Rafdrifni C40 Recharge-bíllinn okkar hefur fengið hæstu eikunn í Euro NCAP-prófunum árið 2022, sem þýðir að hann er, líkt og systkini hans, opinberlega einn af öruggustu bílunum sem nú aka um göturnar.

Euro NCAP er evrópskt einkunnakerfi sem hjálpar neytendum að velja öruggustu bílana á markaðnum. Kerfið mælir öryggi bíla með ýmsum prófunum sem miða að því að líkja eftir raunverulegum árekstrum.
„Við stefnum alltaf á að skara fram úr í öryggismálum,“ segir Malin Ekholm, yfirmaður öryggismiðstöðvarinnar okkar. „Þannig fylgjum við ströngustu öryggisstöðlum í öllum bílunum okkar, og mörgum þessara staðla tókum við þátt í að koma á fót.“
Sérhver bíll sem við búum til ætti að vera öruggari en sá á undan, og næsta kynslóð okkar af rafbílum er þar engin undantekning. Þeir verða búnir nýjustu LiDAR-skynjurunum frá Luminar sem greina veginn fram undan (sem og í kring og fyrir aftan) og tryggja að bíllinn geti „séð“ og brugðist við hindrunum af enn meiri nákvæmni.

Þetta kemur til viðbótar við sjálfvirku neyðarhemlunina, árekstrarviðvörunina og greiningarkerfanna fyrir gangandi vegfarendur og hjólreiðafólk, sem er nú þegar staðalbúnaður og allur prófaður við raunverulegar aðstæður og í sýndarveruleika í öryggismiðstöðinni okkar.
<a href="https://www.volvocars.com/intl/v/cars/recharge">Nánari upplýsingar um Recharge-gerðirnar okkar eru hér</a>

Euro NCAP veitir C40 fimm stjörnu einkunn

Í apríl setti Volvo Cars nýtt viðmið í bílaiðnaðinum með því að vera eina vörumerkið sem hlaut viðurkenninguna Top Safety Pick Plus hjá IIHS 2021 í Bandaríkjunum fyrir allar bílalínurnar sínar.

Vörulínan okkar fyrir árið 2021 hefur notið mikillar velgengni síðastliðið ár, og ekki aðeins hlotið eina eða tvær, heldur 15 Top Safety Pick Plus (TSP+)-viðurkenningar. Þessi viðurkenning frá IIHS-stofnuninni (Insurance Institute for Highway Safety) er afar eftirsóttur heiður sem aðeins er veittur bílum sem bjóða hæsta öryggisstig.
Það sem gerir þetta enn mikilvægara.Bíllinn sem kom vöruframboðinu okkar yfir marklínuna er XC40 Recharge – fyrsti bíllinn okkar sem gengur eingöngu fyrir rafmagni.
XC40 Recharge varð fyrsti litli jeppinn sem gengur eingöngu fyrir rafmagni til að hljóta TSP+. Þetta sýnir viðskiptavinum okkar að um leið og Volvo breytist yfir í rafbílaframleiðslu þá er lögð sama áherslan á öryggi.
Nýjasta afrekið okkar hvað varðar TSP+ bætist við metið sem við settum í síðasta mánuði þar sem við hlutum flestar TSP+ viðurkenningar á einu ári sem nokkurt vörumerki hefur fengið frá því að byrjað var að veita viðurkenninguna árið 2013.
Við erum stolt af því að bílarnir okkar skuli vera framúrskarandi hvað varðar öryggi, en hvað er það nákvæmlega sem tryggir okkur – eða hvaða bílaframleiðanda sem er – þessa eftirsóttu viðurkenningu?
Eins og hægt er að ímynda sér er úttektin ítarleg.
Til að hljóta TPS viðurkenninguna árið 2021 þurfti bílarnir að
hljóta góða einkunn í öllum sex árekstrarþolsprófunum IIHS.Prófaðar eru árekstravarnir á báðum hliðum bílsins, árekstrarvörn
að framan fyrir ökumann og farþega og gangandi vegfarendur, styrkur þaks og
höfuðpúða.Þeir bílar sem hljóta viðurkenninguna verða einnig að vera búnir „góðum“ eða „viðunandi“ aðalljósum og kerfi sem kemur í veg fyrir árekstur að framan með einkunnina „háþróað“ eða „framúrskarandi“ bæði í mati á milli bíla og á milli bíla og gangandi vegfaranda.
Til þess að fá viðurkenninguna „Plus“ er svo gengið skrefi lengra og þurfa bílar sem hljóta hana að vera einnig með „góð“ eða „viðunandi“ aðalljós í öllum útfærslum og pökkum.

„Hver einasti Volvo býður upp á framúrskarandi vernd í umferðarslysi, óháð gerð yfirbyggingar, vélar eða klæðninga,“ sagði Anders Gustafsson, forstjóri og framkvæmdastjóri Volvo Cars í Bandaríkjunum. „Við erum stolt af því að IIHS hafi viðurkennt þetta með því að veita öllum bílunum sem við framleiðum í dag viðurkenninguna „Top Safety Pick Plus“. Ekkert annað fyrirtæki hefur fengið þessa viðurkenningu fyrir allar bílalínur árið 2021.“
Frá og deginum í dag bera þessir bílar – sem er öll vörulínan okkar í Bandaríkjunum – TSP+ vottun:

Volvo XC40 P8 Recharge
Volvo S90
Volvo S90 Recharge
Volvo V90
Volvo V90 Cross Country
Volvo V60 Cross Country
Volvo S60
Volvo S60 Recharge
Volvo V60
Volvo V60 Recharge
Volvo XC40
Volvo XC60
Volvo XC60 Recharge
Volvo XC90
Volvo XC90 Recharge

Viðurkenningin Top Safety Pick Plus brýtur blað í sögunni

Við rústuðum tíu bílum með því að láta þá falla úr 30 metra háum krana til að neyðarþjónustuaðilar gætu æft sig í að bjarga fólki úr alvarlegum umferðarslysum.

„Verður það að vera nýr bíll?“ spurði myndatökumaður á svæðinu á meðan hann horfði á glænýjan XC40-bíl hífðan með krana 30 metra upp í loft – í því skyni að láta hann svo falla og skella á jörðinni. „Ég er til í að láta ykkur fá gamla bílinn minn til að rústa ef þið látið mig hafa þennan nýja Volvo.“
Hann var að grínast – en tilboðið lýsti einlægni. Hann vissi ekki að hann lagði einmitt áherslu á helstu ástæðu þess að við unnum nýlega með vinum okkar í neyðarþjónustunni að því að láta tíu nýja Volvo-bíla falla úr krana í 30 metra hæð – þar sem hver bíll var látinn falla nokkrum sinnum til að tryggja sem mestar skemmdir.
Starfsfólk í neyðarþjónustu þarf að æfa ýmsar aðferðir við að ná fólki út úr bílum eftir alvarlega árekstra. Jens Molin, sem hefur starfað í 20 ár sem slökkviliðsmaður og sérfræðingur í að losa fólk úr bílum eftir árekstra, útskýrði hvers vegna mikilvægt væri fyrir starfsfólk neyðarþjónustu að vinna með nýja bíla.
„Vandamálið sem við þurfum að eiga við sem slökkvilið er að við venjulega þjálfun fáum við bílana úr bílapartasölum. Þessir bílar eru oftast 10 til 20 ára gamlir og eru mjög frábrugðnir nútímabílum, til dæmis hvað varðar öryggi, hörku stálsins og hvernig þeir virka þegar við reynum að opna þá. Svo það er mjög mikilvægt fyrir okkur að vinna með nýja bíla til að láta reyna á getu okkar.“
Það er (ein) ástæða þess að við gátum ekki skipt á gamla bíl myndatökumannsins og nýja Volvo-bílnum – því að það var nauðsynlegt að klessa nýja bíla með öllum nýjasta öryggisbúnaðinum og -tækninni til að læra það sem við þurftum þennan dag.

Öryggismiðstöðin okkar hefur í tuttugu ár gert að meðaltali eina árekstrarprófun á dag – af þeirri gerð sem þið gætuð þegar þekkt, með árekstrabrúðum – en þessar prófanir eru mjög sérhæfðar og öryggisbúnaður bílanna okkar er svo öflugur að við flestar árekstraraðstæður getur starfsfólk neyðarþjónustunnar einfaldlega opnað dyrnar á nýjum Volvo til að komast að þeim sem í honum sitja.
Þess vegna höfðum við mikinn áhuga á þeirri (skemmtilegu) áskorun að svara spurningunni: Hvernig getum við skemmt nýju bílana okkar nægilega mikið til að hægt sé að nota þá við þjálfun í neyðarþjónustu? Má ekki prófa eitthvað öfgakennt, eins og að láta hvern bíl falla nokkrum sinnum úr krana í 30 metra hæð?
Þetta var í fyrsta sinn sem við létum bílana okkar falla úr krana í 30 metra hæð. Aðeins með þessu móti gátum við náð nógu mikilli aflögun til að líkja nægilega vel eftir skemmdunum sem verða við verstu árekstra, eins og þegar bíll lendir í árekstri á miklum hraða, umferðarslysum þar sem bíll keyrir á vörubíl á miklum hraða eða þegar bíll fær alvarlegt högg á hliðina. Það voru þess konar ónýtir bílar sem neyðarþjónustan þurfti til að prófa hæfni sína og nýjan búnað, til að læra að takast á við alvarlegustu slysin, þar sem þau sem lifa slík slys af þurfa á mestri hjálp að halda.
Hvers vegna er svona mikilvægt að æfa sig við slíkar aðstæður? Í bílslysum berst tal bráðaliða oft að „gullnu klukkustundinni“ – að koma alvarlega slösuðu fólki á sjúkrahús innan klukkustundar frá árekstri getur gegnt lykilhlutverki í að það lifi af.
„Við höfum átt góða samvinnu við sænsku björgunarþjónustuna til margra ára,“ segir Håkan Gustafson, háttsettur rannsóknarmaður hjá slysarannsóknarteymi Volvo. „Vegna þess að markmið okkar er það sama: að vegirnir verði öruggari fyrir alla. Við vonum að enginn lendi nokkurn tíma í alvarlegu slysi, en ekki er hægt að forðast öll slys. Það er því lífsnauðsynlegt að til séu aðferðir til að hjálpa til við að bjarga mannslífum þegar alvarlegustu slysin verða.“
En orð hafa aðeins takmarkaða getu til að útskýra nokkuð svo sérstakt, svo best er að sjá með eigin augum þetta myndband sem sýnir mun betur hvaða áskoranir blasa við neyðarþjónustuaðilum í daglegum störfum þeirra.

Horfðu á þegar við látum nýja bíla falla úr 30 m háum krana

Volvo er leiðandi í þróun öryggiseiginleika fyrir bíla. Uppgötvið hvernig við hækkum stöðugt staðla til að bjarga mannslífum og setjum ný viðmið til að tryggja öruggar samgöngur.

Fréttir af bílaöryggi | Volvo Cars

Fréttir og greinir um daglegt líf starfsfólks, stjórnenda og ráðgjafa hjá Volvo Cars. Hér er hægt að fá frekari upplýsingar um vinnumenningu og reynslu starfsfólks hjá Volvo.

Vinnumenningarfréttir | Volvo Cars

Allar nýjustu fréttir og rekstrartíðindi um rafvæðingu, nýjungar í öryggisbúnaði, sjálfbærni, vegvísi, bílaiðnaðinn og vinnumenninguna.

Nýjustu fréttir af Volvo | Volvo Cars

Miklar áskoranir eru framundan í samgöngumálum. Rafvæðing gegnir lykilhlutverki í baráttunni gegn loftslagsbreytingum. Frekari upplýsingar hér.

Fréttir af rafvæðingu | Volvo Cars

Volvo Cars er meðal fremstu nýsköpunarfyrirtækja í bílaiðnaði og rafvæðing gegnir lykilhlutverki í að umbylta greininni. Frekari upplýsingar hér.

Nýsköpunarfréttir | Volvo Cars

Lærið meira um hvernig Volvo vinnur að því að minnka kolefnisfótspor sitt með því að rannsaka nýjar framleiðsluaðferðir og þróa ný efni til að vinna með.

Fréttir af sjálfbærni og hringrásarhagkerfi | Volvo Cars

Fáið nýjustu fyrirtækisfréttirnar og fréttatilkynningarnar frá Volvo. Fáið frekari upplýsingar um tilkynningar frá fyrirtækinu hér.

Fyrirtækisfréttir| Volvo Cars

Kynnið ykkur fagfréttir frá Volvo Cars og hvernig við byltum bílaiðnaðnum með því að finna nýjar aðferðir við verksmiðjuframleiðslu.

Fréttir úr bílaiðnaði | Volvo Cars

Fáið nýjustu fyrirtækisfréttirnar, fréttatilkynningarnar og greinarnar frá Volvo Cars. Hér er hægt að fræðast meira um vinnumenningu, starfsfólk og stjórnendur Volvo.

Fyrirtækis- og menningarfréttir | Volvo Cars

Volvo er meðal fremstu fyrirtæki í nýsköpun, þökk sé tækni til að búa til vörur og þjónustu fyrir betri framtíð. Þið fáið nýjustu fréttirnar hér.

Fréttirnar okkar

Euro NCAP veitir C40 fimm stjörnu einkunn

Viðurkenningin Top Safety Pick Plus brýtur blað í sögunni

Horfðu á þegar við látum nýja bíla falla úr 30 m háum krana