fréttir

Við höfum hafið afhendingar á nýja EX60 rafmagnsjeppanum okkar

Rafmagnsjeppinn Volvo EX60 er nú kominn í hendur fyrstu viðskiptavinanna í Svíþjóð. Fleiri munu fylgja í kjölfarið á næstu vikum og mánuðum.

Sjálfbærni

EX60

Við erum byrjuð að afhenda viðskiptavinum nýja Volvo EX60-rafbílinn okkar.

Kynntu þér EX60

Það er ekkert alveg eins og afhendingardagur. Biðinni er lokið og fyrstu Volvo EX60-bílarnir eru nú formlega komnir í hendur viðskiptavina okkar! Fyrstu viðskiptavinirnir í Svíþjóð fengu EX60 afhentan fyrr í vikunni og mun fjöldi fleiri fylgja í kjölfarið á næstu vikum og mánuðum.

Volvo EX60, sem var frumsýndur í janúar og fékk afar góðar viðtökur, markar tímamót fyrir Volvo og viðskiptavini okkar. Hann býður upp á allt að 810 km drægni, hægt er að hlaða rafhlöðuna úr 10% í 80% á aðeins 16 mínútum* og verðlagning hans er sambærileg við Volvo XC60 tengiltvinnbílinn, söluhæstu gerð Volvo.

Fimm sæta Volvo EX60 sameinar langa drægni og hraðhleðslu sem gerir langar ferðir einfaldari, nýja og leiðandi notendaupplifun og næstu kynslóð öryggistækni sem byggir á öflugri kjarnatölvu bílsins. EX60 er jafnframt fyrsta gerð Volvo í stærsta flokki rafknúinna bíla á heimsvísu og gerir okkur kleift að ná til enn fleiri viðskiptavina og styrkja stöðu okkar á markaði fyrir rafbíla. 

Framleiðsla Volvo EX60 og afhendingar til viðskiptavina munu aukast jafnt og þétt á síðari hluta ársins 2026. Pantanir eru áfram opnar um alla Evrópu og nýlega var einnig opnað fyrir pantanir í Bandaríkjunum.

"Þetta eru mikil tímamót fyrir okkur og viðskiptavini okkar,“ segir Erik Severinson, framkvæmdastjóri viðskiptasviðs Volvo Cars.„Að baki EX60 liggja þúsundir vinnustunda og ótal kílómetrar af þróunarvinnu við einn fullkomnasta bíl á markaðnum. Það er því sérstök ánægja að sjá fyrstu viðskiptavinina taka við sínum eigin EX60.Við erum þakklát þeim sem þegar hafa valið EX60 sem næsta bíl sinn og hlökkum til að bjóða marga fleiri velkomna á næstu vikum, mánuðum og árum."

Drægni í fremsta flokki

EX60 kemst allt að 810 km á einni hleðslu í fjórhjóladrifinni útfærslu – drægni sem er sú besta í sínum flokki. Það er ekki aðeins lengri drægni en nokkur annar rafbíll frá Volvo hefur boðið upp á til þessa, heldur einnig meiri en hjá nýjustu keppinautum hans. Með því setur EX60 ný viðmið í sínum flokki.

Sama metnaðarfulla nálgun endurspeglast í hleðslugetunni. Stutt kaffihlé er nóg til að hlaða bílinn og halda ferðinni áfram. EX60 bætir við allt að 340 km drægni á aðeins tíu mínútum þegar notuð er 400 kW hraðhleðslustöð.

Með öðrum orðum veitir EX60 það öryggi og það sjálfstraust sem þarf til að leggja af stað án þess að hafa áhyggjur af drægninni. Hann sýnir að rafbíll krefst ekki lengur málamiðlana. Hönnun, verkfræði, vélbúnaður og hugbúnaður vinna saman að því að hámarka drægnina og skila aksturseiginleikum sem standast samanburð við marga bensínbíla.

EX60 er fáanlegur með þremur mismunandi aflrásarútfærslum. P12 AWD Electric útfærslan býður upp á allt að 810 km drægni í sínum flokki, en P10 AWD Electric stimplar sig inn með allt að 660 km drægni. Afturhjóladrifin P6 Electric útfærsla skilar allt að 611 km drægni. Allt í allt er EX60 fáanlegur í sjö aðlaðandi útfærslum sem henta öllum þörfum og lífsstíl.

EX60 sýnir einnig vel hvað Volvo er fært um. Hann er fyrsti fullrafmagnaði Volvo-bíllinn sem er hannaður, þróaður og framleiddur í Svíþjóð. EX60 er byggður á nýja SPA3-grunninum, sveigjanlegum bílagrunni sem innleiðir nýja framleiðslutækni á borð við megasteypu og cell-to-body rafhlöðutækni.

Smáa letrið 

Allt að 810 km drægni á við um EX60 P12 AWD, en mögulegur hleðslutími upp á 10–80 prósent á 16 mínútum á við um EX60 P10 AWD og P6 RWD afbrigði.

Tölur um drægni eru til bráðabirgða og byggðar á WLTP-prófunarstöðlum sem fengnir eru við sérstakar prófunaraðstæður. Raundrægni getur verið breytileg eftir hleðslustöðu, tæknilýsingu bíls, hitastigi utandyra, hitastigi rafhlöðunnar, veðri, landslagi, aksturslagi og hraða bílsins.

Hleðslutími getur verið mismunandi og ræðst af ýmsum þáttum eins og hitastigi utandyra, ástandi rafhlöðunnar og ástandi bílsins. Hleðslutími byggist á prófunum á 400 kW hleðslustöðvum.