Полнење на вашиот Volvo

Сè што треба да знаете за полнење на вашиот автомобил

Близок кадар на предната лева четвртина од нов темносив Volvo електричен автомобил, со бел кабел за полнење приклучен во портата за полнење на возилото.

Како да го полните автомобилот е клучен дел од поседувањето електричен автомобил. Откријте како автомобилот Volvo Recharge може да се вклопи во вашиот животен стил.

Целосно електричен автомобил

Понекогаш тивкиот начин е најмоќниот начин, со нула издувни гасови и помалку бучава при сите брзини. Опремен со високонапонска батерија и двојни електрични мотори, нашиот XC40 Recharge целосно електричен автомобил е чист напредок за претстојниот пат.

Plug-in хибрид

Помалку гориво, поголема цел. Кај нашите Recharge plug-in хибриди, електричниот мотор и моторот со внатрешно согорување се здружени за да се овозможи избор на Pure електричен режим, моќен режим и хибриден режим, давајќи ви целосна контрола на возење и помалку издувни гасови.

Нашите електрични погони Recharge

Нудиме два типа електрични погони Recharge, дизајнирани да се адаптираат на широк спектар потреби за возење.

Каде може да полнам? Достапноста на места за полнење игра голема улога во секојдневното доживување на поседувањето електричен автомобил.

Птичја перспектива на дигитален цртеж од сребрен Volvo XC40 Recharge целосно електричен приклучен и се полни дома.
Птичја перспектива на дигитален цртеж од сребрен Volvo XC40 Recharge целосно електричен теренец приклучен на станица за полнење во гаража од станбена зграда.
Птичја перспектива на дигитален цртеж од сребрен Volvo XC40 Recharge целосно електричен приклучен на станица за полнење додека е паркиран паралелно на јавна улица.
Птичја перспектива на дигитален цртеж од сребрен Volvo XC40 Recharge целосно електричен приклучен и се полни дома.

Постојан пристап до места за полнење

Ако паркирате во гаража, дома или на работа, лесно е да го интегрирате полнењето во секојдневната рутина. Нашите целосно електрични и plug-in хибридни автомобили се одлични опции.

Птичја перспектива на дигитален цртеж од сребрен Volvo XC40 Recharge целосно електричен теренец приклучен на станица за полнење во гаража од станбена зграда.

Повремен пристап до места за полнење

Со повремен пристап до места за полнење, plug-in хибриден автомобил – којшто користи гориво кога не можете да го наполните – може да понуди поголема флексибилност. Целосно електричен автомобил може исто така да одговара, зависно од навиките на возење.

Птичја перспектива на дигитален цртеж од сребрен Volvo XC40 Recharge целосно електричен приклучен на станица за полнење додека е паркиран паралелно на јавна улица.

Зависни од јавни станици за полнење

Кога зависите од краткотрајно полнење од јавна станица – како во теретаната или трговскиот центар – plug-in хибридот може да биде одлична опција. Алтернативно, се препорачува благиот хибрид - кој што складира енергија од сопирањето.

Колку често треба да полнам? Зачестеноста на полнењето зависи од тоа колку далеку возите во денот и од досегот на вашиот автомобил.

Кратки растојанија

Со целосно електрично возило, треба да имате доволно досег за секојдневните патувања и веројатно ќе треба да полните само неколку пати неделно. Со plug-in хибридот, може да возите и во двете насоки со електричен погон, но можеби ќе треба да полните по секое патување за да го минимизирате користењето на горивото.

Умерени растојанија

Со целосно електрично возило, треба да имате доволно досег за секојдневните патувања, но можеби ќе треба да полните на секоја крајна дестинација. Со plug-in хибридот, ќе користите комбинација од електрична енергија и гориво.

Подолги растојанија

Целосно електричното возило може да понуди доволно досег за долго патување или викенд-екскурзија, но ќе треба да ги координирате можностите за полнење. Plug-in хибридот ќе користи комбинација од електрична енергија и гориво.

Колку долго се полни?
Времето на полнење се разликува зависно од форматот на полнење и типот на возилото.*

_missing_

Полнење целосно електрично возило

За да максимално се искористи батеријата во целосно електричниот автомобил, препорачуваме полнење со наизменична струја до 90 проценти од капацитетот за секојдневно возење и по можност да не се дозволи нивото на батеријата да падне под 20 проценти. Автомобилот може да понуди голем досег за секојдневни патувања и веројатно ќе треба само да го дополните нивото на батеријата во текот на неделата.

40 мин. – 2 ч.

Со брзо полнење со еднонасочна струја (50 – 150 kW)

8 – 10 ч.

Со брзо полнење со наизменична струја/ѕидно сандаче од 11 kW

Графикон од процент на полнење на батеријата, нагласен од 5 % до 100 % за да се прикаже идеалниот работен досег на батеријата на Plug-in хибридот.

Полнење plug-in хибриден автомобил

Редовното полнење на батеријата до 100 % е одличен начин максимално да се искористи електричниот досег на plug-in хибридот. А со присутниот бензински мотор, нивото на полнење може да се намали без грижа.

3 - 4 ч.

Со брзо полнење со наизменична струја/ѕидно сандаче од 3,6 kW

4 - 8 ч.

Со полнење со наизменична струја со конектор за домаќинство од 220 V

Трошоците за поседување на електричниот автомобил може да бидат значително пониски од оние на автомобил со погон на гориво.

Трошоци за купување

На многу места, трошоците за купување електрично возило се компензираат со даночни олеснувања. Таквите придобивки варираат во различни земји.

Трошоци за одржување

Со помалку подвижни механички делови и течности, сервисот и одржувањето честопати чинат помалку за електричен автомобил.

Трошоци за секојдневна употреба

Повеќето луѓе, полнењето го вршат претежно дома или на работа. Ако поголемиот дел од полнењето можете да го извршите на овие места, струјата за полнење на автомобилот може да чини значително помалку од горивото што е потребно да се помине истата километража.

Што друго треба да знаете за полнењето?

Plug-in хибридните автомобили користат литиум-јонска батерија, слична, но помала од оние што се користат кај целосно електричните автомобили.

Зависно од моделот, Plug-in хибридот може да помине околу 55 km/ 34 милји во Pure електричниот режим, што ви дава можност да патувате низ градот со нула издувни гасови. Ако можете да ги координирате можностите за полнење на работа или на други дестинации, веројатно ќе можете повеќето од вашите пократки патувања да ги направите со целосно електричен погон.

Брзината на полнење зависи од типот на полнењето и неговата моќност, како и од факторите како амбиенталната температура, температурата на батеријата, големината и состојбата на батеријата на автомобилот и капацитетот на вграденото коло за полнење на автомобилот. Општо, конекцијата во домаќинството од 220 V ќе обезбеди досег од околу 7 – 14 km на час, ѕидното сандаче со наизменична струја од 11 kW или јавната станица за полнење ќе обезбеди околу досег од 50 – 60 km на час, а станицата за брзо полнење со еднонасочна струја ќе обезбеди досег помеѓу 30 и 100 km за 10 минути, зависно од моќноста. Ова значи дека полнењето од нула до 100 проценти со ѕидно сандаче со наизменична струја од 11 kW ќе трае приближно 8 часа, а полнењето од нула до 80 проценти на станица за брзо полнење од 150 kW ќе трае околу 40 минути.

Нашите Plug-in хибриди се опремени со кабел за полнење што може да го користите за да се поврзете на домашното напојување за полнење со мало оптоварување. Автомобилот може да се поврзе и на каблите за полнење присутни кај местата за полнење со наизменична струја и станиците за полнење. За местата за полнење со наизменична струја без кабли за полнење, може да користите одделен кабел за таа намена.

Досегот на електричниот погон зависи од многу фактори, вклучително и амбиенталната температура, користењето додатоци како контрола на климата и од начинот на возење, но Volvo XC40 Recharge целосно електричниот автомобил може да понуди досег до 418 km/208 милји со едно полнење. Plug-in хибридните автомобили имаат помал досег на електричен погон, но нудат флексибилност да се продолжи на гориво кога полнењето не е достапно.

* Досегот е според циклусите на возење на WLTP и EPA и реалниот досег може да се разликува. Бројките се базираат на прелиминарна цел. Конечниот сертификат за возилото е на чекање.

Брзината на полнење дома зависи од спецификациите на вашиот електричен систем и од типот на полнење што го користите. Домашен штекер од 220 V обезбедува 7 – 14 km досег на час и потребни се помеѓу 36 и 60 часа до целосно полнење на целосно електричното возило на Volvo. Ѕидно сандаче на домашната трофазна мрежа од 11 kW обезбедува 50 – 60 km досег на час и потребни се околу 8 часа за целосно полнење на целосно електричното возило на Volvo.

Цената на струјата се разликува зависно од локацијата, но честопати е пониска од цената на горивото што е потребно за да се помине еднакво растојание. Ако можете да полните дома или на работа – особено ноќе кога тарифата на струјата е пониска – трошокот по растојание може да биде уште помал.