Þessi sjóferð er ekkert gamanmál, en þó er gaman að segja frá því að allra fyrsta Úthafssiglingakeppnin var haldin árið 1973 í kjölfar veðmáls á krá.
Síðla á 10. áratug síðustu aldar keypti Volvo Group (sem Volvo Cars var þá hluti af) hins vegar keppnina og hélt þessa sögufrægu keppni til ársins 2018, þegar við létum af eignarhaldi keppninnar. Þrátt fyrir breytt eignarhald hefur Volvo Cars haldið áfram skuldbindingu sinni við keppnina, og fyrirtækið er stoltur aðalstyrktaraðili keppninnar 2023.
Frá upphafsdögum Úthafskeppninnnar hefur aðaláhersla verið lögð á sjálfbærni, bæði frá sjónarhóli sjálfbærrar skipulagningar (sem er ekki lítið þegar litið er til stærðar og umfangs viðburðarins) og að því er varðar fræðslu meðan á keppninni stendur. Einnig eru haldnar úthafsráðstefnur þegar liðin leggja að landi, þar sem rætt er hvernig bæta má ástand úthafanna, auk þess sem bátarnir eru notaðir til að rannsaka ástand hafsins. Í keppninni í ár verður One Blue Voice campaign kynnt til stuðnings alheimsyfirlýsingar um réttindi úthafanna. Markmið herferðarinnar er að fá almenning til að skrifa undir undirskriftalista á netinu sem verður lagður fram í samstarfi við Allsherjarþing Sameinuðu þjóðanna í New York í september 2023.
Undirskriftarlistinn verður lagður fram ásamt drögum að meginreglum um skýrar leiðir og aðgerðir í átt að bættu ástandi úthafanna. Þessar meginreglur eru afrakstur 12 Ocean Race Summits sem ætlað er að koma á breytingum og innleiða stefnur til að bregðast við helstu vandamálunum sem steðja að úthöfunum.
Það er ekkert launungarmál að Volvo Cars hefur skuldbundið sig til að stuðla að sjálfbærri framtíð, með skýr markmið um að rafvæða allan bílaflotann fyrir árið 2030 og að verða kolefnishlutlaust fyrirtæki fyrir árið 2040. Því mun Volvo Cars setja upp gagnvirka sýningarsali við allar hafnir keppninnar til að kynna nýjustu bílana, ræða um rafmagnaða framtíð fyrirtækisins og deila vegferð sinni til sjálfbærni með öllum sem sækja keppnina.
