Fenerët tanë më të përparuar LED sigurojnë një ndriçim të jashtëzakonshëm. Ata ju ndihmojnë të shihni nëpër qoshe dhe të optimizoni vizionin tuaj pa i verbuar të tjerët, duke përshtatur vazhdimisht llojin e dritës. Kur ju ktheni automjetin, fenerët kthehen për të ndriçuar kthesën përpara. Ndriçimi LED ju mundëson të gëzoni rreze të larta me rrezatim edhe më të madh. Ju mund të përdorni rrezen e lartë gjatë gjithë kohës, sepse kur takoni ose parakaloni një automjet tjetër, fenerët ndriçojnë aq sa ju nevojitet, pa e verbuar shoferin tjetër. Nga zona e ndriçuar më e madhe do të përfitojnë edhe përdoruesit e tjerë të rrugës, siç janë këmbësorët dhe çiklistët. Fenerët janë inteligjente: rrezja e lartë fiket kur ju hyni në qytet, por në qoftë se kaloni pranë një shenje të ndriçuar, ajo mbeten e ndezur. Kjo veçori përfshin edhe llambat e mjegullës, të cilat ndihmojnë në përmirësimin e vizionit tuaj kur vozisni në mjegull ose reshje të rënda. Ato lehtësojnë manovrimin me shpejtësi të ulët dhe ecjen mbrapsht në errësirë, duke u kthyer deri në 15 gradë, ndërsa ju drejtoni automjetin, për të ndriçuar zonën afër tij. Gjithashtu, ato plotësojnë dizajnin e veçantë të Volvos suaj.

Adaptive Cruise Control përshtat shpejtësinë për t'ju ndihmuar të mbani një distancë të sigurt nga automjetet më të ngadalshme. Vetëm duhet të zgjidhni shpejtësinë dhe distancën e dëshiruar nga automjeti përpara. Pas kësaj, ju mund të kënaqeni me vozitjen, që nga nisja deri 200 km/h. Gjithashtu, në shpejtësi mbi 70 km/h, Adaptive Cruise Control mbështet parakalimin, duke përshpejtuar makinën tuaj drejt automjetit përpara, kur e ndizni treguesin. Sistemi përshtatet me modalitetet ECO dhe Dynamic Drive, të cilat ju ndihmojnë të kurseni karburant ose të kënaqeni me një eksperiencë më dinamike të vozitjes. Për të siguruar një vozitje edhe më të butë, Adaptive Cruise Control përshtatet gjithashtu me ngritjet dhe zbritjet përpara, në qoftë se makina juaj Volvo është e pajisur me Sensus Navigation. Adaptive Cruise Control është pjesë e IntelliSafe Assist. Ju lutemi të vini re: Shoferi është gjithmonë përgjegjës për kontrollimin e automjetit. Ky funksion është vetëm mbështetës.

Përdorni smartfonin tuaj në një mënyrë më të zgjuar dhe integroni ndërfaqen dhe funksionet e tij të njohura me ekranin qendror të Volvos suaj. Bëni telefonata, shkruani mesazhe, dëgjoni muzikë dhe navigoni lehtësisht duke përdorur ekranin me prekje, kontrollet e timonit ose kontrollin zanor. Lidhja me kabllo nëpërmjet një porti USB shtesë në pjesën e përparme të krahut të ndenjëses siguron që bateria juaj është e karikuar dhe që ju mund të gëzoni sistemin audio me zë të cilësisë së lartë. Integrimi i Smartfonin mbështet iPhone® (versionin 5 ose më të vonshëm) nëpërmjet Apple CarPlay, si edhe smartfonet Android (versionin 5.0 Lollipop ose më të vonshëm nëpërmjet Android Auto. Për më shumë informacion, shihni: http://www.apple.com/ios/carplay/ https://www.android.com/auto/ Apple CarPlay dhe CarPlay janë marka tregtare të Apple Inc. Android Auto është një markë tregtare e Google Inc.

Ekrani i shoferit prej 12 inçesh tregon në mënyrë intuitive informacionin e rëndësishëm për shoferin, duke përfshirë udhëzimet e navigacionit, telefonin dhe shenjat rrugore. Ekrani është i organizuar në mënyrë që të përshtatet me mënyrën se si e përdorni dhe ka katër mënyra grafike për të zgjedhur. Tamam para shoferit, ekrani ka dy instrumente të mëdha të rrumbullakëta dhe një ekran qendror informacioni. Nëse përdorni sistemin e navigacionit, ekrani bëhet më i madh. Që të jetë më i rehatshëm për sytë, ndriçimi i ekranit të shoferit përshtatet automatikisht me dritën e jashtme.