Кои сме ние
Започнавме да произведуваме автомобили во 1927 година затоа што сметавме дека никој друг не ги прави доволно цврсти или безбедни за шведските патишта. Дознајте повеќе за нашите модели и за големите постигнувања низ годините.
Легендарни автомобили
Откријте дел од нашите најлегендарни модели на Volvo. Од претставувањето на нашиот прв автомобил во 1927 година, до нашите најнови модели.
Историјата на нашата компанија
1927 година – Првиот автомобил излезе од нашата фабрика
Утрото, на 14 април 1927 година, првиот автомобил Volvo излезе низ фабричките порти во Гетеборг, на западниот брег на Шведска. Автомобилот официјално беше наречен ÖV4 и беше отворен турер со мотор со четири цилиндри. Првиот Volvo на светот беше подготвен за возење на пат.
1944 година – Пристигна „малиот Volvo“
На 1 септември 1944 година, автомобилот што ја направи Volvo меѓународна автомобилска компанија беше претставен во Стокхолм. „Малиот Volvo“, како што бил наречен, во Шведска се сметал за потенцијал за напредок по војната, па за две седмици, 2.300 луѓе го нарачале PV 444.
1953 година – Приказната на караванот започна со Duett
Volvo Duett беше рекламиран како „два автомобила во еден“ – и за работа, и за задоволство. Тоа беше првиот во долгата низа на каравани што го направија Volvo синоним за овој тип практични автомобили. Оттогаш се произведени повеќе од 6 милиони Volvo каравани.
1955 година – Започнува извозот во САД
Во август 1955 година, првиот PV 444 се истовари во пристаништето во Лонг Бич, Калифорнија. Многумина од присутните биле скептични, но две години подоцна, Volvo Cars станал втор најголем увозен бренд во Калифорнија и во 1974 година, САД станале наш најголем пазар во тоа време.
1959 година - Безбедносен појас со три точки
Инженерот на Volvo, Нилс Болин го воведе безбедносниот појас со три точки во сериското производство на PV 544, па решивме да се откажеме од нашите патентни права за сите да може да имаат придобивка од тоа. Се проценува дека до овој датум преку еден милион животи се спасени поради безбедносниот појас со три точки.
1976 година – Безбедносен репер во САД
Нашето меѓународно реноме за напредна безбедност се потврдило кога владата на САД купила 24 автомобили од моделот Volvo 240 за вршење опсежни тестирања за судири. Како резултат на тестирањата, Volvo во тоа време официјално бил избран како цел за поставување на безбедносните стандарди за сите нови автомобили.
1991 година – Автомобил со четири уникатни иновации
На Volvo 850 биле претставени четири светски иновации: трансверзален мотор со четири цилиндри, системот за заштита од странични удари, намотувачи за ремен што сами се приспособуваат за предното седиште и задна амортизација Delta-link. Тој исто така беше првиот од нашите поголеми модели со погон на предните тркала.
2002 година – Нашиот прв SUV
Кога Volvo XC90 бил претставен, тој за брзо време се претворил во успешна приказна низ целиот свет. Тој го редефинирал сегментот за големи SUV и станал најважниот извозен производ на Шведска за само неколку години.
2013 година – Првиот производствен погон во Кина
Првпат отворивме целосен производствен погон надвор од Европа. Тој беше отворен во градот Ченгду, каде што првично ги произведувавме Volvo S60L aи XC60.
2015 година – Втората генерација на XC90
Втората генерација на XC90 го означи почетокот на ново поглавје во нашата историја. Со сосема нов јазик во дизајнот, нови технологии и нова платформа за приспособлива архитектура на производот (SPA).
2017 година – Нашиот прв компактен SUV
Volvo XC40 беше првиот модел заснован врз нашата компактна модуларна архитектура за возила (CMA) што го постави нашиот нов стандард за дизајн, поврзливост и безбедност. Тој исто така беше првиот модел на автомобил до којшто можете да пристапите преку нашата фиксна месечна услуга со претплата Care by Volvo.
2018 година – Нашиот прв производствен погон во САД
Го претставивме нашиот прв производствен погон во САД во Чарлстон, Јужна Каролина, воспоставувајќи го Volvo Cars како вистински глобален производител на автомобили со фабрики во Европа, Азија и Северна Америка.
2019 година – Нашиот прв целосно електричен SUV
Volvo XC40 Recharge P8 беше нашиот прв целосно електричен SUV во историјата. Тој се засноваше на бестселерот XC40 и беше првиот модел на Volvo опремен со сосема нов систем за инфо-забава, овозможен преку Android.
Децении со иновации во полето на безбедноста
Уште од нашето основање во 1927 година, ние дизајниравме автомобили што ги ставаат луѓето на прво место. Откријте ги нашите најважни безбедносни иновации со текот на годините.
Наследство на одржливост
Долги години работевме да го намалиме нашето влијание врз животната средина. Откријте дел од дејствата што ги имаме преземено досега.