Kynntu þér raunverulega drægni rafbílsins með drægnireikninum okkar.

Vottaðar drægnitölur eru oft það fyrsta sem fólk sér þegar það skoðar rafbíl. Þær birtast í fyrirsögnum og samsetingarkerfum á vefnum sem og öðru kynningarefni og byggja á stöðluðum prófunaraðferðum, eins og WLTP (flest svæði), CLTC (Kína) og EPA sviðið (Bandaríkin og Kanada).

En eins og margir ökumenn rafbíla vita er drægni ekki bara tala. Það fer eftir því hvernig og hvar þú ekur.

Hitastig, hraði, ástand vega og jafnvel veðurfar hafa áhrif á hversu langt rafbíll kemst. Áskorunin er að hjálpa ökumönnum að skilja hvað það þýðir í reynd, án þess að flækja hlutina um of.

Drægnireiknirinn er aðgengilegur á vefsíðum Volvo Cars og hjálpar þér að átta þig á því hvernig vottuð drægni getur litið út við raunverulegar akstursaðstæður. Með því að breyta þáttum á borð við útihita, akstursmynstur og notkun loftslagsstýringa sérðu hvernig drægnin getur breyst eftir aðstæðum.

„Vottaða drægnitalan er áreiðanleg og afar mikilvæg,“ segir Roy Ogink, tæknilegur verkefnisstjóri teymisins á bak við drægnireikninn. „Við bætum við því samhengi sem þarf svo væntingar viðskiptavina endurspegli betur raunveruleikann við mismunandi akstursaðstæður – strax frá upphafi.“

Vottuð drægni og raunveruleg drægni

Vottuð drægni er mæld við stöðluð og stýrð prófunarskilyrði. Bílnum er ekið samkvæmt fyrirfram skilgreindri aksturslotu í rannsóknarstofu, með slökkt á loftslagsstýringu, engum vindi og hagstæðu hitastigi. Tilgangurinn er að skapa samræmdan viðmiðunarpunkt sem gerir sanngjarnan samanburð mögulegan. Sömu stöðluðu prófunarskilyrði gilda fyrir alla bílaframleiðendur.

Raunverulegur akstur getur auðvitað litið öðruvísi út.

"Það gæti verið vetur," segir Roy. "Þú gætir keyrt hraðar, flutt farþega eða notað miðstöðina meira. Allt þetta hefur áhrif á orkunotkun, því eðlisfræði er eðlisfræði. Það er ekkert öðruvísi en að skilvirkni og drægni bensínbíls verði fyrir áhrifum af akstursskilyrðum."

Í stað þess að láta ökumenn sjá þennan mun sjálfir þróuðum við drægnireikni til að bjóða upp á skýrari nálgun byggða á gögnum. Stilltu hitastig, samsetningu vega og loftslag og þú getur séð hvernig áætluð drægni breytist.

"Markmiðið er að hjálpa fólki að átta sig betur á þeim þáttum sem hafa áhrif á drægni rafbíls, í stað þess að einblína eingöngu á eina tölu. Þannig geta ökumenn tekið upplýstari ákvarðanir og ekið af meira öryggi," segir Roy.

Byggt á gögnum Volvo

Að baki drægnireikninum liggja ítarlegar hermilíkanagreiningar sem þróaðar voru af verkfræðingum Volvo Cars og staðfestar með raunverulegum gögnum úr bílum. Reiknirinn endurspeglar hvernig bíllinn hagar sér við mismunandi akstursaðstæður og byggir á sömu grunnaðferðum og notaðar eru við þróun og mat á orkunýtni bíla Volvo.

Jafnframt er drægnireiknirinn hannaður með einfaldleika í huga, svo auðvelt sé að nota hann án þess að þurfa að fara í gegnum óþarflega margar stillingar eða sviðsmyndir.

Niðurstaðan er drægnireiknir sem er bæði einfaldur í notkun og byggir á traustum gögnum og verkfræðilegri þekkingu. Þegar þú opnar hann eru sjálfgefnar stillingar svipaðar þeim sem margir ökumenn Volvo sjá í sínum eigin bílum. Þú getur síðan breytt forsendunum og séð hvernig akstursvenjur þínar hafa áhrif á drægnina.

Skýrleiki byggir upp sjálfstraust

Eftir því sem rafbílar verða sífellt algengari skiptir meira máli að skilja hvernig þeir standa sig í daglegum akstri. Drægnireiknirinn hjálpar til við að skapa betri skilning á því, um leið og við vinnum stöðugt að því að bæta raunverulega drægni og orkunýtni rafbílanna okkar.

Nýr EX60 er gott dæmi um þetta. Hann er byggður á nýjasta SPA3-grunninum okkar, sem er búinn snjöllu hitastýringarkerfi sem sér um að hita eða kæla bæði farþegarýmið og rafhlöðuna á skilvirkan hátt þegar þess þarf. Líkt og aðrir rafbílar frá Volvo er aflrásin einnig hönnuð með það að markmiði að skila framúrskarandi afköstum, ekki aðeins í vottunarprófunum heldur einnig við raunverulegar akstursaðstæður.

Með því að greina gögn úr raunverulegum akstri fáum við betri innsýn í hvernig fólk notar bíla sína í daglegu lífi. Það hjálpar okkur að beina þróunarvinnunni þangað sem hún skiptir mestu máli.

Þú finnur drægnireikninn á mörgum af vefsíðum okkar, þar á meðal á flestum mörkuðum í Evrópu.

Drægnitölur úr drægnireikninum eru áætlaðar og byggja á eigin prófunum Volvo Cars. Niðurstöðurnar eru ekki tryggðar. Raunveruleg drægni getur verið breytileg eftir aksturslagi og öðrum ytri aðstæðum.