C40-líftímamatsskýrslan okkar er komin út – hvaða áhrif hefur aðgangur að hreinni orku á ávinning af rafbíl?

Við stefnum að því að framleiða eingöngu rafbíla árið 2030. Auk þess stefnum við að því að vera loftslagshlutlaust fyrirtæki árið 2040. Þetta eru hvetjandi markmið en staðreyndin er þó sú að kolefnislosun er gegnumgangandi í rekstri okkar.
Við horfum þó á hlutina þannig að lausn vandamálanna liggi í því að viðurkenna að þau séu til staðar og reyna ekki að fela það. Ein leiðin að því markmiði er að taka sama og birta líftímagreiningarskýrslu fyrir allar nýjar gerðir rafbíla sem við setjum á markað. Við hófum þessa gagnsæju og forvirku skýrslugerð þegar XC40 Recharge kom á markað og í dag birtum við líftímagreiningu fyrir C40 Recharge.
Líftímagreiningarnar eru fyrst og fremst leiðarvísir fyrir viðskiptavini okkar, til að þeir geti tekið upplýsta ákvörðun um kaup á nýjum Volvo. Skýrslan sýnir í gegnum nokkrar sviðsmyndir hversu mikinn koltvísýring áætlað er að bíllinn losi yfir líftíma sinn, bæði við framleiðslu og í notkunarfasa.
Þessi nýja líftímagreining sýnir m.a. fram á hversu máli það skiptir að hafa aðgang að hreinum orkugjöfum fyrir hleðslu C40 Recharge. Þetta eru ekki nýjar fréttir. Í mörg ár höfum við bent á að skiptum yfir í rafbíla þurfi að fylgja veruleg fjárfesting í hreinni orku og hleðsluinnviðum fyrir almenning. Líftímagreiningin sýnir þetta hins vegar svart á hvítu með raunverulegum gögnum.

Skýrslan sýnir að þegar C40 Recharge er hlaðinn með rafmagni frá hreinum orkugjöfum er heildarlosun bílsins yfir líftíma hans um 27 tonn af koltvísýringi, samanborið við 59 tonn frá XC40 sem knúinn er með eldsneytisvél.
Ef bíllinn er aftur á móti hlaðinn með þeirri meðaltalsorkublöndu sem er að finna í heiminum í dag (sem inniheldur um 60 prósent orku frá jarðefnaeldsneyti) kann líftímalosun koltvísýrings frá bílnum að vera allt að 50 tonn, sem dregur verulega úr umhverfisávinningi bílsins í samanburði við bíl með eldsneytisvél.
Þetta sýnir fram á að almenningur í heiminum þarf stuðning frá stjórnvöldum og orkugeiranum til að draga úr kolefnislosun sinni. Um leið og höldum áfram að hamra á þessum staðreyndum og kalla eftir fjárfestingu í hreinni orku og hleðsluinnviðum, svo sem á COP26-loftslagsráðstefnunni í Glasgow, vinnum við einnig hörðum höndum að því að draga úr okkar eigin kolefnisfótspori.
Svo dæmi sé tekið er markmið okkar að minnka líftímakolefnisfótspor meðalbílsins um 40 prósent á milli 2018 og 2025, þar á meðal með því að draga úr losun í birgðakeðjunni um 25 prósent árið 2025. Við miðum einnig að því að vera búin að gera framleiðslu okkar loftslagshlutlausa árið 2025. Nú þegar eru allar verksmiðjur okkar í Evrópu knúnar að öllu leyti með hreinni orku.
<a href="https://www.volvocars.com/images/v/-/media/Market-Assets/INTL/Applications/DotCom/PDF/C40/Volvo-C40-Recharge-LCA-report.pdf">Smelltu hér til að lesa líftímagreiningarskýrslu fyrir C40 Recharge í heild sinni.</a>

Eftirlýst: hrein orka til hámarka loftslagsávinninginn

Við erum eitt þeirra 150 fyrirtækja sem hvetja stjórnvöld til að grípa til aðgerða sem miða skulu að því að útrýma losun kolefnis frá flutningum á milli landa fyrir árið 2050. Þetta er hluti af markmiði okkar um að ná kolefnishlutleysi fyrir árið 2040.

Flutningar á sjó tryggja að við komum bílunum okkar til viðskiptavina um heim allan, auk þess sem þeir gegna lykilhlutverki í birgðakeðju okkar.
„Við getum ekki orðið raunverulega kolefnishlutlaus án aðgangs að flutningum á sjó sem losa ekkert. Það mun koma okkur langt fram veginn að útrýma útblæstri frá bílum okkar og framleiðslustarfsemi, en stóra áskorunin liggur í því að útiloka kolefnislosun frá flutningum,“ sagði Martin Corner, yfirmaður birgðastjórnunardeildar.
„Sem stór kaupandi skipaflutninga er það rökrétt skref til að leiða þróunina í rétta átt að taka þátt í þessu ákalli til aðgerða,“ sagði Martin.

Ákall um að útrýma losun kolefnis frá flutningum verður afhent stjórnvöldum heimsins fyrir loftslagssamningaviðræðurnar á COP26 í Glasgow, Skotlandi, í nóvember 2021.
Framtakið, sem er afrakstur samvinnu starfshóps á vegum allra aðila sem nálægt sjóflutningum koma, bæði flutningafyrirtækja, skipaleiga, fjármögnunarfyrirtækja, hafna og eldsneytisframleiðenda, er byggt á þeirri skoðun að alger útrýming kolefnislosunar frá flutningum á milli landa sé nauðsynleg og framkvæmanleg.
Staffan Johannesson, framkvæmdastjóri sjálfbærniþróunar innan birgðastjórnunardeildarinnar segir: &quot;Sem undirskriftaraðili ákallsins erum við í samfloti með nokkrum af stærstu fyrirtækjum heims í alþjóðaviðskiptum. Við viljum samvinnu á milli stjórnvalda heimsins og iðnaðarins við þá stefnumörkun og fjárfestingu sem þörf er á til að ná þeim stað þar sem hægt er að taka kolefnislosun út úr alþjóðlegum birgðakeðjum.“

Við tökum þátt í ákalli um að útrýma losun kolefnis frá flutningum

Við erum að færa okkur úr leðri í innanrými og notum í staðinn önnur sjálfbær efni. Þetta er í takti við þróun annars staðar í efnislegri hönnun.

C40 Recharge gegnir mikilvægu hlutverk í tengslum við rafvæðingu og rekstur okkar í framtíðinni, eins og hægt var að lesa um <a href="https://www.volvocars.com/intl/news/articles/our-brand-new-pure-electric-C40-recharge">fyrr á þessu ári</a>. En nýji rafbíllinn okkar boðar fleiri breytingar hjá okkur til framtíðar því hann er fyrsti Volvo-bíllinn sem er algerlega án leður í innanrými. Þannig er C40 táknmynd framtíðaráherslu okkar á að ekki verði notað leður í rafbíla frá Volvo.
Húðirnar sem Volvo kaupir í dag eru vissulega keyptar með áherslu á ábyrga birgðaöflun sem hjáafurðir frá sláturgripum en við viljum leggja áherslu á dýravelferð með því að draga úr eftirspurn eftir leðri.
Skref okkar í átt að leðurlausu innanrými er einnig tekið með tilliti til neikvæðra umhverfisáhrifa nautgriparæktunar, þar á meðal losunar gróðuhúsalofttegunda og eyðingar skóga.
Fyrir utan að taka leður úr umferð ætlum við að halda áfram að draga úr notkun á tilteknum efnum sem innihalda dýraafurðir í bílum okkar. Þarna er átt við tilteknar gerðir plasts, gúmmís, smurefna og límefna, sem oft innihalda einhverjar afurðir úr húsdýrum.
„Öflun vara og hráefna með dýravelferð að leiðarljósi kemur til með að vera áskorun en það er þó engin afsökun fyrir því að gera ekkert í því,“ segir Sturart Templar, einn af sjálfbærnisérfræðingum okkar. „Þetta er vegferð sem er þess virði að leggja í. Einlægt hugarfar byggt á framsýni og sjálfbærni leggur þá ábyrgð á herðar okkar að við spyrjum okkur erfiðra spurninga og reynum eftir okkar bestu getu að finna svörin.“
Við munum að sjálfsögðu áfram bjóða viðskiptavinum okkar upp á fyrsta flokks innanrými. Af þeim sökum vinnum við að því að finna birgja sem geta útvegað okkur fyrsta flokks hráefni af sjálfbærum uppruna. Með nýju Volvo-rafbílunum verður boðið upp á fjölbreytta valkosti í hágæða innanrými þar sem árhersla er lífræn og endurunnin hráefni, sem og fyrsta flokks ofið efni og ullarblöndur frá ábyrgri framleiðslu.

Málið er að skilgreining á fyrsta flokks og lúxus er að breytast. Hönnunarheimurinn er í heild sinni að stefna í átt að því sem gæti kallast meðvituð hönnun (e. Conscious Design) þar sem sjálfbærni og ábyrg öflun hráefna spilar sífellt stærri rullu í framleiðslu efna og vara. Markaðsrannsóknir sýna einnig fram á að viðskiptavinir hugsa sífellt meir út í sjálfbærni við val á vörum.
Niðurstöður nýrrar <a href="https://www.media.volvocars.com/global/en-gb/media/documentfile/285907/the-rise-of-conscious-design-full-report">þróunarskýrslu</a> frá Volvo Cars og The Future Laboratory sýnir að hönnuðir um heim allan leita sérstaklega eftir gæðaefnum sem bæði eru sjálfbær og frá ábyrgri framleiðslu við hönnun lúxusvara framtíðarinnar. Þetta smellpassar við áherslu okkar á hringrásarhagkerfið og þróun fleiri sjálfbærra vara.
Gott dæmi um þetta er nýtt efni frá Volvo í innanrými sem kallað er Nordico og sem notað verður í næstu kynslóð rafbíla frá okkur. Efnið er úr textílefnum úr endurunnu efni, svo sem plastflöskum, efni af lífrænum uppruna úr sjálfbærum skógum í Svíþjóð og Finnlandi og endurunnum korki sem fellur til við vínframleiðslu. Þetta er gæðavara sem er svo sannarlega sjálfbær. Árið 2025 stefnum við á að vera komin á þann stað að 25 prósent allra efna í nýjum Volvo-bílum verði úr endurunnu eða lífrænu efni. Þetta er skref í átt að því að hafa náð fullum hringrásarrekstri árið 2040. Við stefnum einnig að því að allir beinir birgjar okkar, þar á meðal hráefnisbirgjar, noti aðeins 100 prósent endurnýjanlega orku fyrir árið 2025.
Eins og allt annað er þróun efna framtíðarinnar verk í vinnslu. En við hughreyst okkur með þeirri staðreynd að við erum í fararbroddi í þessari þróunarvinnu og höfum fullan metnað til þess að verða fyrirtæki sem leggur jafnmikla áherslu á sjálfbærni og það leggur á öryggi.

Náttúrulegt, sjálfbært og ábyrgt eru lykilorð í tengslum við lúxusefni framtíðarinnar

Við hvetjum birgja okkar til að auðvelda okkur að ná loftslagshlutleysi fyrir árið 2040. Því nú er sjálfbærni jafnmikilvæg og kostnaður og gæði.

„Við leggjum alltaf áherslu á kostnað og gæði. Og nú tökum við sjálfbærni einnig með í reikninginn,“ segir Kerstin Enochsso, nýr stjórnandi innkaupadeildar okkar. „Ekki er lengur nóg að birgjar standi sig vel í einum þessara þátta. Samstarf við okkur krefst þess að öll þrjú skilyrðin séu uppfyllt.“
Endurbætur innan birgðakeðjunnar geta náð því að vera allt að fjórðungur þeirrar 40 prósent heildarminnkunar kolefnisfótspors okkar sem við stefnum að á milli 2018 og 2025.
Javier Varela, stjórnandi iðnrekstrar- og gæðasviðs, segir: „Losun frá birgðakeðju okkar er reiknuð inn í fótspor okkar. Þetta er svið þar sem við þurfum að taka verulega til á til að ná markmiðum okkar í losun koltvísýrings og ná kolefnishlutleysi árið 20240.“
Við höfum hafið þessa vinnu og stöndum nú í samningaviðræðum við um 20 mikilvæga birgja. Samningaviðræðunum er ætlað að koma til vegar að birgjarnir dragi úr koltvísýringslosun sinni til að við náum markmiðum okkar. Til viðbótar þessu höfum við hvatt birgja okkar til að leggja fram nýjar hugmyndir og hafa frumkvæði að því að leggja til samstarf sem eykur sjálfbærni.

Kerstin Enochsson bætir við: „Auk þess að samþætta sjálfbærnimarkmið okkar við innkaup og ákvarðanatöku veitum við birgjum einnig stuðning með viðeigandi þjálfun til að auka færni þeirra í starfa á sjálfbæran máta.“
Við komum þessum skilaboðum til um 2000 þátttakenda frá birgjum víðs vegar um heiminn á sjálfbærnispjalli okkar 2021, „The future of the Supply Chain“ (í. framtíða birgðakeðjunnar). Þar var um að myndfundarfyrirlestur þar sem Håkan Samuelsson, Javier Varela, Kerstin Enochsson og aðrir lykilstjórnendur innkaupadeildarinnar tóku til máls.
„Viðbrögð frá birgjum hafa verið einkar jákvæð,“ segir Kerstin. „Við finnum fyrir miklum vilja til þróunar nýjunga og samvinnu.“

Val á birgjum: sjálfbærni skiptir jafn miklu máli og kostnaður og gæði

Volvo er leiðandi í þróun öryggiseiginleika fyrir bíla. Uppgötvið hvernig við hækkum stöðugt staðla til að bjarga mannslífum og setjum ný viðmið til að tryggja öruggar samgöngur.

Fréttir af bílaöryggi | Volvo Cars

Fréttir og greinir um daglegt líf starfsfólks, stjórnenda og ráðgjafa hjá Volvo Cars. Hér er hægt að fá frekari upplýsingar um vinnumenningu og reynslu starfsfólks hjá Volvo.

Vinnumenningarfréttir | Volvo Cars

Allar nýjustu fréttir og rekstrartíðindi um rafvæðingu, nýjungar í öryggisbúnaði, sjálfbærni, vegvísi, bílaiðnaðinn og vinnumenninguna.

Nýjustu fréttir af Volvo | Volvo Cars

Miklar áskoranir eru framundan í samgöngumálum. Rafvæðing gegnir lykilhlutverki í baráttunni gegn loftslagsbreytingum. Frekari upplýsingar hér.

Fréttir af rafvæðingu | Volvo Cars

Volvo Cars er meðal fremstu nýsköpunarfyrirtækja í bílaiðnaði og rafvæðing gegnir lykilhlutverki í að umbylta greininni. Frekari upplýsingar hér.

Nýsköpunarfréttir | Volvo Cars

Lærið meira um hvernig Volvo vinnur að því að minnka kolefnisfótspor sitt með því að rannsaka nýjar framleiðsluaðferðir og þróa ný efni til að vinna með.

Fréttir af sjálfbærni og hringrásarhagkerfi | Volvo Cars

Fáið nýjustu fyrirtækisfréttirnar og fréttatilkynningarnar frá Volvo. Fáið frekari upplýsingar um tilkynningar frá fyrirtækinu hér.

Fyrirtækisfréttir| Volvo Cars

Kynnið ykkur fagfréttir frá Volvo Cars og hvernig við byltum bílaiðnaðnum með því að finna nýjar aðferðir við verksmiðjuframleiðslu.

Fréttir úr bílaiðnaði | Volvo Cars

Fáið nýjustu fyrirtækisfréttirnar, fréttatilkynningarnar og greinarnar frá Volvo Cars. Hér er hægt að fræðast meira um vinnumenningu, starfsfólk og stjórnendur Volvo.

Fyrirtækis- og menningarfréttir | Volvo Cars

Volvo er meðal fremstu fyrirtæki í nýsköpun, þökk sé tækni til að búa til vörur og þjónustu fyrir betri framtíð. Þið fáið nýjustu fréttirnar hér.

Fréttirnar okkar

Eftirlýst: hrein orka til hámarka loftslagsávinninginn

Við tökum þátt í ákalli um að útrýma losun kolefnis frá flutningum

Náttúrulegt, sjálfbært og ábyrgt eru lykilorð í tengslum við lúxusefni framtíðarinnar

Val á birgjum: sjálfbærni skiptir jafn miklu máli og kostnaður og gæði