Volvo Car Research and Development) styrkjum við stöðu okkar í Kína, sem er okkar stærsti markaður, og hámörkum tengingu okkar við það svæði í heiminum sem er í hvað örustum vexti.

Sameiginlegu fyrirtækin tvö eru nú þegar skráð í ársreikningum Volvo Car Group en hlutur okkar í hagnaði fyrirtækjanna og hlutfé eykst eftir þessi viðskipti.
„Geely Holding Group og Volvo Cars leggja stöðugt mat á hvernig sé best að haga samstarfi og skipuleggja rekstur innan samstæðunnar,“ segir framkvæmdastjóri Geely Holdind, Daniel Donghui Li. „Þessar tvær tilfærslur munu skapa skýrara eignarhald, bæði innan Volvo Cars og Geely Holding.“
Fyrirtækið okkar hefur vaxið mun hraðar samanborið við meðaltöl síðustu ára á markaði í Kína og við munum halda áfram að fjárfesta í landinu til að viðhalda þeim vexti. Að viðskiptunum loknum munum við að öllu leyti stýra bílaverksmiðjum okkar í Chengdu og Daqing, sölufyrirtæki okkar í Kína og rannsóknar- og þróunarmiðstöð í Shanghai.

Viðskiptunum, sem nú bíða samþykkis eftirlitsaðila, fara fram í tveimur skrefum. Það fyrra verður tekið árið 2022 þegar kröfur um sameiginlegan rekstur í bílaframleiðslu í Kína verða afnumdar. Búist er við að viðskiptunum ljúki svo árið 2023.
Viðskiptin mun ekki hafa nein bein áhrif á starfsfólk og samstarfaðila viðkomandi fyrirtækja og fjárhagsupplýsingar tengdar viðskiptunum verða ekki birtar.

Volvo Cars tekur við stjórn reksturs fyrirtækisins í Kína

Næsta kynslóð bílanna okkar ætti að vera sú öruggasta sem við höfum nokkru sinni framleitt og mun innihalda fyrsta alsjálfvirka búnaðinn okkar. Einn lykilþáttur í að gera þá þróun mögulega eru LiDAR-skynjarar og öflug ofurtölva fyrir sjálfvirkan akstur.

Undanfarin misseri hefur okkur orðið tíðrætt um að hjá Volvo skipti sjálfbærni jafn miklu máli og öryggi. Þetta þýðir augljóslega að okkur sé annt um umhverfið en þó ekki síður að við höfum ekki gleymt orðspori okkar þegar kemur að öryggi við þróun næstu kynslóðar bíla okkar. Stefnan er reyndar að gera enn betur og setja ný viðmið í öryggi tengdu bílum.
Og nú veltirðu kannski fyrir þér hvernig í ósköpunum við ætlum að fara að því? Frá og með XC90-rafbílnum okkar, sem verður afhjúpaður 2022, verða bílarnir okkar búnir fyrsta flokks skynjurum, þ. á m. LiDAR-tækni og tölvu fyrir sjálfvirkan akstur, sem staðalbúnaði.Þessi búnaður er þróaður af tveimur tæknisamstarfsaðilum okkar í Kaliforníu. LiDAR-skynjararnir koma frá vinum okkar í Luminar og hugvitsfólkið í NVIDIA sér okkur fyrir NVIDIA DRIVE Orin-örflögutækninni sem knýr tölvuna fyrir sjálfvirkan akstur.
LiDAR er framúrskarandi grunnur yfir örugga ákvarðanatöku við flóknar aðstæður á miklum hraða þar sem um er að ræða leysigeislatækni sem mælir fjarlægðir mörg hundruð metra fram fyrir bílinn. Ofurtölvutæknin frá NVIDIA getur framkvæmt MÝMARGA útreikninga á sekúndu og þannig tryggt að bílarnir okkar geta unnið stöðugt flæði ólíkra upplýsinga frá LiDAR-skynjurunum og öðrum skynjurum bílsins.Þegar búið er að tengja allan þennan fallega vélbúnað í hugbúnaði sem forritarar okkar og systurfyrirtæki Zenseact og Luminar gerðu, auk næstu kynslóðar árekstrarvarnarkerfis okkar er niðurstaðan blanda sem á sér enga sér líka.
Við gerum ráð fyrir að nýi öryggispakkinn okkar muni skila sér í færri dauðaslysum og bílslysum almennt. Auk þess munu þráðlausar hugbúnaðaruppfærslur gera okkur kleift að senda út nýjar tæknilausnir og bæta þannig öryggispakkann okkar enn frekar eftir því sem fram líða stundir.
„Volvo Cars hefur alltaf verið leiðandi í öryggismálum og nú er komið að því að við skilgreinum næstu kynslóð öryggis í bílum,“ segir framkvæmdastjórinn Håkan Samuelsson. „Með því að gera þennan vélbúnað að staðalbúnaði getum við bætt öryggisbúnað okkar með samfelldum hætti með þráðlausum uppfærslum og kynnt til sögunnar kerfi fyrir sjálfvirkan akstur og þannig styrkt stöðu okkar sem leiðandi aðili í öryggi.“

Þegar þessi tækni er komin í bílana okkar gerum við ráð fyrir að hún verði sífellt betri með tímanum. Bílar framtíðarinnar verða sífellt betri í að aðstoða ökumenn í neyðartilvikum og jafnvel að grípa inní þegar þess er þörf. Allt þetta færir okkur nær framtíð án árekstra. 
„Okkar metnaður liggur í að framleiða sífellt öruggari bíla og langtímamarkmið okkar er að koma algerlega í veg fyrir árekstra og ákeyrslur,“ útskýrir Henrik Green, yfirmaður tæknimála „Með stöðugum endurbótum á öryggistækni okkar á samfelldan máta í gegnum þráðlausar uppfærslur sjáum við fyrir okkur að árekstrar verði sífellt sjaldgæfari og vonumst til að á þann hátt megi bjarga fleiri lífum.“ 
Rafbílsútfærsla XC90 verður búinn háþróuðum skynjurum og tölvu fyrir sjálfvirkan akstur auk aðstoðarkerfa fyrir lykilvirkni á borð við stýri og hemla. Þetta tryggir að vélbúnaður bílsins verður tilbúinn fyrir alsjálfvirkan akstur þegar hann verður í boði. 
Fyrsti sjáflvirki akstursbúnaðurinn okkar (aukabúnaður) er kallaður „Highway Pilot“ (þjóðvegastjórnandi). Hann var þróaður af okkur í samstarfi við hugbúnaðarfyrirtækið Zenseact, sem sérhæfir sig í þróun hugbúnaðar fyrir sjálfvirkan akstur. Á vegum og stöðum sem vottaðir hafa verið fyrir öruggan sjálfvirkan akstur geturðu hallað þér aftur og látið bílinn um aksturinn.
Nýi öryggistæknipakkinn okkar gefur góða mynd af heildarnálgun okkar gagnvart tækniþróun. Í stað þess að reyna að gera allt sjálf göngum við til samstarfs við bestu fyrirtækin á hverju sviði fyrir sig til að framleiða þá bestu bíla sem við getum. Þannig komum við okkur einnig upp tækniþekkingu sem gerir okkur kleift að tileinka okkur nýja tækni hraðar en aðrir bílaframleiðendur í þessum síkvika iðnaði. 
Skoðaðu allt efnið úr nýjustu útgáfunni af <a rel="noopener noreferrer" href="https://www.volvocars.com/intl/v/innovation/tech-moment" target="_blank">Tech Moment</a>. Þar er að finna útlistun á því hvernig við ætlum að færa okkur alfarið yfir í rafmagn.

Nýr öryggisstaðall mun fylgja næstu kynslóð Volvo-bíla

Næsta kynslóð bíla okkar ætti að vera sú öruggasta sem við höfum nokkru sinni framleitt og mun innihalda fyrsta alsjálfvirka búnaðinn okkar.

Kynnið ykkur fagfréttir frá Volvo Cars og hvernig við byltum bílaiðnaðnum með því að finna nýjar aðferðir við verksmiðjuframleiðslu.

Fréttir úr bílaiðnaði | Volvo Cars

Miklar áskoranir eru framundan í samgöngumálum. Rafvæðing gegnir lykilhlutverki í baráttunni gegn loftslagsbreytingum. Frekari upplýsingar hér.

Fréttir af rafvæðingu | Volvo Cars

Fáið nýjustu fyrirtækisfréttirnar og fréttatilkynningarnar frá Volvo. Fáið frekari upplýsingar um tilkynningar frá fyrirtækinu hér.

Fyrirtækisfréttir| Volvo Cars

Volvo er leiðandi í þróun öryggiseiginleika fyrir bíla. Uppgötvið hvernig við hækkum stöðugt staðla til að bjarga mannslífum og setjum ný viðmið til að tryggja öruggar samgöngur.

Fréttir af bílaöryggi | Volvo Cars

Volvo Cars er meðal fremstu nýsköpunarfyrirtækja í bílaiðnaði og rafvæðing gegnir lykilhlutverki í að umbylta greininni. Frekari upplýsingar hér.

Nýsköpunarfréttir | Volvo Cars

Fáið nýjustu fyrirtækisfréttirnar, fréttatilkynningarnar og greinarnar frá Volvo Cars. Hér er hægt að fræðast meira um vinnumenningu, starfsfólk og stjórnendur Volvo.

Fyrirtækis- og menningarfréttir | Volvo Cars

Allar nýjustu fréttir og rekstrartíðindi um rafvæðingu, nýjungar í öryggisbúnaði, sjálfbærni, vegvísi, bílaiðnaðinn og vinnumenninguna.

Nýjustu fréttir af Volvo | Volvo Cars

Volvo er meðal fremstu fyrirtæki í nýsköpun, þökk sé tækni til að búa til vörur og þjónustu fyrir betri framtíð. Þið fáið nýjustu fréttirnar hér.

Fréttir af tækni og nýsköpun | Volvo Cars

Lærið meira um hvernig Volvo vinnur að því að minnka kolefnisfótspor sitt með því að rannsaka nýjar framleiðsluaðferðir og þróa ný efni til að vinna með.

Fréttir af sjálfbærni og hringrásarhagkerfi | Volvo Cars

Fréttir og greinir um daglegt líf starfsfólks, stjórnenda og ráðgjafa hjá Volvo Cars. Hér er hægt að fá frekari upplýsingar um vinnumenningu og reynslu starfsfólks hjá Volvo.

Fréttirnar okkar