Borgarbílar

Fyrirferðarlitlu jepparnir frá Volvo skarta djarfri og áberandi hönnun ytra byrðis sem vekur athygli hvarvetna. Í þessum minni jeppum sameinast stíll og afköst með flottum línum, samræmdum litum á hlífum, glæsilegum felgum og hliðarspeglum.

Nú heyra óvænt óhöpp þegar dyr eru opnaðar í borgarskarkalanum sögunni til. Í Volvo EX30 er innbyggt hugvitssamlegt viðvörunarkerfi við opnun dyra. Þetta háþróaða kerfi felur í sér bæði sjónrænar viðvaranir og hljóðviðvaranir sem láta þig vita ef þú ert í þann veginn að opna dyrnar í veg fyrir hjólreiðafólk eða aðra vegfarendur.

Það getur tekið á að leggja í borginni, með aðra bíla, hjólandi og gangandi vegfarandur allt í kring. Hérna láta borgarbílarnir ljós sitt skína. Í þeim er einfaldara að athafna sig í þrengslum. Auk þess tryggir Park Pilot Assist að enn þægilegra er að leggja, með því að hjálpa þér að finna stæði og leggja Volvo-bílnum fyrir þig, sem sparar þér bæði tíma og vesen.

360 gráðu myndavélakerfi Volvo umbreytir akstrinum og gefur þér góða yfirsýn yfir aðstæður. Með því er auðvelt að bakka í stæði upp við gangstéttarbrún, forðast að aka upp á kanta og athafna sig í þrengslum. Hvort sem þú ert á fjölförnum gatnamótum eða þröngum akreinum tryggir 360 gráðu myndavélakerfið öruggari og afslappaðri akstursupplifun í borgarakstri.

Þegar ekið er í borginni er afar mikilvægt að fylgjast grannt með hjólreiðafólki, gangandi vegfarendum og umferðarmerkjum og halda sig á beinu brautinni. Sjónlínuskjár Volvo auðveldar þetta með því að birta mikilvægar upplýsingar á borð við hraða, leiðsögn og fleira beint á framrúðunni svo þú þurfir ekki að líta af veginum.

Við þekkjum öll stöðuga þörfina fyrir meira pláss þegar bíllinn er hlaðinn, sama hversu stór hann er. Hvort sem um er að ræða innkaupapoka, farangur í helgarfríið eða barnakerrur virðist listinn yfir ómissandi hluti stundum endalaus.  Þótt Volvo XC40 sé stuttur að sjá býr hann yfir undursamlega snjöllu geymslurými. Aftur í er rúmgott og flatt hólf sem auðveldar bæði að hlaða bílinn og afferma, undir gólfinu er farangursgeymsla og auk þess má finna margar snjallar geymslulausnir, m.a. fyrir vatnsflöskur og síma. Þú getur einnig bætt við handfrjálsri lausn til að opna afturhlerann með því einu að setja fótinn undir afturstuðarann.

Við leit að borgarbíl er mikilvægt að setja rými og þægindi í forgang. Það þýðir þó ekki að þú þurfir að fórna stílnum. Í minnsta jeppanum okkar hingað til, EX30, geturðu valið á milli fjögurra þema í innanrýminu: Breeze, Mist, Pine og Indigo. Hvert og eitt þessara þema sækir innblástur í kyrrláta fegurð skandinavískrar náttúru og státar af nýsköpun í handverki með nýtingu endurnýjanlegra og endurunninna efna.

Þakgluggi er staðalbúnaður í Volvo C40 með marglaga og skyggðu gleri, sem veitir góða vörn gegn glömpum og útfjólubláum geislum. Þessi einstaka þakhönnun skapar farþegarými með náttúrulegri birtu. Auk þess gegnir hún lykilhlutverki við að stilla hitastigið, skapa þægilegt loft í farþegarýminu og draga úr hávaða, sem stuðlar að endingu að kyrrlátri akstursupplifun.

Það hefur aldrei verið auðveldara að hlaða Volvo í borginni, þar sem hleðslustöðvum fer stöðugt fjölgandi og auðvelt er að finna þær með aðstoð miðjuskjásins í bílnum. Volvo Cars app færir þér hagnýtar áminningar og leiðsögn að næstu hleðslustöð. Þú getur því fyllt á rafhlöðuna á ferðinni vandræðalaust, hvort sem um er að ræða lengri ferðir eða þegar þú þarft örlitla viðbótarorku.

Undirbúningur rafhlöðu er gagnlegur búnaður í mörgum Volvo-rafbílum sem er ætlað að ná kjörhitastigi rafhlöðu bílsins. Þetta eykur drægni rafhlöðunnar á einni hleðslu, flýtir fyrir hleðslu og viðheldur góðu ástandi rafhlöðunnar. Þú færð því meiri drægni, fljótlegri hleðslu og betra ástand rafhlöðu.

Spjaldtölvan okkar gegnir bæði hlutverki notandaviðmóts ökumanns og mælaborðsskjás og samþættir hnökralaust nauðsynlegar upplýsingar fyrir ökumann og stýringar sem þú velur á einum skjá. Snertiskjárinn er hannaður af einstakri natni og býður upp á skýra og kristaltæra mynd þar sem dregið er verulega úr glömpum og speglun. Hann er líka einstaklega viðbragðsfljótur og tryggir að skipanir séu keyrðar án tafar.

Tengstu Google beint úr Volvo-bílnum þínum til að fá leiðsögn, hlusta á tónlist og hlaðvörp og halda sambandi við vini, fjölskyldu og vinnufélaga – með hendurnar á stýrinu og athyglina á veginum.

Í Volvo-bílnum er Google fellt inn í akstursupplifunina, þar sem þú hefur aðgang að Google Play og fjölda forrita fyrir bílinn til að þú getir verið áfram í sambandi þótt þú sért á ferðinni.

Google Maps eru felld inn í Volvo-bílinn þinn þar sem kunnuglegt símaviðmótið er sameinað endurbættum búnaði í sérflokki. Það hefur aldrei verið auðveldara að finna réttu leiðina.