Անվտանգություն
Մեր Safe Space Technology-ն, որը ներառում է Volvo ավտոմեքենայի անվտանգության բոլոր գործառույթները, օգնում է պահպանել Ձեր անվտանգությունը և Ձեզ զգալ ապահով։ Փորձարկված և խելացի անվտանգության հատկությունների շնորհիվ մենք ձգտում ենք բացառել որևէ բախում:
Լույսի և հեռավորության հայտնաբերում
Առաջնորդվելով զրո բախումների տեսլականով՝ մենք պատրաստում ենք lidar գերհամակարգչային ստանդարտը մեր հաջորդ սերնդի էլեկտրական Volvo EX90-ի համար: Այն թույլ է տալիս բարելավել անվտանգության հատկությունները և խթանել ինքնավար մեքենավարումը:
Ինքնավար վարում
Մեր հաջորդ սերնդի Volvo ավտոմեքենաները կկարողանան ապահովել լիովին անվտանգ և չվերահսկվող ինքնավար մեքենավարում՝ թույլ տալով հաճախորդներին խնայել ժամանակը և զբաղվել երկրորդական գործողություններով:
Վարորդին աջակցող համակարգ
2 տեսախցիկներով համալրված այս համակարգը կարող է հայտնաբերել վարորդի շեղված, քնկոտ,նույնիսկ գինովցած վիճակում լինելը: Համակարգը կակտիվացնի պաշտպանիչ վահանը և կձեռնարկի համապատասխան պաշտպանիչ քայլեր՝ արագության նվազեցումից մինչև արգելակում, որպեսզի անհրաժեշտության դեպքում ապահովի ձեր անվտանգությունը:
Ուղևորների ներկայության սենսոր
Ուղևորների հայտնաբերման սենսորային տեխնոլոգիան, որը համալրված է ներքին ռադարներով, նախագծված է, որպեսզի թույլ չտա՝ որևէ փոքրիկ երեխա կամ նույնիսկ ընտանի կենդանի պատահաբար մնա մեքենայի մեջ:
Ձեր պաշտպանությունն այսօր: Անվտանգության մեր ներկայիս հատկությունները կարող են օգնել կանխել վթարը կամ մեղմել դրա ազդեցությունը:
Խելացի համակարգերը թույլ են տալիս ձեզ խուսափել կամ մեղմել այլ տրանսպորտային միջոցների, հետիոտների և հեծանվորդների հետ բախումը լսելի, տեսանելի և արգելակային նախազգուշացումների միջոցով: Եթե բախումն անխուսափելի է, մեքենան կարող է ավտոմատ կերպով արգելակել:
Եթե դուք պատրաստվում եք հատել գծանշումը առանց թարթիչը միացնելու, ձեր մեքենան կարող է նրբորեն հետ վերադառնալ նախկին դիրքին:Անհրաժեշտության դեպքում դուք կստանաք նաև զգուշացումներ ղեկի թրթռումների միջոցով:
Եթե դուք հատում եք արտաքին գծանշումը 65 կմ/ժ-ից մինչև 140 կմ/ժ արագությամբ, ապա այս համակարգը կօգնի ձեզ մեքենան վերադարձնել դեպի ճանապարհ: Այն կարող է նաև ակտիվացնել արգելակները, որոնք թույլ կտան ձեզ մնալ ճանապարհին:
Այս համակարգն աջակցում է վարորդին սահմանափակ տեսադաշտով հետընթաց կատարելիս: Համակարգը կարող է հայտնաբերել ավտոմեքենայի հետևից ընթացող այլ ավտոմեքենաներին և անհրաժեշտության դեպքում ակտիվացնել ավտոմատ արգելակման գործառույթը:
Կույր գոտիներում այլ ավտոմեքենաների հետ բախման վտանգի առկայության դեպքում BLIS-ը կարող է ձեզ զգուշացնել ձախ կամ աջ հայելիների վրա տեղադրված լույսի միջոցով՝ ապահովելով Ձեր և Ձեր մտերիմների անվտանգությունը:
360 աստիճան կայանման տեսադաշտ ապահովող չորս տեսախցիկների համակարգը կօգնի ավտոմեքենան հեշտությամբ կայանել նույնիսկ շատ սահմանափակ տարածքներում:
Արագության սահմանափակում
Սկսած 2020 թվականի արտադրությունից Volvo-ն ամբողջ մոդելային շարքի համար առաջարկում է արագության սահմանափակում մինչև 180 կմ/ժ արագությամբ:
Պահեստային բանալի
Volvo-ի սեփականատերը պահեստային բանալու միջոցով ստանում է հնարավորություն սահմանելու առավելագույն արագության շեմ, օրինակ, ընկերոջը, ընտանիքի անդամներին կամ քիչ փորձառու վարորդին ավտոմեքենան ժամանակավոր տրամադրելիս:
Եթե ձեր առջևից ընթանում է Volvo ավտոմեքենա և այն առնչվում է ճանապարհային ինչ-որ խնդիրների հետ, օրինակ՝ մերկասառույց կամ այլն, ապա այն կարող է հեռահար հաղորդակցման անվտանգության համակարգի միջոցով վարորդի էկրանին ուղարկել զգուշացնող հաղորդագրություն:
Մենք նպաստել ենք անվտանգության բարձիկների զարգացմանը նորարարությունների միջոցով, ինչպիսիք են իրանի անվտանգության բարձիկները և կողային վարագույրները: Մեր ավտոմեքենաները հագեցած են մի շարք անվտանգության բարձիկներով, որոնք օգնում են պաշտպանել ուղևորներին բախման ժամանակ:
Բոլոր Recharge մոդելները
Volvo Cars-ի անվտանգության առանձնահատկություններով համալրված ավտոմեքենաները նախատեսված չեն խախտումներով, ագրեսիվ, անապահով վարելու համար: Բոլոր դեպքերում ավտոմեքենայի անվտանգ երթևեկության համար պատասխանատու է վարորդը: Նկարագրված գործառույթների հասանելիությունը կախված է տվյալ երկրից: