Новото Volvo S60

Посебните детали го зголемуваат моќниот карактер на S60 и го идентификуваат како еден од новата генерација автомобили на Volvo. Истакнатата предна решетка гордо го носи амблемот Volvo, додека долгата хауба и длабокиот преден браник ја истакнуваат моќноста. LED-фаровите со единствениот заштитен Т-облик на Vovlo Cars, создаваат непогрешливо присуство во денски и ноќни услови. Во задниот дел, крајот на багажникот се крева нагоре за поспортски изглед и подобра аеродинамика при поголема брзина.

S60 нуди избор од режими на возење со кои може да го прилагодите возењето во зависност на вашето расположение. Има три стандардни подесувања за моторот, автоматски менувач, волан и систем за контрола на стабилноста, кои имаат фокус кон динамичното возење, удобноста, економичноста на моторот и намалување на емисиите. Исто така може да креирате и индивидуален режим кој е ваша лична комбинација. Кај plug-in хибридните модели ADW е достапно.

S60 е скроен за возбудливо возење. Елегантниот централен екран на допир е лесен за користење, додека уникатните вентили за воздух имаат тенки и метални дизајни на контролите со завршеток на дијамантски пресек. Истите завршетоци се користат за копчето за вклучување на моторот, копчињата за режимот за возење и копчињата на воланот. Пакетот R-Design му дава атлетски изглед на автомобилот, со Metal Mesh алуминиумскиот декоративен панел и контрасните линии за седиштата, централната конзола, вратите и менувачот. Пакетот Inscription вклучува декоративни панели од Driftwood, уникатен третман на дрвото.

Централниот екран на допир е суштината на лесниот начин на поврзување со S60. Има опција за хоризонтално и вертикално гледање со што се олеснува следењето на информациите и се намалува потребата за листање, исто така 9-инчниот екран има специјален нерефлектирачки слој и е толку респонзивен што може да го користите додека носите ракавици.

S60 е достапен и со сончев панорамски покрив кој го освежува ентериерот со многу природна светлина. Неговата големина овозможува патниците од задниот и од предниот дел да уживаат во него, додека специјално затемнетото стакло го намалува преносот на топлината и UV-зраците. Штитникот од сонце за сончевиот кров се контролира електрично и може да се затвори доколку не сакате дополнителна светлина во кабината, исто така голем дел од предниот дел на сончевиот кров може да се навали или да се отвори за да се овозможи поголема вентилација. 

Моделите на S60 со T6 Twin мотор и T8 Twin мотор имаат plug-in хибридна моќност што ви дава исклучителни перформанси, разновидност и ефикасност и сè тоа во комбинација со бензиски мотор со четири цилиндри. Во зависност од вашите потреби, S60 моделите со Twin мотор нудат различни режими на возење. Pure режимот нуди електрична моќност со нула емисии за извршување на секојдневните обврски, додека Power режимот нуди најголема моќност и најбрзи реакции. Стандардниот Hybrid режим прави комбинација од двата мотора и ја користи моќноста од двата извора, со цел овозможување непречено и ефикасно возење.

Иновативните мотори кои се достапни за S60 ги балансираат силните перформанси со ниската емисија и потрошувачката на гориво, за да може одговорно да уживате во чувството на моќ. Сите мотори се со четири цилиндри и турбочарџери за максимални реакции. Т6 моторот има и суперчарџер за уште побрзи реакции. Моќта се пренесува преку менувачот кој нуди лесно и непрекинато ракување - автоматски 8-брзински Geartronic со педали на воланот за R-Design пакетите, или шестбрзински рачен менувач. 

Паметната технологија и интеграцијата на паметните телефони овозможуваат уникатно уживање во вашата омилена музика и поткасти во S60. Интегрираната апликација Spotify означува дека нема потреба да го поврзувате вашиот телефон. Поддршката за Apple CarPlay Ви овозможува да поврзете iPhone на Apple, а исто така поддржан е и Android Auto. Интуитивниот централен  екран на допир на автомобилот или едноставната гласовна контрола е сè што ви е потребно за да пристапите во светот на забавата. Пакетот Sensus Connect ви дава пристап до голем број дополнителни апликации што значи дека можете да уживате во интернет радио и аудиокниги во вашиот S60.

"Апликацијата Volvo On Call* го поврзува вашиот телефон, таблет или уред кој е погоден за носење со вашиот S60 за да го направи животот помалку комплициран и попријатен. Едноставниот интерфејс ви нуди мноштво  корисни функции, како што е можноста за предзагревање или предладење на вашиот S60, заклучување или отклучување и пронаоѓање на вашиот автомобил во преполн паркинг.

Volvo On Call е ваш личен организатор; користете го како потсетник за Вашите состаноци, каде се наоѓаат и како да стигнете до таму. Можноста за поврзување на Вашето Volvo на интернет преку SIM-картичка, Ви обезбедува Wi-Fi конекција внатре во автомобилот каде и да одите. 

* Функциите на Volvo On Call се разликуваат во зависност од пазарот"

Аудиосистемот на Bowers & Wilkins е највисоко ниво на аудиосистем за S60. Вкупниот излез е 1100 вати преку 15 звучници, додека трите различни режими на слушање - Studio, Individual Stage и Gothenburg Concert Hall - ви овозможуваат да го прилагодите звукот на вашата музика или расположение. Деталите како што се панели за звучници од не`рѓосувачки челик, логото на Bowers & Wilkins и посебните жолти детали на звучниците создаваат ексклузивен визуелен впечаток. Системот располага со уникатен нискотонец со воздушен вентил кој е вграден на самата основа на автомобилот за да создаде прецизни и моќни бас-тонови.

Pillot Assist е помошна функција што го прави возењето во голем метеж помалку заморно. Оваа функција за возење се базира на функцијата за контрола на активниот темпомат - покрај тоа што ја одржува поставената брзина и растојание со возилото пред вас, исто така презема контрола и врз воланот за да го одржи автомобилот во средината на лентата. Pillot Assist работи на брзина до 130 км/ч и Ви помага во намалување на напорот при возење на автопат со метеж.

City Sarety е иновација на Volvo Cars која помага во заштита на патниците во S60 и луѓето надвор од него со тоа што предвидува потенцијална опасност. Користи технологија со примена на радар и камера за да ја идентификува потенцијалната опасност, како што се други возила, велосипедисти, пешаци и поголеми животни во денски и ноќни услови. Го предупредува возачот доколку има опасност од судир и доколку возачот не реагира навремено, City Safety може автоматски да ги вклучи сопирачките за да помогне во избегнување или ублажување на судир. Во S60, City Safety исто така вклучува и поддршка при управување на воланот, која му помага на возачот при одбегнување на опасноста најефикасно и најбезбедно што може.

Додатете го вашиот личен стил на S60. За покорисно присуство, додадете некој од додатоците за стилизирање на екстериерот кои вклучуваат предни и задни сплитери, лајсни, заден дифузер и интегриран одделен ауспух кој создава моќен впечаток. 

Опционалните алуминиумски фелни го истакнуваат возбудливиот карактер на автомобилот.