ÖRYGGI
Við fundum upp nokkra mikilvægustu eiginleika sögunnar í bílaöryggi. Tæknin okkar skiptir sköpum og það er fleira á leiðinni.
1959 Þriggja punkta öryggisbelti
Allt frá því að Volvo-verkfræðingurinn Nils Bohlin kynnti til sögunnar þriggja punkta öryggisbelti í PV544-bílnum hafa beltin bjargað yfir milljón manns vegna þess að Volvo Cars afsalaði sér einkaleyfinu í þágu almannahagsmuna.
1972 Bakvísandi barnabílstólar
Manstu eftir fyrstu myndunum af geimförum sem láu á bakinu við flugtak til að jafna kraftinn á líkamanum sínum? Það var grundvallarreglan á bak við fyrstu bakvísandi sætin í greininni. Til að dreifa álaginu og lágmarka meiðsli.
1978
Bílsessan
Við fundum upp fyrstu bílbeltasessuna sem gerði börnum frá 4 ára aldri kleift að snúa fram, með aukinni vernd og þægindum.
1990
Fyrsta innbyggða bílsessan í heiminum
Tilkoma fyrstu innbyggðu bílsessunnar var enn eitt framfararskrefið fyrir öryggi barna. Hún var hönnuð í samræmi við öryggisbúnað bílsins og veitti ungum farþegum jafnt vernd sem þægindi.
1991
Hliðarárekstursvörn
Næsti áfangi var órjúfanlegur hluti af hönnun bílsins og innihélt mjög sterka uppbyggingu og höggdeyfandi efni að innan, þverstöng í gólfinu og jafnvel styrkt sæti.
1991 Hliðarloftpúðar
Í kjölfarið á SIPS kom önnur nýjung á heimsvísu: hliðarloftpúðar til varnar við hliðarárekstur, eða SIPS-loftpúðar.
1998 1998 - Hálshnykksvörn (WHIPS)
Þökk sé hugvitssamlegri hönnun sæta og höfuðpúða veitir WHIPS-kerfið jafnan stuðning og hefur höggdeyfandi áhrif við aftanákeyrslu og minnkar þannig líkurnar á hálshnykksmeiðslum.
1998 Loftpúðatgardína
Þetta var fyrsta loftpúðakerfið sem veitti vernd fyrir farþega bæði í framsæti og aftursæti. Loftpúðinn er falinn í loftklæðningunni og verndar höfuð farþega við hliðarhögg eða bílveltu.
Á nýrri þúsöld héldum við áfram að finna upp öryggiseiginleika sem skipta sköpum.
2002
Veltivarnarkerfi (ROPS)
Eftir því sem jeppar urðu vinsælli, bættum við stöðugleika jeppanna okkar með rafrænu veltustöðugleikastýringarkerfi og bættum yfirbyggingu þeirra, uppbyggingu og aðhaldi til að hjálpa til við að bæta vernd í veltuóhöppum.
2003 Blindpunktsviðvörun (BLIS)
BLIS-kerfið notar myndavélar eða ratsjá til að greina aðra bíla sem nálgast þinn bíl. Viðvörunarljós nálægt hliðarspegli gefur ökumanni meiri tíma til að bregðast við.
2008 Borgaröryggi
Frá og með fyrsta Volvo XC60 kynntum við þessa sjálfvirku neyðarhemlun sem staðalbúnað í öllum síðari Volvo-gerðum. Kerfið notar laser til greiningar og dregur úr hættunni á aftanákeyrslu á lágum hraða.
2010
Greining gangandi vegfarenda með sjálfvirkri hemlun
Öryggisnýjungar okkar gagnast einnig fólki sem er utan við bílana. Þetta kerfi notar ratsjá og myndavél til að vara ökumanninn við ef einhver stígur í veg fyrir bílinn sem bremsar þá sjálfkrafa ef ökumaðurinn gerir það ekki.
2014
Útafakstursvörn
Við erum frumkvöðlar við prófun árekstra sem verða þegar ekið er út af vegi. Við lögðum því áherslu á að halda farþegum stöðugum með því að herða öryggisbeltið og bæta við einstakri höggdeyfandi virkni í sætum til að draga úr hryggmeiðslum.
2016 Tengt öryggi
Hálkuvari og Viðvörunarljósavari nota skýið til að deila mikilvægum gögnum milli ökutækja og gera ökumanni viðvart um hála vegarkafla eða ökutæki sem hafa virkjað viðvörunarljós sín.
2018
Hemlunarvörn gegn árekstri við aðvífandi umferð
Ef aðvífandi ökutæki fer inn á þína akrein og árekstur er óumflýjanlegur getur kerfið hjálpað til við að draga úr hraða ökutækisins til að draga úr hörku árekstursins.
2019 E.V.A.-verkefnið (öruggir bílar fyrir öll)
Frá því á 8. áratugnum höfum við safnað gögnum um árekstra til að skilja betur hvað gerist við árekstur. E.V.A.-verkefnið fól í sér að gera öllum kleift að sækja gögnin á einfaldan hátt í stafrænu bókasafni.
2020 Hámarkshraðaþak
Til að senda skýr skilaboð um hætturnar sem felast í hraðakstri minnkuðum við hámarkshraða allra nýju bílanna okkar í 180 km/klst. Þannig sýnum við ábyrgð í verki til að draga úr banaslysum í umferðinni með því að stuðla að bættri hegðun ökumanna.
Nýir, væntanlegir öryggiseiginleikar marka upphafið að nýju tímabili á sviði öryggis og fyrir Volvo Cars.
2023 Lidar
Fjarlægðarskynjunartækni (LIDAR) er lykillinn að öryggi sjálfkeyrandi bíla og hún byggist á hátækniskynjurum. Kerfið hjálpar sjálfkeyrandi bílum að greina aðra bíla, gangandi vegfarendur og hjólreiðafólk.
2023 Ökumannsvöktunarkerfi
Þetta tveggja myndavéla kerfi getur greint hvort ökumaður sé annars hugar, syfjaður eða jafnvel drukkinn. Ef þörf krefur getur kerfið virkjað varnarhlíf og gripið til viðeigandi öryggisráðstafana til að gæta öryggis.
Allar Recharge-gerðir
Öryggisbúnaður Volvo Cars kemur til viðbótar öruggum akstri og honum er ekki ætlað að leyfa eða hvetja til einbeitingarleysis, gáleysis eða annars óöruggs eða ólöglegs aksturs. Þegar upp er staðið er ökumaðurinn alltaf ábyrgur fyrir því hvernig bílnum er stjórnað. Búnaður sem hér er lýst kann að vera aukabúnaður og framboð hans kann að vera breytilegt á milli landa.