Անվտանգություն
Ավտոմեքենայի անվտանգության պատմության մեջ մենք ստեղծել ենք ամենակարևոր գործառույթներից մի քանիսը: Մեր տեխնոլոգիաները բերում են իրական օգուտ, և դա միայն սկիզբն է:
1959 թվական Եռակետ ամրագոտի
Volvo-ի ինժեներ Նիլս Բոհլինը առաջին անգամ եռակետ ամրագոտին ներկայացրեց PV544 մոդելում, ինչը թույլ տվեց փրկել միլիոնից ավելի կյանքեր, քանի որ Volvo Cars-ը հրաժարվեց տվյալ գյուտի համար իր արտոնագրից անվտանգության այս գործառույթը բոլորին հասանելի դարձնելու համար:
1972 թվական Երթևեկության ուղղությանը հակառակ շրջված մանկական նստատեղ
Հիշո՞ւմ եք տիեզերագնացների վաղ լուսանկարները, երբ նրանք տիեզերանավի մեկնարկի պահին պառկած էին մեջքի վրա՝ փորձելով հավասարաչափ բաշխել իրենց մարմնի վրա ազդող ուժը: Երթևեկության ուղղությանը հակառակ շրջված մեր առաջին մանկական նստատեղի հիմքում ընկած էր հենց այդ սկզբունքը, ինչը թույլ էր տալիս հավասարաչափ բաշխել բեռը և նվազեցնել վնասվածքները:
1978 թվական
Մանկական նստատեղ
Մենք ստեղծել ենք ամրագոտիով ամրացվող աշխարհում առաջին մանկական նստատեղը, որը թույլ է տալիս 4 տարեկանից բարձր տարիքի երեխաներին ճանապարհորդել երթևեկության ուղղությանը համընթաց ավելի բարձր պաշտպանության և հարմարավետության պայմաններում:
1990 թվական
Աշխարհում առաջին ինտեգրված մանկական նստատեղը
Առաջին մանկական ինտեգրված նստատեղի ներկայացումը ևս մեկ հսկայական քայլ էր երեխաների անվտանգության ապահովման ուղղությամբ: Այն նախագծվել է՝ հաշվի առնելով ավտոմեքենայի սահմանափակումները, և ապահովել պրեմիում դասի պաշտպանությունն ու հարմարավետությունը երիտասարդ ուղևորների համար:
1991 թվական
Պաշտպանության համակարգ կողային ազդեցությունից (SIPS)
Հաջորդ նշաձողը ավտոմեքենայի դիզայնի անբաժան մասն էր, որն ուներ չափազանց ամուր կառուցվածք և էներգիա կլանող նյութեր, որոնք տեղակայված էին սրահում և նույնիսկ նստատեղերին:
1991 թվական Անվտանգության կողային բարձիկներ
Մեր կողմից ներկայացված ևս մեկ համաշխարհային նորույթ էր կողային ազդեցությունից իրանը պաշտպանող անվտանգության բարձիկները կամ SIPS բարձիկները:
1998 թվական Ողնաշարի վնասվածքների պաշտպանության համակարգ (WHIPS)
Նստատեղի և գլխակալի խելացի կառուցվածքի շնորհիվ WHIPS-ն ապահովում է հավասարաչափ աջակցում և էներգիայի կլանում հետևից հարվածի դեպքում՝ օգնելով նվազեցնել ողնաշարի վնասվածքներ ստանալու վտանգը:
1998 թվական Անվտանգության կողային վարագույրներ
Բարձիկների առաջին համակարգն էր, որն առաջարկում էր բարելավված պաշտպանություն ինչպես առջևի, այնպես էլ երկրորդ շարքի ուղևորների համար: Թաքնված լինելով ավտոմեքենայի առաստաղի մեջ՝ այն օգնում է պաշտպանել ուղևորի գլուխը կողային հարվածի կամ շրջվելու դեպքում:
Մուտք գործելով նոր հազարամյակ՝ մենք շարունակեցինք նորարարական անվտանգության գործառույթների ներկայացումը:
2002 թվական
Կողաշրջումից պաշտպանող համակարգ (ROPS)
Քանի որ քաղաքային ամենագնացները ավելի լայն տարածում են ստանում, մենք ամրապնդել ենք մեր քաղաքային ամենագնացների կայունությունը կողաշրջման կանխարգելման էլեկտրոնային համակարգի օգտագործման շնորհիվ: Բարելավել ենք դրանց թափքի դիզայնը, կառուցվածքը և կրճատել ենք սահմանափակումները կողաշրջմամբ վթարների դեպքում պաշտպանությունը բարելավելու համար:
2003 թվական Կույր գոտիների վերահսկողության համակարգ (BLIS)
Կույր գոտիների վերահսկողության համակարգը (BLIS) տեսախցիկների կամ ռադարների օգնությամբ հայտնաբերում է Ձեր ավտոմեքենային մոտեցող այլ ավտոմեքենաները: Կողային հայելիների վրա գտնվող նախազգուշացնող լույսը Ձեզ տալիս է արձագանքելու ավելի շատ ժամանակ:
2008 թվական Անվտանգություն քաղաքային պայմաններում
Առաջին իսկ Volvo XC60 մոդելում մենք ներկայացրեցինք վթարային արգելակման այս ինքնավար համակարգը՝ որպես բոլոր նոր առաջիկա Volvo մոդելների ստանդարտ: Ցածր արագությունների դեպքում այն օգնում է նվազեցնել հետևից հարված ստանալու վտանգը՝ օգտագործելով լազերային հայտնաբերման համակարգը:
2010 թվական
Հետիոտների հայտնաբերում լիարժեք ավտոմատ արգելակման համակարգի միջոցով
Մեր անվտանգության նորարարական համակարգերը ապահովում են նաև ավտոմեքենայից դուրս գտնվող մարդկանց անվտանգությունը: Ավտոմեքենայի առջև հետիոտնի հայտնվելու պարագայում ռադարով և տեսախցիկով համալրված այս համակարգը նախազգուշացնում է վարորդին և կարող է ինքնաարգելակվել վարորդի արձագանքի բացակայության դեպքում:
2014 թվական
Պաշտպանություն ճանապարհից շեղվելիս
Լինելով առաջին ընկերություններից մեկը, ով ուսումնասիրել է ճանապարհային վթարները, մենք կենտրոնացել ենք ուղևորներին իրենց տեղերում ամուր ֆիքսելու խնդրի վրա՝ ամրագոտիները ավելի ձիգ կապելու և էներգիա կլանող նյութից պատրաստված նստատեղեր օգտագործելու միջոցով, ինչը թույլ է տալիս նվազեցնել ողնաշարի վնասվածքներ ստանալու վտանգը:
2016 թվական Հեռահար հաղորդակցման անվտանգության համակարգ
Սայթաքուն ճանապարհի և Վթարային լույսերի մասին նախազգուշացման համակարգերն օգտագործում են ամպային տիրույթը՝ ավտոմեքենաների միջև կարևոր տվյալներ համօգտագործելու, ճանապարհի սայթաքուն հատվածների կամ վթարային լույսերն ակտիվացրած մեքենաների մասին վարորդին նախազգուշացնելու համար։
2018 թվական
Արգելակման միջոցով հանդիպակաց ավտոմեքենայի հետ բախման ուժի նվազեցում
Եթե հանդիպակաց ուղղությամբ ընթացող ավտոմեքենան դուրս է եկել Ձեր երթևեկելի գոտի և բախումն անխուսափելի է, այս գործառույթը կարող է օգնել նվազեցնել բախման ուժը ավտոմեքենայի արագությունը նվազեցնելու միջոցով։
2019 թվական E.V.A.(հավասար ավտոմեքենաներ բոլորի համար, Equal Vehicles for All) նախաձեռնություն
1970-ական թվականներից ի վեր մենք հավաքագրել ենք ավտովթարների զանազան տվյալներ՝ ավելի լավ պատկերացում կազմելու, թե ինչ է տեղի ունենում, երբ ավտոմեքենաները բախվում են։ E.V.A. նախաձեռնության շնորհիվ մենք այդ տվյալները հասանելի ենք դարձրել թվային գրադարանի տեսքով ներբեռնելու համար։
2020 թվական Արագության սահմանափակում
Արագության գերազանցման հետ կապված ռիսկերի մասին հստակ ազդանշան ուղարկելու նպատակով մենք նվազեցրել ենք մոր բոլոր նոր մեքենաների առավելագույն արագությունը մինչև 180 կմ/ժ և միաժամանակ վերահաստատել ճանապարհատրանսպորտային պատահարների հետևանքով մահացության դեպքերը զրոյի հասցնելու մեր հանձնառությունը վարորդի գործողություններին աջակցելու միջոցով։
Անվտանգության մեր առաջիկա գործառույթների շնորհիվ մենք մուտք ենք գործում անվտանգության և Volvo Cars ավտոմեքենաների նոր դարաշրջան։
2023 թվական Լույսի և հեռավորության հայտնաբերում
Բարձր զգայունությամբ սենսորների վրա հիմնված lidar տեխնոլոգիան չափազանց կարևոր դեր է խաղում անվտանգ ինքնավար ավտոմեքենաների ստեղծման գործում։ Այն օգնում է նկատել այլ ավտոմեքենաները, հետիոտներին և հեծանվորդներին։
2023 թվական Վարորդին աջակցող համակարգ
2 տեսախցիկներով համալրված այս համակարգը կարող է հայտնաբերել վարորդի քնկոտ, նույնիսկ գինովցած վիճակում լինելը: Համակարգը, անհրաժեշտության դեպքում, կակտիվացնի պաշտպանիչ վահանը և կձեռնարկի համապատասխան հակամիջոցներ անվտանգ երթևեկությունն ապահովելու համար:
Բոլոր Recharge մոդելները
Volvo Cars-ի անվտանգության առանձնահատկություններով համալրված ավտոմեքենաները նախատեսված չեն խախտումներով, ագրեսիվ, անապահով վարելու համար: Բոլոր դեպքերում ավտոմեքենայի անվտանգ երթևեկության համար պատասխանատու է վարորդը: Նկարագրված գործառույթների հասանելիությունը կախված է տվյալ երկրից: