Անվտանգություն
Մենք միշտ մոտեցել ենք անվտանգությանը հետազոտությունների միջոցով և օգտագործել տվյալներ մեր որոշումները տեղեկացնելու համար:1970թ.-ից ի վեր մենք ուսումնասիրել ենք ավելի քան 43,000 ավտոմեքենա, որոնք իրական կյանքում ենթարկվել են վթարների, որոնցում եղել է ավելի քան 72,000 մարդ:
E.V.A. նախաձեռնություն. ապահով ավտոմեքենաներ բոլորի համար
Այս նախաձեռնությունը նպատակ ունի ապահովելու բոլորի մասնակցությունը՝ ոչ միայն տղամարդկանց, այլ նաև՝ կանանց և երեխաների, երբ խոսքը վերաբերում է անվտանգությանը:
Ավելի քան 40 տարվա հետազոտությունների արդյունքը
1970 թվականին ստեղծվեց Volvo-ի ճանապարհատրանսպորտային պատահարների հետազոտման թիմը, որոնց առաքելությունն էր ստեղծել հետազոտության արդյունքների վրա հիմնված այս լայնածավալ գիտելիքների շտեմարանը: Սա հիմք հանդիսացավ անվտանգության բազմաթիվ նորամուծությունների ստեղծմանը, որոնք այսօր տեսնում ենք ավտոմեքենաներում:
«Երկար ժամանակ հավաքելով իրական կյանքից տվյալներ՝ հնարավոր է եղել պարզել, թե ինչ վնասվածքներ են առաջանում տարբեր վթարների ժամանակ տղամարդկանց, կանանց, և երեխաների մոտ»
Պր. Լոտտա Յակոբսոն՝ Volvo Cars-ի անվտանգության կենտրոնի տեխնիկական բաժնի ավագ մասնագետ:
Նորարար հատկություններ, որոնք տարբերվում են
Volvo-ի նորարարությունը՝ SIPS-ն (Side Impact Protection System/ Պաշտպանության համակարգ կողային ազդեցությունից), հիմնված է խելացի կառուցվածքի վրա՝ բարելավելու ընդհանուր անվտանգությունը: Ուսումնասիրությունները ցույց են տալիս, որ կողային հարվածի անվտանգության բարձիկի հետ միասին SIPS-ն կարող է նվազեցնել բոլոր ուղևորների կրծքավանդակի ծանր վնասվածքների ավելի քան 50 տոկոսը:
Բացի SIPS-ից, կողային հարվածի բախման դեպքում կողային վարագույրների անվտանգության բարձիկները կարող են նվազեցնել գլխի վնասվածքների վտանգը մոտավորապես 75%-ով: Այն անվտանգության բարձիկների առաջին համակարգն էր, որն ակտիվանում էր 0,04 վայրկյանում և առաջարկում էր բարելավված պաշտպանություն առջևի և երկրորդ շարքի ուղևորների համար:
Երթևեկության ամենաարդյունավետ փրկարարը
Քանի որ մենք ներկայացրել ենք անվտանգության ամրագոտին ավելի քան 60 տարի առաջ, այն փրկել է ավելի քան մեկ միլիոն կյանք: Բոլոր տեսակի վթարների ժամանակ այն առաջարկում է հսկայական պաշտպանություն ուղևորների համար՝ անկախ չափից, սեռից և մարմնի ձևից:
Մեր հետազոտությունների կիսումը աշխարհի հետ
Մենք հավատում ենք, որ յուրաքանչյուր ոք իրավունք ունի ապահով լինելու: 2019 թվականից ի վեր E.V.A նախաձեռնության շնորհիվ մենք կիսվել ենք ավելի քան 40 տարվա անվտանգության հետազոտություններով: Ցանկացած մարդ կարող է ներբեռնել այն:
Բոլոր Recharge մոդելները
Volvo Cars-ի անվտանգության առանձնահատկություններով համալրված ավտոմեքենաները նախատեսված չեն խախտումներով, ագրեսիվ, անապահով վարելու համար: Բոլոր դեպքերում ավտոմեքենայի անվտանգ երթևեկության համար պատասխանատու է վարորդը: Նկարագրված գործառույթների հասանելիությունը կախված է տվյալ երկրից: