XC90 Mild Hybrid

XC90-ում ինտեգրված Google Maps-ի շնորհիվ ճանապարհային երթևեկության մասին իրական ժամանակում տվյալների փոխանցումը և երթուղու ավտոմատ փոփոխման գործառույթը օգնում են Ձեզ հասնել նպատակակետին առանց ավելորդ ջանքերի:

Ձեր XC90-ում ձեռնազատ օգնություն ստանալու համար Google-ին տվեք ձայնային հրամաններ: Հեշտությամբ ստացեք ուղղություններ, զվարճացեք և կապի մեջ մնացեք ընկերների, ընտանիքի և գործընկերների հետ՝ պարզապես ասելով «Hey Google»։

Եղեք կապակցված Ձեր թվային աշխարհին: Ձեր XC90-ի Google Play-ը թույլ է տալիս օգտվել այն հավելվածներից և ծառայություններից, որոնք կարող են յուրաքանչյուր ճանապարհորդություն դարձնել ավելի հաճելի և հարմարավետ:

Օդի որակի բարելավման նախադեպը չունեցող համակարգի՝ օդի արդյունավետ զտիչը կանխում է PM 2.5 վտանգավոր մասնիկների մինչև 95% ներթափանցումը սրահ: Դրա շնորհիվ Դուք և Ձեր ուղևորները կարող եք վայելել օդի բարելավված և ավելի առողջարար որակը՝ անկախ շրջակա միջավայրի արտաքին պայմաններից: Դուք կարող եք նույնիսկ հետևել ավտոմեքենայից դուրս առկա փոշու մասնիկների և ծաղկափոշու մակարդակին:

Յուրաքանչյուր ճամփորդություն կատարեք վերահսկողության և հարմարավետության ուժեղացված զգացումով: XC90-ի ակտիվ շասսին՝ օդային կախոցով բոլոր չորս անիվների վրա, ապահովում է ինքնահամահարթեցման գործառույթ և երթևեկության ժամանակ մեքենայի բարձրության կարգավորում: Օդային կախոցը կարգավորում է երթևեկության բարձրությունը՝ կախված ձեր արագությունից: Բացի այդ, էլեկտրոնային եղանակով կառավարվող ամորտիզացիոն համակարգը շարունակաբար վերահսկում և հարմարվում է ճանապարհի պայմաններին` օգնելով ապահովել օպտիմալ հարմարավետություն և դինամիկ վարորդական փորձ:

Վարորդին աջակցող մեր կատարելագործված տեխնոլոգիան առավել հանգիստ մեքենավարման հնարավորություն է տալիս։ Այն օգնում է Ձեզ պահել անվտանգ հեռավորություն առջևից ընթացող ավտոմեքենաներից՝ հարմարեցնելով ավտոմեքենայի արագությունը և այն պահելով երթևեկության գոտու կենտրոնական հատվածում՝ նրբորեն կառավարելով ղեկանիվը: Այն նաև օգտակար է տրանսպորտային միջոցների ընդհատումներով հոսքի դեպքում և կարող է նույնիսկ զգուշացնել, եթե կանգառից հետո երթևեկությունն առաջ է ընթանում առանց Ձեզ:

Դիմապակու պրոյեկտորը թույլ է տալիս Ձեզ հետևել արագությանը, նավիգացիային և կատարել այլ գործողություններ, և այդ բոլորը առանց ուշադրությունը ճանապարհից շեղելու: Այդ պրոյեկտորի պայծառությունն ավտոմատ կերպով հարմարվում է լույսի պայմաններին, և Դուք կարող եք կարգավորել համակարգը Ձեր անձնական նախասիրություններին համապատասխան:

Կույր գոտիների վերահսկողության համակարգը (blind spot information system, BLIS) ակտիվ աջակցություն է ցուցաբերում երթևեկության գոտիները փոխելիս։ Հարակից երթևեկության գոտիներով երթևեկող ավտոմեքենաների հետ բախման վտանգի առկայության դեպքում BLIS-ը կարող է թեթևակի շտկել ղեկանիվի կառավարումը՝ ապահովելով Ձեր, Ձեր ավտոմեքենայի և մտերիմների անվտանգությունը։

Կենտրոնական գծից շեղվելու դեպքում առաջանում է հանդիպակաց ուղղությամբ ընթացող տրանսպորտային միջոցին բախվելու վտանգ: Ձեր ավտոմեքենան կարող է հայտնաբերել նման իրավիճակները և շտկել անվաղեկի կառավարումը՝ օգնելով վերադառնալ ճանապարհի ավելի անվտանգ հատված:*

Անվտանգության աջակցման խելացի տեխնոլոգիան օգնում է Ձեզ նկատել այլ ավտոմեքենաներին, հետիոտներին, հեծանվորդներին և խոշոր կենդանիներին և խուսափել դրանց հետ բախումից գիշեր թե ցերեկ: Համակարգը նախ զգուշացնում է վարորդին, ապա արգելակում է ավտոմեքենան, եթե վարորդը չի արձագանքում տվյալ իրավիճակին:**

Հանգիստ երթևեկեք նեղ տարածքներում 360° տեսախցիկի օգնությամբ: Այս հարմար գործառույթը ներառում է առջևի, հետևի և կողային տեսախցիկները, որոնք ապահովում են բարձր հստակությամբ տեսանելիություն կենտրոնական էկրանին: Էկրանի վրա պատկերված պատկերները ցույց են տալիս մեքենայի նախատեսված ուղին, որը կօգնի ձեզ մանևրելու տեղում: Պառակտված էկրանի գործառույթի ավելացումը թույլ է տալիս միաժամանակ ձեռք բերել մոտ 180° առջևի և հետևի տեսանելիություն, որպեսզի հեշտությամբ կարողանաք տեսնել, թե ինչ է ձեր առջևում կամ հետևում: Ցանկանու՞մ եք քարշակ ավելացնել: Ակտիվացրեք խոշորացման գործառույթը ձեր 180° տեսադաշտում՝ ավելի մոտիկից տեսնելու համար:

Ուղղահայաց ուղղությամբ ընթացող ավտոմեքենաների մասին զգուշացնող համակարգը ավտոմատ արգելակման գործառույթով աջակցում է վարորդին սահմանափակ տեսադաշտով հետընթաց կատարելիս: Համակարգը կարող է հայտնաբերել ավտոմեքենայի հետևից ուղղահայաց ուղղությամբ ընթացող այլ ավտոմեքենաներին և, անհրաժեշտության դեպքում, ակտիվացնել ավտոմատ արգելակման գործառույթը:***

Անվտանգության աջակցման տեխնոլոգիան կարող է օգնել տրանսպորտային միջոցների հանդիպակաց հոսքը հատելիս՝ բախման վտանգ հայտնաբերելու դեպքում ավտոմեքենան ավտոմատ արգելակելու միջոցով: