Новото Volvo V60

Фино изработените надворешни детали Ви даваат на знаење дека V60 е дел од новата генерација на Volvo Cars. Гордата предна решетка го поставува тонот, додека извајаните страни го нагласуваат го нагласуваат атлетскиот карактер на автомобилот. Силно дефинираните задни раменици ги изразуваат динамичните способности на автомобилот, додека длабоките и долгите странични прозори ја комуницираат практичноста на V60 и му даваат многу светлина во кабината.

"Добро осмислениот дизајн на ентериерот кај V60 Ви помага да посегнете по активниот животен стил. Задните преклопливи седишта во сооднос 60/40 се прилагодуваат на различни потреби, при што секој дел се преклопува за да остави пректична и рамна товарна површина. Потпорите за глава автоматски се преклопуваат кога седиштата се спуштаат, додека потпорите за грб кои електрично се спуштаат се опција. 
Корисните функции во товарниот простор вклучуваат складишен простор под подот кој ги чува Вашите вредни предмети надвор од видното поле заклучени во багажниот простор, како и четири куки за ќеси и куки за фиксирање кои овозможуваат безбедно пренесување на разновиден товар. 
"

"Внатрешноста на V60 е дизајнирана за задоволство. Истакнатите точки вклучуваат елегантен централен екран осетлив на допир и посебни отвори за вентилација карактеризирани со вертикално поставена хромирана лајсна. Присутнен е и декор со дијамантска шара за командите за вентилација, копчето за стартување, ротирачкото копче за избор на режим за возење и командите на воланот. 
Материјалите користени во кабината на V60 го подобруваат чувството на модерен шведски луксуз. Inscription нивото на опрема вклучува Driftwood декор – уникатен третман на дрвото што го прави да е пријатно на изглед и допир, кој се однесува на шведското наследство на Volvo Cars."

V60 нуди избор на режими за возење, за доживување прилагодено на Вас. Користејќи го ротационото копче, кое е поставено меѓу предните седишта, лесно може да се префрлите помеѓу три основни подесувања на моторот, автоматскиот менувач, управувачот, сопирачките, системот за контрола на стабилност и старт/стоп функцијата. Дури можете и да креирате сопствена комбинација како индивидуален режим.

Bowers & Wilkins е премиум звучниот систем за V60. Во соработка со познатиот производител на звук, Bowers & Wilkins, системот испорачува 1100W за своите 15 звучници, вклучувајќи и уникатен сабвуфер со воздушен вентил кој обезбедува моќни бас-тонови. Секој звучник е позициониран за да ја оптимизира акустиката на автомобилот, а има и високотонец монтиран на таблата што го намалува акустичното одразување од ветробранското стакло. Трите различни режими - Студио, Индивидуална сцена и Гетеборгска концертна сала - Ви овозможуваат да го прилагодите звукот на музиката или Вашето расположение, додека визуелните детали, како што се панели за звучници од не'рѓосувачки челик, логоата на Bowers & Wilkins и заштитните знаци на звучниците на Bowers & Wilkins креираат ексклузивен впечаток низ целата кабина.

Можете да пристапите до целата Ваша музика во движење во V60, благодарение на интеграцијата на паметните телефони. Поддршката за Apple CarPlay Ви овозможува да го поврзете Вашиот iPhone. Android Auto е, исто така, поддржано. Тоа значи дека можете лесно да одберете музика преку екранот на допир на автомобилот или со функцијата за гласовна команда. Интегрираната апликација Spotify значи дека нема потреба да го поврзувате Вашиот телефон за да ги најдете Вашите омилени музички листи или изведувачи - едноставно користете ја апликацијата на централниот екран. И со пакетот Sensus Connect од Volvo Cars, централниот екран на допир станува Интернет-поврзан центар што Ви дава пристап до голем број дополнителни апликации, овозможувајќи да уживате во Интернет радио и аудио книги во V60.

City Safety е иновација на Volvo Cars која помага да се заштитат луѓето внатре и надвор од V60 со тоа што внимава на потенцијална опасност. Таа користи технологија со радар и камера за да ги идентификува потенцијалните опасности, како што се други возила, велосипедисти, пешаци и големи животни на патот, дење или ноќе. Aко открие неизбежен судир, City Safety може да ги примени сопирачките за да помогне да се избегне или ублажи судирот. Во V60, City Safety исто така, вклучува и управувачка поддршка, која му помага на возачот да се оддалечи од опасноста колку што е можно поефективно и безбедно.

360˚ камерата достапна за Volvo V60 овозможува едноставно паркирање со тоа што ќе Ви даде поглед од птичја перспектива над Вашиот автомобил и неговата непосредна околина. Тоа е особено корисно во случаи кога се работи за тесен простор, и може да Ви помогне да ги избегнете скапите поправки за гребнатините кои инаку често се случуваат при паркирање. Погледот на опкружувањето од четирите камери вградени во автомобилот се појавува на централниот екран контролиран на допир и е достапен на брзина до 10 km/h.

Подобрете го атлетскиот, моќен карактер на V60 со опционалните 20-инчни алуминиумски тркала. Дизајнот со 10-краци има карактеристична доработка со дијамантски обрез која обезбедува впечатлив контраст помеѓу мат црните внатрешни и светлите надворешни делови.